Ke Aloha Aina, Volume VIII, Number 34, 23 August 1902 — Page 1

KE ALOHA AINA

[drawing of Hilo Bay]

UA MAU KE EA O KA [FLAG] AINA I KA PONO

                        [drawing of house]                                       HOOKUMUIA I MEI 20, 1895                           [drawing of steam engine]

===============================================

BUKE VIII                  HONOLULU,  POAONO,  AUGATE 23, 1902               HELU 34

===============================================================

 

UA MAKEMAKE E HUI ME NA DEMOKALAKA

-----

     He mau kuka ana kai malamaia e na alakai o ka aoao Home Rula, Elele Wilikoki a me Edgar Caypless, a me na alakai o ka aoao Deokalaka W. H. Cornwell, C. J. Makate, S. M. Damon a me E. B. McClanhan, ma ke kakahiaka Poaha nei.  Ma ia mau kuka ana ua hooikaika mai o Caypless e hui like keia mau aoao a wae like i na moho no keia mau koho.  E mahele like hoi laua i na moho ma Oahu nei e like me keia i hookahi Senatoa a me elima Lunamakaainana na na Demokalaka.  O W. H. Cornwell ke Seantoa o Maui ma kahi o Wm. White, a o Palmer Woods hoi ke Senatoa no Hawaii a na aoao elua e koho lokahi ai.  O ka pane ma ka aoao o na Demokalaka aole e hiki ia lakou ke pupuahulu i ka ae ana aku i keia manao, aka, e hai ai no lakou i ka lakou pane iloko ae nei o Sepatemaba mahope o ka hoea ana mai o Seantoa Blackburn o America Huipuia.  Nolaila, ma keia e ike mai ai ka lehulehu eia ka elele lahui ke ui mai nei i na kokua ana aku a ka aoao Demokalaka no ka pono a me ka holomua o kona aoao ka laiaina.

--------------------

 

Ahewaia o Yowell

-----

     O ka hihia kipu o Daniel Yowell maluna o David Kanewanui, ka Lunahooponopono i make o ka nupepa Kuokoa, na lawe ia mai ia e hoolohe imua o ka Aha Kiure Niele ma ka Poalua nei   Mahope o ka hoolohe ana a ia aha i ka hoike a na aoao elua, e pili ana no keia hihia kipu.  Ua haawi mai la ia aha i kana olelo hooholo e ahewa ana i ka mea i hoopii ia ma ka degere ekolu o ka lawe ola me ka waiho ia aku hoi na ke kiure maoli e hoolohe hou mai i kona hihia.

======================================

[two columns wide]

KA LA HANAU O KO KAKOU MOIWAHINE

-----

E Weheia Ana he Ike Alii Nui ma ia la

----

                                                                                                Eia Kalani ka omole niho oi.

                                                                                                Ke apu oi nana e hookala ka moku,

                                                                                                Nana e keehi ke kihi o ka malama,

                                                                                                Poele ka moku kaumaha i ke'lii,

                                                                                                Ike'a ka mano ka eleele,

                                                                                                O Kalani kui hono i ka moku,

                                                                                                            "Kekuhooheiheipahu."

     O ka la 2 o Sepatemaba e hiki mai ana, oia no ka la hanau o ko kakou Moiwahine i aloha nui ia, Kona la i oili mua mai ai e hanu i na ea oluolu o keia ao malamalama, mai ka puhaka mai o Kona makuahine alii kiekie Keohokalole, a o ka hiki ana aku hoi o Kona mau makahiki i ke kauaono kumamaha.

                                                                                                O Kama, O Kamalalawalu,

                                                                                                Nolaila ma o Keohokalole,

                                                                                                Nana i hanau o Liliuokalani,

                                                                                                Ke'lii hapa i kahiko o Maui le -

                                                                                                Kahiko i Kekaa ka na Nahua,

                                                                                                Ka ua Nahua, ua Lililehua,

                                                                                                Ua Makaupili, ua Kauaula,

                                                                                                Ua noho iuka o Auwaiawao e - ha,

                                                                                                He ao ole ianei he naaupo,

                                                                                                He kii i ka hai mea i aiho a - i,

                                                                                                            E! E! e ala - e -

     E we heia ana he ike alii nui ma ia la no ka lehulehu, mai Kona mau makaainana ponoi a me na lahui e ae.  Aole he mau palapala kono e hoouna ia ana i kela a me keia, aka, ua hoa i na mea a pau e hele me ka hookaulua ole, hookahi no wa e ike ai, mai na aole, ka poe kiekie, waiwai a hanohano o ka aina a hiki aku i na lopa haahaa he "hookahi wai o ka like."   O ka palapala kono wale no ia oukou oia no ka leo Kuahaua akea o KE ALOHA AINA e kono aku nei i na makaainana aloha alii o ke kulanakauhale nei.  E ala! E eu! E hele ke kanaka nui ke kanaka iki.  E oe kaoo i ka ike alii o Kalani Aimoku.

     He mea maopopo e komo pu ana na Komisina Amerika ma keia ike alii ina lakou i hiki e mai ana mamua iho.  He elua wale no hora ka wa ike, mai ke hora 3 a ka hora 5 p.m., Sept. 2, 1902 ma Kona home alii ma Wakinekona Pa.  He nui na mea nani hoohiwahiwa o ka ike alii e hoike ia ana ma ia la.   Eia he mau Ahuula hou a me na Kahili ke haku maiau ia mai nei e Kona poe kahu ponoi i lehia ma ka hana ana ia mau mea, malalo o na hooponopono ana a Mrs. Heleluhe.  Nolaila, e hele i ike maka he ole ka lohe pepeiao wale.  Aole he papaaina e malama ia ana ma ia la he anaina ike wale no.  Ke kono ia nei ka lehulehu e hele a hoopiha i ka pa alii o Wakinekona a hu iwaho, o ke aloha alii ia i ike ia.  E hike hou ia aku ana no ma ka pepa o keia pule ae.

--------------------

     Mamuli o kekahi pilikia i loaa ia Senatoa John M. Thurston, nolaila, ua hoopaneeia ka halawai makaainana ma ka Ohuma.

=========================================================

 

Na Kauka Hana Niho Eha Ole.

                                                [partial bridge]                               W.E. Allen & F. L. Ferguson

                                                                                    ARLINGTON HALE, HELU 215, ALANUI HOTELE.                [upper plate]

     Ina he makemake oe i kahi e loaa ai na niho paa loa, a e ike ole ai oe i ka ea e hele maik ia maa.  Ke hooiaio nei maua na hiki ia mana ke hana i na niho e like ka maikai me na kauka hana niho e ae.  Ua puka pono mai mana ma kela oihana, a ua lawelawe i keia oihana no kekahi mau makahiki loihi.

     O ka mana mau lako paahana niho no keia au hou    No ka nana ana aole he uku.  E hoomaopopoia e loaa no ana a ka Arlington Hale, Helu 215, alanui Hotele, makai o ke alanui Uniona.

            Papa Niho Gula . . . . . . . . . . .}                                                                       Hoopiha me ke Gula . . . . . . $1 a pii aku

            Papa Niho Dala . . . . . . . . . . . }     $5                                                                      Hoopiha me ke Dala  . . . . . .    50 keneta

            Papa Niho Maoli . . . . . . . . . . }                                                                      No ka Huki Ana . . . . . . . . . .   50 keneta

                        [pointing finger] NA HORA HANA: M@ na la noa e pau ana i ka 6 p.m. Poaona, e pau ana i ka po; La Pule, e pau ana i ka hora 12.

====================

 

KA HIONA O KA LA PONI MOI O EDEWADA EHIKU

-----

     Ma ka hoea ana mai la o ka mokuahi Sierra na lawe hou mai la oia i na hoike piha no na hana poni maluna o ka Moi Edewada IIV, a no ka pomaikai o ko makou poe heluhelu ke unuhi aku nei makou:

     Ladana, Aug 9.    Ua hookipaia mai ka Moiwahine e na keiki o ka Abe, me ko lakou mau leo ohaoa e kahoahoa ana e Ola ka Moiwahine Alexandra iaia e hele ana me ka malie no kona noho ma ka aoao hema o ke kalaunu.  Ua kahiko ia oia iloko o kekahi lole e ana anapanapa ana ke gula, a o ka hu'a o kona lole e paa ia ana e eono mau wahine opio, a ma ka nana aku i kona helehelena he opio me he ia, aole i hiki kona mau makahiki i ke 35.

     He elua mau minute mahope iho o na leo huro no ka Moiwahine, aia hoi, ua poha hou mai la ka leo o na keiki o ka Weseminisia Abe ik ukali ia mai e na leo o le e kalokalo ana e Ola ka Moi Edewada.  Ua komo mai ka Moi, me ka ilihia a haawi mai la i kona kunou aloha no ka Moiwahine, alaila, lawe ae la oia ikona no ho mamua mai o ke kalaunu me ke kukuli ana iho ilalo a pula.

     I ka wa i wehe ia ae ai o ka papa le alii e kau ana maluna o kona poo na ku ae la oia iluna, a oia no hoi ka wa o ka Akibihope o Canterbury i heluhelu mai ai i na olelo hoolauna me ka leo haa@u imua o ke anaina:

     Eia au ke hoolauna aku nei imua o oukou i ka Moi Edewada, ka Moi pololei o keia aupuni, a pela aku.  A ia wa no i wawalo ae ai na paia o ka luakini me na leo huro o na kanaka, na kane a ma na wahine e hooho ana. "E ola ka Moi Edewada i ka Akua."

     Mahope o ka meha ana o ke anaina ua malamaia na haua poni moi a me ka hoohiki ana hoi i ka Moi Edewada e lawelawe @

------------------

(E naan ma ka aoao 4.)