Ke Au Okoa, Volume I, Number 30, 13 November 1865 — Page 1

KE AU OKOA.

BUKE I--HELU 30.}  HONOLULU, MONEDE, NOVEMABA 13, 1865.  {$2.00 NO KA MAK.

 

"KE AU OKOA,"

E HOOPUKA MAU IA'NA I

KELA POAKAHI KEIA POAKAHI,

MA KA

HO RA EWALU O KAKAHIAKA.

ELUA DALA NO KA MAKAHIKI hookahi, he kanalimakumamalua nupepa ia. E uku e ia ke DALA HOOKAHI no ka hapalua makahiki mua, iloko o na mahina mua eono; a pela ho ka lua o ke dala, e uku e ia iloko o ka hapa hope o ka makahiki.

 

"KE AU OKOA."

KA UKU O NA

OLELO HOOLAHA.

NA OLELO HOOLAHA—No na lalani he 10, oia hoi 1 iniha, no ka hoopuka hookahi ana, $1.00; alua hoopaka ana, $1.50; ekolu, $1.75; hookahi mahina, $2.00.

Aia no ke keena o "KE AU OKOA" ma ka Hale Paipalapala Aupuni, maluna ae o ka Hale Pai.

 

BEDERA BASIMA & GIOHARA.

He Kaao no Arabia.

HELU 2.

Mahope iho o keia, ua puni ka wa, a hanau mai la ke keiki, he keikikane, ua hele a like me ka mahina piha, no ia mea, ua hoopuni ia ke aii e ka hauoli nui loa, no ka mea, aole ia i hoopomaikai ia mai e ka lani me kekahi kaikuahine a keikikane paha mamua. Ua hoo obscured ia ka hauoli ana a me ka hoonani ana i ke kulanakauhale no na la he umi; i ka obscured o ka la hiki mai la ka makuahine, kaikunane, a me na hoahanau o ka Moi Wahine Gulunea mai ke kai mai, no ko lakou ike ana ua hanau o Gulunea. Halawai mai la lakou me ke alii me ka hauoli nui, a olelo aku la ke alii ia lakou, "Aole au i hea iho nei i ka inoa o ke keiki, a ia hiki mai oukou, obscured na oukou e hea." A kapa aku la la obscured kona inoa o Bedera Basima, mahope iho o ko lakou hooholo like ana.

Alaila, haawi aku la lakou i ke keiki ia Sale ke kaikunane o Gulunea, a lawe aku la ia i ke keiki iloko o ke kai. Kakali iho la ke alii o ka hoi, aohe hoi mai, olelo aku la oia i kana wahine, no ka pono ole o kona manao, no ka laweia ana o ke keiki; uwe iho la oia me ka ehaeha o kona naau, a olelo aku la o Gulunea, "E ke alii, mai uwe oe, no ka mea, aole i oi aku kou aloha i ke keiki mamua o ko'u aloha ia ia, aohe no hoi he poino e uluhia mai maluna ona, a aole no hoi ia e make. Ina he manao ino ko ko'u kaikunane, aole au e hookuu aku i ke keiki e hele pu me ia, aole no e liuliu a hoihoi mai oia i ke keiki i ou nei!" Aole no hoi i liuliu aleale mai la ke kai, a hoihoi mai la oia i ke keiki me ka poino ole o kau wahi o kona kino holookoa.

Alaila, nana aku la ia i ke alii me ka olelo aku ia ia, "Ua manao paha oe e ke alii he mea ino ke hana ia aku i kau keiki kamakahi e ke alii, i ka wa a'u i iho aku nei me ia iloko o ke kai." Pane mai la ke alii, "Ae, a ua makau au aole ia e hoi hou mai ana me obscured ola." Olelo aku la o Sale ia ia, "E ke obscured aina, i lawe aku nei au ia ia e hoo obscured ia ia iloko o ke kai obscured e hai aku ia obscured inoa i kakauia maluna obscured ke keiki a Davida, no obscured kahi keiki mawaena o makou, o ka makou mea ia e hana mua aku ai ia ia, e like me ka'u i hai aku nei. Mai makau oe i kona piholo iloko o ke kai, ina ia e iho aku iloko olaila, i na wa a pau loa ana e iho aku ai. E like me ka hiki ia oukou ka hele ana ma ka aina nei, pela no e hiki ai ia ia ka hele ana iloko o ke kai."

Ia wa, unuhi ae la oia i kekahi wahi pahu, a lulu iho ha ia, a helelia mai la na momi o na ano a pau loa, i oi aku ko lakou hulali mamua o ka la a me ka mahina. A olelo ae la ia, "E ke alii, o keia mau momi a pau loa he makana ia na'u ia oe, no ka mea, aole makou i haawi aku ia oe i kau wahi makana no ko makou ike ole i ko gulunea wahi i noho ai, a me na mea a pau e pili ana nona. Nolaila, i ko makou ike ana, ua hui ia oe me ia, ua lawe mai makou i keia makana nau, a i kela pule keia pule, e lawe mai no makou i na mea ano like me ia, ina e ae ia e like me ka makemake o ke Akua, nona ka inoa e hoomaikai ia, ia wa aku ia wa aku! No ka mea, o keia mau gula, mau momi, a me na daimana o kela ano keia ano, he nui wale ia mea ia makou, e like me ka nui o ka iliili ia oukou ma kula nei, a ua ike no hoi makou i na mea ino a me na mea maikai!"

I ka wa a ke alii i nana pono iho ai i keia makana, ua hookahaha loa ia kona manao, a hoomaikai aku la oia ia Sale, me ka olelo aku, "Hookahi o keia mau momi a oukou i haawi mai nei ia'u, ua like no ia me kau aupuni hookahi!" Huli ae la oia a olelo aku la i kana wahine ia Gulunea, "Ua hilahila hoi au i kou kaikunane, no ka mea, ua haawi mai nei oia ia'u i kekahi mau momi, a heaha la auanei na mea o ka aina nei a'u e haawi aku ai ia lakou i makana na lakou." Hoomaikai aku la o Gulunea i kona mau pilikana, aka, olelo mai la o Sale, "E ke alii, ka makou mau mea a pau loa i haawi aku nei ia oe, aia ia mau mea malalo o ka paepae wawae o kou noho alii, no ka mea, ua malama maikaiia ko makou pilikana e oe," a e like me ka olelo ana a ka mea haku mele:

"Ina au i uwe mamua ae o kona uwe ana iloko o ko'u aloha no Soada,

Ina ua hoola au i ko'u uhane, mamua ae o ka hiki ana mai o ka mihi ana,

Aka, ua uwe ia mamua o'u, ua hookahe ia kou mau waimaka o kona,

A ano, ke i ae nei au, e pono e lilo ka makana no ka makahiapo mua."

A noho iho la lakou me ke alii ma ka aina no na la he kanaha, a i ka pau ana oia mau la, ku ae la o Sale iluna a olelo mai la i ke alii, ke kane a kona kaikuahine. Ninau mai la ke alii, "Heaha kou makemake e Sale?" Pane mai la oia, "E ke alii maikai, ua hoike mai oe i kou lokomaikai ia makou, a ke noi

aku nei makou ia oe, e oluolu oe e ae mai ia makou i kekahi mea a makou e nei aku ia oe e ke alii, no ka mea, ke ake nui nei makou e ike i ko makou ohana, i ko makou aina a me ko makou home. Aole makou e haalele kuulala loa mai ana ia oe, aole hoi i ko'u kaikuahine a me kana keiki, a ma o Alahe la, o ka haalele ana ia oe, he mea ehaeha loa no ia i ko makou mau naau, aka, pehea la makou e hiki ai ke noho loihi ma ka aina nei, no ka mea, ua maa loa makou i ka noho ana iloko o ke kai, ilaila makou kahi i hanau a i hanaiia ai."

I ka lohe ana o ke alii i keia mau olelo a Sale o ke Kai, ku ae la ia iluna a aloha aku la ia lakou a pau loa, a hui ia iho la no hoi lakou a pau me ke alii no ko lakou kaawale. Honi pakahi aku la lakou a pau i ka lima o ke alii. Alaila, olelo aku la lakou i ke alii, "Aohe no e loihi loa a hui hou mai no makou me oe, aole makou e haalele loa mai ana ia oe, ke keiki, a me ko makou kumu i pili aku ai ia oe. Mai komohia ka manao iloko ou, e haalele ana makou ia oe, no ko makou uluhua ia oe, aole oia ke kumu.'' Mahope iho o keia, lele aku la lakou iloko o ke kai, a nalowale aku la.

Hana maikai aku la ke alii ia Gulunea me hanohano nui kupono i kona kulana, a ulu maikai ae la ka laua keiki, a i kela wa keia wa, ua hoi mau mai la kona mau pilikana, a noho pu me laua hookahi a elua mahina i kahi manawa, a hoi aku i ko lakou wahi mau. Aohe no i omaimai iki ka ulu ana o ke keiki a hiki wale i kona mau makahiki i ka umikumamalima; a ua ano ui maoli kona mau helehelena ke nana aku, kona oiwi ua pololei maikai. Ua ao ia oia i ka heluhelu a me ke kakau, ka oo ihe, ka mokomoko, a me na mea a pau e kupono ai i ke ao ia i na keiki alii oia mau kau. Aole no he poe mawaena o na kamalii na kane, ame na wahine i ole ka mahalo ia ia no kona nani, a me kona akamai ma na oihana kaua, a ua kukonukonu ke aloha o ke alii ia ia.

Alaila, kuahau aku la ke alii i na Kuhina na Lunakanawai, a me na koikoi a pau loa o ke aupuni, me ka olelo aku ia lakou, e hoohiki paa mai lakou e lilo o Bedera Basima i alii, mahope iho o ka make ana o kona makuakane, a e malama pono lakou a pau loa ia ia i na mea a pau ana e olelo aku ai. Pela lakou i hoohiki mai ai, me ko lakou naau a pau loa, a hana maikai aku la ke alii ia lakou, a me na mea a pau o ka lahui e pomaikai ai i na kau a pau e hiki mai ana. I kekahi la ae, kau ae la ke alii maluna o ka lio me na Kuhina a me na haku a pau o ka aina a kaapuni ae la i ke kulanakauhale, a i ka aneane e hiki mai i ke alapii o ka halealii, lalau mai lakou ia Bedera Basima, a hookau iho la maluna o kekahi noho nani, a kaikai ia aku la oia, a hookau ia maluna o ka noho alii, a hoopuni ae la lakou ia ia.

Ia wa, hooponopono iho la o Bedera Basima i ka noho ana o ka lahuikanaka, a hoopau ae la ia i na auhau kaumaha, a hoomama ae la i ko lakou mau pilihua a pau loa, a hiki wale i ke kau ana o ka la iwaenakonu, komo aku la oia e ike i kona makuahine, me ke kalaunu alii maluna o kona poo, i like me he mahina la i piha pono loa. I ka ike ana mai o kona makuahine ia ia, ku mai la oia a kukuli imua o kana keiki, me ka hoomaikai mai i kona lilo ana i alii maluna o ke aupuni o kona makuakane, a haawi ae la ia i kekahi pule e hooloihi ia kona ola ana, a me kona makuakane, a e noho lanakila mau hoi maluna o ko laua mau enemi i na wa a pau loa a lakou e kue mai ai i ka pono a me ka pomaikai o ko laua aupuni a me ko laua mau lahuikanaka.

Noho iho la oia e hoomaha me kona makuahine, a hiki i ka auina la, hele aku la ia i ka paani kaua me na Lunakanawai, a i ka pau ana oia, hoi mai la ia i ka halealii. Ina la a pau, ua noho pu oia me na haku o ka aina e hooponopono ai i ka pomaikai o ka lahui, a i ka auina la, hele aku la no ia i ka paani kaua. Pela kaua hana mau ana a hala ka makahiki, a mahope iho oia, hele aku la ia e kaapuni hele i na mokupuni a me na okana a pau loa malalo mai o kona malu, a haawi aku la ia lakou i ka pomaikai a me ka pono kaulike, e like me ka hana ana a na alii maikai a pau i ko lakou mau makaainana, a na ia mea no hoi i ume holookoa mai i ke aloha pau ole o ka puuwai o kona lahui.

Aia hoi, i kekahi la i loohia iho la ke alii kahiko ka makuakane o Bedera Basima, a ike iho la no ia e nee aku ana oia i ka hale malu o ka make mau, a nui loa mai la kona mai, a aneane e kiei aku i ka welau o ka make. Alaila, kahea aku la oia i kana keiki me ka olelo aku e malama maikai i kona makuahine, na haku o ka aina, a me na makaainana; kauoha ae la no hoi ia e hoolohe alua hou mai na kanaka i kana ke make aku oia, a waiho iho ia Bedera Basima i alii no lakou i na kau e hiki mai ana. I ka pau ana o kana haawi ana i kana olelo kauoha hope loa, ua oluolu mai la ke Akua e lawe aku ia ia i kona poli mau. Kukulu iho la lakou i hale kupapau nani loa nona, a kanu

iho la lakou ia ia iloko olaila; kanikau iho la no hoi lakou nona no ka mahina holookoa.

Ia lakou no hoi e kanikau ana no ke alii, aia hoi, aleale mai la ke kai, a hoea mai la na pilikana o Gulunea mai ke kai mai, huipu iho la lakou me Gulunea a me kana keiki i ke kanikau ana no ke alii. Olelo mai la lakou, "E Gulunea, ua make io ke alii, aka, ua waiho iho oia i kana keiki noiau ma kona noho alii, ka liona nana i kapelu kela a me keia, ka mahina molaelae.'' Alaila, komo mai la no hoi na poo aupuni a olelo mai la ia Bedera Basima, "E ke alii opio, aohe kupono o ka uwe kumakena ana, aka, na ka wahine wale no. Ua make aku la ia, mai hoopilikia i kou naau a me ko makou, no ka mea, ua waiho mai oia ia oe i pani hakahaka ma kona wahi, a ma na mea a pau loa a makou i ike ai nou, aohe ou lua." A hooluolu mai la lakou i kona ehaeha; lawe aku la lakou ia ia i kahi auau, a hoihoi mai la ia ia, a hoaahu iho la ia ia me ke kapa i kinohinohiia i na wai gula.

Hoonoho iho la lakou ia ia maluna o ka noho alii, a hooponopono iho la oia i na mea a pau e kupono ai no na kanaka malalo o kona malu a me kona noho alii ana. Pela kana hana mau ana i kela la keia la, me he mea la, ua kahiko a ua kanikoo loa kona noho ana maluna o ke aupuni, ka lua ole o kona noiau a me kona akamai, ma ka hooponopono opiopio ana i kona aupuni, aole oia wale no hoi, aka, o kona m akaukau no hoi kahi ma ka hooponopono ana i na koa i hiki ole ai i na mea a pau, a me kona mau enemi ke kue mai ia ia a me kona mau pono. No ia mea, ua hoolioli mau ia na naau o kona mau makaainana, i na wa a pau loa ana e haawi aku ai i kana mau olelo kauoha. Ua mau no hoi ka hele mau ana mai o kona poe o ke kai e launa oluolu pu me ia.

Mahope iho o keia, i kekahi ahiahi, hoea mai ke kaikunane o kona makuahine mai ke kai mai, a komo mai la iloko o ka halealii, a aloha aku la kona kaikuahine me ka ninau aku, ''Pehea oe, ko kaua makuahine, a me ko kaua mau kini oloko o ke kai?" Pane mai la kela, "Ua oluolu no lakou a pau loa, aohe nae mea e ae nana e hoonui loa mai i ko lakou olioli o kou mau helehelena wale no." Haawi aku la o Gulunea ia ia i ka ai, a ai iho la oia; komohia iho la laua no ke kamailio ana no ka nani o Bedera Basima, no ka maikai o kana mau hana, kona akamai launa ole i ka hololio, a me kona naauao ma na mea a pau loa e kupono ai no ka noho aupuni ana. Ia wa, e moe ana o Bedera Basima iluna o kekahi koki nani loa, a i kona lohe ana i ka laua kamailio ana, hoohiahiamoe iho la keia, me he mea la ua hiamoe io loa keia, a aohe la i lohe iki.

Olelo aku la o Sale ia Gulunea kona kaikuahine, "Ua umikumamahiku ka nui o na makahiki o kau keiki, a aole ia i mare wahine, a ua makaukau, mamuli paha ku ia mai oia me kekahi poino, aohe ana keiki, e hoopiha ai ma kona makalua; nolaila, i makemake ai au e mare oia i kekahi o na kaikamahine alii oloko o ke kai, i like kona nani me kona." No ia mea, pane mai la o Gulunea, "E hai pakahi mai oe ia lakou, no ka mea, ua ike au ia lakou a pau loa." Alaila, hahai pakahi mai la oia i ko lakou mau inoa, a o ka mea makemake ole a Gulunea, olelo aku la ia, "Aole au e ae ana e mare ia kuu keiki i kekahi o keia mau mea au e hahai mai nei, aia a like ka nani, ka naauao, ke kiekie o ke kulana me ka'u keiki, no ka mea, ua ike no wau aohe kaikamahine alii o ke kai i ku like ko lakou mau helehelena, a me ko lakou mau kulana me ka pua o ko'u puhaka."

Olelo mai la kona kaikunane, Ua aneane pau loa na kaikamahine alii o ke kai i ka hai ia aku nei e a'u, a he kakaikahi ka poe i koe, hookahi nae a'u mea e manao nui loa nei, aka, e kuu kaikuahine, e pono oe e nana aku ina ua hiamoe io kau keiki." Pane mai la o Gulunea, "Ua hiamoe loa, aole ia e lohe mai, a heaha kou manao nui no kona hiamoe ana?" I mai la kona kaikunane, "Ua ike au i kekahi o na kaikamahine o ke kai, i kupono no kau keiki, aka, ke makau nei au i ka puana ae i kona inoa o lohe mai auanei kau keiki, a hoounana ia kona puuwai ke lohe oia i kona nani, a me kona mau aoao a pau loa, a lilo ia i mea e hooluhi ai i na poo aupuni a me ka lahui holookoa, oiai, ua aloha ia oia e kona lahui." Ua olelo ka mea haku mele penei:

"O ke aloha, ua like me ka auwai liilii,

Ke hiki aku i ka moana ua akea loa ia."

I ka lohe ana o kona kaikuahine Gulunea i keia, pane mai la oia me ka pihoihoi, "E hai mai ia'u i ke kulana o ia kaikamahine a me kona inoa, heaha kau mea e huna nei, no ka mea, ua ike au i na kaikamahine a pau loa o ke kai, na kaikamahine a na alii, a me na kaikamahine e ae; a ina au i ike i kona kulana a me kona mau ano a pau loa, ua kupono loa ia no ka'u keiki, alaila, na'u no e noi aku i kona makuakane, oiai, ina paha o ka waiwai a pau loa iloko o kuu lima ka mea e lilo mai ai ia kaikamahine i wahine na kuu

makahiapo, nolaila, e hai mai oe ia'u, mai makau oe, no ka mea, ua hiamoe kuu keiki." Pane mai la ia, "Ua makau au o ala mai auanei kau keiki, a ua olelo ka mea haku mele, i kana mau olelo penei :

"Ua aloha e au ia ia, i ka hahaiia ana mai o kona ano,

No ka mea, i kahi wa ua aloha e ka pepeiao mamua o ka maka."

Aka, pane mai la o Gulunea, "Mai hopohopo iki oe e kuu kaikunane." A olelo mai la oia, "Ma o Alahe la! e kuu kaikuahine, aohe mea kupono e ae i kau keiki, o ke kaikamahine alii wale no o Giohara, a he alii Samanadala, aohe mea e ae ma ke kai a ma ka aina nei e like me ia, ka maikai, ka nani o na ano a me na helehelena a pau loa o kona kino, ua muimuia mau ia kona mau papalina e ka ula wena launa ole. Ina oia e leha ae ma ke kula, ua hilahila ua Anetelopa o ke kula ia ia, a ia ia e holoholo ae ai malalo o na ululaau, ua hu-ahu-a na lala wilou no kona nani loa, a ua hoopouli aku no hoi oia i kahi wa i ka malamalama o ka mahina a me ka la." I ka lohe ana o Gulunea i ka olelo a kona kaikunane, pane mai la ia, "He oiaio kau e olelo nei, ma o Alahe la! ua ike pinepine au ia ia, o ko'u hoa paani no hoi ia o na wa kamalii, oia ka wahine kupono no ka kaua keiki."

I ka lohe ana o Bedera Basima i keia mau huaolelo, a hoomaopopo pono loa hoi oia i ka laua mea e kamailio ana no ka nani lua ole o Giohara ke kaikamahine a Samanadala, ua aloha e oia ia ia ma ka lohe pepeiao ana, aka, hoohiahiamoe iho la oia ia laua, i manao loa mai laua aohe ia i lohe i kau wahi huaolelo hookahi a laua e kamailio ana. Ua ho-a ia ka lapalapa ana o ke ahi a ke aloha iloko ona, a ua lumilumi ia oia iwaena o na ale kupikipikio o ka moana lihaliha, ike ole ia ka papaku olalo o ka iini kukonukonu. Leha pono aku la o Sale i kona kaikuahine, a olelo aku la, "Aohe alii ino e ae o ke kai e like me kona makuakane, a ua nui no hoi kona mana maluna o na alii a pau loa o ke kai. Nolaila, mai hai e aku oe i kau keiki no ia mea, aia a loaa mai ka ae ana a kona makuakane, a i ole no hoi ia, imi hou aku no ua wahine."

I ka lohe ana o Gulunea i na olelo a kona kaikunane, olelo mai la ia, "Ua maikai kou manao," a hoi like aku la lakou e hiamoe, aka, iloko o ka naau o Bedera Basima, ua punohu ae ka uahi i ho-aia e kona lia, no ke kaikamahine alii Giohara, oiai nae, ua huna oia i kona manao, a aole i hai iki aku i kona makuahine, aka, koala mau ia kona puuwai, me he mea la e koala ia ana maluna o ka lanahu aa enaena. I kekahi mau la mai, hele mai la o Sale, a olelo mai la hoi i kana keiki, "E oluolu oe e hookuu mai ia'u, e hoi au e ike i ko'u makuahine, a me ko'u ohana a pau." Aka, olelo mai la o Bedera Basima ia ia, e noho mai ia la hookahi no, a ae mai la no hoi kona makuakane, kaikunane o Gulunea.

Alaila, olelo aku la o Bedera Basima ia ia e haele pu laua iloko o ka mahinaai, nolaila, hele aku la laua iloko o ka mahinaai e hooluolu ai ia laua iho, a noho iho la o Basima malalo o kekahi laau malumalu, aka, ke hoomanao la no ia, aole ia i hoopoina iki i na mea a kona mau makua i olelo ai no Giohara. Uwe iho la ia me ke kahe haaloku ana o na waimaka, a heluhelu ae la oia i keia mau lalani mele penei:

"Ina paha i hai muaia mai ia'u, i ka wa a ke aloha e hana wale ana iloko o'u,

A i ka wa e puokooko ana me ka ikaika lua ole i ko'u puuwai nawaliwali holookoa,

Ina e ninau ia mai ia'u, he makemake anei oe e ike io i kona mau ano?

Alaila, e pane aku no au, ae!"

Alaila, kanikau iho la oia me ka uwe hookina ana, a heluhelu hou iho la oia i keia mau lalani mele penei:

"Owai la ka mea nana e hoopakele mai ia'u, i ko'u kanikau kumakena ana,

Mai ke aloha mai o kela manu, nona na maka i like me ka la ke olinolino mau,

Ua oluolu maikai ko'u mau manao mamua aku o ko'u lohe ole ana nona,

Aka, ano, ke aa mau nei ka ula wena o ke aloha io no ka pua a Samanadala."

I ka lohe ana o Sale i ka laua mea i olelo ai no Giohara, aia hoi, ua kupilikii loa kona manao a olelo ae la ia, "Aohe mea nui e ae, aka, o ke Akua wale no, a o Mahomeda kona Lunaolelo nui; aohe ikaika e ae, aka, aia wale no iloko o ke Akua!" A ninau aku la oia ia ia, "E kuu keiki, ua lohe anei oe i ka mea a maua i olelo ai me ko makuahine no Giohara, a me ko maua olelo ana no kona mau helehelena maikai a pau loa." Pane mai la oia, "Ae, ua lohe au i ka olua kamailio ana, a me ko olua hahai ana i ke ano o ke kaikamahine alii Giohara, a mai ia hora mai a hiki i keia wa, ua hoopuni loa ia au e ke aloha pau ole nona. Ma kau hahai ana a pau no kona nani, ua lawe holookoa ia aku ko'u puuwai me kona mau nani a pau loa."

No ia mea, olelo mai la o Sale ia ia, "E oluolu oe e hoi kaua i kou makuahine, a e

hai aku ia ia i na mea a pau loa, a e noi aku ia ia ina e oluolu ia e hookuu mai ia oe e hele pu kaua e noi aku ia Giohara no ka mare ia. Alaila, e haawi aku kaua i ko kaua aloha ia ia, a haele aku kaua ma kau huakai hele; ina hoi aole kaua e hele mua e ike ia ia, e huhu mai auanei oia ia'u, a ua pono ia ina e huhu mai, no ka mea, owau ke kumu o kou hele ana, e like me kona kaawale ana mai ko makou ohana mai. Aole maikai o ko kaua hele malu ana, he ano alii ole ia hana, aole i ku i ka hana a ka poe e kau ana ke kalaunu maluna o ko lakou mau poo. O ke kulanakauhale nei no hoi kekahi, e noho alii ole auanei lakou no na wa a kaua e haalele iho ai, mea paha he wa loihi loa."

Aka, i ka wa i lohe ai o Bedera Basinma i na olelo a kona makuakane Sale, pane mai la oia, "E lohe oe e kuu makuakane, ina kaua e hoi aku a kamailio pu me kuu makuahine no keia mea, aole oia e ae iki mai ana i ka'u mea e noi aku ai ia ia, nolaila, aole au e hoi aku ana i ona la.'' Uwe aku la oia imua o kona makuakane, me ka olelo hou aku ia ia, "E hele pu no wau me oe a hoi mai kaua me ka hai ole aku ia ia." I ka lohe ana o Sale i ka manao o ke keiki a kona kaikuahine, ua pilihua loa ia kona manao, no ka mea, aole ona makemake iki e hana aku i kona kaikuahine pela, oiai, mamuli papalua ia kana hana ino ana i kona kaikuahine, aka, i kona wa i ike aku ai i ka helehelena o ke keiki ua ano e loa, nolaila, olelo aku la oia ia ia, "Na ke Akua e hoopololei i kou kuamoo!" A haawi aku la oia i kekahi komo lima ia Basima, me ka olelo aku, "E kau i keia komo maluna o kou lima, he mea ia e hoopakele mai ai ia oe mai ka piholo ana, a me na ino oloko o ke kai."

Komo iho la o Basima i ke komo lima, me ka olelo aku ia ia, "E luu auanei kaua me keia ano ioko o ke kai?" Ae mai la ka makuakane, a lele aku la laua nei iloko o ka opu o ka moana. I ka ike ana mai o na ia nahu oloko o ke kai ia laua nei, ua holo aku lakou mai o laua nei aku, hoomau aku la laua nei i ka hele ana, a hiki wale laua nei i ka halealii o Sale, komo aku la laua nei, e noho mai ana ko ia nei kupunawahine, a me na pilikana a pau loa o kona makuahine o Gulunea. Ku mai la lakou a pau loa iluna me ka olioli nui loa i ko ia nei obscured ana aku, a ninau mai la lakou, "Kou hiki ana mai e ka makou milimili o ka aina, he mea pomaikai nui obscured ia ia makou, aka, pehea oe i haalele aku obscured i kou makuahine?" Pane aku la no hoi keia, "Ua haalele aku nei au ia ia iloko o ka olioli nui, a i aloha mai nei no oia ia oukou a pau loa."

Mahope iho, hahai aku la o Sale i na mea a pau a laua i kamailio ai me kona kaikahine me Gulunea. Ua aloha maoli o Bedera Basima i ke kaikamahine alii Giohara, ma ka lohe pepeiao wale ana no, a i hele mai nei oia me ka manao e noi aku ia Samanadala no ka mareia me Giohara." I ka lohe ana mai o ka makuahine o Gulunea i keia mau olelo a Sale, huhu loa iho la oia ia ia, a olelo mai la, "Ua hewa loa oe, no kou hoopuka ana i na mea e pili ana no ka Moiwahine Giohara, ke kaikamahine a Samanadala, imua o ke keiki a kou kaikuahine; no ka mea, ua ike no oe he alii ino loa o Samanadala, he huhu a he makee i kana kaikamahine, a ina e kii kekahi poe alii oloko nei o ke kai i wahine mare, alaila, e hookae mai no oia ia lakou, me ka olelo mai, 'Aohe oukou i like ka ui a me ka nani me ka'u kaikamahine.' Nolaila, ke makau nei au, aole paha ia e ae iki mai ana ia kakou ke noi aku."

No ia mea, pane mai la o Sale, "E kuu makuahine, heaha la auanei ka mea e hana ia ai? Ua aloha loa ke keiki makahiapo a kuu kaikuahine, i kuu wa i hai aku ai no Giohara ia Gulunea, a ua olelo mai no hoi ia he makemake nui loa ia e halawai me ia he maka a he maka, a ina aole ia e mare, alaila, e make auanei ia no ke aloha launa ole ia ia. Ua ike no oe e kuu makuahine, ua oi loa aku ka ui o ke keiki a kuu kaikauahine, mamua o Giohara, o kona makuakane oia ke alii nui o Peresia, a ano aia malalo o kona noho ali ua aupuni la, a aohe mea kupono e ae a Giohara e mare ai oia wale no. Ua manao au e lawe aku i kekahi mau momi nani makamae loa, imua o Samanadala i makana, ina ia e kue mai, no ka mea, aohe ia he alii, he alii nui oia, a he Moi kona makuakane, a make aku la, ina e olelo mai he ilihune, he oi aku ka nui o ko Basima aupuni mamua o kona aupuni, ua oi aku no hoi ka nui o kona mau puali koa mamua o kona. E hooikaika ana au ma keia mea, aole o'u minamina, ina e lawe ia aku kuu ola, aole au e manao ana ia, no ka mea, owau ke kumu o keia mea, a na'u i kiola ia ia iloko o na ale kupikipiki-o o ke aloha mae ole, a na ke Akua no e kokua mai ia'u."

(Aole i pau.)

 

Ua lono wale ia ae ma ke kulanakauhale o Pari sa, ke hoomakaukau ia nei he 6000 koa e hoouna ia ai ma Mesiko—he 30000 mai Alagiera mai, a he 30000 hoi mai Farani mai.

 

He moo niho awa ka aie.

E pono ia oe ke hookomo iho i keia mau olelo maloko o na keena iini o kou waihona, a e hoike ae hoi i ke akea, e like me na hopuna olelo e kau ae la ma ke poo o keia kukulu manao ana, "He moo niho awa ka aie," a i kuu ike ana i kona mau aoao, ua maopopo ia'u ka oiaio a me ka nele o keia mea he aie, i ka mea puni aie, a me ke kanaka maka hookano, naau kiekie, he mea ono ia ia keia mea he aie, oiai hoi aole oluolu ke kanaka naau kiekie puni aie i ka noho wale, a me ka hoohaahaa ana iho i na mea kupono, me ka noonoo maikai ana, oiai ua ike no ke kanaka i na ao uli o ka Lani e kau mai ana aole nae i manao ae ka mea aie, he waiwai kai hookomo ia iloke o ua ao uli la.

Pela no ke kanaka aie, aole e hiki ia ia ke noho oluolu pu me kona ohana, a me kona mau makua, a me kona mau kaikuahine, no ka mea, ua hukia ae la e ka la waiwai, paihi kela, aohe ike wale iho ia oe, no ka mea, ua olelo ia oe he lepo, aka hoi, o ke kanaka imi ikaika ma ka hana, me ka makaala ioa, a me ka malama pono ana i kahi dala i loaa iloko o na la ui ou e ka mea noonoo, naauao ilihune i hooikaika ai, a i malama pono ai hoi i wahi mea e pone ai kou ola, ke hiki mai kou mau la kolopupu wale, a pala lauhala, a kani koo wale, a i ko'u noonoo ana, aole paha i hana pela kekahi Hawaii, a ina, ua hana pela kekahi Hawaii ea, alaila, he mea maikai ia, i mahalo nui ia, ma na aupuni naauao o keia honua inea, aka, o ka mea, a mau mea e hahai ana i keia, he hoomakaulii wahi dala me ka malama loa, alaila, ke olelo nei au, aole pilikia e kau mai maluna obscured mea, a mau mea paha i olelo ia ae la obscured no ka mea, ua waiho maila ka noonoo obscured ka naau a ua maopopo hoi ia ia na obscured pono ana e hana aku ai.

Aka, aole noonoo o ka mea aie e hana obscured la, a e noonoo pela, no ka mea, o keia ao obscured ao puni nani, a he ao puni haaheo no ohoi, aka, o ke ao io he ao haaheo ole ia, a he ao puni nani ole hoi, no ka mea, o ka nani a me ka hemolele o keia ao, ua like no ia me na opuu pua komaraile i waiho ia maloko o kekekahi kiaha, a po ka la, a ao ka po, ua ano e ae ko laua ano, a ua like na ea obscured oluolu iloko o ua mau pua la, no ka mea, ua loihi ka waiho ana maloko o ke obscured Pela no obscured aole i ike ke kanaka i kona mau la, a me ka manawa e hiki mai ai ka poino. Aka hoi, o ka manao o ke kanaka aie, he manao hohonu loa ia, a o kona naau, ua lilo i auwai nana e lawe aku i kona noonoo maikai ana, no ka mea, ina e kahe ana ka wai o kekahi au obscured a manao oe e kiola iho i kahi papa laau, maluna olaila, pehea, aole anei e lilo i ka lawe ia e ua wai la? ke manao nei au obscured

Pela no ka naau o ke kanaka aie, a me ka naau o ka mea puni nani, noonoo ole iho e, he pono ke la, a he pono keia, oiai, ina e nana kakou i ka buke moolelo o Kamehameha II Kalanipoiwiuilunalilo, e maopopo auanei ua nui ka aie, a ua pilikia nui obscured pii ana ma na kuahiwi i ka wahie a obscured hea kela aie a ko kakou alii i hana ai, a hiki obscured ia la, aka, he wahi mea iki paha i koe, obscured manao, ua oi aku ka pono, a me ka maikai ka ke alii aie ana mamua o ka ke kanaka makaainana aie ana, e lealea ana no ke kanaka aie nui i ka la o ka pono, a hiki mai ka manawa o na bila dala e iliki ia mai ai ma kou inoa, me ka nui o na mea au i aie ai, maloko o ka bila, he puni iho ka hoolalau e hoolalau ai, hookahi no la hamohamo ana ma waho iho o ka laau a Kekuaokalani, o Hoolehelehekii.

Nolaila, e o'u makamaka Hawaii, obscured Hawaii, manao Hawaii, ano Hawaii. Ke obscured nei au ia oukou, mai noho a aie, o pilikia obscured ua nei, a pono ole ka noho ana, ina ua obscured ia oe na dala he kanaha $40,00, alaila, obscured no no oe e noonoo e mamua o kou kuai obscured aku i wahi aahu kupono, wahi wawae ahi obscured hina no, wahi palule keokeo no, a wahi obscured kupono e ae no hoi. Eia ma Ho obscured kekahi wahine Hawaii kaulana, obscured a me kona malama i kahi hapau obscured poho o kona lima, ke noho ka hao obscured home, a ina noho ka haole hoolima obscured ka hale, hoiliili kela i na kika i puhi ia obscured a paa a piha ka pahu, a pela no i ka obscured palani inu ia e ka haole a koe kahi obscured uuku loa a pela i na omole a pau o ka obscured omole waina, hoiliili kela i na palapala obscured a pau, a hana, a o ke koena omole ak obscured omole aku, piha na omole elima, a i ka obscured hele ai ka haole, pau ka hoolimalima ana noho hou mai no he haole.

A i ka nele ana o ke kika ma ke aumoe, a ma ke kakahiaka hoi i ua haole hou nei, miki aku la keia, a pela i ka mea inu, ina ono ka haole i ka waina e waiho mai ana ia omole, a pela aku. A i keia wa ua kaulana kono inoa, a he mau tausani dala kana e waiho nei ma ka Banako, a he mau tausani no e waiho nei ma kona lima.

S. B. KAULAINAMOKU.