Ke Alakai o Hawaii, Volume I, Number 32, 6 December 1928 — HE POE HAUMANA KULA WALE NO NA OHUA [ARTICLE]

HE POE HAUMANA KULA WALE NO NA OHUA

I keia Poalima e ku mai aj ka mokuahi Pelekikena Wilson me na haneli ohua haumana kula. He mau haumana kula wale no kona ohua. He mau haneli ka nui o keia poe, a e hele makaikai ana lakou a puni ka honua nei, me ka lakou mau kumu,pu, a e kula ia no na haawina iluna 0 keia moku elike me ke kula ana ma ka aina. Aole keia o ka mua o ka hai ana o kekahi mau haumana kula 1 ka moku e like me keia, aka i kela makahiki aku nei no, ua kipa mai no kekahi moku o Keia ano ma Honolulu nei.