Ke Alakai o Hawaii, Volume IX, Number 12, 2 July 1936 — Ua Holo Aku O Mr. McCandless No Ka Makaikai Honua Ana [ARTICLE]

Ua Holo Aku O Mr. McCandless No Ka Makaikai Honua Ana

I ka Poalima aku nei i kau aku ai o Mr. ame Mrs. James McCandless maluna o ka mokuahi "President Hoover/' no ka holo ana aku no Kapalakiko; ua holo pu aku me L. L. McCandless ma keia huakai, a e halawai pu aku ana me lakou o Mrs. L, L. McCandless ma Kapalakiko, aia-oia i keia wa ma Piladelapia. ma ka aha elele a n« Demokarata e malama nei. E pau ana kana hana ma ka aha elele ma Piladelapia, a e holo mai ana ia no Kapalakiko no, ka hui pu ana mai me kana kane.

Mai laila aku e holala pono ai lakou i ka lakou huakai kaapuni i ka honua nei, a e huli hoi mai ana no Honolulu nei mawaena o na mahina ekolu a eha paha.