Ke Alahou, Volume I, Number 1, 1 November 1979 — NO TAZANA A I OLE Ka Hiena o na Ululaau Anoano o na Kapakai o Aferika [ARTICLE]

NO TAZANA A I OLE

Ka Hiena o na Ululaau Anoano o na Kapakai o Aferika

MOKUNA I

Maluna o ka Moana O ka moolelo aʻu e hoike aku nei imua o oukou, he moolelo ia i kamaikioia mai iaʻu, e kakahi mea i kuleana ole e hoike aku i ua moolelo la i kekahi mea. I kinohi o koʻu hoolohe ana aku i na mea ana i hoike mai ai, ua komohia iho na manao kanalua iloko oʻu, no ka oiaio o keia moolelo, aka nae, i mea e hoopauia ae ai ia mau manao pohihili a kanalua oʻu, ua hele okoa aku ia au e huli maloko o ke Keena Konela o Pelekane, he mea oiaio, ua loaa mai loa na hooiaio apau, elike me ka moolelo i hoikeia mai ai iaʻu; a elike me ia mau mea aʻu i ike ai he oiaio, pela auanei au e hoike aku ai imua o oukou, me ke kapa ana hoi i kekahi mau inoa i mea e huikau ole ai ko kakou noonoo, ma ka nee ana aku o ke au o ka moolelo. I ka hoomaka ana i keia moolelo, a mai na hoike no hoi i loaa aku maloko o ke Keena Konela o Pelekane, ua haalele iho kekahi kanaka opio Pelekane ma kekahi misiona huli a noii pono i na ano ame na kulana o ka panalaau o Pelekane, ma na Kapakai Komohana o Aferika mamuli o na hoike i loaa mai i ke aupuni, aia kekahi mau mana e ae o Europa malaila kahi i hoouna ae ai i kona mau pualikoa, no ke kalepa ana me na lahui hohou o Aferika, i wahi e loaa aku ai ka laholio

ame ka niho elepani. Mai kekahi mahele mai o ka panalaau o Pelekane ma Aferika, i loaa mai ai no hoohalahala he nui, no ka hoowalewaleia ana o na kanaka opio kupa o ka aina e komo aku iloko o ka oihana koa, mamuli o kekahi mau kumu hoohoihoi oiaio ole, o ka mea nae i ikeia no lakou, he kakaikahi wale no o kela poe kanaka opio, i huli hoi mai me ke ola imua o ko lakou mau ohana. Ua hoea pu mai no hoi ka lohe mai na kanaka Pelekane mai e noho ana ma Aferika, i ka nui o na hana hookauwa kuapaa i lawelaweia aku e na ilikeokeo maluna o na kanaka poni o Aferika, a i ka wa e pau ai o ka manawai i kepaia ai lakou iloko o ka ohana koa, o ka naaupo iho noho hoi, ua noho hou aku le he mau makahiki loihi, no ka puni wale i ka hoonuinuiiia ami e na aliikoa Pelekane kolohe. Mamuli o keia mau kumu hoohalahala ihoe mai i ke Keena Konela o Pelekane, ua hookohui a aku la o Keoni Kelekona, e hele e noii a e huli pono i ka oiaio o na mea i loheia mai ma ka panalaau o Pelekane ma na Kapakai Komohana o Aferika. Ma keia wahi e ka makamaka heluhelu o ke kumu o ka waeia ana ae o Keoni Kelekona, ame ka hopena o kana misiona, aole he mea i maopopo, oiai aole loa oia i hoea aku no kahi o ka hana i hoounaia ai oia. (Aole i pau.)