Ke Aloha Aina, Volume VIII, Number 23, 7 June 1902 — Page 8

KE ALOHA AINA,  POAONO,  IUNE 7, 1902.

====================================

MOOLELO HOONI PUUWAI

-:NO KE:-

KAKELA LANAFODA

-:KA:-

Ipuka o ke Kuewa me ka Aea.

-:KA:-

Pua Lilia Ahiu o Sanadela.

-----

     Aole wale hoi oia aka o na makua hookama kekahi o ka Pua Lilia ahi, a o laua kekahi e hauoli pu nei maluna o keia papaaina ahiahi a na ko lakau mau leo mahalo o ka akena ame ka hoomaikai i haawi ak i ka palena ole o ka olioli e haaheo ai ka Pua Lilia no ka inoa o kana kane aloba a boa alo i na leo hailuku o ka hoino ia me ka hoomanawanui a o ka hope o ua hoomanawanui ala eia ia ke haaheo a ke hookano nei o ka poe i hailuku aku i na hoino ua pelu iho ia maluna o ko lakou maukuli o noi aku me ka leo hoahewa o ka mihi e loaa na huikala ia ana mai.

     Aole o ka inoa o ka hale o Lanafoda wale no ke kaulana ana me ka inoa o kana keiki, a nele hoi o Monisiua Kaluda, ke kumu ao kaka p;ahi o Haku Opio.  Aole o ua Monisiua Darani wale ala no a koe ke Aupuni o Pelakane a me kona Moi, a aole hoi a laua wale a koe ka io o na io, ka iwi ke koko a me ka puuwai o keia mea i aloha ia he wahine.  O ke kaulana ame ka haaeo i loaa ia lakou ua lahui like ia no ia me ka Pua Llia Ahiu o Sanadela.  O ka inoa Haku no Lanafoda aia no ia a o ia maluna o ka Pua Lilia Ahiu, a ma kela a keia mea i kuleana ia e kana kane o ua Pua Lilia Ahiu nei no kekai i loaa ike ia kuleana a aole loa he mea nana e holoi a e hookaawale o ka make wale no.

   Nolaila e like me ka paa ana o ke la berita mawaena o ke kane a me ka wahine pela no ka Haku a hooilina o Lanafoda i lawe mai ai i kana pahikaua kuau gula makana a hiipoi me he la o ka elua paha ia o kona puuwai, a he kakaikahi loa ka manawa o ua kuewa nei e ike ia ana i hoohiki ai, na ia mea wale no i haawi mau i ka makaala iloko ona e ku makaukau mau aku oia me he koa kiai la, a e lilo ole oia i kipi a i kumakaia e kue ana i ka aoao ana ilawe ai i ka hoohiki i hoopaa imua ona lani a me na anela o ka pouli.

     Ma keia po no oi i lilo a i lawe ae ai o Monisiua Kalauda  i ke kulana aole i kumu ao kaka pahio wale na ka Haku Opio o Lanafoda, aka, i ukali piloikino no ua Haku  Opio ala iloko o ka wa ino a ne ka wa nalie ka wa aleale kupikipikio o keia ole ana.   A he mea oiaio a hiki aku i ka hopena o ko ua Kalauda nei ola ana, aole loa ia i hahaki i koana hoohiki i hoopaa ai, aole hoi i kaikai ae i kona mau kuekue a keehi maluna o kona Haku Opio.

     Nolaila, a hala ae la na la o ka hoohala ana o ka Haku Opio me kona mau makua, ua hoike aku oia no kona makaukau e haalele iho ia laua a huli hoi aku no ke kahua o kana hana e kali mai la o kona hoi aku.  Alaila, iloko o na puili ana a ke aloha a me na kanaenae ana o ka hoomaikai i ala a i kalokalo ia ae ma na lehelehe o na haku aoo, aia na makua me na keikik ua kaawale hou ae la no ka manawa i maopopo ole ko lakou hora e hui hou ai.

     He ani ana o na aloha lima lehelehe o ke saluta, aia ka Haku Opio a me kana lede i ukali ia e Monasiua Kalauda ua hala aku la ma ko lakou alahele huli hoi i ka ulumahiehie o Kadana mao, a ua apo a hookipa ia aku lakou e na leo ohaoha o ke aloalii, ma ke ano o ko lakou alii kiekie a kenela nui keia ma ka oihana.

MOKUNA XIX.

Ke Ao Eleele Hakumakuma o na Hana Ohumu Kipi - Ka Elele ma ka Lua Kupapau.

     O ka lawe a komo hou ana aku o ka Haku Kuewa o Lanafoda iloko o na hooko a me na lawelawe ana o na oihana o kona keena e ike ia no oia o ke Alakai o Kenela o ka Puali Alii malalo o ka inoa ke Kuewa o Lanafoda, a iwaena o na anaina ike alii, e ike ia no oia me kana lede ma ka inoa ka Haku Alii Kiekie o Lanafoda, a ma ka oniu a kakele ana i kana mau medala kila e o auanei kela inoa poina ole o ke kaulana a puni na paeaina o Pelekane a hala aku i kekahi mau aupuni o Europa ka Naita o ke Kea Hemolele.

     O keia inoa hope ua hoala mai ia i na noonoo a me na ninau o ka hoohuoi iloko o na kanaka koa oia mau aupuni, a ninau ioa lakou iho ina paha eia no kekahi mamo a na hanuna i hele ai li ke kaua Kerusade ma ka Aina Hemolele, ke ola nei i loaa ai i keia naita kela inoa aka, oia mau noonoo a me ia mau ninau ana o ka hoohuoi, nawai e hoike aku ia lakou?

     Aole loa, a e like me ke pohihihi ana o ia mau aupuni keikikane o Europa, pela no hoi ke kau ana a na noonoo e hoopoluluhi ana i ko na mokupuni o Beritania.  Aole ka lehulehu a me ka mahuahua o na kanaka i maopopo a i ike i keia Naita o ke Kea Hemolele mawaho ae o ko Pelekane aloalii a me ka io a koko ponoi o ua Naita ala, aka nae, o ke kaulana o kona inoa ua hiki aku ia imua o ko lakou pahu ohe.

===============

IA JOS. KALANA

-----

     I ke Komite Hooko Home Rula ma KE ALOHA AINA.  Ua maopopo loa ia'u ka ma KE ALOHA AINA o Mei 24, 1902 nona ke poo  Ia Jos. Kalana.

Minamina nui auj ia oe ina o oe kakahi Komite Hooko no ka Aoao Kalaiaina Kuokoa Home Rula Repubalika, mamuli o kou hoao ana e pane ano ole ia Kalana, wai a Joe Kalana.

     Eia ka pane pololei ia o e Joe Kalana. Owau no ia o D. Mahuka, he Home Rula oiaio ma ka hana a ma kuu puuwai.  E hoo manawanui ana i na inea o keia mau makahiki eiwa a oi.  He aloha aina oiaio i ka la i hookahua ia ai ke aloha aina ia Maui.  E hoomanawa ana i ke aloha no kuu alii, a me kuu kuokoa, kuu hae a me kuu aina, e kulu ana hoi na waimaka i kai wa oia mau la.  O Maui kai ike ia mea ninau ae ilaila i na paha na oi ae kau hana aloha aina mamua o ka mea e pane nei, hai aku au ia oe hooho mai o Maui, aole.

     Me ia au i lei ai i ke aloha aina a hiki i ka la i hoolilo ia ae ai makou i Kuokoa Home Rula alua iho la o'u aahu, a penei ka heluhelu ana o kuu mau pua lei a'u e lei nei, Aloha Aina Kuokoa Home Rula iluna o ka mokupuni o Maui mamua o ka la hoho a i ka la koho, oia mau no e D. Mahuka he Kuokoa Home Rula naua ole e paio ana me na kanaka neauao loa o ka apana o Wailuku o ka aoao au e hea mai noi e Repubalika kakou a me na Demokalaka Aloha Aina o na Waieha.  E hnai aku au ia oe e Kalana aole keia wa a i hoopuka i na mea pilikino, ua kipehi ia mai au aole keia i pakui aku, a e hai ak au ia oe ua lanakila o D. Hamuka me ka nahenahe o na olelo mai keia lehelehe aku.  Hapai mai ko Maui ia'u i elele i ka Aha Elele Nui o ka Paeaina u Ianuari 9, 1901, he Kuokoa Home Rula oiaio Pau ka aha elele noho iho la i Honolulu kau eku la na maka i ka ahaolelo o ka hoi wahi puolo paakai o kuaaina.  Ua poho wale ia manao.

     I ka malama o Faberuari noho ka ahaolelo noho aku au imua o ka ahaolelo e kakau ana i na hana o ka ahaolelo he kanaono la no kuu lei a'u e lei nei Kuokoa Home Rula   E like nome kela olelo kaulana - ma o ka uwahi he makole ko onei - pela iho la no o D Mahuka, a i makemake oe i ka oiaio e ninau i ka Puuko Kailimai a i ole i ka Peresidena o keia pepe ina paha he haawina kahi o Mahuka no ia hana, na'u no e hoike hou aku ia oe he ole.  Ua eha no o Mahuka ua wa waihia ae la kuu puuwai e keia mau mea.  Nele la hoi ma kahi mau mea ma kahi ano e ae hoi he ole no.  E hai aku au ia oe oia mau eha a pau aole ia he mea e hemo ai kela lei mai keia puuwai ae.  Aole, aole, oiai au'e noho na i ke alo he wahine he mau kieki.  Oia mau a hoi mai no kuu Elele a pakui i ka inoa Repubalika.  E heluhelu ia ka inoa wahi a ke Elele, "Home Rula Repubalika owau ponoi n kai kakoo aku i keia Kuokoa Home Rula Repubalika a ua apono ka aha elele, a e nai aku au ia oe i keia wa, a ia w@ aku e like ka nui a me ka loihi o ka manawa liek me kouj makemake nuku.

     Aka malia paha o olelo mai oe i ko'u helu i ka hoike ae i kuu aoao, manao aj ja oi ak ia ik mea e ike ia mai ai ko'u ano a me ko ano hololua.  Ia muhee, ke olelo nei oe, oiai nae wau e hoike nei no ka pono o na moho o ko aoao ke aa maik nei nae oe e paio me oe iho.  Wahi no au nou ia ;pono a'u i hoike aku ai no ke Komite Hooko Home Rula aole no'u.  E ole io no nae oe, manao anei oe a liillii ke poo ame ka lolo o ka Hoe Rula aole o ko Kalana.  Ke olelo mai nei oe ia'u    O ka e hoomaopopo iho eia o Kalana ke hana nei i ka mea kue ia'i iho a ke haalele nei i ka berena i komo i kona wah@,  @e koka ana ia oe ma ke pale

ana mai na hookauhihi ana mai a ke Aloha Aina i ka hana ole o ka Home Rula.  Minamina au i kou nele i ka berena maopopo loa ia mea i ka Home Rula e hiki mai ana ia la maluna ou a me ia la ae pela aku.  Manao mai la oe o ke eke palena e nee mai nei imua o na Home Rula o oe pu no kahi.  Olelo Home Rula ia oe hoi a mahope no'u iho ina olelo nai o deboro ia'u me keia hiki oe i ka lani hiki io no ke hooko.  Aka no'u iho aole au e ae like ia me kau e ao ka hookamani, huli iho oe iloko o ke Komite Hooko o ka aiai au e ku nei a paio no ka hanohano o kona inoa a e loaa noia oe, aole he Home Rula e like me ka mea e pane nei ia oe hai ak au ia oe ina o kuu ola ana o keia mau makahiki wiea i hala nou, like no me oe i keia la, he aloha aina i kahi la, he repubalika hao aina i kahi la, Home Rula auanei paha la i kahi la, a pela iho la auanei paha e holomua holo hope ai.  Kilauea ke ano, aole au i hoahewa no kokua ia'u no kuu mau moho.  Aka, makemake au e paio ia oe no kou kahea e Repubalika, a he nui aku kau hoakaka no ia mea i pane oleia.  Aole o na olelo lolo paakai a kamalii o Kamanuwai.  Pololei KE ALOHA AINA ke kanaka hoolilo oia i ka wahine i hoa paio nona a owau kahi pela:  No kau noi i ko'u inoa eia iho.

DANIEL AUWAE MAHUKA.

Kakauolelo o ka Nupepa Home Rula,

Komite Hooko o ka Home Rula Repubalika.

Honolulu, Iune 5, 1902.

===============

OLELO HOOLAHA.

-----

     Ke kawoha ia aku nei na lala a pau i loaa ko lakou mau ilina ku papau ma ka Pa Ilina Kupapau o Puu o Kamalii, Honolulu, Oahu.  E akoakoa ae oukou a pau ma ua pa ilina kupapau ala, ma ka hora 10 a.m. o ka Poalua, Iuna 10, 1902.  No ka hoolohe ana i ka hoike a ke KOmite i kohoia ai a ka halawai o ka la 20 o Mei, 1902.

     E hoike aku ana ke konire i ka nea pololei ne ka oiaio.  Aole me ka manao e boopilikia ana i ko oukou pono e ka lehulehu.  "O ka pono ke hanaia a haule mai ke aloha o na Lani."

     E hoomai ao pu ae kela a me keia he 50 kenata pakahi.

Ka oukou kauwa haahaa,

WM. K. KALEIHUIA,

               Lunahoomalu.

Honolulu  Iune 5, 1902.