Ke Alahou, Volume I, Number 1, 1 November 1979 — He Moolelo (Mai Ka Nupepa Kuokoa) HOAKAKA [ARTICLE]

He Moolelo

(Mai Ka Nupepa Kuokoa)

HOAKAKA

O keia moolelo how e hoopukaia aku nei, he moolelo oiaio loa ia, no kekahi keiki Pelekane, nona na makua i make iloko o ka hihipeʻa o na ululaau kanaka ole o Aferika; a o kaa aku hoi kona hanaiia ana, ame ka malamaia ana malalo o ka malu o na keko. Ua hoopihaia ke ola ana o keia keiki Pelekane ili keokeo me na mea e hoopuniniia ai ko kakou noonoo, eia nae ua hoopiha pu ia kekahi mehele o kona ola ana, me na hana koa loa, a makaʻu ole; e komo ana iloko o na poino, na pilikia he hui, aka mailoko mai o ia mau popilikia i oili mai ai oia me ka lanakila ame ka hanohano loa. Mai kona kulana mai i like aku me na keko oloko o na ululaau o Aferika i oili ae ai oia i ke ao malamalama ma ke ano he haku, a he hooilina no kekahi waiwai nui ma Enelani, a he kanaka nui a koʻikoʻi iloko o ka aina; a ia kakou auanei e hoomanawanui aku ai i ka heluhelu ana i keia moolelo i piha i ka hoopihoihoi noonoo, e hoomaka ana mai kona mau makua mai, aole ana e nele ka pii o ka lia okakala i ko kakou mau kumu pepeiao, no kekahi mau hiona ku i ka weliweli me ka hookahekoko, ka mea hoi nana i kono mai i ka mea kakau moolelo e panee aku i keia moolelo imua o ko ke Kuokoa poe heluhelu puni moolelo. -Mea Kakau.