Ke Au Okoa, Volume II, Number 13, 16 July 1866 — He wi nui keia. [ARTICLE]

He wi nui keia.

E KE AU OKOA E; Aloha oe : No koʻu halo ana ae, a kiai ana iho ma o a maanei o ko;u mokupuni e noho nei, oia o Maui o Kama, a me na leo wawalo hoi e hoea mai nei ma kela wahi keia wahi o ke Aupuni Hawaii nei, me ka olelo ana, he wi nui maoli keia. A ke olelo nei hoi ka poe i ike i ke kau pualele nui, aole elike me keia ke kau wi nui, wahi a lakou, he wi no ka ia, o ka nui o ka Ia he mea ole ia wi, o keia hoi, aohe ika ia oia mea he nui no ka Ia a nolaila, ua kapa pono ia iho, he wi nui keia. Nolaila, eia ka ninau, no keaha la keia wi nui loa? No ka nui o ka manawa i hoopau ia i na hana e ae, aohe kanu ia o ka ai Hawaii ma na aina momona, ua huliamahi nui na kanaka a noho me na haole, i ka haole ka ai a me ka i-a, aohe au kanu huli a lau uala nau ponoi iho, lilo aku la oe i ka ka haole hana. a hala ka hebedoma, ka malama a pela aku ka nanea loa aku la no ia, pahee ka puu i ka ono o ka wai o ke ko a ka haole, aohe manao ana aku o ka aina kanu kalo a uala, a maia hoi, nolaila, ua wi mai ia wahi. Ua huliamahi nui na kanaka ma ke kanu awa, laiki, a pulupulu hoi, a hoopoina aku i na hou ana iho i na huli kalo, a me ka hawele ana mai i na lau uala a pela aku; a manao mai hoi keia poe malaila e loaa mai ai ka lakou ai a i-a a pela aku, a loihi hoi ka manawa o ka lilo ana malaila, no ia mea e loaa no ka wi malaila. [Ilegible] Ua huliamahi nui na kanaka mamuli o ka lealea i ka po a me ke ao. Ua maopopo ia mea i ka nana ana aku o na maka; aia, a hana ia he wahi mea e ona ai a e lealea ai ma kahi hale, alaila, ua hoea nui aku lakou i ka aa ana o na maka i ke ala i ka po a ao, ia ao ana ae, ua hele a luhi na maka, ua hele hoi a nawaliwali na io paahana; ua hu iki kahi manao e hele i ka hana, aole nae e hiki, ua loaa ka ume kaumaha nana e kaohi iho, hookahi hana, o ka eu ae, a waiho aku i kahi moe, ka hoomahui aku la no ia, a pahee ke kino i ka noho wale, a pau ka la a hebedoma a malama no ia lilo nui malaila, a hoopau ia ka manawa, ua loaa no ka poino i kanaka, a kau mai keia iho weliweli ke wi. Ke huliamahi nei na kanaka i ka hoomaloka a hoopoina aku i ke Akua nui loa o ka Lani. Pela io no paha i ka hoomaopopo ana iho a hoohuli aku i ko kakou mau ike elima imaa o ka lahui holookoa e noho mai nei, aole no paha he kawai, he lolo nae wale no i nei mea he hoopoina i ko kakou Akua. Alaa Ia, he mua ka kakou hoopoina ana, a hoowiwi ana i ko ia la pono, he hope mai nei ka i ala papa-pau la, he aa ko ka hale, a laa ke kolo i ka mahakea-a, i ko hoohala no i ka manawa, aole anei ou lohe, he mea nui ka manawa. Nolaila, ua manao au, oia no ke kumu o keia wi nui, no ka mea, uuku ka poe mahiai ko, nui ka poe ai ai, no ia mea ea, hoao mai ana ua hana la. A ke hooki nei au maanei, ua loihi no keia kamailio ana. Me na keiki lima alapine ke aloha. A. PUAALOA.