Ke Au Okoa, Volume I, Number 19, 28 August 1865 — Page 4
KE AU OKOA.
HONOLULU, AUGATE 28, 1865.
Na Wahine o ke Kaona nei.
E KE AU OKOA ;—Aloha oe:
Ano i keia wa, ua kupu ae ka manao e waiho aku imua o ka lehulehu, no ka'u mea i ike ai, he maka a he maka. Ma kekahi mau po iho nei o keia mahina, ia'u e ku ana ma ke Alanui Nuuanu, i ka wa hoi a na wahine kanaka e holoholo ana i uka a i kai, lohe aku la au i ka olelo a kekahi wahine Hawaii, e olelo aku ana i kekahi wahine, "Mai moni maoli keia kikina, o ka pau e ana mai nei hoi ka hewa o na moku Okohola i ke puhiia i ke ahi e ka moku powa Senadoa ," Pane koke mai la ke kokoolua, "U, pela mai nei la hoi o Kimo, he kikina aila hoi keia, no ka mea, o ka nui ka o ka lakou mau barela aila, he ekolu haneri me kanaha kumamalima, aole ka ia i komo pono aku i Arita, loaa e no kela mau barela aila." "Ina la ua ike aku na maka i ka mea poepoe keokeo," wahi a ka wahine mua.
Pane hou mai la hoi ka wahine alua, "He kuko ko'u e noho nei la, ua lana ae hoi kahi manao e noho nei, e ko ana la hoi ka makemake, kainoa la hoi ka laki mai nei o keia kikina, eia ka aole." "Heaha kou kuko?" Wahi a ka wahine alua. Hai mai la ka wahine nona ke kuko, "He kihei papapu no hoi e komo ia mai nei la." "Pehea la auanei e loaa ai?" Wahi a ka wahine mua. "O ka kaua hana no hoi paha, o ka laukua aku no hoi paha.''
Ia'u i lohe ai i keia mau olelo, nalu iho la au iloko o ko'u naau, i ke ano o ka laua mau huaolelo hope loa, oiai ua maopopo ole ia'u ke ano o ka laua mau olelo, aka, aole no o'u kanalua i ka olelo ae, ua ike a ua maopopo ia laua ke ano o ka laua mau olelo. No ka uhi paapu loa ana mai hoi o ka pouli, nolaila, ua ike ole aku au i ko laua mau ano a me na helehelena.
Ua hele pololei aku no ua mau wahine la ma ke Alanui Nuuanu, e pii pololei ana i uka. O ko laua mau poo, ua kahikoia i na lei Awapuhi, i kui maiau ia e kekahi mau wahine hana lei o ke kaona nei.
Ia'u i naue hou aku ai ma kela hale kaulana o ke kaona nei, oia hoi ka "Nekina," ike aku la au he mau kaau paha o na wahine e holoholo ana ma o a maanei o ua hale la, aka, i ko'u ku makaikai ana ma ua hale la, ike aku la au he mau kaikamahine opiopio loa, e holoholo ana, ua kahiko ia ko laua mau poo i na lei pua ahiahi a me ka lei pua kokoolau. I keia wa a'u e ku nei, ike aku la au i kekahi wahine a loaa aku la ka haole, kuikui hele mai la me ka haole ma ke keena a'u e ku nei. I iho la au iloko u'u, "Opala ka hoi ka ili puakea o Mareka i keia ili ulaula Hawaii."
O ke keena hoi a'u e ku nei, ua piha loa i na kanaka maoli a me na haole, e kuku ana iluna kekahi poe, a e noho mai ana kekahi poe ma na aoao o ka hale i hana noho ia, i wahi e noho iho ai na mea e komo aku ana. O na wahine hoi, e hanu ana ma o a maanei o ua hale uei me na maka koa, a hilahila ole ole no hoi; a ke manao nei au iloko o'u iho, ua haalele pau loa lakou i ko lakou hilahila i ka hale, a lawe mal i na maka koa a me ka hilahila ole.
Mahope iho o ko'u noho loihi ana, kani mai mai la ka bele mua, a o ko'u puka aku la no ia, a iho aku la i ke alanui pii a hiki ilalo. Ku iho la au malalo o ke ala pii, me kuu manao e nana pono i keia anaina kanaka nui e iho akahele nei, aka, ia wa koke no, lohe aku la au i na olelo haole e puka ana mai ka waha aku o kekahi poe wahine, penei, "We go drink Coffee." Ina ua hemahema au ma keia hoopuka ana i keia mau huaolelo ma ka olelo Beritania, alaila e kala mai ia'u, oiai au he malihini, a he wahi kuewa hoi no ka Mokupuni o Kama, a o kahi hua olelo haole iho la no ia a kahi kuaaina nei i lohe aku ai, ke ole nae hoi au e kuhihewa, a e lohe pono ole paha.
O kekahi poe, lawe ia aku la e hooinu kofe, a o kekahi poe hoi, kunewa wale iho la no, a hoi aku la ma na hale me ka manao hoihoi paha, aole paha. O ka'u ike ia la i na wahine o ke kaona nei, aka, he mea mau no paha ia ma Honolulu nei, a no ko'u ike maka mua ole, nolaila, ua manao iho au he pono ia'u ke hoaiai ae imua o ka lehulehu.
Ke noi aku nei au i na wahine maikai o Honolulu nei, aole i ku keia mau olelo ia lakou, aka, i ka poe wale no e h ele mau nei ma kela hale ka "Nekina." O ka'u mea minamina loa nae, o kela mau kaikamahine opiopio, a ke manaolana nei au, aole paha kela mau kaikamahine i malama pono ia e ko lakou mau makua. Ua ninau iho au iloko o'u iho, "No ke aha la ka mea i mumulu nui ai ma kela hale na wahine Hawaii? Ua lanakila anei ko lakou hele ana ma ia wahi? He wahi kupono anei kela no na wahine Hawaii e hooluana ai o ka po?" I ko'u manao, o ka hamama ana o keia puka he lua ale no ia no keia lahui holoakoa e lawe ia aku ai e ka mea kanalua ole, he make.
J. KAHAEKOWELO.
Kalaiula, Honolulu, Aug. 24, 1865.
Ke hana ia nei ma Parisa, ka laau, i lei no ka wahine, no na po hula haole; a ua lilo ia i mea makemake nui loa ia e na wahine kaukau alii, a i mea hou hoi, no na wa kulaia.
Ma ka mokuaina o Ilinoe, ua lele kekahi kanaka maluna o kekahi pa laau, a pae kona ai iluna o ke pine, a malaila kona wah i obscured obscured obscured.
E komo ana iloko o ke Kihapai.
E KE AU OKOA:—Aloha oe:
Owau paha kekahi o na ano hihiu o ka honua nei, i komo nui ma na ano lealea o keia noho ana, a oiai au e noho ana ma ka papa akahi o hoolohe ole, o puni lealea, o ona rama, o hikaka, o kuko ino, o hoopunipuni, o aloha ole, o alunu, o makee, o lauwili, o imihala, a pela aku. Nolaila, ua kanakolu o'u makahiki i hala iloko o ia mau kulana, me kuu manao he pono keia mau hana a'u, a he kiekie, a he hanohano, a he lanakila, a he mahaloia mai, eia ka ua haule au iloko o kuu kuhihewa, a naaupo. Nolaila, e komo ae iloko o ke kihapai o ka Ekalesia, iloko o na makahiki i koe, ehia la? Nolaila, e o'u makamaka, na hoa'loha, na kaikuaana, na pokii, na kaikuahine, na makua, na pili hanauna, ka lehulehu, i like ko oukou kulana me a'u, e huli ae a nana aku i ke kihapai o ke ola, oia ka Ekalesia nana i hoonaauao i keia lahui, i alakai i ka malamalama, i kapaia ai o Hawaii nei, he pomaikai, he naauao hohonu, he ike kelakela, he noho hanohano ana, he lei alii ka wahine maluna o ke kane, a pela ke kane maluna o ka wahine.
Nolaila, e huli kakou a haalele i ka hewa, e makau aku i ka hewa, e kiola, a e haalele, e hoopailua, e luai aku, a e kipaku aku ia ia, mai launa hou, mai hoopa,mai lawelawe, mai kuko ino hou aku, ilaila hoi kakou a kamaaina, auhea ka waiwai i loaa mai? O ka mai, o ka hu-i, o ka make o ka uhane, o ka hoino aku i ka mea nana i hana. Nolaila, e ala mai kakou a komo ae iloko o ke kihapai o ka Ekalesia, e hopu kakou a lawelawe i kana mau kauoha, a e lilo kakou i poe aloha i ka poe hune, kokua i ka poe pilikia, manawalea i ka poe nawaliwali, lilo i hui aloha no kolaila Ekalesia. A ina e maamaama kau hana, a pololei kou kulana, a lilo io oe i hoa aloha kou naau me ke Akua, i kou haipule mau ma kahi amlu me kou hilinai io ia ia, alaila, o oe ka makamua o Hawaii e lawe ola ia i ka lani, i like ai oe me Elia.
Nolaila, i keia hora, he kanaka lawe oe i kana mau kauoha, a e puili a paa, alaila, o ko ke Akua makemake ia. O ko ke Akua lili, a hoopai mai, aole ia e ae e uku aku i hookahi haneri dala, ($100,) a e hoopakele ae i kou uhane i ka lua ahi. Aole no hoi ke Akua e ae i na waiwai a pau au e umu ana, e uku i pakele ai ka uhane i ka lua ahi pio ole, a nolaila, makau wale, weliweli ino, a ina i huli ole no oukou, a ke huli nei no au.
No ke akakuu ana mai o kuu lealea i na makahiki he kanakolu, nolaila, ua lawe ae au i ka Baibala i kumu alakai, a ua loaa ia'u ka puiwa a me ka makau weliweli. Nolaila, ke kauoha nei au i na Ekalesia e hopu mai ia'u a e alakai aku ma kahi a oukou i noho kupaa ai, e hanai mai i ka hua a ka uhane, e hoolio i na olelo i ahi lapalapa, a i na olelo i hamare wawahi. Nolaila, o ka manawa keia e huli ai, a ke huli nei au, makau wale ke ahi lapalapa a Diapolo, ka momoku ahi enaena a Satana. W. S. PAHUKULA.
Kamakela, Honolulu, Aug. 22, 1865.
E KE AU OKOA E ;—Aloha oe:
Ma ke Kuokoa o ka la 19 i hala ae nei, ua hoopuka ae ka Luna Hooponopono o ke Kuokoa , i na olele hoakaka no ka haiolelo a Mr. Holo, ma Kawaiahao, no ke ano o na Ekalesia, e like me ka'u ninau, no ka Ekalesia i hooponopono hou ia. Aole au i manao e ninau aku no ka Ekalesia Euanelio, oiai aole i ike ka hapanui o na kanaka i na moolelo o ia hana ia ana, ke kumu i alakai ia aku ai na Alii, na Kahuna a me na kanaka, e hui iloko o ka huikau o ka manao kue i ka mana o ka Ekalesia Roma a me kana mau hana ma Enelani, aole wale hoi malaila, aka, ma ka honua a pauni. A no kana olelo no ka Ekalesia Euanelio, e waiho no au na ka Palapala Hemolele e hooia ia ia iho. Aole iloko o'u ka manao ana e paio, aka, no ka manao aloha e hoakaka i na mea a pau i ku i ka oiaio.
Ua lawa ka mea i hoomaopopo ia mai e ka Luna Hooponopono o ke Kuokoa , no ka'u mau ninau.
No ka S. M. Kamakau, mau olelo pane no ka'u ninau, ua kaawale loa kana mau wehewehe ana no ka'u mea i manao ai, a ua lilo pu nana kekahi mau ninau mai ia'u me ka wehewehe ole ma ke ano o ka'u mau mea i ninau ai, e like me ka ka Luna Hooponopono o ke Kuokoa , e hai mai nei.
Ina he makemake paio ko S. M. Kamakau, e palapala ponoi mai no ia'u ma ke Keena Hana o ka Luna Hooponopono o KE AU OKOA, a na'u no ia e hai aku i ka moolelo, aole o "kekahi kanaka ku i ka wa hea ia hoihoi ana i kona ano kahiko?" Aka, i hooiaio ia e na moolelo, na Ahahui a me na Kanawai, o ka wa i hoihoi ia ai kona ano kahiko. Aole no hoi au i kaena ae, he "Panalaau pau ole i ka helu ia ko Beritania," aka, na S. M. K., no e hoike mai i kona helu ana i na Panalaau o Beritania, a e pau no ia i ka helu ia. Pomaikai ino au, e kuu makamaka, no ia mau wahi kauna hua makani, a ina oe he Olohe no ke Aupuni Hawaii,
"E inu a kena i ka wai mapuna o Talperiona,
A ina aole, mai noho a hoopa!
No ka mea, he ona ka manao i na apu liilii,
A he holopono hoi ke mahuahua ka ike." He ae au e pai akea ia ka maua mau olelo paio ma ke an buke, ke pau ka maua paio ana ma na palapala ana aku, a palapala ana mai, aka o ka hoopaapaa ana iloko o na nupepa, he kumu no ia e hoowahawaha ia ia ka nupepa, no ka maua mau olelo paio.
Aole au he Olohe kaena, aka, he pono no ke hookuu, i loo ia oe ka moopuna a Kapaliaweloa." W. P.
Alnaui Papu, Honolulu, Aug. 21, 1865.
Ko Pe residena Johnson manao no ka pono ole o ka wai ona.
Ua olioli nui loa makou i ka waiho aku i mua o ko makou poe heluhelu i ka palapala malalo iho nei a ka mea i mahaloia E. C. Delavan, ka mea i haawi aku i na kanaka Amerika i ka manao o na Peresidena a pau no ka pono ole o ka wai ona. Ua hoikeike ae ia i ka inoa o Linekona a me kona hope, oia o Anaderea Johnson.
RALLSTON, HEMA, SARATOGA CO.,
Ape rila 29, 1865.
E na L. H. Iloko o ka makahiki 1833, ua hele aku au e ike i ka Hope Peresidena Madison, ka mea i kakau iho i ka palapala e hoike ana malalo iho nei. I ko'u hoi ana mai, mai Vireginia, hele aku la au i o Peresidena Jackson a me kona Hope Peresidena Adams. Ua kakau ia ka palapala e hoike ana ma ka pepa ili. O na Peresidena a pau mahope iho ona ua kakau mai lakou i ko lakou mau inoa, koe nae o Peresidena Harrison, no ka mea, ua make ia mamua o ko'u hele ana aku e ike ia ia. Ke manaolana nei no nae au, e kakau ana no ia ma keia palapala hoikeana, ina e ola ana ia i ko'u wa i lohe ai no kona make ana, ua olelo no ia mamua, aole ona makemake nui no ke puhi wai ona ana.
O Peresidena Johnson hoi, ua kakau mai oia i ka palapala hoonaauao ia'u, na kona lima ponoi i kakau, E. C. Dalavan.
KA NA PERESIDENA PALAPALA e HOIKE ANA.
No ka olioli nui a me ka ike i loaa ia makou a me na mea hana laau lapaau o ka waiona, he mea inu ia, i ike ia aole no ke ino wale o ke kino, aka, no ka eha pu kekahi e loohia mai ana i ke kino. Oia no ke ino nui holookoa a makou i ike ai, a me ka pono ole hoi o keia mea he wai ona. Maanei ke hai aku nei makou i ko makou manao kupono, o kela kanaka keia kanaka o "Amerika Hui" e hoopau i ko lakou inu ana i kela mea awahia, aole no ka hoole wale ana i ko kakou mau pono kino, aka, no ka pono pu o ko kakou aina.
James Madison, Andrew Jackson, Jno. Quincy Adams, M. Van Buren, John Tyler, Z. Taylor, Millard Fillmore, James K. Polk, Franklin Pierce, James Buchanan, Abraham Lincoln, Andrew Johnson.
Kue na Haipule.
Ua ike iho makou i kekahi palapala a Io sepa Samita Opio, ke keiki a ka mea nana i kukulu ka Ekalesia Moremona, maloko o kekahi nupepa E vening Iournal , o Chicago. Ua hai ia maloko o ua nupepa la, e olelo ana, ai he anaina Moremona hou e manao ana e holo i Lokopaakai, e hoopau ae i ka noho alii ana o Brigham Young, a e hoomaemae hou i ka Ekalesia. Ua oleloia he elima makahiki ka hana ana a keia Ekalesia hou, a ua oi aku mamua o ka umi tausani e noho nei ma Lokopaakai, e hoao ana e hookahuli ae i ke ano o ka Ekalesia Moremona e noho alii nei o Briama Young. Ua hai ae o ua Iosepa Samita nei, o ka mare lehulehu, aole ia no ka manaoio Moremona. Aka, ua hewa paha ia ma ia mea; no ka mea, i ka make ana o Iosepa Samita, ua waiho iho ia mahope ona he kanahiku mau wahine e kanikau ana no kona make ana.
Ma ka ua o Io sepa Samita nei palapala, ua olelo mai ia penei:
"Ina ua hewa keia palapala a'u, alaila, e kuhikuhi no au i na kumu o ke kue mawaena o ko makou mau manaoio me ka makou mau hana ana, a me ka Brigham Young.
"O ke Akua ka makou e hoomana nei, a aole o Adamu.
"Ua manaoio makou i ka houluulu ana ma ke Kauoha Kahiko, a aole hoi o ka hoouluulu ana ma ka Aina Paakai.
"Ua manaoio makou, o ke aloha ana, aia iloko o ke Karistiano; a aole hoi o makou anaoio he mea pono ke kipi ana a me ke kue ana o ka lahuikanaka, a no lakou hoi na pomaikai i haawi ia mai ia lakou e ke Aupuni lokomaikai.
"Ke lawe mai nei au i kekahi mea e pili ana no ka mare ana, i pai ia iloko o kekahi buke i ka M. H. 1854, hookahi makahiki mahope iho o ka make ana o kuu makuakane, a ua pai hou ia hoi e makou i ka M. H. 1864.
"Ua manaoio makou, e pono no ke kanaka i ka wahine hookahi, koe nae ka wa e make ai, he wa no hoi ia i ae ia e mare hou kela a me keia.
Ua lawe mai no hoi o Iosepa Samita, mailoko mai o ka buke Moremona, a e kue nui loa ana i ka mare lehulehu, ia Brigham Young a me kana mau wahine he kanahiku.
LINEKONA.—Ma kekahi apana o ka moolelo o Linekona, ua ike ia kekahi o na olelo ao a Linekona, i hai aku ai i kana mau keiki, "Mai inu; mai puhi paka; mai nau paka; mai hoohiki ino; mai piliwaiwai; mai hoopunipuni; mai apuka; mai hoolalao; E aloha i kou hoalauna e like me ka ke Akua. E puliki mai i ka oiaio. Mai hoopalaleha i ka pono a me ka olioli.
KUPONO.—Ua haawi ia aku i ka wahine a kekahi Kanela i make no Chicago, Ilinoe, no ke koa, a me na hana kaulana e ae a kana kane i hana ai, he $5,500, a me kekahi hale maikai loa he $5,000 ke kumukuai.
Aia ma ka mokuaina o C onetic obscured te kahi i n oho ai kekahi wahine m akapo o Hannah obscured oore kona inoa, he 73 kumamakolu ka nui o kona mau makahiki, a he 88 paa kakini ona e hana ai, a hoouna aku no na koa i kela mahina keia mahina.
Ninau manao kuloko.
E KE AU OKOA:—Aloha oe:
Aloha nui oe a me kou Lunahooponopono, ke kukini mama ahailono ke pani hakahaka o Makoa, ka elele a Kamehamehanui me Liholiho e alo ana ma na kai ewalu a pela hoi e alo aku ai i ke anu a ka ua a me ka hui a ke makani i ka wela hoi o ka la o ua kulanakauhale ou e Kaui-e-e hoomanawanui ae oe e poloai aku ia lakou i keia wahi ninau naauao kuloko.
Eia no ia: Elua pauku kaula ropiana, Elima anana ka loa, o kekahi me kekahi, Hookahi kap. ke anapuni o laua a elua a ua makemake au i hookahi oki ana i ka pahi, a me kekahi mea e ae i ua mau pauku kaula nei a elua a-e puka mai no na poke eiwa no ia hookahi oki ana wale no, aole i elua oki ana, auhea oukou, e na iwa kiani hoopuopu o Paliuli e noho ana, i ka lai i Makanoni, i kahi i puka mai ai o ka la ma Hawaii, puka pu me ka naauao a i ka malu kuikui hoi o kaukaweli i Lahainaluna, Maui, a i ka wela ae hoi o ka la o Honolulu i Oahu, a i ka welo ana iho hoi a ka liula i ka ilikai i ka lalo olu o Lehua, Aloha oukou!
E ala! E ala! E lalau i ka pahi oi o ka naauao e oki a moku i eiwa poke a e haawi iho na ke keiki, KE AU OKOA e lawe mai a loaa no au ma ko'u hale hana i Kukaahuelo ma Kaalaea, ka aina a ka lau o ke ko e wawalu nei i na pali a i ole ia i ko'u Home ma Koula. Owau no me ke aloha i ka Nupepa KE AU OKOA, Nupepa hoi o ko KAMEHAMEHA V, Aupuni. Ua pau me ke aloha, ke hoi nei no ke King o Koolaupoko, ua hoouna mai la o Kailua i ka ua kualau, aia la ke hikikii mai la o Haupu ma laua o Kalaihauola i ka nuku o Nuuanu la i poia e ke kui—e, me ka mahalo. Owau no. Rov. KAEHUAEA.
Waiahole, Koolaupoko, Oahu, Aug. 22, 1865.
He Bea Laka.
I ke awakea, oia ka hora umikumamalua, ua haalele iho ke kahu hanai o ka Bea e oleloia nei, ma ka hale noho paa o ua Bea nei. Hele aku la ka mea hanai Bea ma kekahi Hale Hotele, e ai i kona aina awakea, aka, ia ia e hele nanea ana ma ke alanui e hiki aku ai i ka Hale Hotele, me ka manao e noho malie ana ua Bea nei, eia ka auanei he hiki no i ka Bea ke hele, e like me ka hele ana o kona kahu.
I ka wa a ke kahu hanai Bea i haalele iho ai, a hele aku la, aka, ia ia no paha e hele ana ma ke ala loa, puka ae la ka Bea e olelo ia nei iwaho, a hele aku la ma ke alanui, a ku aku la ma ka puka o kekahi hale, kahi hoi a na keiki ekolu e noho nanea ana. Wehe aku la ua Bea nei i ka puka o ka hale, a komo aku la iloko. I na keiki i ike mai ai i keia mea kupanaha, kuhihewa loa iho la lakou he ilio nui, a no ko lakou makau loa a hiki ole ke hoomanawanui, nolaila, ua pili wale lakou ma na paia o ka hale.
No ke ku loihi loa o keia holoholona nui me ka hoeha ole aku ia lakou, nolaila, ua hele mai lakou e hamohamo ma kona nui kino, aka, ia lakou e hamohamo ana, ua pau ae la ko lakou makau.
I keia wa a na keiki e hoopapa nei, ua ku malie loa ua Bea nei, aole oni, aole no hoi i huhu mai. O keia poe keiki, he malihini loa, aole i launa iki me ka Bea, a no ke aha la ke kumu i laka ai o keia holoholona? Oiai he malihini i lohe ole ia e kona pepeiao keia mau kahu ona.
No ka lealea o keia poe kamalii i ka paani hookani iho la ke kaikuaana i ka pahu, me kona hoomau no ma ka hookanikani ana; a o ka wa no ia a ua Bea nei i kaikai ae ai i kona mau wawae mua, a ku polole ae la iluna, a hoohulahula iho la ma ka papa hele o ka hale. Hu ae la ka akaaka a ua poe keiki nei, aole hoi oia wale, aka, o ka haawi ana aku a ua poe keiki nei i ka pu kaupoohiwi i ua Bea nei kekahi mea akaaka.
Ia manawa no, lalau koke mai la ka Bea i ka pu, a ku pololei ae la iluna, a paikau like iho la lakou nei me ka hoolei wawae "march." I ka nana aku, ua like pu loa ia me ke kanaka Militia ke ano koa. Hu ae la ka aka a na keiki, no ke ano eleu a me ke akamai loa o keia Bea i ka paikau ana, me he mea la ua ao ia a akamai. Nolaila i kapaia ai he Bea Laka.
Ke kuhihewa o ko Inia poe.
Ua hai mai ka Nupepa Delhi o Inia penei :—"O kekahi kanaka Hinedu me ka ohana nui popilikia, e hoomana mau ana i ko lakou Akua, me ka hooiaio nui mai i ko lakou paulehia ma ia manoio. A o kekahi kanaka Hinedu e ae hoi, he kanaka paahana ia ma ke alanui kaa ahi e olelo ana, "heaha ka mea maikai e hana ai." Ua hai ae oia me ke kanalua ole, o ke kaa ahi, oia ke Akua hou i hiki mai i o kakou nei. Ua ike no hoi kakou o ka mohai ka mea mua a na mea hoomana obscured ai, no ka mea, he mea ia e hoomalielie aku ai i obscured akua. I keka hi la ae, ua hoomakaukau ia na pua o ka nahelehele a me na mea ai he nui wale, i mea e mohai aku ai i ua kaa ahi nei, aka, i ke kanaka e ku makaukau ana, me ke kali ana no ka hiki mai o ua kaa ahi la, "Ke akua hou hoi, wahi a keia kanaka Hinedu," aole i hiki mai ia wa koke, mahope iho o ke kali hoomanawanui ana, holo mai ana ua kaahi 'la, i ko ia nei ike ana aku, mohai aku la keia i na mea aia nei i hoomakaukau ai, aka, ia wa koke no ua hakaka obscured make me ke ola, a no ka ikaika launa ole o ka make, ua lawe kohana ia aku kona kino iloko o ka opu o ka honua. Ke ike ae la no kakou i ka hana a keia poe aka, pela no ko kakou aina nei mamua, a pehea la i keia wa? Ua pau loa paha ke kaukau ana aku i na akua me kahi pu-pu awa, eia no paha ke kaukau nei no paha? "Ahu kupanaha ia Mana."
PEHEA O GEN. LEE I HELE AI I KE KAUA.—Ma ke kakahiaka o ka la Sabati, i ka wa i lohe ia aku ai ka haule ana o Sumter, he keonimana i launa pinepine me na poe Amerika, ka mea hoi a ka poe Amerika i hoouna aku ai mai Wasinetona e hele i Rikemona maluna o ke kaa ahi. Maluna o ua kaa nei o Alekanekero A. H. Sturt, William B. Preston a me kekahi hoa, a lala o na Komite, ka mea hoi a na kanaka o Vireginia i hoounu aku ai e hele i ka ahaolelo i Wasinetona, e ninau pono aku i ke ano a me ka noho ana o ka Peresidena hou, aka, he kiu no keia. Ma kekahi wahi aku malalo o Aledaneria, he puula kanaka nui e ku paapu ana me ke kakali ana o ka hiki mai o na mea hou ma ke kaa ahi. O Stuata a me Prestono ku koke ae la laua ma kahi kiekie me ko laua manao mua o laua na mea nana e hai mai na mea hou. I ka wa a ke kaa i ku iho ai, ninau mai la na kanaka, "Heaha na mea hou?" Hai aku la kekahi, ua haule e Sumter, "E hoala ana au i puali kaua a hele koke aku no i Wasinetona," wahi a kekahi kanaka, me ka wiliwili i kona kookoo, a hele haaheo iho la maluna o ua wahi nei. "E hoomaka koke no au i ka la apopo i ka hoala i puali kaua a hele aku e lawe ia Wasinetona, aole anei e pono ia'u ke hoala, e Preston?" He manawa loihi loa ke ku ana o Preston, aole hoopuka koke aku i ka haina, aka, mahope iho pane aku la ia, "O ke koa io, ua kakali oia maluna o ka noonoo lohi ana." Pane aku la ke kanaka, "E hookahe ia ana anei ke koko? Aole. I ka haalele ana iho o ke kaa, lohe aku la ia i ka olelo, "E hoala no au i ka puali kaua a hele aku i Wasinetona." I ka nalowale ana aku o ke kaa ahi, ninau aku la kekahi mea owai ia kanaka koa, a akamai a kakou e hilinai ai, pane mai la o Preston o Kenela Lee, a oia hoi ke alakai nui o ka puali kipi, a oia no hoi ka mea i ike ia he kanaka kupono, a mahope iho o kekahi mau la e pule ai, alaila, e huki ae no oia i kana pahi kaua a kue a kue aku i kona aupuni. Nana ia i hoonaauao a hookiekie ae hoi. E hoomanao ia no hoi, o keia hana i hoike ia imua o Viriginia, ua holo pono ke kipi, a mahope iho o na la elima, ua loaa ka palapala hookohu o Gen. Lee. Hoala koke iho la no o Gen. Lee, a loaa ia ia 3,000 koa, a hele aku la i Hapa Fere i hoolako ia mai na mea kaua ia lakou. O ka manao o lakou, o ka hele aku mawaena o Marelana i hoala koke ae lakou i ka wa hookahi, a hookaawale ae ia lakou mailoko mai o ke Aupuni Hui, me ka lawe pu aku i ka puu dala lahui, ka mea hoi a na kipi i houluulu ai no lakou iho a me ke Aupuni o Amerika Hui. O ko lakou manao mua, o ka lawe mua i ke kulanakauhale alii oWasinetona a me na mea hana mahu o ke Aupuni, alaila, e hookuu wale aku i keia poe "kipi" o ka Akau, ina aole lakou makemake mai i keia hoololiloli ana.
KA WAHINE A LINEKONA..—Ua manao ka Nupepa "Republican" o Chicago, he kupono ke uku ia ka uku makahiki o Aberahama Linekona i kana wahine, a penei ka hoike ana mai: Ua ike ia kekahi hana i like pu loa me keia i ka wa i noho Peresidena ai o Gen. Harrison. Ma ka la 4 o Malaki 1841, ua noho iho o Harrison ma ke keena oihana o ka Peresidena, aka, mahope iho o ka pau ana o ka mahina hana hookahi, oia hoi ka la 8 o Aperila oia makahiki no, make iho la o Harrison. I ka halawai ana o ka Ahaolelo, ua hooholo ae lakou i kekahi bila e olelo ana e uku ia ka wahine kane make, oia hoi ka wahine a Harrison i na dala maikai he iwakalua kumalima tausani oia no hoi ka uku makahiki o ke kane, o Aberahama Linekona, ka mea i noho a hala na makahiki eha, a ua koho hou ia i Peresidena no na makahiki eha e hiki mai ana, ua noho hou oia ma ka noho Peresidena ma ka la 4 o Maraki 1865, a ma ka la 14 o Aperila make iho la oia. No keia mea, ua hooholo ka Ahaolelo e uku ia ka uku makahiki o A. Linekona i ka wahine kane make, ka mea hoi i hooanuanu ia na poli, a i kulu mau iho hoi na waimaka.
LUI NAPOLEONA.—Ua hai akaka loa ia mai nei ka mai o ka Emepera Napoleona, ua nui loa, a ua ino loa no hoi kona mai; ua loaa ka ia ia ia mai, no ka hoopaa mau loa i ka nana i ke "Ola o Kaisara." He oiaio no paha, aka, o ka poe Amerika, ua noonoo wale iho lakou, o kekahi kumu o kona mai, no ka manao nui loa i ke kulana o Maximiliana i keia wa e kaua mai nei o Mesiko me Farani. He oiaio no, e ike ana no ia i ka lele ana mai a Amerika Hui iloko o Mesiko. Hoolele oili no no hoi ke keiki Amerika, no ko ia la ku lanakila ana ae nei i keia wa paha, hai ia mai ai keia mau huaolelo maluna ae nei. Aole no i ike ia, no ka mea, he mau ilio opea ana no a i elua. Na Farani ka hoi ka hoopiipii, a ina e hooihoiho mai, he mau manuwa ka na maka e ike aku ai.
MAI MA KA MOANA MAI, A MAKE MA KA AINA.—Ma ka la 16 o Augate iho nei, ua make o obscured aloha k. ma W aipilopilo, Kapalama, Honolulu, he ohao kona mai i make ai, he kaikaina obscured no Kauhiahiwa , o kona one hanau o Hilo, he kanaka oia i aloha nui ia, e kona ohana, na haole moku, a me na kanaka maoli, he hoa hoi no na kai anu, a me na kai mehana, a nolaila, ua lawe ia aku ia e ka make ua nalo:
"Ua huna aku 'la i na obscured aka,
Waiho ia kakou i ka luuluu me ke kaumaha,
E kuewa hele i ka ala me ka waimaka,
A hoi luuluu i ke one o Hanakahi—e—Aloha!!!"
NA LUNA O KEIA PEPA.
EIA IHO NO NA INOA O KA POE MA KELA wahi keia wahi i hookohuia i poe Luna o Ke Au Okoa. Me lakou nei e hooponopono ai na makamaka lawe nupepa no ka uku o ka pepa, a me ko na Olelo Hoolaha.
HAWAII—J. H. Coney, Hilo.
D. H. Hitchcock, Hilo.
L. Kaina, Puna.
W. T. Martin, Kau.
C. N. Spencer, "
J. G. Hoapili, Kona Hema.
P. Cummings, "
J. Z. Waiau, Kona Akau.
J. H. Kamalo, "
G. K. Lindsay, Kohala.
J. Naiapaakai, "
S. P. Koko, Hamakua.
Maui—A. M. Kahalewai, Lahaina.
P. H. Treadway, "
W. Ap Jones, "
E. Saffrey, Honuaula.
C. K. Kakani, Kaupo.
John Rae, Hana.
W. P. Kahale, Wailuku.
W. G. Needham, Makawao.
T. W. Everett.
MOLOKAI—Mr. Meyers.
OAHU—J. P. E. Kahaleaahu, Ewa & Waianae.
J. M. Kalanipoo, Waialua & Koolauloa.
J. W. Kea, Koolaupoko.
KAUAI—T. H. Marshall, Lihue,
S. Kamahalo, "
J. S. Low, Hanalei.
H. J. Wana, "
G. W. Lilikalani, Koloa,
J. Kauai, Waimea.
HALE KUAI HOU!
ME NA LOLE HOU!
UA WEHE AE NEI KA MEA NONA KA INOA malalo nei, he Hoa Kuai Oluolu no oukou i na la i kunewa hope ae nei, e like me ka
Oluolu a'u i Hookipa ai ia Oukou, ma ka hale Kuai o Painapa; pela no ka'u e hana aku ai ia oukou. Aia ko'u Hale Kuai ma ke Alanui Papu, e kokoke ana i ke kihi o ke Alanui Kalepa a me ke Alanui Papu. Ua lako wau i na
Lole Maikai,
Na Kamaa Wahine,
Na Kamaa Kamalii,
A ME
na Lole o kela ano keia ano, no ke kumukuai
Makepono Loa!
(12-3m) C. F. PFLUGER.
UA MAKEMAKE ANEI OE I KA PAPA ULAULA?
UA MAKEMAKE ANEI OE I KA Papa Ulaula Makepono Loa? Ke ike nei ana oe, aia o GEORGE G. HOWE, Ke noho kuai Papa la ma kona wahi kahiko, ma Aina Hou! 7-1m
PAPA OREGONA!
KA HIKI ANA MAI NEI NO IA MALUNA o ka moku 'Cambridge,' a e kuai ia ana ma ke kumukuai haahaa loa, e GEORGE G. HOWE, ma kona wahi mau ma Aina Hou. He 100,000 kapuai papa i kahi ole ia. He 80,000 kapuai papa oa. Me na papa hele, na papa pa, a me na aaho, eono iniha ka manoanoa. He 100,000 Pili Cedera. E oluolu kakou a pau loa e kipa aku a hoolaulea me ia. 8-3 m
J. D. HALAI.
MEA KAKAU PALAPALA!
—NO—
NA ANO HANA A PAU LOA!
UA HIKI I KA MEA NONA KA INOA Maluna ae, ke hana i ko oukou mau palapala ma ka olelo Beritania a me ka olelo Hawaii, oia hoi na
Palapala Hooilina,
Palapala Kuai,
Palapala Moraki,
Palapala Hoolimalima,
Palapala Hoolilo Hope,
Palapala Hoopaa,
a me na palapala o na ano a pau. Aia kona Keena Oihana ma ka Hale Hookolokolo ma Honolulu, Oahu, ma ke Keena mua, mauka iho o ka puka komo, e loaa no ia, mai ka hora eiwa o ke kakahiaka, a hiki i ka hora eha o ke ahiahi.
Honolulu, Iulai 15, 1865. 13-3m
Hale Kuai o Ake!!
E O'U MAU MAKAMAKA NANA AU I HOOLAUNA mai i na wa i kunewa hope ae nei, ke kalahea aku nei ia, me ka hai aku ua makaukau ia e hoolako aku ia oukou i na mea a pau a ko oukou mau puuwai e kaunu ai. Ka lole o na ano a pau, ka Luina ume naau, ka Pahoehoe uwi lua, na lole Poni Kalakoa, a me ka Puahau o Maleka. Ko kane hoi ke Paina, ke Kuila, a me na mea a pau na boy o Hawaii nei e haaheo ai.
Ua hiki mai nei he mau Kihei Papamu Huluhulu nui.
E KOMO, E WAE NO OUKOU IHO. 1-tf.
J. L. Nailiili, & A. W. B. Nahakualii,
LOIO.
E IKE AUANEI NA MEA A PAU, O NA mea nona na inoa maluna, he mau Loio laua, a ua makaukau laua e kokua i ka poe i hoopiiia, a me ka poe hoopii no kela hewa keia hewa o lakou. A he hiki loa no hoi i ua mau Loio nei ke hana i na palapala hoopii o kela ano keia ano, a me na palapala kuai, palapala hoolimalima, palapala hoopaa, na olelo aelike a pau o kela ano keia ano, a me na palapala hoohui a pau, a me kela ano keia ano e ae o na palapala oihana, a me na palapala kupono a pau i ke Kanawai. E kakauia no me ka maikai loa na palapala. E loaa no maua, a o kekahi paha o maua ia oukou, ma HALEOLA, i Honolulu, Oahu, a i ole ia, ma Keei paha, i Kona Hema, Hawaii. E ninau no ia laua no ka uku.
Honolulu, Oahu, Apr. 24, 1865. 1-tf
OLELO HOOLAHA.
UA HOOPII MAI O KAMIKI (W,) KUE I kana kane mare, ia Apanihina (Pake) no Kaumakapili, Oahu, mamua, e hooki i ko laua mare ana, no ka nalowale ana no na makahiki ekolu o ua Apanihina (Pake) nei ma ka aina e, aole i lohe hou ia mai. E hanaia keia hoopii imua o ka Mea Hanohano R. G. DAVIS, kekahi Lunakanawai o ka Aha Kiekie, ma ka la 8 o Sepatemaba, i ka hora 10 o kakahiaka, aia ma ka Hale Hookolokolo ma Honolulu, Oahu.
Wm. HUMPHREYS.
Hope Kakauolelo o ka Aha Kiekie.
Honolulu, Mei 3, 1865. 3-4m
OLELO HOOLAHA.
E IKE MAI E NA MEA A PAU MA KEIA Palapala Hoolaha, ua hookapu ia, a ua kapu loa ka hopu ana, a me ka pepehi ana i na manu Oo a me ka MAMO, e noho ana maluna o na Aina ponoi o ka MOI KAMEHAMEHA V., a mai keia la aku, aole e pepehi ia, a e hoomake ia kekahi manu OO, maluna o na AIna o ka MOI, aole ma ke kapili kepau ana, aole ma ke ahele puka kaula, aole loa hoi ma ke ki pu aku, ua kapu loa. O ka mea, a mau mea kue i keia olelo maluna iho nei, e hiki no i kela mea i keia mea ke hoopii.
R. KEELIKOLANI,
Kiaaina o Hawaii.
Hilo, Hawaii, Augate 1, 1865. 18-1m
HALE PAI KII.
AIA KO'U HALE PAI MA KA HALE E PILI ana me ka Hale Leta, maluna'e o ke Keena Pai o ka "NUPEPA KUOKOA." Ua emi loa na kii Elua Dala no ka Pepa Kii Ekolu. A hookahi wale no dala no ke kii aniani.
6-tf H. L. CHASE (Keiki)