Ke Alakai o Hawaii, Volume IX, Number 7, 28 May 1936 — NONOI HOU IA KA HUINA O $383,715 NO KA HANA MANAWALEA HOIKE AKU KA ENEKINIA KALANA I KA PAPA LUNAKIAI [ARTICLE]

NONOI HOU IA KA HUINA O $383,715 NO KA HANA MANAWALEA

HOIKE AKU KA ENEKINIA KALANA I KA PAPA LUNAKIAI

Ua waiho aku ka Enekinia o ke kalana Benjamin F. Rush, imua o ka Meia ame na lala o ka papa hmakiai, he noi e hookomo hou ia iho ka huina o $383,715 iloko o na bona hou e hoopuka ia aku ana, no kā hoolawa pono ana i na hōolilo i koe o na hana kokua manawalea

o na aina haahaa ame na hale i hoopoinoia e ka wai elike me ia i ike ia i kela makahiki ino aku nei o Honolulu nei.

O na bona hou i hoopukaia iho nei, e noi ana ia i ka huina o $700,000 dala, ua hoopuka ia iho nei ia, a e hoohana ia aku ana ia no na hana ma na apana o Waialua, Makiki ame Kapalama.

O na papahana i hoomakaukau ia ai no keia mau hana, ame ko lakou mau hoolilo pakahi, ua hoomakaukauia iho nei ia e Enekinia Benjamin F. Rush, elike me ia ana i hoike aku ai i ka papa lunakiai maloko o kana leta:

"O na hoolilo i kohoia no na aelike: No na hana apau no ka muliwai o Nuuanu ame kona mau poino apau, he $550,000; no na hana apau o ka apana o Waialua, na apana o Kalihi, Iwilei ame Kapalama, he $975,000 dala.

O ke koena iho o ka huina i hoike ia ae nei, aole i hookomo ia aku kekahi mau hana hou, mai ka huina nui mai o $700,000, e koe iho ana ke koena o $383,715 elike me ka hoike a ka Enekinia Rush.

Ē hoike pu ana ka ene-

kinia ma kana lela, e makaukau pono ana na hana apau o ka apana o Kapalama ame Makiki, ke hiki aku i ka la 1 ae nei o lanuan, o ka makahiki 1937,