Ke Aloha Aina, Volume VIII, Number 38, 20 September 1902 — Page 7

KE ALOHA AINA

 

NO KE:

 

KAKELA LANAFODA

 

:KA:

 

Ipuka o ke Kuewa ma ka Aea.

 

:Ka:

 

Pua Lilia Ahiu o Sanadela.

 

Mokuan XXV.

 

KA MAKUA MONEKA O KA MANAOIO

 

E ka makua maikai, e ae mai ia o e lawelawe a e hooko i ka'u kumu hana malalo o kela kulana au e paa ala a i keia hora ano e lilo no au i kakua hemolele loa o ka inanaoio malalo o ka aahu loihi o ke Kahuna Monela, ua aa au me ka puuwai hohe ole e hookauwa ia'u iho i elele mawa ena o ka mea pilikia a me ke Akua: Ano, ua maopopo mai la ia oe ka manoa ua maopopo mai la ia oe ka manao o ka'u misiona.  E lilo au i kahuna hemolele no ke Kea malalu o kekahi o kou mau aahu loihi o ka manaoio.

 

Ua puiwa aa ae na maka o ke ka huna iaia i lohe ai i na olelo a ku lede opio alaila, me na helehelena pihoihoi ua pane mai la ia.  E kuu kamaiki; aole anei keiia mau manao ou he mau manao hehena e hoohaahaa ia ai ka laahia a me ka hanohano o ka oihana helolele o ka ma naoio ma ka hoolilo ia an o kona laa i mea e hoopaumaele ia ai me ke koko?

 

Aole ioa e ka makua:  Imua ou, a imua hoi o na lani e ae mai i kau mau kokua ana.  Homai i kekahi o kou mau iole loihi oka manaoio, a mamua ae o ka hoea ana mai o ka hora e lawe ia aku ai o ka'u kane no kona hookolokoloia ana, aliala, he kanaka lanakila oia, malalo o na hoopakele ana a kela aahu loihi, a me ka hanohano laahia o ke kuiana kahuna hemolele o ka manaoio.  Pehea, ke mau nei no aneike kanalua ana o kau manao, a hoomay ma ka olelo ana, he paakiki ka hiki ana ke hookoia ka'u kumuhana nei me ka maalahi?

 

Ua eo au ia oe e kuu kamaiki.  Aole e hiki ia'u ke hoole i kau noi no ka mea, o kona makemake ke hanaia aole o ko'u.  Ke noi nei ka leo o ka'u pule e hoopakele ae ia oe i ka ino, a no e kuu kamaiki, e hahai mai mahope o'u; Ua komo aku la oia no ke keena komo kapa o ka makua kahuna, a i ko iaua oili hou ana mai no ke keoua hookipa, aia hoi ma kahi o ka lede opio ka Pua Liha Ahiu Sanadeia e ku ana he kahuna moneka o ka aahu loihi e hoike ana i kona kulana mai luna a lalo, he makua moneka maopopo no ka manaolo hemolele ioa.  E lei ana oia ma kona ai i ka lei Kolona i hoopaa ia me ka kii o ka haku maluna o ka laau ke'a a ma kona lima e paa ana he wahi buke @ uoku.

 

Ua makaukau oe no kau huakai hoopakele e kuu kamaiki, wahi a ka makua kahuna o Kene me ka hoomau ana mai i ke kamailio ana i ke kamailio ana i ke kamaiki.  E ha ai ia kay huakai e na hoopomaikai mai na lali mai, ke kaumaha a ehaeha nei au no ke ia huakai au, no ka mea, he paakiki a me ka make ke alahele au e hele aku ai.  Aka, ke olioli nei nae kuu uhane, una oe e huli hoi mai ana me ka palekana malalo o na hoopakele ana @ keia aahu a me ke aloha loko maikai wale mai o ka makua lani.  E aloha e kuu kamaiki a loaa ka palekana iloko o ka lanekila.

 

Ua haawai aku ka Pua Lilia Ahiu i ke aloha a me na hoomaikai ana o ka mahalo i ka makua uhane o Ke ne.  Alaila, iloko o na apa a me na kanaenae ana a au Pua Lilia ala maluna o kona lio eleele, ua ahai puahiohio aku la ua lio nei i ke kuupau ana i kona mama holo me he kahua heihei ala no na makalae ululaau a me na kula mauo uliuli laula e waiho ae ana malalo o kona may kapuai e kokope ala me ka ika ika.  Emoole, aia aku la ua lio nei a me kona mea hoololo iloko o ka naele o na laau e ku pouliuli ana, a mailoko mai oia naele pouli ululaau e lohe ia aku ana he wahi leo o le e kani kapalili ana, me he ala he o le kahea a hoailona ia i haawi ia ae ia.

 

Ae - he leo o le hoailona kela na ka Pua Lilia Ahiu, a o ka hopena i ikeia manope iho o kela o le hoailona, oia no ka hoea ana mai he kanaha mau naita hololio o kona makuakane, a hoopuni ae al laia me ka huaolelo hookahi ma ko la kou mau lehelehe.  E ola ka Maki onesa o Semafila.  Alaila, me na huaolelo pokole i kamailio ia aku e ua makuisa wahine ala, ua hoomau hou aku la ka lakou huakai no mua me na manaolana ikaika, e hookikina ala e hiki e i ke Kakela Husa mamua o ke aumoe, a ua hoea io aku ua poe kamahele hololio nei o ka po he hora mamua ae o ka hiki ana aku ina hora aumoe, a ma kahi me mau haneri kapuai mai ke Kakela Husa mai, malaila i hoomo ana iho ai au poe hololio ala a hoolohe i na olelo a'o hope a ko lakou Haku Opio wahine.  Alaila, me ka mana huna a me na hoopakele ana a kela aahu loihi o ka manaoio, ala hoi ua hoopakele kamahao nei ua pii aku no ka puka o ka pakaua e hoopuni ana i ke Kakela Husa a haawi @ kikeke ana o ka wiwo ole, a i ka loaa ana mai o na ninau okalakala o ka niele no keia kolohe hookalakupua o ke aumoe, ua pane koke ia aku laka haina, he makua hemolele ia no ka manaoio malalo o ka misiona hoopakele i na uhaoe o ka poe i hoopaahaoia maloko o na paia anoano o ke kakela. 

 

Alaila, he nakeke ana no ke kii he holo ana no ka laka - bing!  ua hemo ae la ke pani, a aia he elua mau makapahikaua e kau poloei mai ana imua i pakui pu ia mai e keia mau huaolelo oolea o ke kau oha.  @ Heaha kau huaolelo @?

 

O ka @ a me ka laahia hemo lele o keia aahu loihi malalo o ka mana hoomalu o ka manaolo hoo pakele i ka uhane o keia a me keia pio i hoopaaia maloko nei oia ka huaolelo @; wahi a ka pane.

 

Na keia pane kuoo a ka moneka a me ka ike io ana mai o na koa kiai puka i ke kulana o ka mea a iaua i kauoha mai e haawi aku i kana pane, au hoihoi iho ia laua i ka laula pahi ilalo, a kono mai la iaia (moneka) e komo aku, me na olelo noi no ko laua huikala ia aku.

 

Alaila, wahi a ka makua moneka o ka manaoio ma kana mau olelo mua o ka hoolauna.  E na kiai, eia a nei maloko nei o ke kakela he ka maka paahao malalo o ka inoa ka Haku Opio o Lanafods?

 

Ae - e ka makua hemolele o ka manaoio, eia oia he paahao no ka hewa kipi, wahi a ka pane.

 

Alaila, o ua haku opio ala ka'u i makemake ai e hui kamailio a launa pu ma keia po.  Oia wale no anei ka oukou paahao e paa nei?

 

Aole, o ka moi kipi kekahi o Pele kane nei, o ka lua keia o na la o kona paa ana.  Apopo e hoolohe ia ai kona hewa.  Ua makeke anei oe e ike i ua moi ala kekahi?

 

Aole, o kela haku opio wale no ka'u i makemake ai, aka, ke loaa ia'u he manawa kaawale iki o keia po, alaila, e kipa ike aku no au iaia.  Ano e na kiai:  E lawe aku ia'u i ko oukou alii nui, au ake nui loa au e hui me ia i na paha e loaa ana ia'u ka ae ia e ike i kela Haku Opio o Lanafoda i kea po me ka hookau lua ole ia.

 

He saluta ana me na olelo hoomaikai - ka makua manaoio - aia ua moneka ala e ku ana imua o ke alii koa nui o ka pakaua, oiai ua aliikoa ala e haawi mai ana i kana mau hoolohe akahele ana no na ole lo a ka moneka, alaila, i ka pau ana au luliluli ae la ke poo o na alukoa nei a pane mai la.

 

Eia au malalo e kekahi kauoha paakiki loa.  O ko'u ae ana aku i kau noi, o ko'u uhaki ana no ia i na kauoha apau i waiho ia mai ia'u.  Ua ane hiki ole no ia'u ke ae aku i kau noi, aka, mamuli o ko'u paulele a hilinei i ka ihuhi o kena kulana au e ku mai nei, kekulana hemolele hoi o ka manaoio malalo iho o na lani, ke ae aku nei au e ike oe i ka paahao, aole e oi aku mamua o hookahi hora, a mamua o kona lewa ia ana aku ma ke kakahiaka e ike hou oe iaia no ka hora hope loa, pehea e ae ana anei oe e hoolohe i keia?

 

Ae e kou haaohono.  E hoolohe a e hooko ana au ina kauoha apau au i haawi @ nei, a malalo o ka hanohano @ o ka @ oihana, e iho mai na anela @ e hoopakele ia @.

 

Alaila, me keia mau olelo hoopaa o ka hooia ma ka aoao o ke moneka no huli ae la ke ahikoa i kekahi o kona mau ukahi a kauoha no ka lawe ana i ka makua moneka o ka manaoio mua o ke kiai paahao, a hoike aku au ae ia oia "moneka" e ike i ke alakai kipi o na koa aupuni ao ka manawa aole e oi mamua o hookahi hora, a e @ keia hoi na @ apau o ka pakaua me ke kue a uhaki ole ia.

 

E like me ka kauoha, aia ka moneka ua hoea aku imua o ke @ paahao, ka mea a ua moneka nei i hauoli loa ai e loaa na hoopake'e ia ana nena ma ua po nei, oiai oia e ku ana he aio he aio me ka mea ana i ake nui ai e pakele iloko o ka ma huka ana.

 

He ia kulaia Aupuni keia Poaono a e paa ana na Keana Aupuni.

 

Palapala Hooia Hoahu

E like me ia i Hoopukaia e ka

HUI HAWAIIAN REALTY A ME MTURITY KAUPAIENAU

Hoahu Maraki 30, 1901

Huina Waiwai $50,000

5,000 MAHELE; $10.00 PAKAHI;

UXU PAU IA

 

Heaha na Kumu?

 

1.  Aole makou e koi aku ana ia oe e uhaai ikau dala.

 

2.  E haawi ana makou i kekahi ala hele palekana e hiki ai ke hoopuka puka a loaa ke dal mamuli o ka hoohui i na huina liilii i kela a me keia mahina, a mamuli o la mea, e koe aha he huina dala mai ka hoolilo ia mai kekahi ana e ae, a e loaa ole ana ia oe kekahi wahi pomaikai mai loko mai oia mea.

 

3.  O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

 

Hooia Hoahu

 

4.  Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia iloko o 75 mahina, me eha (4) Palapala (Coupons) Hooia  o $50 pakahi i hoopilipuia oka a verika no ka puunaue iloko 19 mahina, a e ohi ana makou $150, a e loaa ana ia oe $200.  O kou puka $33.33 no keia a me keia dala pakahi i hoahu ia e loaa ana ia oe he 33-1-2 keneta puka.

 

5.  No ka mea aole oihana hoopukapuka i keia i oi aku ka pomaikai ma mua o keia.  E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

 

HUI HAWAIIAN REALTY A.M.F. MATURITY KAUPALENAIA.

 

McIntyre Hale kihi o na Alanui Papu a me Moi.  Rumi 3 a me 4. Pahu Leta 262.

 

L. K. KENEWELA,

Peresidena