Ke Aloha Aina, Volume VIII, Number 32, 9 August 1902 — Page 5

KE ALOHA AINA

KE ALOHA AINA, POAONO, AUGATE 9, 1902

 

HE MOO KAI HOU

 

            Ma ke ku ana o ka mokuahi lawekoa Sherdan i Kapalakiko, ua hoike aku kona kapena i ka halawai ana o ka moku me kekani moo kai nui, a o ka moolelo o kona ike ana i ka moo kai, ua hoopaa ia maloko o ka buke hoomanao o ka moku, penei:

            Julai 1, 1902; hora 7 p.m. He poomamalu keia, no ka ike ana i kekahi mea malamalama iloko o ke kai, ua hele aku la au no ka ihu o ka moku no ka hakilo pono ana. Aole au i hoonele ia mai, aka, ua ku aku a nana i kekahi mau malamalama e oiliili mai ana ma o a maanei o ka ilikai, a o keia mau malamalama a'u e ike nei ua hanaia no ia e na i'a naia. Iloko o keia wa a'u e nana ana i keia mea kamahao, ua hoopu nu nu ia ae la ko'u koko i ka ike ana a@, aia @ oi, ma ka aoao hema o ka moku, me ka waha e hamama ana, a me na niho loloa i hiki aku i ka umi iniha ka loihi e aiai mai ana ua ike aku la au i ke poo o kekahi moo kai me na maka ulaula e like me ka rube, a no laua ka nui ma kahi he hookahi kapuai ke anapuni. E nee ana oia me ka pahee nui me ke alualu ana i na Naia m@ ka aoao o ka moku. I kona kokoke ana mai i ka aoao o ka moku ua ike aku la au o koua loihi mawaena o ka 100 a me 125 ka puai. O ka waihooluu o kona ili mai ka poni a ka eleele. He hookahi hapalima o ka loa o ua moo ala aia he mau hulu ulaula e kuku ana e like me kap lepe o ka moa kane.

            A ia'@ no e nana ana me ke piha weliweliweli ua ike aku la au i ka lele ana mai o ua moo ala a hopu aku la i kekahi Naia mawaenakonu, a ka awe la i kona waha me ka ikaika me ka hookui ana mai i ka aoao o ka moku.

            O keia hookui ana ua hoeha aku paha ia i ka moo, no ka mea, ua haawi ae oia i na kupaka ikaika ana a moe malie iho la iluna o ka ilikai no kekahi mau sekona. A oia ka wa a na ohua i ike ai.

            Iulai 2 Ma keia kakahiaka ua hele aku la au imua o ka moku a ike iho la i kahi o ka moo i hookui ai, ua pau ke pena o na aoao o ka ihu i ka hemohemo, a ua koho oia ma o ke kuwai ia ana o ka moku e na unahi o keia moe

 

HE HAKAKA KUIKUI PUUPUU

 

E ulele ia ana he hakaka kuikui puupuu no umi puni aloko o ka hale keaka Opiuma ke hiki aku i ka po Poaono, Augate 16. O na moho oia no o Jack Weday, ka hole na na i hoohaule ia Agnew o ka halewai a me Kaminsky he koa Ametika e noho nei ma Camp McKinley, Waikiki. Aole he maopono o ka mea nana e ahai ana ka lanakila o keia po, oiai, he mau kanaka puupuu oo like no laua a elua. N@ ia po no e hoike mai i ka moho lanakila.

 

Na Hana a ka Repubalika

mai ka aoao 1 mai.

 

            malaila i hooholo ia ai kekahi olelo hooholo kue i ka hoololi ana i ke Kanawai Kumu o keia Panalaau. Aka, i na la pokole mahope koke mai, ua holo aku o Dole me kahi o kona mau hoapi'i paa loa - Kakina, Keoki Kaaka a me kekahi poe e iho no, a haawi aku i ko lakou kokua ana i kela mau manao hoohaiki pono koho balots. Oiai no nae, ua maopopo no ia lakoy, he kue loa ia hana ana i ka olelo hooholo a ka aoao Republika i hooholo ai.

            Aole no i pau iho maanei: I ka wa i akeakea ia iho nei o na hana kapakahi a na Dole nei, i ka hooko@ ana i poe malihini ma na oihana, a kapae ia ae na moho Hawaii a ka aoao Repubalika i ouou ia aku ai, ua niu ae kekahi mao paonioni mawaena o na alakai, no keia kue mau o Dole i ka aoao kalaiaina nana oia e kakoo nei. I ka wa i maopopo ai o na poe i kue aku iaia, ua hooikaika knoa mau hoa, oia o Keoki Kaaka a me kekahi mau mea e ae, e koi i ke Kiaaina e ae mai e hoopau ia kekahi mau Hawaii e paa nei i na oihana au puni. Ua hoao no ke Kiaaina e hana i keia makemake o kona mau hoa pili paa, aka, mamuli o ka lokahi o Kimo Boe, William Wright a me Ede Boe ua lilo ka oiwi oialo o ka aina i kela mau hana. A pela i paa ai na oiwi e noho mai nei ma ka lakou mau oihana a hiki i keia la.

            Aole no o keia wale; he mau pule i kaahope ae nei, ua hoao no o Dole e hoopau i kekahi mau Hawaii mai ka oihana ae, a e ole no kekahi Hawaii i hooikaika maoli e hooki o Dole i kona ma@ao, oia ka paa a hiki i keia la. He mea oiaio loa keia.

            I ka wa i laula Ioa ae ai o keia mau hana, ua haalele aku na poe alakai o ka aoao Repubalika i ko lakou noho komite ana. Aole no lakoy i haalele aku ma ke ano hoohe waie, aka, mamuli o ka makemake ole e lanna pu me keia poe hoopilikia wale ma na hana hookela kalaiaina.

            Nolaila, e na makamaka koho halotai e hoolohe mai i ka lea @ Maikoho iki i kekahi mea a keia pow hoopili @ a wale e onou mai ai, no ka mea, ua paa ka ihu o keia poe i ka uwea. Aole e nana ia mai ana koy pono e ka makaainana oiwi, aka o kona ekeeke kana e hoopiha ana, i mea nona e hanohano ai.

            E noonoo a e wae pono e na makaainana i ka oukou poe moho Mai hapuku o pau i ka puku ia i ke ahi o ka make me ka hune maole no

 

Haunaele na Repubalika

Mai ka aoao 1 mai.

 

kupanaua iho la na kukui uwila a noho poele pouli iho la ka rumi o keia hana nui e lawelawe ia ana. Iloko o keia wa he haluku he pu@a ana o na leo hailiili, he pohapoha ana o na puupuu, aia he haunaele @ai ua malama ia ae. Iloko o keia manawa ua hoao aku kekahi poe e aihue i ka pahu balota mai ka papa nana aku, aka, ma o ka ikaika o ka me nana e paa ana ka pahu balota, ua lilo aku ke pani a koe mai no nae na balota aole i hoopoino ia.

            I ka a hou ana o na kukui uwila aia he elua mau @ no ka uaka e waiho ana iluna o ka papahele, a he hookahi o laua o Kale Kalaka ka paa balota nona ka lanakila o ka po a me kekahi kanaka okoa aku. ua loaa laua i ka pahuna ai a ka awaawa a o ka pepa houluulu balota aole iluna o ke pakaukau. He elua mau makai maloko e hoao ana e hoopau ia keia haunaele, aka, aole nae i loaa ka maluhia a hiki i ka wa a na makai i hoea aku ai ma kahi o ka haunaele, alaila, ike ae la na poe hooulu hakaka eia ka poino ua hiki mai, ua haalele iho lakou me ka awiwi nui no ko lakou mau home.

            Aole he mea i maopopo i ke kanaka nana i hoopio i na kukui uwila malalo o na manao kolohe. Ua uliuli na maka o kekahi poe i komo pu iloko o keia uluaoa, a iwaena o lakou o J.L. Holt. Ma hope iho o ka pau ana o na ulu aoa ua helu hou ia na balota a pau o ka nalowale ana no ka pepa houluulu, a ma ka hora 7 o ke kakahiaka La pule i pau ai ka helu balota ana a maopopo ae la hoi na elele i puka.

            O ka mahele koho wale no keia i ike ia ai ka haunaele a ma kekahi mau mahele e ae, ua malama ia na hana koho elele me ka malahia loa, a he @ni na poe i puka mai ma keia koho elele ana he poe Hawaii.

 

HALA IA KANAKA OPIO I ALO

HA NUI IA.

 

            Ma ke telegarapa uwea ole i loaa mai ai na hoike no ka haalele ana mai la o ia kanaka opio i aloha nui ia Charles Edward Hapai i keia ola ana ma kela poaono aku nei, ma kona home, ma Hilo Ua Kanilehua mahope o ka hoomailo ana a kekahi ma'i fiva ikaika maluna ona. He keiki oia na ko makou makamaka Lunakawai G.W.A. Hapai. a he kakauolelo hoi no kana ana. Ua haalele iho o Edward Hapai he wahine, na makua, na hoahanau a me ka ohana i hoanele ia i ka mea aloha ko makou u pu ana.

 

            O na haole i hana kolohe ai ia kawaha o Kauai, a i hoopai ia he ekolu mahina hoopaahao e Lunakanawai Wilikoki, ua hookuu ia lakou e ka Aha Kiu a ma hope o ka uku ana he $25 pakahi

 

UA HAULE IO NO

 

Malnaa o ka mokuahi Peru i loaa mai ai pa hoike oialo no ka haule ana o Fitzsimmons ma keia haakaka ana no ka inoa moho me Jeffries. Iloko o na puni ehiku ua lilo ke alakai ana o ka hakaka ma ko Fitzsimmons a ua haawi mau aku hoi oia i kana mau puupuu wikani i ke poo o kona hoa paio nana i hoolilo aku i ka helehelena oi o kona hoa paio i na se@ona mamua iho he helehelena e kiheahea ia ana e ka wai ula o ke koko mai kona ihu, waha a me kekahi wahi e ae o kona poo aka, aole nae o Jeffries i haawi pio aku. A iloko o ka moeuhane mua ole e hoea koke mai ana ka hopena o keia paio hahana ma ka puni ewaiu, ua haawi aku la o Jeffries i kekahi o kana puupuu ikaika loa a loaa pono aku la o Fitzsimmons ma kona aoao, ua kun@ ae oia a oia ka wa i haawi hou aku ai o Jeffries i kekahi puupuu ma ka auwae o kona hoa paio nana i hoihoi koke aku iaia ilaua o ka papahele. Ua haalele koke mai la ke ikaika ia Fitzsimmons, aka, ua ku ae oia me ka hikak@ a paa aku la i ke kaula o ka rina hakaka. I ka ike ana o ka lunakanawai na pau ka hiki ana ia Fitzsimmons ke ku hou aku ua haawi ia aku la ka lanakila o ka inoa moho ia Jefferies.

           

MALOKO O KA AHA HOOKOLOKO.

LO KAAPUNI O KA AHA KAAPU.

NI EKAHI.

 

Willemina Propper

vs.                                     } Paiapala Kii.

Anton j. Proper

 

Ke Teritori o Hawaii:

            I ka Makai Nui Kiekie o ke Teritori o Hawaii, a i ole, kona Hope, ka Mahai nui o ka Mokupuni o Oahu, a i ole, kona Hope: Ke kauohaia aku nei oa e kii aku ia Anton J. Prper, me i hoopiiia, ina nae ua waiho mai oia i kana pane ma ke kakau ana maloko o iwakalua la mahope o keia hana, e hiki mai imua o ka Aha Kaapuni oleloia ma ke Kau o Augate, e malamaia ana ma Honolulu, Mokupuni o Oahu, ma ka Poakahi, la 4 o Augate ae new, i ka hora 10 a.m., a waiho mai kana kumu kue no keaha la ke koi a willemia Proper me hoopii, aole e hookoia aku e like me na olelo o ka palapala hoopii i huiia. Alaila, e hoihoi mai oe i keia palapala kii me na hoike piha o kau hana malua ona.

            HOIKE Hon. A.S. Homphreys, Lunakanawai Ekahi o ka Aha hoo- (Sila) kolokolo kaapuni Ekahi ma Honolulu, i ka la 5 o Iulai, M.H. 1902. (Kakauinoaia)

GEO. LUCAS

Kakauolelo.

 

            Ma keia ke hooiaio nei au o keia maluna ae he kope piha oiaio a me ka pololei o ka palapala kii o ka hihia i oleloia, a ke kauoha nei ka Aha Hookolokolo i oleloia e hoolaha aku ua hoopaneeia keia hihia a hiki i Novemaba. M. H. 1902. Kau o keia Aha Hookolokolo.

J.A. THOMPSON

Kakauolelo o ka Aha Hookolokolo

Kapaapuni o ka Aha Kaapuni

Ekahi, Teritori o Hawaii.

 

HE KAULEO

 

            Eia ke kauleoia aku nei  na poe a pau ma keia mai ke komohewa ana ma kuu mau mala ipu a me maia, e waiho koke ana ma Ewa mai o ke kahua koa Amerika, Kapiolani Paka, oia no ka aina o Mrs. L. K.  Puahi O ka mea e komohewa ana i ka po mai ka hora 6 p. m. a ka hora 6 a. m., aia no malua ona iho ke koikoi ke kiia i ka puia ke paa i ka hopuia, e hoopiiia no ma ke kanawai.

TAM PONG.

Honolulu, Augate 6, 1902

4ts-wkly.