Ke Aloha Aina, Volume XXII, Number 18, 4 May 1917 — Haalele O David Kanuha I Ka Aoao Repubalika A He Demokalaka Oia I Keia Manawa [ARTICLE]

Haalele O David Kanuha I Ka Aoao Repubalika A He Demokolaka Oia I Keia Manawa

Ma ka halawai a ke Komite Kalana o ka aoao Demokalaka ma ke ahiahi Poakolu nei ma ko lakou keena, i hiki a'e ai o David Kanuha ma ia halawai a kukala mai i kona haalele ana i ka aoao Repubalika mamuli o ka uluhua ina hana a ka papa lunakiai Repubalika ana o ka hooikaika ana e koho ia lakou ma ka makahiki 1914 i hala eia nae, he mau hana ku ole i ka hoihoi na hana a ia poe o ka hana ana. Noia kumu, ua haalele au oia i ua aoao kahiko nei ana o ka paulele kuhihewa ana, a kaku inoa aku i ka papa hoopaa inoa o ke mahele 10 o ka Apana 5, a mai a mahope aku o keia manawa e hana aku ana me ka ikaika no na moho o ka aoao Demokalaka no ko lakou lanakila ma keia koho balota ana aku. Ua kom mai la o David Kanuha i ka aoao Demokalaka, owai hou aku ia Repubalika? Ke ko nei ke au iluna o ka aoao Demokalaka, nolaila o ka wa pono wale no keia no na Repubalika e komo mai ai iloko o ke k@ ka aina e kahe ana ka waiu ame meli o keia mua aku. Eleu mai o haule auanei i ka hope waa.