Ke Aloha Aina, Volume VIII, Number 23, 7 June 1902 — Page 5

KE ALOHA AINA, POAONO, IUNE 7, 1902

 

mailio mai oe i ka mea i ka makou alo i hiki ia makou ke ae @ ke hoole pololei aku. Ua hoomaka ko ka Lunahooponopono a me ka Puuku noho kino ana e lawelawe i keia hana i na mahina hope o ka M.H.1896. Ke hoole loa nei laua, aole i ike ia Kalana i kana kokua ana mai ia wa mai a i ole he mea aie paha ka nupepa KE ALOHA AINA nei laia.

          E ole io paha hoi oe loaa, ko makou mau lako e hoohana nei. Hilahila ole ka hoi ke kei wahahee mai i ko hai luhi i luhi ai a olelo iho la e ole ia. No kau lawe ana mai e kamailio a helu pu mai la he mea aie ka KE ALOHA AINA i kau mau kokua e Joe Kalana, nolaila , ke manao nei makou e aho ho@ e hele like aku kakou malaila a e hookuku me oe ma ia mea (i hewa no hoi ia oe i ko paiolelo mai i kau mau kokua a eia mai hoi ka makou kokua i lohe oe he mea nae i kupono nau ia hana aole na ha@) Na KE ALOHA AINA ponoi nei ma o kona mau haku ala, i malama pauaho ole i ko makuahunowai wahine ma kekahi o na rumi moe maluna ae o ke Keena Pai o KE ALOHA AINA i lilo i ka hoolimalimaia e ia, no ka manawa loihi i aneane e piha hookahi makahiki.

          He makuahine aloha i hoomaewaewa ia a i hoolilo ia i mea kaewa hoopiliwale, i hoonele ia me ke aloha makamae o kana lei aloha he keiki mailoko aku ona. A owai kona puuhonua a me kona opu malumalu e hoomaha ai i ka luhi a me na na inea o keia ola ana o @ anei? Aole. Eia ke kauoha hemolele:  E hoomaikai oe i kou makuakane a me kou makuahine i loihi ai kou mau la maluna o ka aina a Iehova a kou Akua i haawi mai ai ia oe. Pehea la ua hooko ia anei ia kauoha hemolele a ka Haku e ka hua mailoko aku o ka puhaka o keia makuahine aloha i hoonele ia i ke aloha pilipaa o ka makua a me ke keiki, aole. Heaha ke kumu? Heaha; Na kela no a me keia e ninau no lakou iho i ke kumu o ka mokuahana ana mawaena o ke kaikamahine aloha a me kona makuahine aloha e noho nei a hiki i keia la.

          O ka KE ALOHA AINA kokua keia la i ka makuahunowai i hoauwana ia a i nana maka ia a hoohemahema wale ia e keia kanaka naauao ike kala@aina nui wale hoi keia mau la.

          Ke kamailio nei makou ma na mea i ane e hiki ke hoomaopopo iki ia e makou a me kahi poe e ae no e noho mai nei. Aole hoi i na mea pohihi hiki ole ke hoomaopo ia he wahi lihi oiaio iki iloko o laila. Aole o kau pane hookaeoeo, pane makemake hoowahakole a hoo@akaka oia ka mea a paa ai KE ALOHA AINA ia oe; aole, mai manao kuhihewa oe pela.

          He nani no ia nau no e hapai mau mai nei i kau mau pane kikoola ia makou, mai manao oe ia oe e kumumu ai ka peni a KE ALOHA AINA. He ole ia.

          Ua ike no makou i ke kumu o ko Joe Kalana maka welawela loa ana ia makou, mamuli no ia o kona kipaku ia ana mai ka Home Kahakai mai o ka Puuku ma Daimana Hila no kona hana ana i kahi hana hooulu haunaele mawaho o laila, ma ka makahiki i hala i kona wa no e kalaiwa kaapio ana.

 

HE HOOKUKU KUIKUI PUUPUU

 

          E malama ia ana maloko o ka Hale Mele Hou he hookuku hakaka kuikui puupuu mawaena o Lon Agnew a me Jack Weady ma ka po o ka la 11 o Iune. He mau haole laua a elua i kaulana ma keia hana, a he nui no hoi na poe kaulana o Amerika i ke kuikui i hoohaahaa ia e laua. O ko laua halawai mua ana kela, a me ka nana aku i ko laua mau kulana he pohihihi no ke koho ana aku i ka moho nana ka lanakila. Ma ka hoike a na hoaloha o Weady aohe o lakou kanalua no kona ahai ae i ka lanakila, a pela no hoi me na hoaloha o Agnew e kaena mai nei aohe o lakou hopohopo no Weady. O Lon Agnew oia ke kumu kuikui puupuu e a'o nei i na makai o ka halewai.

 

HE HOOMAIKAI

 

          Ke haawi nei o Mr. a me Mrs. S Kanewanui i ko laua hoomaikai i na makamaka a me na hoaloha i huipu mai iloko o ko laua kaumaha no ka laua keiki aloha i haalele mai, na poe i makana mai i na pua hoowehiwehi, a i ukali pu aku ma kaua huakai hope.

 

          O ko makou makamaka W. J. Kuelo, ka mahele olelo Hawaii me ke kau kiure o Wailuku, Maui i wehe ia ae la i keia pule.

          He umi ka nui o na lealea heihei lio e malama la ana ma ka la 11 o Iune ae nei, a he ehiku aku a ka la 14 aku, mawaho o Kapiolani Paka.

          He lolo paele nona ka inoa o Robikana kai loaa ka laikini loio ma ka Poalua nei no ka lawelawe ana imua o na aha hookolokolo a pau o keia teritori.

 

UA NALOWALE.

 

          I kekahi wahi o ke Alanui Kuakini a me ke Alanui Nuuanu he kuka koa Inverness, i uhi ia me ka pale @ka a me na pihi kalaunu Hawaii. Iloko o kekahi eke he papale haulaula me kekahi hainaka @ kikokiko keokeo. E oluolu ka mea i loaa ai keia kuka koa e hoihoi mai i keia keena.

 

MAI KEKAHI ALOHA AINA DEMOKALAKA OIAIO MAI O NA WAIEHA.

 

KE ALOHA AINA, Honolulu;

 

Aloha oe:

          Ua leta mua aku au i kou "Haku" ma kekahi mau pule i hala, e hoakaka ana iaia. I ko'u manao hoolalelale no ka pono o ka aoao Aloha Aina Demokalaka ina he mea hiki e weheia i halawai nui ma Honolulu, eia hoi, ua hala kela i Hilo. Mamuli o ko'u loaa ana i ka ma'i ke kumu o ko'u hiki ole ana aku, akahi no a loaa ae la ka oluolu i keia mau la.

          Ua leta mai o ****** ia'u aole au e holo aku i Honolulu e haioleleo ai o huhu ka ka Home Rula a pau i ka Repubalika. He mea kupaianaha keia, me wai auanei ia me ka poe no paha ia e makemake ana e holo a komo iloko o ka imu ahi enaena a na enemi Repubalika o kakou, ka poe no nana kakou i kumakaia mai kinohi mai a hiki no i keia wa, a oia maoli iho la no ke kumu o kakou na Hawaii e poino ma'u wale mau ai o ka hoopepe a puni wale aku la no i na pelo kaamali a kahi poe naauao i ake e loaa ka lakou mao oihana, e hoao nei e alakai hewa i na poe hapa mai o kahi ike; a mamuli oia puni ana aku o kakou, o lakou la no nae ke pomaikai ana a loaa na oihana, me na uku kiekie e ola ai ko lakou la mau ohana, a pela mau iho la no oe e kolo ai ilalo e ke kanaka ilihune nana i hapai aku la lakou iluna, a aia mau     no oe ke noho hoomanawanui mau ala i ka nele i kahi hana e pono ai kou ohana.

          He mea oiaio, eia mamua o kakou ka "momona a me ka waiwai," aka, aole nae na kakou e ai nei ia momona a me ia waiwai aia no ia lakou nei. O ko'u e iini nei mali'a o loaa ia'u ka wa pono me na kuia ole nana e alalai i kou alahele mahope aku o ka wa e pau ai o ke jure o Iune nei, alaila, e hiki aku ana au no Honolulu, a hoike akea aku imua o ko'u ma'u hoa oiwi ponoi o ke koko hookahi'i ke alahele e lanakila ai ka lahui Hawaii. Ke popo pulu wale nei no ia mea e lakou nei ma kuono. No na Waieha nei, he manaolana ko'u aohe Home Rula, ina he Home Rula aia paha i kuono kahi i pee ai ohia la ia poe. Ke hoi nei @ hapa@@i a ma ke kahua mua a lakou i ku ai i na makahiki 8 a 9 i hala ae nei "Aloha Aina" a Demokalaka iho.

          He leta ka Wilikoki ia'u e i mai ana e paa au i ka lokahi o na kanaka, aole *ae i kuhikuhi mai i ka aoao au e paa ai, na ike no ia he "Aloha Aina Demokalaka au," a owau no ka mea nana i kue ikaika iaia a me ka Home Rula, a e mau aku ana no ko'u kue iaia ame ua aoao hoomeamea ala ona. Pehea la ke Keikialii e holo hou ana paha aole paha, ina oia e holo hou ana aole o'u kanalua, "lanakila no;" a ina hoi aole, ua loaa no ia'u kekahi kanaka aloha aina kupono a'u i         ike ai he naanao a ike kalaiaina, me ka ike kanawai pu e hele ole ai i o e noho kii ai a kaukai na ko hai ike e a'o mai. Me keia mau manao, e ahonui mai oe e KE ALOHA AINA e haawi pu aku i ko'u aloha i o'u mau hoa makaainana mai o a o o ka aina. Anoai o halawai pu no au me lakou ma keia mua aku.

          I aloha ko kakou,

                   THOMAS CLARK

                   (Kamaki Kalaka)

Wailuku, Iune 2, 1902

          E Kalaka e, pela iki iho kakou a hoi mai ka Elele a ike pono ia aku kana mau hoakaka no ka mea pili i kana huakai. Na makou i kapae ae la ka inoa ponoi o ka mea nana aku ka leta ia Kalaka.   L.H.

 

KA AAHU O KARISTO.

 

O ka aahu hemolele e malama ia nei ma Treves, Geremania, ua olelo ia ae o ke kapa komo no ia o Karisto i puu nane ia ai e na koa Roma i kona wa i kau ia ai maluna o ka laau kea. He laahu leihi keia o elima kapuai he olowi oluna o na poohiwi, aka, he laula na o lalo o na kuli. He nui na hana mana i hoike ia i hanaia e keia aah*.

          O kona moolelo no 700 makahiki i hala ae nei he moakaka loa, aka, mai ke keneturia umikumamalua aku a hiki i ke au o Karisto he pohihihi loa. O a hoike a ka halepule Katolika e malama nei i keia aahu e pili ana nona, ua hoonua ia aku ia e ka Emepera Wahine Helena me kekahi mau mea kahiko e ae. Ua olelo ia ae ua loaa aku keia aahu iaia i kona wa e huli ana i ke kea oiaio.

          Ma kekahi moolelo okoa aku hoi e olelo ana ua huna ia keia aahu mai ua kanaka Roma mai i ke keneturia eiwa malalo o ke keena lua o ka luakini. Ua waiho malalo olaila me ka poina ia a hiki i ka 1186, ua loaa hou aku ia oia a lawe ia mai la a waiho ia maloko o ke kuahu kiekie.

 

          Ma ka mokuahi Alameda o Dole i huli hoi wai la.