Ke Aloha Aina, Volume VIII, Number 24, 14 June 1902 — Page 7

KE ALOHA AINA

 

MOOLELO HOONI PUUWAI

 

--:NO KE:--

 

KAKELA LANAFODA

 

--: KA :--

 

Ipuka o ke Kuewa me ke Aea.

 

--: KA :--

 

Pua Lilia Ahui o Sanadela.

 

MOKUNA XIX.

 

            Ke Ao Eleele Hakumakuma o na Hana Ohumu Kipi—Ka Elele ma ka Lua Kupapau.

 

            
         Ekolu makahiki mahope iho i kela kaua hope i hoauhee ia ai na kipi e ka aoao aupuni, aia hoi, o na kanaka i hoohanohano a i hookiekie ia ai e ka moi, Kamaki Winiwoka a me Ruka.  Ua kapae ae la i kela hanohano a huli aku la mahope o ka poe kipi.  O Sir Wini woka, ka Ela o Kapoka iloko o kona hanohano nui a me ka punahele i ka Moi Kale, i keia mau makahiki he ekolu aia oia i keia la he kipi a he kumakaua, ua huli aku la, a hui pu me ka poe kipi a haawi i kana hoohiki e hapai kue ana oia i kana pahikaua i kona moi no ka poino ka pomaikai a me ka laula hookaiki ole ia o ka aeao hope ana i kakoo ae la.

 

            O ka Aki-bihopa o Ruka o Kanenaberi, kela Akibihopa noi i loaa ai iaia kulana ihiihi a me ka hemolele mamuli o ka lokomaikai o ka moi Kale, aia hoi i keia la oia kekahi o na kanaka kipi kiekie loa o ke kumakaia, ma kona hoao ana e hookaawale ia ke poo o kona moi maluna o ka paepae oki, a i huli aku hoi a huipu me na kipi no ka hookoia o na kumuhana ekaeka loa a ua aoao nei i hooholo ai, a emoole aia o Ladage ua puni me ka lohe no na hana a keia mau kanaka kipi.

 

            I ka wa i loaa aku ai keia mau lono imua o ka moi e pili ana no ua mau kanaka ala ana i hoohanohano aku ai me kona lokomaikai, oia ka ua moi nei i hoike aku ai imua o kona aha kuka me keia mau olelo o ka mihi.  Ua hookau aku au i ka hanohano maluna o kela mau kanaka oiai laua he mau koa haahaa wale no i ike ia ma ka wiwo ole maluna o ke kahua kaua.  Ua loaa ia Kamaki Winiwoka, ka inoa Eia o Kapoka, a ia Ruka Laikana ke kulana Agibihopa no Kanaberi ma ka lokokaikai o Kale a me ke koko o na kanaka Pelekane aloha aina oiaio i hookahe ia, aka, i keia la, ua hoowahawaha mai laua i ka lokomaikai a’u i haawi aku ai, a e like me ko laua hoowahawaha a kue ana mai ia’u, pela no auanei o Kale e hoopoina ai no laua iloko o ka hoowahawaha mau.

 

            Alaila, me keia mau olelo a ka moi, ua lawe kela aha kuka a noonoo awiwi, a hooholo pupuahulu e hopu ia laua a hoopaa ia ma ke towera Ladana, a kali no ko laua hoopai e ahewa ia ana e ka mana o ka olelo hooholo a keia aha kuka e haawi ai, a ua koho pu ia o ka Haku Welemoneka Lanafoda, ka elele alii kiekie nana e hooko i ka mana o keia olelo hooholo ahewa hopu i ke kino o ka Ela o Kapoka a me ka Akibihopa o Kanaberi.

 

            O ka haawi a hookau ia ana aku o keia hana maluna o ka hokua o ka Haku Opio o Lanafods, he hoike maopopo ia o ka hilinai a me ka paulele o keia aha kuka maluna o keia kanaka opio aloha aina oiaio, a o ia ka ua Haku Opio nei i hoike aku ai i kona mau manao wiwo ole o ka hooko kauoha me keia mau olelo.  Mamuli o ka haawi ia ana mai ia’u e hooko i ka hanohano o ka hopu ana i ke kino o kela mau kanaka kipi e ae mai la’u e hoike aku me kau hooia e lawe mai ana au ia laua he mau paahao na ke aupuni iloko o kanakolu kumama ono hora, a he mea oiaio, iloko o na hora he kanakolu kumamaono, aia io ka Ela o Kopka a me ka Akibihopa o Kaneberi he mau paahao i hoopaa ia maloko o ke towera no ka hewa kipi i ka moi.

 

            Mamua o ka hookoia ana o ka hopu ana i ke kino o ua mau kanaka aia, aia ka Ela o Kapoka e noho ana ma kona home a e hoohala ana me kekahi o kona mau hoaloha i kipa ike aku laia ma ua po nei, a iloko o ka laua puiwa noi ua hoea aku ka elele a ke alii a heluhelu i kana palapala lehelehe me ke kuka la ana aku—Kamaki Winiwoka Ela o Kapoka he paahao oe na’u ma ka inoa o ka moi.

 

            Aole he olelo pale o ke kue i lawelawe ia mai e ua Ela ala, oiai kela kalapala hopu pupuahulu i heluheluia aku ai me ke kau pu ia ana aku o ka pahikaua imua o ka pahikaua i kona alo, a ua maopopo no hoi i ua Ela ala o keia elele ahi hooko i ka mana hopu i kona kino, aole ia he mea okoa, aka, o ke alekai a kenela opio no ia o na pualikoa aupuni.  Me na helehelena haikea a mea o ke kaumaha, ua haawi pio mai la oia iaia iho no ka lawe ia ana aku a hoopaa ma ke towera a ka elele i huli ae ai maluna o kona kokoolua a haawi i ke kauoha no ka hoopaa ana i na lima o ka laua pahao a lawe aku no ka kaa e kali ana mawaho o ke alanui.

 

            Alaila, mai ka hale aku ua holo pololei ke kaa no kahi o Ruka, ka Akibihopa o Kanaberi, a ua hoea aku ke kaa no ka home o ua Akibihopa ala i ka waenakonu o ka po.  Aka, aohe nae he waiwai i loaa, no ka mea, ua loaa mua aku ka lohe iaia a ua mahuka aku oia mai ka hopu ia ana ma ka home o kekahi o kona mau hoaloha o na ia loaa.  Nolaila, ua huli aku ke kaa o ka elele a hoi me ka nele me ka laua paahao hookahi wale no i paa, a waiho na na paia pohaku o ke towera e ma lama iaia a hiki i ka manawa e hoo loheia ai o kona hihia.

 

            No ka Haku Opio o Lanafoda aole oia i haule hope no ka hooko ana i ka hanohano o kana hana mahope iho o kona haawi ana i ka hoolualu no kona kino, a e like me kana i hoike mua aku ai imua o na hoa o ka aha kuka e lawe mai ana oia i kana mau paahao iloko o 36 hora, a ua hooko io ia no pela.  Ua loaa aku kela Akibihopa mahuka maloko o ka luakini o Sana Maria, a ua hopu ia oia a lawe pupuahulu ia aku me na kue ana mai no ka mana ole o kona hopuia ana maloko o ka hale o ke Akua, aka, oia mau kue ana, aole loa ia i hooloheia aku a iloko o na hora pokole aia oia he paahao maloko o ke towera, a o ka hoike no ko laua hoopaaia ana ua waiho ia aku imua o ka aha juka me na hooia mai ke kiai mai o ke tower.

 

NO KA HULI ANA I KA MOKU POINO.

 

            Eia he mau hui ke hoala ia mai nei no ka holo ana aku e huli i ka moku hao poino Fannie Kerr.  Ua hoomaopopoia he nui ka waiwai e loa ana i ka hui e loaa ai oia a kolo mai i keia awa.  Aole wale o ka nanahu ka waiwai o ka moku e manao nui ia nei aka, o kona iwikaele hao kekahi.  O ka hui mokuahi o Waila ma a me Poka ma kekahi iloko o na kuka ana no ka hoouna ana aku i kekahi mokuahi e holo aku e huli iaia.

 

HOOKOIA KA WANANA A IA ILIKINI.

 

            Fort de France, Mei 14.  Ua hoomaopopoia he elua tausani Ilikini Carib i make ma kela Inai pele o Mei 7, a o ka pau loa ana hoi ia o na kamaaina no lakou maoli keia mokupuni i ka wa i loaa mua ai keia aina ia Columbus he eha keneturia i hala ae nei.  He manawa mamua aku nei ua kalahea ae la kekahi Ilikini hapauea e hoea mai ana he la e iho mai ai ke akua ahi a hooneoneo aku ia lahui.  O ke akua ahi a keia lahui e hoomana ana oia no ka pele.  He mea oiaio, na hoea mai la ka pele a luku iho la ia lakou a pau.  He mau ohana kak@ikahi wale no i koe ma na mokupuni o Sana Lucia a me Dominica.

 

            Ua haawi ia ae he ahamele ma ka halekula e Kamehameha ma ka po Poaono nei, a o na pomaikai i loaa mai ua haawi ia aku kekahi hapa no ka waihona o David Kanewanui.

 

HOOLAHA MORAKI HOOKO

 

HOOLAHA KUAI A ME HOOPAA A KA MEA MORAKI.

 

            Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hana ia e Mary A. Aki a me Samuel K. Aki, kana kane, no Honolulu laua, Mokupuni o Oahu, Teritori o Hawaii ia S. C. Allen, e lawelawe hana nei ma Honolulu i oleloia, malalo o ka inoa hui o Allen & robinson, ma ka la 16 o Mei, 1896, a i hoopa a ia ma ke Keena Kope, ma Honolulu i oleloia, buke 160, ma na aoao 380, 381 a me 382, a i hoolilo ia aku i ka Portuguese Mutual Benefit Society of Hawaii he hui i hoalaia a e ku nei malalo o na Kana wai o ke Teritori o Hawaii, ma kekahi palapala hoolilo i hanaia ma ka la 1 o Dekemaba, 1900, a ua hoopaaia ma ke Keena Kope Aupuni, Buke 214, aoao 396 me 397.  Ke hoolahaia aku nei ma keia ua manao ka mea paa moraki e paa i ua moraki la i oleloia no ka hahaki ia o ka aelike, oia, ka uku ole ia o ke kumupaa a me ka ukupanee i ka wa uku.

 

            Ke hoolahaia aku nei mahope o ka haia ana o na pule ekolu mai keia la i hoolahaia ai o keia waiwai e hooliloia aku no ia ma ke kuai kudala ana ma ke Keena Kudala o JAMES F. MORGAN, ma Honolulu i oleloia ma ka Poaono, Iune 14 1902, hora 12 o ke awakea o ka la i oleloia.

 

            No na mea i koe e ninau ia J. M. VIVAS Loio o ka mea paa aie o ka mea paa moraki.  Honolulu.

 

             The Portuguese Mutual Benefit Socity of Hawaii,

 

            Paa Aie o ka Mea Paa Moraki.

 

            O ka waiwai i hoakakaia ma na moraki ala.

 

            O keia mau aina a pau e waiho ana ma ke alanui Kamehameha IV @ noho ia nei e Mary A. Aki a me Samuel K. Aki i oleloia i hoakakaia penei:

 

            E hoomaka ana ma ka aoao Komohana o Alanui Kamehameha IV 450 kapuai Akau mai ka hookuina o ke alanoi Moi ame alanui Kamehameha IV (aoao akau) alaila, holo: 

 

Akau 34@ 30’ Hikina ma Alanui Kamehameha IV 126 kapuai, alaila

 

Akaju 50@ 30’ Komohana 200 kapuai ma ke alanui e pili ana, alaila

 

Hema 36@ 20’.  Hinina 202 kapuai no ke alanui.  Kamehameha IV, no kahi i hoomaka ai nona ka

 

ili aina ma kahi o 56-100 (Kanalima-kumamaono-Hapahaneri) o ka ek@ oi a emi mai.

 

            May 24, 30, June 6, 13, 14.

 

CAMARA & CO.,

Kihi o Alanui Alakea me Moiwahine.

 

MEA KUAI

 

Waina, Bia me na Waiona

Na Kauoha a pau e Hooko ia no.

 

NA BIA BUDWEISER, RAINIER ME PRIMO.

 

PAHU LETA 664.—TEL. BLUE 492

 

            Eia maanei o W. Rice, kekahi o na Hawaii i noho loihi me Frank Brown.

 

Wm. RINGER

 

            Eia au imua o oukou e o’u mau hoa lahui Hawaii, ua wehe ae aei au he halekuai kika, kikiliki, pakanau o na ano a pau, kini mea ai o na ano like ole, wai momona, naka Hawaii o Kailua Kona paka ona, a pela me @ Opalu maloo.  Ua hiki ia’u mau hoa hanau o na mokupuni.  E loaa no au ma alanui Muliwai, kokoke i alanui Kukui.  P. O. Box 482