Ke Au Okoa, Volume I, Number 31, 20 November 1865 — Page 3
NU HOU O NA AINA E.
Ua uiha paha kekahi o ko makou poe heluhelu nupepa, i ka hoea ole aku o na nu hou o na aina e mai imua o ko oukou mau maka, aka, e hoapono mai ia makou, oiai aohe mau mea nui i hana ia mai ua mau aina la a kakou e manao aku ai no na mea hou.
I ka Poaha iho nei, ua hiki mai kekahi moku Sacramento e holo ana i Kina, aole ia i lawe mai i na leta, no ka mea, ua lilo mua mai i ka moku Onward ka eke leta, a i kakahiaka o ka Poalima, ku mai ka Onward me na eke leta, he 18 la mai Kapalakiko mai, a ua lawe mai no ia i kekahi mau mea hou.
Ua ike iho makou maloko o na nupepa, i ka hoo obscured lanakilaia ana o Alxander H. Stephens (Setepano,) Hope Peresidena o ka Hema, a me Reagan ka Luna Leta Nui o ke aupuni Kipi, a aia laua ma Bosetona a me Nu Ioka ke haawi ia la he mau ahaaina nui ia laua.
O Champ Ferguson ke gorila kaulana, ua obscured Nashville mokuaina o Tenese, ma ka la 20 obscured iho nei o Okatoba.
Oa obscured o Joe Davis, ka pilikana hoi o Davis Peresidena o ka Hema, e hoihoi ia mai ka waiwai o Davisa ma Misisipi i ka ohana. Ke noi ikaika nei o Davisa e hookolokolo koke ia oia. Ua lohe ia kana olelo ana, aole ona makau i ka mea e hana ia mai ai ia ia, a o ka mea maikai loa i kona manao a ke aupuni e hana aku ai, o ka hookolokolo koke ia ana. O ka mea hope loa i lohe ia mai, ua haawi ia aku ia ia na mea a pau loa ana e makemake ai, koe nae kona lanakila a me ka ike ana i kona ohana.
Ua hiki mai ka lono i Amerika mai Europa mai, ke obscured nui la ka mai Cholera ma Southampton i Pelekane, a me na kulanakauhale e pili koke mai ana, a pela no hoi ma kekahi mau apana aina o Rusia. Ua inoino ke ano obscured na ea ma Pelekane, a ua hohola ae kekahi obscured mai ino ma kekahi aoao o Pelekane, obscured ua pau ka hapa nui o na bipi i ka make.
Ua lohe mai no hoi ke ano hookau ka lia hou ma obscured nei o ka Pope o Roma, no na mea e pili ana i na Ahahui Malu (Fsce obscured
obscured no ko ke Akua ano.
obscured he Akua, he pono nnae ke nana aku ma ka buke hoike akua a maopopo lea.
Owai ke Akua? o Iehova, oia ke Akua oiaio aohe Akua e ae, no ka mea, nana mai na mea a pau.
Heaha ke ano o na inoa o ke Akua? He nui no na inoa o ke Akua i ike ia ma ka Baibala.
Heaha ka inoa i kapaia Iehova?
Eia ke ano o keia inoa, o ka mea a mau loa ana, o ke Akua mana kekahi inoa, o ke Akua e ike ia ana ka pili ana e pono ke nana aku ma Halelu 50: 14. Owau no ke Akua mana, o ka haku kekahi inoa, o ke Akua, o ka mea e noho ana maluna o hai, he haku no ia, nolaila, ua kapa ia ke Akua he haku no ia, no ka mea, oia ka mea e noho haku ana maluna o na mea a pau.
Eia kekahi inoa ona, o ka mea kiekie loa, a ua kapa ia mai ke Akua o ka mea kiekie loa, no ka mea, aole ona lua oia wale no.
Oia kekahi inoa o ke Akua oia ka mea i ike ia maluna o Iehova a e nana ma Halelu 68: 4. Owau mau kekahi inoa, eia ke ano, aole hoomaka ana, aole he hope, aole i hana ia, aole e hiki ke hoopau ae i ka nani o keia mea oia mau no.
Ua like iki obscured me ka hookuina lewa ua like no ia me ka hookuina o ka iwi uluna me ka iwi hoehoe. obscured elua o ka iwi hoehoe au e ike ai obscured kii, kaomi ia mau mea ma ke poo po obscured o ka uluna elike me ke kaomi ana o ka manamana nui, a me na manamana e ae o kou lima hema i ka puupuu o kou lima akau; pela e paa ai, ke poo maloko o ka lua, aole nae e paa loa i keia kaomi wale ana no.
Pehea i paa loa ai ka iwi uluna maloko o ka lua o ka iwi obscured i ole e hemo ae i kekahi manawa?
Penei i paa ai obscured poo o ka iwi uluna i ka lua o ka iwi hoe obscured O ka eke kahi e waiho ai ka aila, e obscured ana ma ka hookuina oia kekahi mea e obscured Aia hoi kekahi mau io, o na io ua obscured ia ma ka piko a lilo i kaula e paa ana obscured kela aoao keia aoao o ka hookuina; a obscured na kaula e paa ana pela a oia ka mea i paa loa ai ka hookuina.
O keia mau io a me keia mau kaula e paa ana ma kela aoao keia aoao o ka hookuina, oia na mea e huki ai, i pelu ka lima a i hoomohala aku a i obscured no hoi.
E hoakaka loa mai oe ia'u i keia mau io a me keia mau kaula he mau mea akamai no la! ke makemake nei au e ike ia mau mea.
I kekahi manawa hou aku paha e hoakaka au i mau mea. Aka, i neia manawa e imi ana kaua i ke ano o na hookuina. Ua pau ka hoakaka ana o ka hookuina poohiwi, ano e hoakaka aku au ia oe i ka hookuina kuekue
ua akamai ia a ua hoakaka ia malaila ka noonoo a me ka manao kupanaha o ke Akua nana i hana.
E nana pono oe i ke kii 4, oia ke kii no keia hookuina, o ka lima akau ia ua huli ke kua ia oe, aia kekahi welelau o ka iwi uluna aia hoi k obscured a ke kii mamua, ae, aka, aole o ka welelau poepoe ia e paa ana i ka iwi hoehoe, okoa loa no ke ano o keia welau, ke ike nei oe aia kekahi lua kahi e komo ai ka welau o ka iwi kupita. O keia iwi oia ka iwi i pelu mai a hoomohala aku i ka wa e kau malie ai ka iwi uluna.
E hoomanao no au e kapa iho i keia iwi o ka iwi kupita, ua i mai oe ia'u oia ka iwi e paa ana i ka pulima a me ka aoao o ka manamana iki.
O kekahi pepeiao o keia iwi kupita komo ia i ka b o ka iwi uluna a o keia pepeiao oia kahi e hilinai aku ai; a ua kapaia o ke kuekue, e hiki ia oe ke haha ia wahi a maopopo.
Ano, ina e huli ke kanaka a nana oe i ke alo o kona lima, alaila, like ke ano ke nana aku me keia kii hou oia hoi ke kii 5.
E nana hou oe i ka welau o ka iwi uluna a e ike oe i kahi awaawa i hoailona ia a kahi e komo ai ka lua o ka pepeiao o ka iwi kupita i hoailonaia b.
O keia mau pepeiao elua o ka iwi kupita komo no laua maloko o na lua o ka iwi uluna a lilo no i hookuina ami. I ka wa e hoomohala aku ai ka iwi kupita komo loa no ka pepeiao hope o ka iwi kupita iloko o ka lua hope o ka iwi ulana a i ka wa e pelu mai ai, hala hou no ua pepeiao hope la o ka iwi kupita iwaho a komo loa no ka pepeiao mua iloko o ka lua mua o ka iwi uluna.
A o keia hookuina ua like no ia me ke ami elua wale no hana e hiki ia ia o ka pelu mai a o ka hoomohala aku a ua hiki pono loa no keia mau hana, a ua maopopo loa malaila, ka noonoo o ka mea nana ka hana.
A kamakamailio hou kaua, alaila, e hoakaka aku au i ka iwi kano. Me ke aloha no i na Luna Hooponopono.
Me ke aloha,
L. Z. E. KALAAUKUMUOLE.
Lahaina, Kalipalala, Nov 9, 1865.
Ka mai Piva.
E ke Au Okoa; Aloha oe:
Oia ka mai nui i keia manawa e hele nei, ma keia pae aina, a he mai no hoi i loaa pinepine i na kanaka, a ua pau aku kekahi poe ia ia, i ka lawe menemene ole ia e kona mau lima aloha ole.
O ka huaolelo mai piwa, he huaolelo haole no ia, o ka huaolelo Hawaii, oia no ka wela a me ke kunu. Ua loaa no keia mai i ko kakou poe kahiko, aole nae he ikaika loa, no ka mea, ua maa na kino o lakou i ka hele wale, e kohana ai. Ua like ka wela o ka la a me ke anu o ka makani i mea ole ia lakou ua nui no ka poe hoike e noho mai nei i keia manawa.
A i keia manawa o kakou iloko o na makahiki he 15 paha, ua loaa mai ia kakou ka uhi like ia ana o ko kakou mau olohelohe mai o a o, o keia pae aina, a ua walea maoli no hoi kakou i ke komo lole pinepine ana, a he mea henehene ia kekahi kanaka hele wale, nolaila, ua ano lahilahi ka ili i ka hele wale ana ae, ua komo koke ke anu, ma na wahi o ka hao i puka koke mai ai, a komo loa iloko o ke kino holookoa a pau. A ua hoopuka mai la no ia i ke anu ano e iloko o ke kanaka, a loaa mai la ka lia, a me ka hauheke, a hoomaka no e uhi ke kapa, a iloko o na hora elua paha, alaila, e loaa mai no ka mehana inoino loa, e hookahe ana i ka hou ma ke kino holookoa a puni.
I na i ke ao ana ae, a ina e loaa koke i kahi laau naha, he apu kowali paha, a he apu kalo, a he aila naha, a he paakai naha, a i na e loaa mai ka oluolu, pelakana ia. A ina e loaa ole mai ka oluolu, o ka hele loa aku la no ia i ka mahuahua, a hookokoke aku no i o lakou la.
Nolaila, ke paipai nei keia olelo hoolana ia kakou, a me ka papa hoola o ko kakou nei aupuni, mai nana maka wale mai no ma keia mea, e pono i na luna o ka papa ola ke hele ma kela wahi keia wahi o ke aupuni, e ninau e halo, e nana i na poe a pau i loaa i keia mai ino loa he piwa. Aole mamuli o ka ninau hookamalani mai, heaha kou mai he piwa, wahi a ka mea mea mai, oi ana ko alelo, a hoike ka mea mai i kona alelo, a paa no i ke kakau i ka buke, ae, hele mawaho, a pela aku ana ia mea mai. A eia no ka olelo hope, eia no ka omole laau, ekolu puna i ka la hookahi, mamua nae o na ai ana a pau ekolu.
I ka hana ana, ola kekahi, ola ole kekahi, mau mai no ke anu, a me ka wela, a i na i mama iki ae, hoi no ke anu ilalo i na wawae a ma na pulima, a ma ka a-i. A hoopumehana me ka omole i piha i ka wai wela, a oluolu iki i kekahi manawa, a pii mai no mahope. Nolaila, i na e mau ka hookahinu hele a keia mai pela, he kumu luku nui no ia no ia no keia lahui kanaka, i oi aku mamua o ka mai pake.
Mamuli o ko'u loaa ana i keia mai, a ke kawelewele nei no, nolaila, keia hoeueu manao wale, a mai nana maka wale mai oukou e ka poe puni kokua aloha wale, a me ke aupuni no keia mea. Ina ua ike no kekahi kauka haole, a Hawaii paha, he laau kupono no i loaa ia ia e ola ai ka poe i loohia e ka mai piwa, e hiki no ia ia ke lapaau i kana laau ola, me kona manao no, aole ia e nele i kahi huahelu.
Me ke aloha no,
J. H. KANEPUU.
Mauna Kilohana, Palolo, Nov 8, 1865.
MA KE KAUOHA.
Olelo Kahea.
Ke koho ia ana o na Luna Makaainana o kela Apana keia Apana, o keia Aupuni, no ke kau Ahaolelo e hiki mai ana, e hoomaka ana ma ka POAKAHI mua o Ianuari e hiki mai ana. Na wahi e koho ia ai o na Luna Makaainana, no ke kau Ahaolelo e hiki mai ana, aia no ia ma na wahi i koho ia na Luna Makaainana no ke kau Ahaolelo o ka M. H. 1864. F. W. HUTCHISON,
Kuhina Kalaiaina.
Keena Kalaiaina, Nov. 16, 1865.
[Ke pai hou nei makou i kekahi mau kope e hoouna aku ai i na poe i loohia i ka mai lepera ma kekahi mau mokupuni e aku.]
He Olelo Kahea.
No na Mai Lepera, e hele mai e hoike i ko lakou ano, ma———ma ka la———o———la———Ma keia, ua kauohaia oe e hele mai ma———ma ka la———o———e nana ia ke ano o kou mai, e like me ke Kanawai a me na Rula i kauia e ka Papa Ola. Eia pu me keia ke kope o ia mau Rula. Ma ke kauoha a ka Papa Ola. T. C. HEUCK,
1865. Kakauolelo.
Olelo Hoolaha a ka Papa Ola.
No ka mea, ma ka halawai ana a ka Ahaolelo i hala ae nei, ua hooholoia "ke Kanawai e hoopau ai i ka laulaha ana o ka mai Ledera," ua konoia ka Papa Ola ma ia Kanawi e imi ia Papa i nakumu ma ko lakou noonoo anaei hooikaika i mea e ola ai kela a me keia loohia i ua mai la, a e pale ae ai i ka laulaha ana ae i ke akea ma o a maanei ; e kauoha kaika ana no hoi i ua Papa la e hooko pono i na mea i oleloia ma ua Kanawai la.
Nolaila, ke hai ia aku i kela mea keia mea i loohia i ka Lepera, a i manao ia paha ua loohia oia.
Ua kukulu iho ka Papa Ola i kekahi Halemai, me na hale kupono, ma Kalihi-kai, ma ka Mokupuni o Oahu, eha mile mai ke kulanakauhale aku o Honolulu, malaila e nana ia ai a e lapaauia ai, me ka malama pono ia o ka poe a pau i loohia i ka Lepera, me ka manao ia e loaa mai ke ola. Ua hooponopono mikioi ia keia Halemai e ka Papa, i mea e hanai ponoia ai a e malama ponoia ai na poe mai, a e hooikaika pu no hoi ma ka hoola ana i ka mai i loohia ai lakou.
No keia mea, e hoolako no ka Papa i na mea kupono loa, na kokua lapaau, a e kiai maikai loa ia ka oluolu kupono o na lepera a pau loa e hoihoi ia ai i ua halemai la.
No ka manawa a me na mea e hanaia aku ai, e hoomaopopo i na mea e hanaia ai no ka wa e hiki mai ana, aka, no keia manawa, ua manao ka Papa e kauoha aku i na mai Lepera a pau e lawe ia ma ka Halemai ma Kalihi-kai no ka nana ia ana. O ka poe i hai ia mai ua loohia lakou i ka lepera, aka, ua ikeia he mau mai okoa e ae ma ka ili o na mai i loohia ai lakou, e lapaau ia no lakou, a i ole ia, e ae mai paha lakou e hoi i ko lakou mau home, aia ma ke kauoha ana a ka Papa.
O na mai lepera a pau i manao ia e hiki ke lapaau ia a ola, e kauoha ia lakou e noho ma ka Halemai, i malama kuponoia ai lakou.
O na mai lepera a pau i manao ia e hoopilikia mai ana i ke ola o ka lehulehu, ma ka laulaha ana ke hui aku me lakou; e kauoha a lakou e hookaawale ia ma Kalaupapa, i ka Mokupuni o Molokai, i hookaokoa ia no ia poe e ka Papa, a e haawi ia aku no hoi ia lakou ka malama maikai ia ana.
I ku like ai me na rula i hai ia ae la maluna, o ka Papa Ola, ke hai ia aku nei i ka poe a pau i loohia i ka mai lepera, e hoomakaukau lakou ia lakou iho e malama i na kauoha a na Luna i hookohu ia e ka Papa, i ka manawa a me ke ano o ka hookaawaleia ana o ka Halemai ma Kalihi-kai. No keia mea, e haawi ia aku no kekahi olelo hoolaha, a ua hilinai nui ka ma na mea i olelo ia ma ua Kanawai la, a pela no hoi na Rula a me na Hooponopono ana ia mea.
Ua noi ia na Luna Aupuni, a me ke akea e kokua mai i ka hooholo pono ana i na mea e hooluolu ai i na mai, a i mea hoi e pomaikai ai ka lahui. T. C. HEUCK,
Kakauolelo o ka Papa Ola.
Keena o ka Papa Ola, Oka. 25, 1865.
28-6t
He hana maikai anei na halawai po Sabati ma Kaumakapili.
He ninau keia na kekahi paha o ko makou mau hoa missionari, i ka ekalesia o Kaumakapili. E like me ia i hoopuka ia ma ka Nupepa Kuokoa o ka la 11 o Novemaba nei. I kakau ia hoi ma kahi o na hunahuna mea hou.
Ua olelo ia malaila penei: "Ua hele kekahi poe ilaila me ka manao pono, aole nae pela ka hapanui; hele lakou no ka manao kalohe, hoohaunaele a uwa. Lilo ka luakini i hale no na hale ino, a kohu hale keaka no hoi, aole loa he pono ia.
I na he mea hiki ole ke hoomalu ia na halawai, pono i na luna o ia wahi ke pani i na puka o ka hale a paa. Mamua ae o ko'u hoakaka ana i ka ninau i ninau ia mai ai, he pono au ke kamailio e ae mamua, ua minamina au i ka manao o ko'u mau kumu misionari hoi i ka hoopuka e ana ma ka Nupepa me ke kali akahele ole. No ka mea, o ka Ekalesia holookoa e noho nei ma Kaumakapili; he poe hiki no lakou ke launa pu mai a kukakuka ma na mea e pili ana i na halawai po a me na hana o kela ano keia ano. Aole na luna o Kaumakapili he poe pepeiao ole e lohe ole ai i na olelo ao, ina i hele ia mai e
ka mea nana i hoopuka ma ka Nupepa a ao pono mai i na luna a me na Luna Haiolelo e noho nei, malama paha, aole lakou e hoole aku ana, a i ole ia, malama paha aole no lakou i ike ia hoohaunaele ana. No ka mea, he kanawai no ko na luakini e waiho la, no na kalohe a me na hoohaunaele.
Heaha la ka mea i hopu ole ia ai keia hoohaunaele? Ina ua hoohaunaele kekahi mea maloko o ka luakini i na po Sabati ma Kaumakapili, aka hoi, no ka ninau i ninau ia mai ai e ua mau kumu n obscured ka Nupepa, no ka pono o na halawai po Sabati ma Kaumakapili. Ke hai aku nei au me ko'u manao kanalua ole, he pono no na halawai po Sabati ma Kaumakapili, no ka poe makemake io i na hana pono, aole no ka poe makemake ole; aole no makou i malama ia mau halawai i mea no makou e ae aku ai i ka poe hoohaunaele wale, aole loa no.
Ke ku nei no makou me ko makou manao, he poe enemi makou no ka poe hoohaunaele a me na hana kolohe maloko o na halawai po Sabati ma Kaumakapili, ua olelo ia no hoi, ua lilo ka ka luakini i hale no na hana ino, a kohu hale keaka no hoi, no ka mea, ke haohao nei makou i ka lilo ana o ka luakini i hale hana keaka, no ka mea, aole ia i komo iloko o ka luakini o Kaumakapili kekahi mau lio keaka a me na ano hana keaka a pau. A ina paha he ike ole ko'u i na lio hana keaka alaila; ua ike io ae la no paha lakou la a me lakou nei ae, he pono no ke hai mai.
Eia keia, ua olelo ia ma ka manao hope, ina he mea hiki ole ke hoomalu ia na halawai pono i na luna oia wahi ke pani i na puka o ka hale a paa. Ma keia mea, ua hoomakaukau mua makou i mau luna kiai ma kela a me keia puka i poe nana no ka poe hoohaunaele maloko a mawaho o ka luakini, a na ia poe luna no e malama a e papa aku i ka poe hoohaunaele. A no ka loaa ole ana ia makou o kekahi kumu keakea e hiki ai la ia makou ke pani i na puka; nolaila, aole makou i pani i na puka i mea e komo ole mai ai ka poe hoohaunaele.
Ma keia hoopuka ana ma ka Nupepa, ke ke nei makou, o ka lua keia o ka hana ia ana i keia Ekalesia penei. Ma ka halawai o ka Ahahui Euanelio o ka mokupuni o Oahu ma Waianae. Ua hoopuka ia no ma ka Nupepa Kuokoa kekahi olelo hooholo e olelo ana, "ua minamina ia aha i ka lalau o ka ekalesia o Kaumakapili no ka hoolohe ole o lakou i ka leo o ko lakou kahu, nolaila, he pono i keia aha ke paipai aku ia lakou e hoolohe i ko lakou hope kahu."
A eia hoi keia, no na halawai po Sabati ma Kaumakapili, me he mea la, ua hookae loa ia keia ekalesia a me na Luna Haiolelo pu paha kekahi e noho nei me makou. Aole makou e hoi hou i hope e hele no imua ma na hana a Kristo e pono ai. No ka mea ua olelo mai o Paulo, "o ko makou hoino uuku pokole wale ia no, ke hana mai nei no ia i ka nani nui mau loa no makou ma kela ao." NA KAMANAOKAUMAHA.
Honolulu, Nov. 14, 1865.
OIHANA PULUPULU!
—O—
HAWAII NEI!
E like me ko'u mau manao i hoopaka ia mamua ae nei, e kuai no au i ka Pulupulu maikai o ka
HELU 1, A ME KA HELU 2,
i lawe ia mai i o'u nei.
Ua emi mai ke kumukuai o ka Pulupulu ma na aina e, no ka pau ana o ke kaua ma Amerika, a nolaila hoi ke kumu e emi nei maanei. I keia wa, e haawi no au i ke kumukuai no ka paona hookahi.
EONO KENETA.
Ina he ma-u, a he lepo, aole paha e oi mamua o 5, a me 5½ keneta no ka paona. Aka, ina he loloa, a he maemae loa, mai 6½ paha a hiki i ka 7 keneta o ka paona.
No ka Helu 2—He 3 keneta no ka paona, a ina he maikai a he maemae, he 3½ keneta no ka paona.
Mai kanalua oukou e o'u mau hoa'loha, aka, e hoomau i ka mahi ana a me ke kanu ana i ka Pulupulu, oiai ua oi aku ko oukou pomaikai me ka nui ole o ka luhi, mamua o ke kanu ana i ke ko a me ka uala. Ina e kanu pono oukou i ka oukou mau Pulupulu, alaila, e loaa no i kela a me keia no ka eka hookahi, i paa pono i ka Pulupulu Helu 1, he $50.00, a ina he umi eka, he $500.00 no ka makahiki hookahi.
Iloko ae nei o ka malama o Dekemaba, e loaa mai ana ia'u mai Kaletona mai, kekahi mau
HUA PULUPULU SI AILANA HOU!
Mai Kaletona Hema mai, i hoouluia'i na Pulupulu, e loaa no ia lakou na hua Pulupulu iloko o keia mahina ae.
Mai hoopoina oukou iloko o ka malama ae nei o Ianuari e hiki mai ana, no ka mea, e haawi ana au i na Makana a'u i manao ai e haawi i ka mea nui loa o ka Pulupulu, iloko o keia makahiki 1865, ewalu makana ka nui—mai ke $50 a i ka $5 pakahi. No ka makahiki 1866 e hiki mai ana, ua manao au, e haawi aku i na makana i oi ae. Nolaila, mai kanalua, a mai hoopoina hoi oukou, o ka mea hooikaika, oia ka mea e lilo ai ka makana. Me ke aloha.
H. M. WINI,
Mea kuai Pulupulu, ma ka Hale Leta.
Honolulu, Nov. 16, 1865. 31-1t
RAIKI! RAIKI!
KE KAHEA AKU NEI AU I NA MEA A pau loa, e hele mai e kuai i ka raiki ma kuu hale ma Alanui Nuuanu, ma ka aoao ma Ewa, o ka hale kuai o Ake. Ekolu ano raiki i loaa ia'u e kuai no au ma ke kumukuai haahaa loa. Helu 1, 7 keneta me ka ½. Helu 2, 7 keneta. Helu 3, 6 keneta me ka hapa. ANI, (PAKE)
Honolulu, Nov. 18, 1865. 31-2t*
KUAI! KUAI!
E IKE IA MA KEIA, KE KAHEA IA AKU nei ka lehulehu, a ke ahi ia aku nei oi i ke akea, ua loaa mai ia maua he mau waiwai ano hou maikai loa, a ua makaukau maua e kuai aku, ma ke kumukuai haahaa loa, i oi aku ka haahaa mamua o na mea e kuai ia ana ma na wahi e ae. E naue mai i ike maka, a na oukou no e wae no oukou iho.
T. MOSSMAN & SON.
Wailuku, Maui, Nov. 18, 1865. 31-1m
OLELO HOOLAHA,
E KUAI KUDALA IA'NA NA LIO HE 10, MA ka Pa Aupuni ma Waiawa, Ewa nei, ke hiki aku i ka Poalima, oia ka la 24 o Novemaba, 1865, hora 9 o ia la. Ke ano me ka hao malalo iho:
1 Lio kane eleele lae keokeo, hao akau, ano e. 1 Lio kane keokeo, hao akau, O. 1 Lio kane ulaula lae keokeo, hao akau, ano e me hema PA. 1 Lio kane ulaula lae keokeo, hao hema, hao hapala. 1 Lio wahine ulaula lae keokeo, hao akau, ano e, hema, ano e. 1 Lio wahine ulaula lae keokeo, hao akau, ano e, hema, ano e. 1 Lio wahine lokia me ke keiki, hao hema, UR. 1 Lio wahine eleele lae keokeo, hao akau. †(K. 1 Lio wahine lokia ihu ilikona, hao akau, a me hema, D.
2 Lio e kudala ia ma ka Poakahi, oia ka la 27 o Novemaba, hora 9 o ia la.
1 Lio wahine keokeo, hao hema, PD. 1 Lio wahine hulupala lae keokeo, hao akau, ano e.
2 Lio e kudala ia ma ka Poaha, oia ka la 30 o Novemaba, hora 9 oia la.
1 Lio kane ulaula, hao akau, H. 1 Lio kane eleele lae keokeo, hao akau, TL; hema, A.
J. KAHAUOLONO,
Luna Pa Aupuni.
Waiawa, Ewa, Nov. 16, 1865. 31-1t*
OLELO HOOLAHA.
NO KA MEA, UA NOI IA MAI KA MEA NONA ka inoa malalo e Keaweihawaii e hooponoponoia ka waiwai o Kaniaupio, no Waimea i make aku nei, kolaila, e ike auanei na kanaka a pau, o ka Poakahi, na la 11 o Dekemaba, ma ka hora 9 o kakahiaka, oia ka la a me ka hora e hana ai i keia nonoi ana ma Waimea. DUNCAN McBRYDE,
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA nona ka inoa malalo, e A. W. Kaapuni, e hooponopono ia ka waiwai o Kehewana, o Waimea, i make aku nei, nolaila, e ike anei na kanaka a pau, o ka Poakahi, ka la 11 o Dekemaba, ma ka hora 9 o ke kakahiaka, oia ka la a me ka hora e hana ai keia nonoi ana, ma Waimea.
DUNCAN McBRYDE,
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA nona ka inoa malalo, e Simona, e hooponopono ia ka waiwai o Kumukou, no Waimea, i make aku nei, nolaila, e ike auanei na kanaka a pau, o ka Poakahi, ka la 11 o Dekemaba, ma ka hora 9 o ke kakahiaka, oia ka la a me ka nora e hana ai i keia nonoi ana, ma Waimea. DUNCAN McBRYDE,
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA NONA ka inoa malalo e S. W. Malaelae e hooponopono ia ka waiwai o Lalahilimoku no Hanamaulu i make aku nei, nolaila, e ike auanei na kanaka a pau, o ka o ka Poaha, ka la 7 o Dekemaba, ma ka hora 9 o ke kakahiaka, oia ka la a me ka hora e hanaia ai keia nonoi ana ma Nawiliwili. DUNCAN McBRYDE.
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA NONA ka inoa malalo e Opuanaole w., e hookuu ia ia mai kona noho lunahooponopono ana i ka waiwai o Piomanu o Wailua i make aku nei, nolaila, e ike auanei na kanaka a pau, o ka Poaha, ka la 7 o Dekemaba, ma ka hora 9 o ke kakahiaka, oia ka la a me ka hora e hanaia ai keia nonoi ana ma Nawiliwili.
DUNCAN McBRYDE,
Lunakanawai Kaapuni o Kauai,
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA nona ka inoa malalo, e Kolomona, e hooponopono ia ka waiwai o Kaka, no Makaweli, i make aku nei, nolaila, e ike auanei na kanaka a pau, o ka Poakahi, ka la 11 o Dekemaba, ma ka hora 9 o ke kakahiaka, oia ka la a me ka hora e hana ia ai keia nonoi ana, ma Waimea.
DUNCAN McBRYDE.
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA NONA ka inoa malalo e Halai, e hookuu ia ia mai kona noho luna hooponopono ana i ka waiwai o Kikala, ma Nawiliwili, nolaila, e ike auanei na kanaka a pau, o ka Poaha, ka la 7 o Dekemaba, ma ka hora 9 o ke kakahiaka, oia ka la a me ka hora e hana ia ai keia nonoi ana, ma Nawiliwili.
DUNCAN McBRYDE,
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA NONA ka inoa malalo e A. S. Nuuanu, e hookuu ia ia mai kona noho Lunahooponopono ana i ka waiwai o D. Nahau o Waioli, Hanalei, i make aku nei, nolaila, e ike auanei na kanaka a pau, o ka Poakahi, ka la 4 o Dekemaba, ma ka hora 9 o ke kakahiaka, oia ka la a me ka hora e hanaia ai keia nonoi ana ma Hanalei.
DUNCAN McBRYDE,
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA NONA ka inoa malalo e Kauka w., e hooponoponoia ka waiwai o Poonui o Wahiawa i make aku nei; nolaila, e ike auanei na kanaka a pau, o ka Poaono, ka la 9 o Dekemaba, ma ka hora 9 o ke kakahiaka, oia ka la a me ka hora e hanaia ai keia nonoi ana ma Wahiawa.
DUNCAN McBRYDE,
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA nona ka inoa malalo, e V. Knudsen, e hookuu ia ia mai kona noho luna hooponopono ana ma ka waiwai o W. B. Aka, no Waimea, nolaila, e ike auanei na kanaka a pau, o ka Poakahi, ka la 11 o Dekemaba, ma ka hora 9 o ke kakahiaka, oia ka la a me ka hora e hana ia ai keia nonoi ana, ma Waimea.
DUNCAN McBRYDE,
Lunakanawai Kaapuni Apana 4, Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA nona ka inoa malalo, e V. Knudsen, e hookuu ia ia mai ka noho luna hooponopono ana ma ka waiwai o E. Naiwi, o Waimea, nolaila, e ike auanei na kanaka a pau, o ka Poakahi, oia ka la 11 o Dekemaba, ma ka hora 9 o ke kakahiaka, oia ka la a me ka hora e hana ia ai keia nonoi ana, ma Waimea.
DUNCAN McBRYDE,
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA NONA ka inoa malalo e Haili Wright e hoonoho ia ia i Lunahooponopono waiwai ma ka waiwai o Meheula w., no Wahiawa i make aku nei, nolaila, e ike auanei na kanaka a pau, o ka Poaono, ka la 9 o Dekemaba, ma ka hora 9 o ke kakahiaka, oia ka la a me ka hora e hanaia ai keia nonoi ana ma Wahiawa.
DUNCAN McBRYDE,
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOIIA MAI KA MEA NONA ka inoa malalo e Nihoa e hoonoho ia ia i Lunahooponopono waiwai, ma ka waiwai o N. Kupukupu o Hanalei i make aku nei, nolaila, e ike auanei na kanaka a pau, o ka Poakahi, ka la 4 o Dekemaba, ma ka hora 9 o ke kakahiaka, oia ka la a me ka hora e hana ia ai keia nonoi ana ma Hanalei.
DUNCAN McBRYDE.
Lunakanawai Kaapuni o Kauai.
Wahiawa, Nov. 4, 1865. 31-3
OLELO HOOLAHA.
MA KA WAIWAI O MAIKUHEWA.
No ka mea, ua noiia mai ka Mea Hanohano E. H. Allen, ka Lunakanawai Nui o ka Aha Kiekie, e Keumaumalani, no ka hookohu ia ia i luna hooponopono waiwai o Maikuhewa, i make aku nei: Nolaila, ua hoikeia i na kanaka a pau loa, ke pili, o ka Poalua, oia ka la 21 o Novemaba, i ka hora 11 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY,
Kakauolelo o ka Aha Kiekie.
Honolulu, Nov. 7, 1865. 30-2t
OLELO HOOLAHA.
E IKE NA MEA A PAU, OWAU O BONI (W.) ua hoonele ia mai au e ke Kauka o ka Hale Mai o ka Moi Wahine, ia'u i naue aku ai ilaila i laau, ma ka la 10 iho nei o Novemaba, a ua olelo mai ua Kauka la, aole e loaa ia'u ka laau, no ka mea, he wahine waiwai ka au, a he lole maikai ko'u, a he maikai ka'u keiki. Aole ka e pono ka poe waiwai ke hele aku ma ka Hale Mai, aia wale no ka o ka poe ilihune. A ma ia olelo a ke Kauea, ke hoole aku nei au, aole au he wahine waiwai, aka, he wahine ilihune loa no au, o kuu komo ana paha i ka lole maikai, kapa mai ai ke Kauka he wahine waiwai au, a ua hoihoi mai kela ia'u me ka koole mai, aole e loaa ia'u ka laau, a o ko'u hoi mai no ia, nolaila, ke ninau aku nei au i ke akea, ua pono anei kela hana ana, aole anei i hana ia ia Hale no ka poe mai? I ko'u manao, ua kuleana ole kela aua ana i ka laau ia'u i ka wahine ilihune. Me ka mahalo. MRS. BONI.
Kahehuna, Honolulu, Nov. 13, 1865. 31-2t*
OLELO HOOLAHA!
Ke kauoha ia aku nei na Luna a pau o ka Nupepa "KE AU OKOA," e hooili mai ma ka lima o ka Luna Pai, o J. H. Black, i na dala a pau loa, a ia ia wale no, aole ia hai, oia hoi na dala no ka lawe pepa, na olelo hoolaha, na kanikau, a me na mele; aole hoi e ae ia kekahi palapala hookaa ke ole i kakauia ma kona inoa mai keia manawa aku, e kapaeia no. MA KE KAUOHA.
Keena Oihana, Aukake 22, 1865.
HE MAU PAPALE NANI HOU LOA!
I O'U MAU HOA PUNI NANI, A MAU MEA hou, ke hai ia aku nei, ua loaa mai ia'u he mau
PAPALE HOU MAIKAI LOA!
A ME
NA LIPINE ANO MAIKAI LOA!
no ke kumukuai haahaa, mai ka $1.50, a hiki i ka $10.00. E hele mai a e wae i ko oukou makemake, e kipa, he wahi oluolu no e luana ai.
M RS. J. H. BLACK.
Alanui Papu, Honolulu, Oct. 27, 1865. 28-
OLELO HOOLAHA.
A KA
LUNA AUHAU!
O KA
APANA O HONOLULU, KONA, OAHU
E WEHE IA ANA KE KEENA NO KA OHI ana i na auhau, no ka Apana i olelo ia ae la maluna, i kela Poakolu, keia Poakolu, a me kela Poaono, keia Poaono, mai keia la aku, ma ke Keena o ka Luna Hana Alanui, ma "AIENUI," Alanui Marine, e hele la i Ulakoheo.
N. B.—E hamama mau no ka puka i kela la keia la, a hiki i ka la 6 o Ianuari e hiki mai ana.
G. H. LUCE,
Luna Auhau o ka Apana o Kona.
Honolulu, Dec. 22, 1865. 30-3m
OLELO HOOLAHA.
O NA MEA NONA NA INOA MALALO, NA Luna Hooponopono Waiwai o George Shaw, o Lahaina, i make aku nei, ke kauohaia aku nei ka poe i aie mai ia ia, a me ka poe ana i aie aku ai. E hoike mai mamua ae o ka la 30 o Dekemaba e hiki mai ana, e loaa maua, i kela Poakahi, keia Poakahi, ma ka Hale Hookolokolo ma Lahaina. E wiki, o hala ka manawa, a hoihoi maua i ka maua Oihana Luna Hooponopono i ka Aha Kauoha. A. MANAKU,
MAUNAHINA.
Na Luna Hooponopono Waiwai.
Lahaina, Nov. 7, 1855. 30 1m
OLELO HOOLAHA.
UA HOOKOHU IA NA MEA NONA NA INOA malalo nei, i mau Luna Hooponopono no ka waiwai o Antonio Francisco i make aku nei, nolaila, ka hai aku nei i ka poe i aie mai ia ia, e hookaa koke mai, a o ka poe ana i aie aku ai, e hoike mai i ka lakou mau bila aie.
HEN RIQUE VIERRA DE AVILA,
PAAPOHAKU,
Na Luna Hooponopono Waiwai.
Honolulu, Nov. 10, 1865. 30-1m
OLELO HOOLAHA.
MA KA WAIWAI O NAILIMA (W.)
No ka mea, ua noiia mai ka Mea Hanohano E. H. Allen, ka Lunakanawai Nui o ka Aha Kiekie, e A. Kupa, no ka hookohu ia ia i luna hooponopono waiwai o Nailima (w,) no Kapalama, Oahu, i make aku nei: Nolaila, ua hoikeia i na kanaka a pau loa, ke pili, o ka Poalua, oia ka la 21 o Novemaba, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoike ia, aia ma ka Hale Hookolokolo ma Honolulu, Oahu. WM. HUMPHREYS,
Hope Kakauolelo o ka Aha Kiekie,
Honolulu, Nov. 7, 1865. 30-2t
OLELO HOOLAHA.
EIA I KA PA AUPUNI I PAUOA NEI, NA Lio helehewa, i lawe ia mai.
Lio kane ulaula nui )5 hema. Lio kane lokia nui, kua puka, 2 kapuai hao, hao ano e, akau. Lio kane lokia, ua okiia na pepeiao elua, o kona hao no ia. Lio kane keokeo, kua puka, H akau. Lio kane puakea, wiwi, hao ano e. Lio kane ulaula kua puka, mau hao ano e. Lio kane eleele, W akau. Lio kane puakea hulupala O hema. Lio kane eleele wiwi, M hema. Lio kane hulu iole, eha kapuai hao, HDK akau. Lio wahine eleele me ke keiki, KW hema. Lio Wahine ulaula, K akau. Lio wahine keokeo wiwi, I akau. Lio wahine puakea wiwi hao ano e lio wahine ulaula wiwi kua puka, mau hao ano e, akau. Lio wahine lokia. Piula hulu iole, ua ike ia no.
E kii mai ka poe nona keia mau Lio, oi pokole na la.
P. KAAIAHUA,
Luna Pa Aupuni.
Pauoa, Nov. 18, 1865. 31-1t*
OLELO HOOLAHA.
NO KA MEA, UA HOONOHO IA MAI NA mea nona na inoa malalo, i mau Luna Hooponopono no ka waiwai o J. H. Kaiheekai, o Lahaina, i make aku nei. Nolaila, ke kauoha ia aku nei, na mea a pau i aie ia ia, e hookaa koke mai ia maua, a o na mea hoi ana i aie aku ai, e hoike mai ia maua i na bila mamua mai o ka la 31 o Dekemaba.
WILLIAM AP. JONES.
FANNY KAIHEEKAI.
Lahaina, Nov. 6, 1865. 29-5t
OLELO HOOLAHA.
UA HOOKOHU IA NA MEA NONA NA INOA malalo nei, i mau Luna Hooponopono Waiwai no ka waiwai o IOSIAS KAAUKAI, i make aku nei: Nolaila, ke hai aku nei i ka poe i aie mai ia ia, e hookaa koke mai, a o ka poe ana i aie aku ai, e hoike mai i ka lakou mau bila aie ia A. F. JUDD, (ALAPAKI,) ma kona Keena Loio ma Honolulu.
E. MAHIAI.
JOHN O. DOMINIS, KIAAINA,
Honolulu, Nov. 14, 1865. 31-1m
OLELO HOOLAHA.
NO KA MEA, UA NOIIA MAI AU, KEkahi o na Lunakanawai Kaapuni o ka Apana Ekolu, e D. H. Hitchcock, e haawi i la no ka hoolohe ana i kana palapala moohihia hope loa, o ka waiwai o Naholowaa. Nolaila, ke hookohu aku nei au, i ka la 12 o Dekemaba, Poalua, 1865 i ka hora 9 o kakahiaka, e hoolohe ia keia mea i noiia mai, me ka hookuu ana o ka luna hooponopono waiwai mai kona hana aku, a me na mea a pau i hoole, ke pili.
G. S. KENWAY,
Lunakanawai Kaapuni Apana Ekolu.
Hilo, Hawaii, Oct. 23, 1865. 31-1t
OLELO HOOLAHA.
NO KA MEA UA NOI IA MAI KA MEA NONA ka inoa malalo e V. Knudson e hooiaio ia ka palapala kauoha o Kekaua no Punalau Hanapepe, mokupuni o Kauai i make aku nei, nolaila e ike auanei na kanaka a pau ka Poakahi ka la 11 o Dekemaba ma ka hora 9 o ke kakahiaka oia ka la a me ka hora e hanaia ai keia nonoi ana ma Waimea.
DUNCAN McBRYDE.
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA nona ka inoa malalo, e Kapihenui, e hooiaio ia ka palapala kauoha o Puakau, no Makaweli, i make aku nei, nolaila, e ike auanei na kanaka a pau, o ka Poakahi, ka la 11 o Dekemaba, ma ka hora 9 o ke kakahiaka, oia ka la a me ka hora e hana ia'i keia nonoi ana, ma Waimea. DUNCAN McBRYDE.
Lunakanawai Kaapuni o Kauai.
Wahiawa, Nov. 4, 1865. 31-3t
OLELO HOOLAHA.
NO KA MEA, UA NOI IA MAI KA MEA NONA ka inoa malalo e I. K. Hart e hooponoponoia ka waiwai M. Makaio no Koloa i make aku nei, nolaila, e ike auanei na kanaka a pau, o ka Poaono, ka la 9 o Dekemaba, ma ka hora 9 o kakahiaka, oia ka la a me ka hora e hana ai i keia nonoi ana ma Wahiawa. DUNCAN McBRYDE,
Lunakanawai Kaapuni o Kauai.
Wahiawa, No v4, 1365. 31-3t