Ke Aloha Aina, Volume VIII, Number 20, 17 May 1902 — Page 5
| This text was transcribed by: | Sachi Nagai-kobori |
| This work is dedicated to: | Aunt Mimi and Flower Sisters |
KE ALOHA AINA
POAONO, MEI 17, 1902.
maoli no, i mea e a’o ai i na keiki ma na kula liilii o kakou, ina o kahi ike namu wale iho no ka i manaoia. O ke ala o Hawaii ma keia mua aku aia no ia ma ka lima o na opuu aloha e mohala nei, a ina kakou e keakea ana i ka loaa ana mai o na ike waiwai nui e ola ai ko lakou noho ana, alaila, o ka mae wale ana iho no ia o keia lahui aloha, a hoea mai kona la e nalo loa aku ai.
He nui na kula a’o i kela a me keia ano ike a ka opio e makemake ai—mai ke a’o kauka a ke kahuna pule, mai ke kamana a ka hana waiona. O keia mau kula a pau he a’o wale no. Hookahi no lilo o ka haumana, o kana mau buke me kona noho ana. Ua hoomaopopo au ina he akahai, ua lawa no oia i $500 i ka makahiki, ua like ia me $2,000 no na makahiki ona e noho ai i na kula nui. O keia mau dala, he koikoi maoli no, no ka makua ilihune, aka, ke ho@maopopoia kona hua, ua oi loa aku mamua o keia. Nui wale na makua i maunauna i na dala nunui no na ahaaina bebe i na la i hala aku, a ina i maiamaia a hiki i ka nui ana oia keiki, ua lawa ke dala nona e komo ai ma kekahi @ keia mau kula nui.
I ke@a mau la, ke hoiliili mai ne kekahi mau makua i na dala no ka hoonaauao ana i ka l@kou mau keiki ma na kula nui. He mea olioli keia ma ko’u naau. A ke manaolana nei au, e lehulehu aku ana na makua o keia ano ma keia mua koke iho, i ola ai kakou me ko kakou lahui aloha.
KE KULANA KALAIAINA.
Ua like no keia kulana ma na wahi a pau o Amerika, me ko kakou nei. Nui wale na aoao kalaiaina, a he elua wale no nae mau aoao poo. O ka lakou lawelawe ana, ua like no me kakou nei. A oiai hoi au e komo pu h@u aku ana ma keia mua koke iho ma keia hana, nolaila, aole au e pono e hoohuikau i ko’u manao kalaiaina ma keia moolelo.
Hookahi nae a’u wahi mea e hoike aku ma kahi e pili a@a i keia kumahana, oia ka mikini koho balota e hoohana ia nei ma kekahi wahi o Amerika.
Ma ka la 5 of Novemaba, ua malama ia ke koho makahiki o na luna aupuni a pau o ka Mokuaina o Nu Ioka. Ua malama ia keia hana ma na kulanakauhale a pau o ia mokuaina. Mamuli o ka oluolu o ko’u mau hoa Repubalika o Buffalo ua lawe ia au e hoomakaikai i ke ano o ka lawelawe a ko laila poe i keia hana. O Mr. Oehms o Lancaster ko’u kamaaina ma ia la. He Haole kuonoonoo loa keia, a he hoa oia no ka Papa Alderman o Erie County, Nu Ioka—ua like no keia kulana me ka lunakanawai. Na keia makamaka hanohano i hoolauna ia’u me Senatoa Davis o Nu Ioka, a me kekahi mau hoa e ae.
O keia mikini koho balota, ua like loa me kekahi pahu ameku, a ma ke alo oia pahu, ua hoomakaukau ia kekahi papa inoa o na moho holo balota a pau, me ko lakou kulana kalaiaina. O ke ano nae o ke koho ana, aole me ke kaha pea. Ma kahi o’na inoa a pau, ua hoopaa ia he mau hao pana liilii e like me ke ki a kui paha. Ina e makemake ka mea koho e koho i ka paa balota pololei, alaila, e pana oia i ke ki maluna o ka papa inoa o ia paa balota, ina oia i makemake e wae i kana mau mho, alaila, e kiko pakahi ana oia ma na ki ma kahi o ia mau inoa. O ka mea maikai loa ma keia mikini, oia no ka hiki ana ke hoomaopopo ia ka huina nui o na balota i koho ia, a me ka nui o na balota i koho ia no kela me keia paa balota ikoho pololei ia a i wae ia paha.
Na ka uwila keia mikini e hoo hana, a ua kamaaina hoi kakou i keia mau la i na hana hookalakupua a ka uwila, pela no me keia.
Ma kela ahiahi he hapalua hora mahope iho o ka paa ana o ka pahu balota, ua pau na balota a pau i ka helu ia a puni ka mokuaina o Nu Ioka.
Ia po iho, ia’u e huli hoi ana no ko makou wahi mai ka’u huakai makaikai i keia hana kalaiaina, ua halawai au me ka Meia hou o Buffalo me Erastus Knight, he Repubalika. Ua l@la lima a ua papa olelo oluolu me ia makamaka hanohano.
KA HOOKAE ILI.
He mea oiaio ka hookae o na haole a pau i ka ili, aka, aia no a hana ke kanaka i kekahi mea kupono ole i ke ano keonimana. O ka Nika me ka Pake ka lakou mea hoino loa.
He kumu maikai no ko lakou i hoino ai i ka Nika, a no na Pake hoi, no ko lakou oki ole i ko lakou lauoho.
I kinohi ua hoino pu ia makou, no ka manaoia he poe paele. I ko lakou wa i ike ai he poe Hawaii, ua nui ko lakou oluolu me ka launa maikai mae me makou, a ua hookipa aku ia makou ma ko lakou mau home.
O ka rula paa no nae e malama ai, e malama mau i ke kulana maemae o ke keonimana.
Aole i pau.
LILO KE OLA I KA BIPI BULU.
Ma ka auina la Poakahi nei na halawai iho ia me kekahi make mainoino o Robert Lishman he haole kamaaina no keia kulana kauhale ma o ka ohiu ia ana e kekahi bipi bulu a kiola ia aku la ma kekahi aoao o ka pa i kona wa e hoao ana e hi@i i @a bipi ala me kekahi uwepa.
O keia bipi ua hoopaa ia oia maloko o kekahi pa holoholona ma kahi no o Lishman, mamua iho oia manawa ua hoao aku keia bipi e ohiu ia George Lishman kekahi o na keiki a keia haole. Ua hele aku o Lishman makua me kekahi uwepa no ka hili ana i @a bipi ala, a i ka ike ana o ka bipi @a holo aku la oia a i ke komo ana aku o Lishman iloko o ka pa oia no ka wa i huli hou mai ai o ua bipi ala a alualu ia Lishman.
Ua huli ae o Lishman a hoao aku la e holo no waho ma ke komo ana mawaena o na kaola pa, aka, ia wa i loaa mai ai kona hope i k@ p@o o ka bipi a kiola ia aku la @a ma kekahi aoao o ka pa i kona wa i haule aku ai ma kela aoao o kona poo kai pa mua iluna o ka lepo.
Ua ike ia mai keia poino e ka poe o ka hale a holo mai la kona ohana e kokua iaia, ua hoouna koke ia aku he kahea i na Kauka Humphris a me May a i ko laua hoea ana mai ua make o Lishman. Ma ka hoike a na kauka na haki ka a i o Lishman i kona wa i haule ai. Ua hanauia oia ma Horsely, Northumberland Enelani i ka Ia 17 o Aperila 1831. I ka 1871 ua kau oha ia aku o@a e ka Moi Kamehameha V no ka holo ana mai i Hawaii nei e kukulu ai ia Aliiolani Hale.
Mahope iho na lilo oia i Luna Nui o na Hana Hou malalo o Kuhina Kalaiaina S. G. Waila. He kukulu hale kana oinana ike a nana i kukulu i ka Halepule Sana Anaru a me Lunalilo Home a me ke kia hoomanao o Kapena Kuke e ku nei ma Kealak@kua, Kona Hema, ua haalele iho o Lishman he wahine me eiwa ke iki e ola nei. Iloko aku nei o Aperila i piha ai na makahiki he 48 o ko laua mare ana me kana wahine. Ma ka Poalua nei i hoolewa ia aku ai oia.
O ka nui o na ma’i korela o Manila a hiki i ka la 9 o Mei he 867 ma’i a me 706 make, no na apana mawaho aku he 2452 ma’i a me 1485 make.
THE WHITE HOUSE
420—Alanui Papu—420
O ka loaa ana mai la no ia mai Nu Ioka pololei mai
300 Paa Lihilihi Paku Nottingham
Nui na ano like ole o keia au hou mai ke 75 kenata o ka paa a pii aku
2 ½ ia loihi nani loa waiwailo $1 00 o ka paa 75 keneta wale no
3 ia loihi nani loa waiwailo $1 25 o ka paa $1 00 wale no
3 ½ ia loihi, he nani ko lakou mau hiohiona $ 200, $2 50, $2 75, $3 00,
$3 50, $4 00 a pii aku.
Na Uhi Pakaukau nani o na waihooluu like $1 50 a me $2 50 pakahi
Na Papale Boneta Helela o na waihooluu a pau, 35 keneta pakahi
Na Palule Kane o ka wehe ana ae nei no ia waiwaiio 75c i keia wa 50c
Na Kakini Eleele a me Ulaula 12 1/3 pakahi @5c o ke kakini.
THE WHITE HOUSE.
420 Alanui Papu.
HE HOOMAIKAI.
Ke haawi aku nei au a me na keiki makua ole i ko makou hoomaikai i na makamaka a me na hoaloha a pau i hui pu mai me a’u a me ko’u ohana iloko o ke kaumaha no ka’u kane aloha a me na makana pua, lei, @ hoounaia mai e lakou, a me na hoahanau. Peresidena o ka ekalesia o kuu kane, a me ka poe i ukali pu aku ma kona huakai hoolewa no ka manawa hope loa. Ke pule nei ka oukou kauwa luuluu i ke Akua o na kaua e hooloihi i ko kakou ola. Amene.
MARIA P. KAUNAMANO.
Alanui Kuakini, Mei 15, 1902.
HE HOOMAIKAI I KA PAPA LOIO.
Ke haawi aku nei au a me na keiki makua ole i ko makou hoomaikai @ na hoa hanohano o ka Papa Loio o ke kulanakauhale o Honolulu nei, ma o ko lakou komite ala, Mr. J. M. Poepoe i ka hui pu ana mai me a’u a me ko’u ohana iloko o ke kaumaha no ka’u kane aloha a me ka ukali ana ma kona huakai hoolewa no ka manawa hope loa. Ke pule nei ka oukou kauwa haahaa i ke Akua o na kaua e hooloihi i ko kakou ola. Amene.
Owau no me ka haahaa,
MARIA P. KAUNAMANO.
Alanui Kuakini, Mei 15, 1902.
S. I. SHAW & CO
AGENA NO KA
LEMP
St. Louis
Oia ke Pookela o na Bia apau.
CULMBACHER
He Bia keia i mahalo nui ia e na ka uka a he laau hooikaika kino no na poe nawaliwali i ai ae kona maikai mamua o ka Malt Extracts. Ke hooiaio aku nei makou i na poe a pau he laau hoonoono ai maikai. E hoounaia aku no na kauoha ma na wahi a pau o ke kulanakauhale me ka uku ole.
TELEPONA MAIN 174.