Ke Aloha Aina, Volume VIII, Number 30, 26 July 1902 — Page 5

KE ALOHA AINA

 

POAONO, IULAI 26, 1902.

 

 

ka bila kulanakauhale a me okana i keia kau Ahaolelo e Liki mai ana, a ina e aole he aoao kalaiaina e kakoo mai ana ia makou no keia pono nui o ka lahui e aho e hoi hou aku makou iloko o ka aoao Home Rula.

 

            O Sam K. Kaloa ka haiolelo i hoolauna ia mai mahope o Emaluka, he welawela kaua mau olelo i pahu mai ai no Kalauokalani a me Wilikoki, a ua nakulukulu ae na papahele o ka halekeaka i na kapuai wawae o na poe makaikai no ka hauoli i kana mau hai olelo.

 

            Mohope mai ona o Moses Kaaikaula, ke koa wiwo ole nana i lawe mai i ka olelo hooholo hilinai ole ia Senatoa Kalauokalani.  Ua hoike mai oia he kakoo ikaika oia no ka aoao Home Rula i na la i hala aku la, me ka iini nui iloko o kona puuwai e loaa ka pono kaulike i ka lehulehu, ua hooikaika au ma na ano a pau e loaa ka lanakila i ka aoao Home Rula, a ua hooko ia a ua lilo ka elua kapakolu o ka Hale olalo a he hapanui o ka Hale o na Senatoa, aka, heaha ka mea i ike ia aohe pomaikai i loaa i ka lahui, a no ko’u ike aole he mea a Kalanokalani i hana ai no ka pono o ka lahui pela au i lawe mai ai i kela olelo hooholo hilinai ole.  O ka makou e @ini nei e hanaia e loaa ka pono kaulike i ka lehulehu.  Aole a’u mau kamailio pili kalaiaina i keia po.

 

            I ka pau ana o kana ua ku mai o Senatoa Kanuha, ua ku mai oia imua o ka lehulehu a hoaiai mai la i na hana a pau i lawelawe ia @ lakou maloko o ka Ahaolelo i pau aku @a, penei:

 

            E o’u mau hoa makaainana mamua o ko makou koho ia ana e oukou ua hoohiki aku makou e hele aku ana makou e hoopau i ka Papa Ola, e hoopa@ i na luna aupuni a Dole, a e hoonoho aku i mau kanaka hou malaila, mamua o ko makou koho ia ana na wae ia ae la o Kalauokalani i Kenerala no ke alakai ana aku imua o keia kahua kaua, e like me na aupuni naauao e wae ana lakou i kenerala makaukau no ke alakai ana aku i na pualikoa. Ua koho oukou ia makou me ka lokahi a ua loaa i ka aoao Home Rula he elua hapakolu i ka Hale olalo a he hapanui i ke Senate, a he uuku loa na Repubalika, a heaha ka mea i ike ia no ko makou alakai, ua like oia me kekahi ilio liilii e paani ia ana e Kikila Baraunu o ka aoao Repubalika a me kona mau hoa Repubalika kakaikahi, a nolaila, ua loaa ole ka mea a ka lahui i i@i.  O kekahi o na kanaka nana i alakai hewa loa ia Senatoa Kalauokalani oia no o Senatoa Bila Waita, ka mea i olelo mai, heaha ka’u e nana aku ai, no ka mea, aole au na oukou i koho.  Iloko oia mau la ua nui na wawa kipe i kamailio ia, a ua huli ia aole i loaa, aka, o ke kumu nui i nalo ai keia mau mea a pau.  Ma ke kanawai o ka mea kipe aku a me ka mea lawe kipe ua like ka hoopai a ke kanawai e hookau aku ana maluna o laua.  Nolaila, ma keia aole ka mea kipe aku e aa e hoike ae i keia mea, no ka mea, he poino no ia nona, a pela me ka mea lawe kipe, a oia iho la ke kumu o ka nalo loa ana, aka, ua honi ia no ka hohono uwahi, a ma kahi o ka uwahi e ike ia ai ala no he ahi malalo.  I ko Bila Waita hoea ana mai ianei mahope o kona koho ia ana he kanaka oia i nele me ke dala, a ma ke kokua ana a kekahi poe ua noho oia ma Waikiki.  O ko makou uku no na kau elua a makou i noho @i he $600, aka, mamua ae nae o ka pau ana o ka Ahaolelo ua lawe ae la o Bila Waita he mau mahele iloko o kekahi hui hana paipu i hiki aku maluna o ka $1000 ka waiwaiio, a i ka pau ana o ka Ahaolelo ua ku ae la kona hale inu rama ma Lahai@a.  O kekahi keia o na kanaka a’u i kue loa ai, aka, he puuahele nae ia Kalauokalani, i ka wa i hoea mai a@ ka panina o na hane o ka Ahaolelo a lawe ia mai ka noonoo ana o na Senatoa o eha makahiki, ua hoike aku au ia Kalauokalani e kapae loa ia ka inoa o Bila Waita mai na Senatoa aku o eha makahiki, ua ae mai oia, aka, i ka hiki ana mai i ka wa hope loa ua huli ae la no o Senatoa Kalauokalani a kakoo no ia Bila Waita, i nalo ai ka lakou mau mea huna e hana ana.  O Senatoa Kaiue kekahi i komo pu iloko o keia hana, ka Peresidena o ke Senate, he ekolu manawa a’u i noi @aia e ae mai ia’u e kamailio, aka, ua hoole loa mai oia, nolaila, ua ku ae la au a haalele iho la i ko’u noho.  No ka pokole o ka manawa na hiki ole ia’u ke hoike aku i na kee a pau o Kalauokalani.  Ke hoike ike nei o Kalauokalani he aloha oia i ka lahui, aka, heaha na mea e hiki ai ke hooiaio ia, aole.  Ke hoomano nei au i kela pauahi nui o ka 1900 i ka wa a ke ahi i holapu ae ai i kekahi hapa o ke kulanakauhale nei, a o kona mau kanaka ua hoakoakoaia ae a lawe ia aku la ma na alanui me he mau kauwa kuapaa ala, a ma ko lakou mau aoao e ukali na kiai me na laau.  Heaha ka mea i ike ia, na manawalea mai ke Keikialii Kelanianaole i kona hale no keia poe pilikia me ka hanai ana ia lakou, a me ka hoaahu ana ia lakou, a o keia ke aloha lahui oiaio a’u e ike nei.  Ua ike makou e poino ana ka lahui i na alakai ana a Kalauokalani, a pela makou i hookaawale mai ai, nolaila, ina ua hewa makou @a oukou e ahewa mai, a ina hoi ua pono na oukou e hoapono mai.

 

            O ka haiolelo hope oia po oia no ke Keikialii J. Kalanianaole.  Oiai, ua hoohui ia kakou me Amerika H@ip@ia, he elua no aoao kalaiaina i ike nui ia ma ka aina makua, oia no ka Repubalika a me ke Demokalaka, a i ko’u hoi ana mai ua ike iho la au he aoao Home Rula kekahi e ku ana, a i ko’u ike ana aia ma ia aoao ka hapanui o na oiwi o ka aina ua komo aku la au me ka manaoio e haawi @i ka’u mau kakoo ana no ka pono kaulike o ka lehulehu a e loaa i ka lahui he aupuni maikai.  Ua haawi au i ko’u ikaika no ka holam@a o keia aoao kalaiaina, aka, o ka mea nae i loaa mai ia’u he kue ia mai no ka makemake o Kalauokalani a me Wilikoki e alakai hewa no laua i ka lahui i keia kau koho balota.  Ke ake nei o Wilikoki e puka hou oia i loaa hou iaia kela puu dala nui o ka uku elele, a o Kalauokalani hoi i holo ka bila kaa hapaumi. Ua ike laua aole au e kakoo aku ana ia laua pela laua i kue mai ai ia’u.  I ko’u komo ana aku iloko o ka aoao Home Rula, ua palapala aku la o Kalauokalani i ka Moiwahine ma Wasinetona e hoike aku ana no ko’u kou komo pu ana aku me lakou, a he manaoio kona e wae ae ia’u i moho Senatoa a i ole i Lunamakaainana, a @a hauoli ka Moiwahine i keia manao, aka, heaha ka mea i ike ia i keia la na kue mai no oia ia’u.  Ua kauoha mai o Kalauokalani e hele au e kukulu i na ahahui, aka, ia’u i hele aku ai ua kakau ae oia he leta mahope o k@u kua e kahea aku ana i na kanaka aole e hoo lohe mai ia’u.  O ka loaa o ka pono kaulike ka iini nui iloko o kuu puuwai.

 

            I ka pau ana o kaua haiolelo ua hookuu ia ka halawai iloko o ke ohohia nui.

 

            He lealea heihei @io ko keia la mawaho o Kapiolani Paka.

 

            E hoopuka hou ana o Mrs. Owana Wilikoki i kana nupepa i kapa ia Home Rula Republika pela ka loheia mai. 

 

HALE INU RAMA BOSETONA.

 

Alanui Hotele ma Ewa o Alanui Nuuanu.

 

Eia me makou na Wai hoomalule kino e ko’u ai ka puu

 

Wisike, Gini, Bia, a pela aku.

 

Nona ka inoa i hooheno ia Elua kaua i ke Ala Mokihana.  E ike ia kaua hoa kanaka he Hawaii au, Hawaii oe hipuu paa i ke Aloha a mai poina i kou io ponoi me ke Aloha. 

 

Eia ma keia hale ko oukou makamaka Hawaii R.W. Davies, a na iini e halawai me oukou.

            PAPAI OPIO.

 

 

OLELO HOOHOLO

 

            Olelo Hooholo, a e hooholoia.  O makou o na kupa makaainana e noho ana iloko o ka Apana Koho Balota o Hilo Taona nei.  A oiai, ma ka hoike a ka Elele D K. Ewaliko e olelo ana ke kakoo nei ka Elele Wilikoki i ka Kalauokalani mau hana kolohe, nolaila:

 

            E hooholoia, ke noi aku nei makou i kou oluolu e ka mea kiekie ke Keikialii J. Kalanianaole no kou ae mai e holo mo ho elele no ka Ahaolelo Nui o Amerika e himi mai ana.

 

            E hooholo hou ia, e hoouna ia aku kekahi kopa o keia olelo hooholo i ka mea kiekie ke Keikialii J. Kalanianaole, a o kekahi kope i ke Keena o KE ALOHA AINA.

 

            Ma kou komite,

 

                        J.P. Hale, (Lunahoomalu)

                        D.M. Kualii,

                        Wm. B. Nailima,

                        J.M. Kepoo,

                        D. K. Ewaliko.

 

 

HE AIHUE MAKAU OLE.

 

            He nui @a aihue makau ole a lawelaweia nei maloko o ke kapitala nei iloko o keia mau la a na kiu o ke aupuni e huli hoomaha ole nei no ka hopu a hoopio ana aku i keia mau anoano ino e kupu nui mai nei i keia mau la.  O kekahi o na aihue makau ole ua hana ia ma ka hora 9 o ke kakahiaka Poakahi nei ma ka home o William Lowry e ku nei ma ke alanui Young kokoke i ke alanui P@koi.

 

            Ua komo aku ka aih@e ma ka puka mamua o ke alo o ka hale no ka rumi komo kapa o Mrs. Lowry a mai ka pahu ume mai e ahu ana o na mea makamae o keia wahine ua lilo mai la he uwati gula, kaula uwati gula, mau pine, mau komo daimana a me kekahi mau waiwai makamae e ae i hoakoakoa ia a pau iloko o kekahi ipu poki.

 

            Maloko o ka rumi kuke o Mrs. Lowry i ka wa i lawelawe ia ai o keia hana aihue, a i kona komo ana mai iloko o kona rumi komo kapa, aia hoi, e ahu ana ka meheu o ke kolohe.  Ua waiho ia aku keia hana iloko o ka lima o makaikiu Kaapa.