Ke Aloha Aina, Volume VIII, Number 25, 21 June 1902 — Page 6

This text was transcribed by:	Kate Motoyama
This work is dedicated to:	in memory of jonathan rose, rhs '73

KE ALOHA AINA

6 KE ALOHA AINA, POAONO, IUNE 21, 1902.

HUI HIMENI HAWAII MA WASINETONA.

Ma na hoike i loaa mai nei mai Wasinetona mai, ua hoea aku la ke hui himeni Hawaii malalo o ke alekai ana a Joseph Puni i Wasinetona, a ua halawa me ka Moiwahine a me Elele Wilikoki.

Ma ka la 5 o keia mahina na haawi ae la ua hui himeni Hawaii ae la ua hui himeni Hawaii nei he ahamele hoolaulea no na hoa o ka Ahaolelo a me na poe kakau nupepa. Ua nui ko lakou ohohia ia e na poe akahi no a lohe i ka le@e mele o na keiki Hawaii. @ e ewalu ka nui o keia mau keiki himeni i kahiko ia iloko o na aahu keokeo me na kaei ulaula ma ko lakou mau puhaka.

Mahope o ka hoomaha ana o na himeni ua haawi ia ae la he mau heikeike o na hula Hawaii. Ua ku mai o Mr. Kai ma ka aoao o na poe Hawaii a hoakaka aku la imua o ka lehulehu ma ka olelo Enelani i kekahi mau mea e pili ana i kona lahui a me ko lakou hui himeni. Ua hoole loa aku oia aole hona mau kupuna ke poe ai kanaka, he mau lawena ol@ wale no ia malia paha no ko @imaka i ka i'a.

@e hiki ia oukou ke hoo@ po i ko makou kumu i ma@ ke ai e aimaka i ka i'a, wahi ana. E like hoi me ka moapopo ole ia makou pehea la oukou aimaka ai i ka olepa. Aole hiki ia makou ke hana ia mea. E hele anakeia mau keiki no Na Enelani a i kipa ae lakou i Wasinetona e ike ia Kalani Aimoku.

NUI NA PAKE PILI WAIWAI

I HOPU IA.

He 96 poe Pake pili waiwai i hopu ia ma ke kakahiaka Poakolu nei, ma ka hale maluna o ka hale pohaku Mendonca, e ku nei ma ke kihi o alanui Hotele a ma Manuakea. He mau pule ae nei ka lawelawe ia ana o keia hana pili waiwai nui iloko ponoi o ke kulanakauhale akahi iho la no a hope ia. He nui na hoao ia ana e hopu i keia poe pili waiwai, aka, mamuli o ka nui o na kiu o keia pea pili waiwai na hiki ole ia Hope Ilamuku Chillingworth ke hope i keia poe haihai kanawai. Ua maopoo i ka oihana makai keia mau hana kolohe e lawelawe ia nei, nolaila, ia Hopa Ilamuku Chillingworth e hoonanea ana i ka halawai na hoouna malu aku la oia ia David Kaapa me kekahi mau makai i kahi o keia pili waiwai e hooko ia ana. Ua pii aku o Kaaapa me kahi mau makou ma ua puka auiani mamua, a o kahi mau makai hoi mahope mai, a wawahi e hooko ia ana. Ua pii aku o Kaapa me kahi mau makai ma ua puka aniani mamua, a o kahi mau makai hoi mahope mai, a wawahi aku la i na puka i hoopaa ia me ua kua hao. I ka ike ana o na poe maloko he mea makehewa ko lakou pee ana malaila, ua wehe ae la lakou i na puka a komo aku la na makai iloko. Ua loaa aku na lako pili waiwai, aka, aole nae lakou e pili ana. Ua lawe ia aku keia kaoo nui o na Pake pili waiwai, a ua hookuu ia mai lakou malalo o $15 bona pakahi. He mea oiaio ua hoowaiwai ia ka waihona iloko o na hora pokole, maluna aku o $1200 mai na Pake i kii aku i ko lakou mau hoaloha e bona.

E HOLO ANA NA KAA

UWILA NO PAWAA.

E hoomaka ana ma ke kakahiaka La Pule e hooholo ia aku ana na kaa uwila ma ke alanui Moi e hana ia nei ke alanui Alapai a hiki i Pawaa, i keia Poaono e hoaoia ai na alanui ala Nolaila, ma keia mua aku o na kaa mai Kalihi mai e holo pololei ana lakou no waho o Pawaa, a o na poe e holo ana no uka o Manoa e hookau ia ana lakou he kaa okoa mai ke alanui Alapai aku. I hakalia wale no ke kapalulu o ke kaa uwila i kai o Waikiki i ka nui o na kue e hana ia nei e ka Hui Kaa Hapaumi a me ka loaa ole hoi he wahi no ke alahao kaa uwila e moe aku ai, oiai, ke ala nui Waikiki he haiki loa ma kahi wahi e pilikia ai na haa maoli. He 15 mile i koe a keia kaa e hoomoe ai koe a keia kaa e hoomoe ai kona alahao, a ke paa keia mau mile e puni holookoa ana ke kulanakauhale i na kea uwila. He ola nae ia no ka poe ilihune a he pilikia nae no na kaa hoolimalima.

Aole ka bana aupuni e holo aku ana i na lealea heihei lio o Hilo.

E haawi ia ana e Mr. Prime he mau haiolelo no ka pomaikai o kona mau hoaloha o ka Poai o ke Aloha a me ka lehulehu e hiki ae ana ma Ariona Hale i keia po Poalua a me po Poaha, e pili ana i ke ano oia mea he theosophy.

Hoolaha a ka Lunahoopo-

nopono Waiwai.

Owau o ka mea nona ka inoa malalo iho nei, ua koho pono ia i Lunahooponopono no ka Waiwai o David Koki o Waimea, Mokupuni o Hawaii, Teritori o Hawaii, i make, ke hoolaha aku nei ma keia o na poe a pau he mau koi aie ka lakou i ka Waiwai i olelo ia e waiho mai me na hooiaio kupono in a ua loaa aku ma ka moraki a i ole ma kekahi ano e ue, i ka mea nona ka inoa malalo iho nei ma Waimea i oleloia maloko o eono mahina mai keia la aku a i ole e kue loa ia aku no ka wa mau loa. A o na poe a pau he aie ko lakou i ka Waiwai i olelo ia ke kauoha ia aku nei ma keia e uku koke mai lakou i ka mea nona ka inoa malalo iho nei ma Waimea i olelo ia.

Hanaia ma Honolulu, Oahu, Teritori o Hawaii, Mei 27, 1902

THERESA AIU KOKI.

Mei 27, Iune 3, 10, 17, 24, Iulai 1

KA PALULE

WAHINE GEISHA

Ka Moiwahine o na Palule o

Kikina e Nee Nei

O ke kuni ia ana o ka PALULE GEISHA he holomoku mai ma o ka nani o kona ano i hiki ole ke hoopaapaaia, a he hana pu kaika loa no makou ka hoolawa ana aku i na kauoha a pau, noi la ua hoouna aku la makou he kauoha nui hewahewa a pau, noi la ua hoouna aku ia makou he kauoha nui hewahewa i Amerika a ua loaa mai la maluna o na mokuahi Alameda a me Hyados. O ka PALULE GEISHA ua hana ia iloko o na iloko o na paikini hou loa.

O na PALULE GEISHA ua hana ia lakou mai na lole like ole mai, oganadi, mulla, lawug, kinamu madras, silika pake me na silika o na ano e ae, i hanaia me ka nani loa. O ka nunui mai ke 32 a ke 44--O na lede e makemake ana i ka helu 44 e loaa no.

E a makou ke kuai nei i ka PALULE GEISHA ma ke kumukuai haahaa o hookahi me ka hapaha a ka elima dala. E kipa mai a e wae nou iho.

He Kuai Kuikawa

ko keia pule

Whitney & Marsh Limited,

Alanui Papu.

MOOLELO HOONI PUUWAI

--:NO:--

Kuu ALoha i na Pua, Kuu

Ipo o na Launahele!

Ka Makaikai Kupaianaha!

Nolaila, me na lima menemene ole o ka pepehi kanaka a me ka puuwai kakauha o ka mea pakaha aia ke ki e hoopaa ana i ka laka ua komo aku ia a me hookahi wili ana ua lele hope aku la ke pani a waiho hamama ae la ka pahu, a o ka mea i halawai mai me ka ike a na maka o ua poe powa ala oia no na kaula i hoopaa a i hauhoa ia ai o ka lakou pio, a o ua pio aia aole ia maloko o ka pahu.

Hole Mose, wahi a na loio nei me ka aa o na maka. Owai ke kipi a me ke kumakaia lae paa nana i hoopakele ka lakou paahao? Ua pakele oia, a o kona hoopakele owai ia ia? Alaila, ua puoho ae na huaolelo hoino a me ka hailiili mai na lehelehe ae o keia a me keia, e kela a me keia ahewa ana i na uhane lapu a me na aumakua o ka pouli.

Heaha la keia kanaka he kino ola anei oia a i ole he kino lapu e aea hele ana maluna o ka honua? O, he kiu oia, o, he makaikaiu oia. E make oia e pono ai?

O keia na olelo i hoopuka ia ae e loio Hon. Williama Wabila, e hookau ia ai ka lia anu maeele o ka makau iloko o kela a me keia a koe no ua loio nei me ka Haku o ka Make, a ua lilo hoi kela pakele ana o ua paahao a makaikiu nei a lakou i haupu wale ae ai no i mea e hoopahaohao loa ia ai o ko lakou noonoo ka hiki ana iaia, paahao, ke hoopakele mia iho mailoko mai o kela paa a lakou i hooiaio ai aole loa he akua ma ka honua a hiki ke hoopakele mai ka paa aku a lakou i hana ai.

Alaila, e like me keel haawina o ke pahaohao o ka halawai pu ana me maikaiu Heneri Beleinehama ma kona manawa i pakele ai, pela no hoi keia kupaianaha o na kupaianaha o na kupaianahe e hoopahaohao nei i na powa, a o ka olelo hooholo lokahi a lakou i haawi ae ai e hoopakele lakou i ko lakou mau ola ino ia minute me ka hoohakalia ole, oiai, wahi a lakou me ka leo lokahi, ua ikea ka lakou mau hana, a eia ka ka oihana makai mahope o ko lakou meheu a ke haule lakou he mau pio iloko o na maiuu lima o keia oihana i kau ia ka weli e lakou ua poe haihai kanawai, alaila, he mea maopoo me ka hoohewahewa a hoopaapaa ole ia e loaa ana i keia a me keia ka uku e like me kana i hana ai. Nolaila, o ke auhee ana iloko o ka mahuka oiai ka wa pono me lakou, oia ke alahele o ka naau ao a me ke akamai e loaa ai i kela a me keia ka pakele nona iho. Aka heaha kela mau pahupahu ana ma ka hale maluna?

E LELE BALUNA HOU ANA.

Ina aole he mau ulia o ka manawa e ikeia ana, e haawi hou ana o Porofesea Leonard ka haole lele baluna, nona ka baluna i pau ai i ke uhi, ma kela mau la aku nei, he hoikeike lele baluna ma ke kahua waiho wale makai mai o ka Hotele Hawaii. Eia o Leonard ke hana hou nei i baluna nona no ka haawi ana aku i kana hoikeike i ka poe i hookuihe ia ma o ka ike ole ana iaia e lele ana i ka lewa.