Ke Aloha Aina, Volume VIII, Number 42, 18 October 1902 — Page 4

KE ALOHA AINA

POAONA, @ 18. @

KE ALOHA AINA

Hook@u no ka Pomaikai o ka Lehulehu, a he Nu pepa na ko Lahui Hawaii.

EDWARD L. LIKE

Lunahooponopono.

JOSEPH K. LIKE.

Luna Hoopuka

ALEX NAWAHI.

Luna Hoohana.

EMMA A. NAWAHI

Puuku o KE ALOHA AINA

PUKA PULE

E hoopuka ia ana ma na kakahiaka Poaono a pau.

No ka Makahiki          $2.00

No ka Eono Mahina    1.00

No ke Kope Hookahi .05

KEENA HANA

Ma alanui Moi, Leleo, Helu 370 Kokoke ma ka Hale Hoolulu Kaaahi. Pahu Leta 513.

HONOLULU OCT. 18. 1902

 

            He mau la helu wale no koe "kau i ka lele" wahi a kahiko. E lokahi ma ka aoao lahui, i mau ai no ke kawelewele ana o na wahi Hawaii ma na wahi oihana aupuni. Mai hoopalaleha, o mi ki no auanei ke o wau, a i ae no ke kahu ka hemahema. E nana i na Hawaii oiwi o ka aina, a e koho i ko lakou balota mai Hawaii a Kauai.

 

            OIAI ka nupepa KE ALOHA AINA he wahaolelo no ka lahui, ke paipai aku nei oia ia oukou e na poe aloha aina, aloha alii, a aloha la hui, e koho i na paa balota o na moho a ka aoao lahui, i nana ia ai no ko oukou pono ko ka poe ilihune. Aohe a makou olelo ana no ka poe waiwai, na ka poe waiwai no lakou e nana; o kakou no ka hoi ka mea aloha o ka poe nele a hapa o kahi loaa i ka opaopa ia mai e lakou @la a pili pu i ka paia.

 

E KA LAHUI KA POE ALOHA AINA KOHO BALOTA.

            E nana i na kanaka Hawaii, a koho i ko lakou mau balota, a pela no me na haole i kamaaina ia oukou, a i ike ia ko lakou ano he poe hoaloha no na kanaka Hawaii e like me C.W. Akepoka ma a me kahi poe ae. Oia kekahi o na haole aloha aina i hoopaahao ia ma Kawa, a kipaku ia i na aina e no kekahi mau makahiki loihi i kaahope ae nei, koe aku ka poe haole a kakou i ike a maopopo ole ai i ko lakou ano.

            Aole e hiki ia makou ke pai wale aku no, a hoikeike wale aku i kahi poe haole a makou i mao popo ole ai imua o oukou e ka poe Hawaii koho balota, me ka i aku, e koho ia mea he wahi he ole maikai ia a pela wale aku Aka, aole nae KE ALOHA AINA, he mea hoino haole, aole no hoi oia he mea pai wale aku i ka haole. Ma ka poe haole a makou @ ike ai he maikai, a he akakuu mai ka manao no ka poe Hawaii e like me Keo Kaaka ma a me Wanebag@ ma a nui aku e noho pu nei me kakou, oia ka makou poe i kamaaina. Aole o makou makemake e lawe i na koikoi o ko makou ahewa ia mai no ka lakou mau hana mahope aku.

            Eia wale no ka makou a kauleo aku nei ia oukou. E koho i na Hawaii kupono a oukou i ike, i kamau ai na wahi hana aupuni me na poe Hawaii. E ike mua iho ao ia oukou hoakanaka o ka puupuu hookahi a mahope huli ae nana ua poe hoaloha nei o oukou. Oiai he puuwai hamama ko ke kanaka Hawaii i kaulana no lakou na haole. O ka hoakaka wale aku no ka makou, aia no nae ke kuleana o ke koho ana me oukou. E lanakila ka aoao lahui e pono ai, a e puka hoi ka hapanui i poe Hawaii.

 

HE MAU HANA KUPONO OLE I IKE IA

            Ke manao nei makou, o kekahi hana kupono loa ia ka Ilamuku e hana ai, ma kona ano he mea hoo malu, e malama ana i ka maluhia a me ka pono o ka lehulehu. Ola no ke kiai ia o na kahua haiolelo akea ma na Manawa Halawai Nui o na aoao kalaiaina apau o kakou, o ka poe e makemeke ana e hoi ike mai i ko lakou mau manao imua o ka lehulehu, a na ka lehu lehu no ia e apo aku i ko lakou mau manao maikai a manao hoinoino paha i kekahi mau aoao kalaiaina, a i ole i kekahi mau moho paha e holo balota ana. Aole nae i mea hoohaunaele wale aku na ke anaina, ka lehulehu i hele aku e hoolohe i ka manao o kela a me keia. He mea pono e papa ia e na makai na hoonauna ele ano ole wale ana e kahi poe ma na wahi halwai. Ua ikeia ka lapuwale maoli no ka hana a kahi poe, e hailiili wale ana e kapa inoa wale aku ana i ka mea e haiolelo mai ana. Ilaila no a lohe ole ia ka manao o ka mea haiolelo.

            Ina he HOme Rula ka mea hai olelo, noke aku la ka poe Repubalika i ka walaau ano ole. He hoopuuipuei. Lapuwale ka Home Rula. He ino o Wilikoki a pela aku. Ina hoi he Repubalika ka mea haiolelo, e kuhea hoohau naele aku ana kahi poe Home Rula. He moo o@; He nahesa oe; H@ kumakaia a pela aku. Eia wale no ka makou i ake ai. E hoolohe aku no ka lehulehu i ua olelo a kela a me keia mea o kahi aoao kalaiaina, ina na hauoli lakou ina olelo a ka mea haiolelo alaila, e ikeia no ma ka Huropuha hauoli ana o k@ lehulehu me ka uwa, ka pa'ipa'i a pela 'ku. Ina hoi aole i hoihoi ia ka haiolelo a@a mea. O ka mumule no ka hoike oiaio o kona hoihoi o'e ia, a ohohia ole ia a pela aku. I hele aku hoi kahi poe no ka hoolohe i na olelo a ka poe haiolelo no na moho a me ka pono o ko lakou mau aoao kalaiaina, eia nae o ka hoohaunaele ano ole iho la ka mea nui a kahi poe. He mau hana waiwai ole nae ia i ikeia.

 

KA REV. S.L. DESHA O HILO, KEKAHI O NA MOHO SENATOA O HAWAII

            Ma na lono e loaa mai nai ia makou, o "Kiwini" kekahi o na inoa ikaika o na moho Senatoa a ka mokupuni o Hawaii a me Pa ma Woods. Mamuli o ko makou Kamaaina loa ia Kiwioi, a me ka ike moakaka lea i kona manao no na mea e pili ana i kela a me keia ano, ua ike makou, he kanaka oia e noonoo nui ana no na pono a me na pomaikai hooholomua e komo mai ana iloko o ka aina nei, a he manao nui no hoi oia no ka pono o na oiwi Hawaii ponoi o ka aina.

            He kanaka manao kaulike, a he hoopono ma kana mau hana e hana ai, he kanaka manaoio hana, me ka hooikaika e ko kana mau hana a pau e lawelawe ai. A mamuli o keia mau ano, a makou i ike ai ma ka hakilo ana i keia kanaka. He hiliuai KE ALOHA AINA, o ke ano kanaka ia e ola ai ka aina a me ka lahui, me ko makou nana ole ae i kona aoao kalaiaina, aka, ua nana aku makou ma ke ano he kanaka kupono oia no ka hele ana mai e hana i mau kanawai maikai no kakou a e kokua ikaika hoi ma na mea e pomaikai ai ka aina.

            Aole nae me makou ia kuleana e puka ai oia, aka, he hoakaka nei makou i ke ano oia kanaka a makou i ike ai a na ka poe no o kona mokupuni e koho iaia, a o ka hooikeike aku ka makou he kanaka kupono ia e hoouna mai ai. Nu na hoahanau no o kona Ekalesia e makemake nei e holo i moho Senatoa no keia Kau. Ua hiki no. Hoouna ia mai.

 

HE LUNA HOOIKAIKA O W H. KAILIMAI.

            He mea kahaha no makou ka ike ana aku i kekahi HOme Rula oiaio i ikeia ma ka inoa o W.H. Kailimai, e hele ana e haiolelo hooikaika no ka pono o ka aoao Repubalika ma na wahi haiolelo o na Repubalika i keia mau po. O kona kumu hooikaika i ka aoao Repubalika me he mea aia no kahi papaa berena no e oia nei i keia mau ia, aka, ma ko makou manao he mau hana kuhihewa wale no ia ana, no ka mea, aole e kaawale ua hana ala mai iaia aku ina he hoopono oia. He kue maoli keia mau hana a Kailimai i ke kauoha a Amerika e olelo ana. O na poe hana aupuni a pau aohe o lakou kuleana iloko o ha hana hooikaika balota, he mana koho lakou, a he mana kamailio no ka aoao kalaiaina ana i makemake ai ma kahi malu nae aole hoi ma ke akea, nolaila, ina he makemake o W.H. Kailimai ina hooikaika balota, he mea pono nona e waiho i kela kulana makai ana e paa nei no ka makeke e like me na Keoinimawa Makate, Camara a me Paulo Isena bega i haalele aku ai i ka lakou mau oihana aupuni i kela mau pule koke no i hala iho la no ke komo ana iloko o na hana kalaiaina.

 

            NUI NA OLA I MAKE I KA TAIFUNA

            Iokohama, Oct, 4. Ua loaa mai la na lono telegarapa mai Hokodate mai ma ka la 28 a me 29 o ka mahina i hala, ua kipa aku ka makaui taifuna, a he lehulehu wale na hale o ka hui kaaahi Hokkaido i hoohioia, i hiki aku na poho maluna o na tausani Yen. He nui na moku i hooiliia @ keia ino. O ka nui o na hale a pau i ulupaia e ka makani he 10,000, a o ka nui o na poe i make he 90, ma Mito, a he 14 ma kekahi wahi okoa e ae.

            Ma kahi eli keleawe ma Ashio he 487 hale i hoohioloia, a ma kahi o 300 ola i make, he lehulehu wale i hoopakele ia mailoko mai o na ahua opala o na hale nohaha.

            Ma na telegarapa i loaa mai he ikaika na hoopoino ana a keia makani ma Odawara, na pii ke kai p@a ma Kodgu, Kamakura a me Oiso, me ka nui o na waiwai a me na ola i hoopoino ia. Ua hapaiia na kaaahi lawe ohua me na poe no e moe aua maloko, na alahao a kiola ia aku la he mau haneri ia iloko aku o ka aina. O ka hale hana uwila, o na mekini wale no ke waiho ana, a o ka hale holookoa ua nalowale loa, ua koho waleia me he la, na lawe ia aku ia e ka makani no luna o na mauna.