Ke Au Okoa, Volume II, Number 1, 23 April 1866 — Make i mahalo nui ia. [ARTICLE]

Make i mahalo nui ia.

Ua koi ia mai la au e na hua olelo aloha e kau kehakeha ae la maluna, oia hoi keia, "Make i aloha nui ia." Ma ka la 11 o Malaki i kaahope ae nei, oia ka la Sabati, o ka la no ia i make hikiwawe iho nei o S. Kamaikaaloa, kuu hoa'loha o keia kahawai o Kahakuloa nei, a he hoahanau oia no ka hoomana Katolika Roma, a ua make iho nei oia me ke kauoha ole, a ua haalele mai oia i kana wahine a me ka laua mau keiki, a kumakena nei lakou no kona hele ana aku, a haalele mai ia lakou i mea nana e u ma keia aoao ka luakupapau. O kona mai i make ai, he ano e loa, ua puni ke kino mai luna a lalo, aole moe iki o ka po, aluna wale no e okuu ai a ao. E kupaka ai i oia nei me ka uwe i ka eha i loaa mai i kona kino, a o ka mea hilu loa nae, o ke komo ole o kahi ai, i mea e maha ai kahi lua o ka inaina. Auwe! aloha ino kuu hoa'loha oiaio ma ke kino a me ka uhane, ua holo kupinai mai na, leo e holoholo nei i uka i kai, ma keia kahawai hohonu o Kahakuloa nei, e kani pihe uwe ana, i ka make ana o S. Kamaikaaloa. O kona one hanau, o Koaie, Kohala, Hawaii, aia no malaila kona mau kini makamaka a pau loa, aole lakou i ike i kona make ana. Ua noho oia ma ka oihana koa ma Honolulu, a pau ka noho ana ia oihana, hoi mai oia me kana wahine i Maui nei, a noho ma Ka- hakuloa, a loihi kona noho ana maanei, a ma ia hope iho, ua hoi oia i ka hana kumakahiki a Kimo Rutera o Wailuku, malaila oia i noho a hala eono mahina, haalele oia ia haku hana ona, a ma ka M.H. 1864, ua komo oia i ka hana kumakahiki a ka Poe Hui Wiliko o Wailuku. Malaila oia i noho hana iho nei a make aku la me ke kauoha ole. He kanaka oia i minamina nui ia e na haku hana o Wailuku, Maui, no kona hoolohe pono i ko lakou leo, a no kana mau hana pololei me ka hoomanawanui me ka mikiala. Oia kuhi mapuna leo aloha no kekahi hoa'loha i make aku nei, A no oukou ia e na reiki hooggele puuwai e lawe kaiue iho ma ka lima akau o ke aloha pumehana. K.L. NAHEANA Piiloi, Kahakuloa, Maui, Mar. 17, 1866.