Ke Alakai o Hawaii, Volume VIII, Number 41, 20 February 1936 — IKE IA NA HOOLALA PEPEHIKANAKA A NA PAAHAO NA KAIKAPU E HOOPIHAPIHA ANA I NA MANAO [ARTICLE]

IKE IA NA HOOLALA PEPEHIKANAKA A NA PAAHAO

NA KAIKAPU E HOOPIHAPIHA ANA I NA MANAO

Aia kekahi papahana malu i hoolala ia e pepehi i kekahi makai kiai o na paahao, i loaa ai ka manawa i na paahao he 12 e mahuka ai, ua ikeamaka ia ae la i keia la. maloko o ka halepaahao Teritore, wahi a ka lunapaahao nui Mr. Charles R. VVelsh i hoike aku ai imua o ka papa komisina o na paahao i keia la, Ua hoolalaia keia mau hana e kekahi paahao ma ka inoa o Louis Kaikapu, he kanaka paahao keia i ahew-a ia e noho maloko o ka halepaahao a pau kona ola, a i ka makahiki 1932 aku nei i

holomalu aku ai oia. Na kekahi o na paahao i lohe i keia mau hana e hoolala ia ana i hoike aku i ka lunapaahao nui. Ua waiho mai o Dr. Philip Platt imua o ka halawai o ka papa he noi e haawi ia ka mana i ka lunapaahao nui e hoopau ai i na limahana apau maloko o ka halepaahao, me ke kauka'i ole mai i ka papa komisina. Ma ke koho ana a ka papa komisina maluna o keia noi, ua ike ia o Dr. Platt. wale no āmē Jōhn A. Matthewman na lala i koho e kokua ana i ua noi la, a o na lala ekolu e ae, oia hoi o Mrs. Spitz, Samuel T. Hill ame Thomas McVeagh, ka i koho kue iua noi la. Nolaila ua haule ua noi la. O ka ka papa nae i koho ai e apono ana no ia i ka hoopau ana a ka lunapaahao nui ia John K. Kekuewa, ke poo wiliki o ka halepaahao, malalo o na kumu kupono, oia hoi, elike me na kumu i hoike ia mai e *ka lunapaahao nui no ka hookiekie ame ka launa ole mai me na iunapaahao e ae o ka halepaahao.