Ke Aloha Aina, Volume VIII, Number 25, 21 June 1902 — Page 3

KE ALOHA AINA

 

KE ALOHA AINA, POANO, IUNE 21, 1902.

 

LA EHA O IULAI

 

Eia na komite iloko o ko lakou lima na hoomakaukau ana i na lealea o ka la 4 o I@lai e hookokoke mai nei, ke li@liu mai nei i ka lakou apana hana me ka hoomaha ole. Ma na hana paikau o ke kakahiaka e hoao ia ana hui hana like ole e komo iloko o keia paika@ nui. E komo ana na pualikoa, na bana aupuni, Kamehameha a me Sana Lui, iloko o keia kai huakai ana.

 

E akoakoa ana na poe e komo ana iloko o keia kai huakai ma ke kuea o ka pa alii, a malaila e nee aku ai ka huakai no na alanui  Kalepa, Nuuanu, Moi, Papu, Waina, Ema, Alakea a hoea hou i ke kuea alii, kahi e hookuuia ai keia huakai. O na makana e haawi ia ana no keia kai huakai penei no ia:

 

Na kaa o na Poe Hana—ma kana mua $100, elua $75, ekolu $50, eha $25.

 

Na Kaa Lawe Ukana—makana mua $50, elua $30, ekolu $15.

 

Na Kaa Baikikala nani o ka hoohiwahiwa—makana mua $15, elua $10, ekolu $5.

 

Kii Nani—makana mua $50, elua $20.

 

Hale Oihana o ka hoohiwahiwa ana ma kahi o ka huakai e nee ai $50.

 

Hale Noho nani o ka hoohiwahiwa ma kahi a ka huakai e nee ai $25.

 

E haawi ia ana he $100 i ka oihana kinaiahi no ka hoonani ana i kona mau kaa.

 

He $50 i ke keena alanui no ia hana like no.

 

O na lealea oia kakahiaka, he heihei waapa mawaena o ka Matala a me ka Healani ma Polea no ka inoa hanohano o keia makahiki.

 

Ma ia po he aha hulahula nui ma ke kapitala, a eia ka lanai nui oia lealea ke kukulu ia mai nei. He mau hoolele ahi kao kekahi e malama ia ana ma ia po.

 

HE PEPEHIKANAKA WELIWELI.

 

Ladana, Iune 8. O ke kino make o kekahi wahine opio i okioki ia iloko o na apana he lehulehu wale kai loaa aku ma kekahi alanui ololi ma ka apana o Lambeth. Ma ka hoom@opopo ana iho, me he la, ua baila ia kona kino.


 O kona ili poo ua kulepe ia a o kona mau manamana lima a me na manamana wawae ua nalowale. Aole hiki ke hoomaopopo ia iho kona he@ehelena ua hele a palahe liilii. Ua manao ia na kela kupue@ lima koko Jack the Ripper no keia mau hana. Eia ka oiha@a makai ke huli nei i ka meheu o ka limakoko.

 

 

HAUOLI NA BERITANIA ME NA BOA.

 

O ka hoopau ia ana ae la o ke kana mawaena o ke aupuni Beritania a me na Boa mahope iho o ke kakauinoa ia ana o ke kuikahi aole ia i @oea mai iloki o ka uluaoa a me ka @akaka, aka, o ka hanoli o na mea a pau oia kai ike ia aku. Ua haalele iho na Beritania i ka lakou man mea kana a pela noi me na Boa i ka lakou mau pu a halawai ae la lana no ka manawa mua loa he mau hoaloha oiaio iloko o na lima e puili ana a e mele ana i kekahi mau himeni hoalohaloha. Maloko o ke kuikahi e hoihoi aku ana o Beritania Nui i na waiwai o na Boa i lilo pio iaia, a no ka panai ana mai o na Boa i na manao maikai e ike aku lakou i ka Moi Edewada VII, he moi e noho hoomalu ana maluna o lakou, a e lilo hoi na aupuni Repubalika o Transvaal a me Mokusina Kuokoa o Alani i mau panalaan nona.

 

E hoi aku ana na Boa a pau no ko lakou mau home malalo o ke kokua ana a ke aupuni o Beritania, a iloko o kei mau hana maikai ma ka aoao lanakila, ua hoopili paa aku ia i ka puuwai o o na Boa me na Beritania. Aole lakou i hilahila no ko lakou haule pio ana malalo o kekahi aupuni mana nui, no ka mea, nahana no lakou me ka manao io na ka hanohano o ko lakon aupunr, a i ko lakon ike ana he hana waiwai ole no lakou ka hoonahoa ana aku i kekahi aupuni keikikane, ua lawe ae ia lakou i keia hana naauao o ka haawi pio ana aku malalo o kekahi aelike kuikahi. Akahi a hoea mai la ka hopena o ka noho hauoli hou ana manaena o ka makua a me ke keiki, ke kane a me ka wahine, no ka mea, ua kaawale aku la na ao hakumakuma o ka ino, a ua nohoalii hou mai la ka maluhia maluna o ka honua. Ma na wahi a pau o ka honua nei e noho ia ana e na kupa Beritania, ua lilo keia lanakila hiwahiwa i loaa i ko lakou aupuni i mea hauoli nui ia. Ua malama ae ko Honolulu nei mau kupa Beritania he auaina hauoli ma kela po Poaono aku nei.

 

Ua hoea maalahi aku aku ia i Samoa ma ka la 9 iho nei ka Bihopa Wilisi me kana wahine. a ma ka la 16 i manao ia ai e haalele iho ai laua ia Samoa no Tonga ka pahu hopu o ka laua huakai.

 

Ma ka noho ana o ka kalawai a ka P@pa Ola ma ka Poakolu nei i heluhelu ia mai ai he palapala hoopii na kekahi mau ma’i e hoopau ia o Lunakanawai Nakanaela mai kona kulana lon@kanawai e paa nei, ua kekahi mau hana koe kanawai ana i lawelawe ai. Ua hoole ia keia palapala hoopii.

 

 

THE WHITE HOUSE

420 – ALANUI PAPU – 420

HE KU AI HOEMI NUI

Palule Kane 750 i keia wa 250

Palule Kane 100 “  “  “  350

Palule Keiki he emi loa

Papale Keiki he emi

Papale Kane he emi

Lole Pili Ili Wahine he emi

Palekoki paa mua he emi

 

THE WHITE HOUSE.

420 Alanui Papu

 

 

HOOHANOHANO IA O HAKU KITCHENER

 

Ladana, Iune 4. Ua papahi ia aku la ka inoa kauna maluna o Haku Kitchener e ka Moi Edewada a me £50,000 ma ke ano he makana no kana hana kaulana i lawelawe ai no ka hanohano o kona moi a me kona aupuni.

 

Ladana, Iune 5. @ kulike ai me ka palapala, a ka Moi Edewada i hoo@@a aku ai i ka Hale o na Makaainana ma ka la inehinei, ua ku ae la o A. J. Balfour ke alakai o ka aoao aupuni i keia anina la, a noi aku la e hookaawale ia kekahi huina dala o £50,000 no Haku Kitchener.

 

No ke kakoo ana aku i kana noi, na hoike ae o Balfour i ke kulana pii hikiwawe i loaa ia kanaka, a he kakaikahi loa hoi na kanaka i hookauwaia aku me na hana nui no ka hanohano o ke aupuni e like ala me Haku Kitchener, ke alihikaua nui ma Afrika Hema, ke alakai kiekie hoi ma Inia.

 

He nui na popilikia a me na hemahema o ka oihana kaua i loaa aku iaia, a no 4000 mile ana i kukulu ai i na hale kiai. Mamuli o kona piha eleu, makau ole a me ka naauao i lawe koke mai i ka hopena o keia kaua. Ua kue aku kekahi mau hoa Irisi o ka aoao lahui, aka, ua lilo nae ka lakou mau olelo kue i mea hoolohe ole ia, ma ke koho ana a na hoa o ka Hale o na Makaainana ua aponoia iho la keia haawina dala he 380 ma ke kakoo i ka mauao o ka moi, a he 44 ma ka aoao koe.

 

Nui na lio heihei i lawe ia aku la no Hilo ma ke Kinau o ka Poalua nei.

 

Ua manao ia ma na la hope o ka mahina o Iolai ae nei e hoouna ia aku ai ka mokuahi Kinau no Kapalakiko no ka hoomaemae hou ana i kona mau ipuhao. O ka mok@@hi Kala@di@a ke pani aku ana ma kona mau awa i kona wa e @aawale aku ai.

 

 

LUKU IA NA KOA MEKIKO.

 

Tuscon, Arizona, Iune 3. He puali o 100 Mekiko kai lele kau@ malu ia ma ka auina La Pule nei ma kahi kokoke i Aguacito, he wahi taona uuku ma ka mauna o Mazatan e na Ilikini Yaquis. He 50 koa Mekiko make i haalelei ia aku la maluna o ke kahua a he umikumamalima wale no i hoea maalahi aku i Hermosillo, o ke koena ua haule ma ua kapa alanui mai na palapu kuhohonu i loaa ia lakon a i ole i make no i na Ilikini.

 

Mai na hoike i loaa mai na haalele aku keia puali i ka puali holookoa o Kenerala Torres, a nee aku la imua malalo o Kapena Celso Gomez, a ia lakou e hele ana ma kekahi kahawai oia no ka wa i lele kaua mai ai he 300 Ilikini. Ua oki pu ia ae la ke alahele e hiki hou aku ai i kahi o ka puali holookoa e hoolulu ana, a o ka hana pono wale no i keia la oia no ka hakaka ana no ke ola a me ka make. I ka pau ana o na poka a na koa Mekiko na malama ia na hakaka lima ana. O ka nui o na Ilikini i make ma kahi no ia he 75. Aia na koa ke hoouna awiwi ia la no kahi o ka hakaka i malama ia ai ma ka La Pule nei. O ka nui o na Ilikini ua hiki aku i ka 1,500, a na lako me na mea kaua.

 

I keia La Pule e huli hoi mai ai ka bana aupuni mai Kauai mai.

 

 

CAMARA & CO.,

Kihi o Alanui Alakea me Moiwahine.

 

MEA KUAI

Waina, Bia me na Waiona

Na Ka@oha a pau e Hooko ia no.

 

NA BIA BUDWEISER, RAINIER ME PRIMO

@AHU LETA 661.—TEL. BLUE 492

 

Eia maanei o W. Rice. kekahi o na Hawaii i noho loihi me Frank Brown.