Ke Au Okoa, Volume II, Number 13, 16 July 1866 — He mau Kanikau. [ARTICLE]

He mau Kanikau.

TUNE. - Cottage by the sea. 1 Kanikau la he aloha, Nou no e Kalohelani, Ua hele aku nei, Ke ala muku a Kane, Noho na makaainana, Me ka u i a oe, Me na ohua ou, O Papakanene. 2 He uhane la he aloha, No ka Lani ua nalo, Uwe helu mai nei, O Kuanaoa, Kuu Haku milimili, Lei Alii laha ole, Noho oe la i ka poli, O ka Makua Mana Loa, 3 Ke noho u mai nei, Kapuaiwa i ke hoa, I kona Kaikuahine, Kamamalu hae o Ku, Anoano ilihia, Kaleina a ka uhane, E nanea ana paha, Ke'hu kai o Kahala, W. HOOLAI. LEO MELE - Far Away. 1 Auhea oe Kiheahealani, Kamalei na ka Makua, Ua nae aku ka uhane, Hele hookahi aohe lua, Ua hala, ua hala. Ke Alii Kiheahealani 2 Uwe helu mai o Kuanaoa, Auwe kuu Lei kuu Kama, Kuu hiwahiwa lani - e, Milimili na ka manao, Ua hala, ua hala, Ke Alii Kiheahealani. 3 Ninau ae nei o Kapuaiwa, Auhea, auhea hoi oe, Aia paha i Luakaha, Kahi i lua lai ai. Ua hala, ua hala, Ke Alii Kiheahealani. 4 E walea ae ana au, I ka olu o Haimoeipo, A huli hoi i ka uka, I ke anu o Halauaola, Ua hala, ua hala, Ke Alii Kiheahealani. 5 Eia makou la, Na makaainana e, Paiauma ka manao, I ka naue ana o ka Lani, Ua hala, ua hala, Ke Alii Kiheahealani. E. M. K. KALEIWOHI. 1 Nou ke aloha e haalipo nei, Ke Alii wahine o na moku, Lei momi laha ole oe, O ke Aupuni o Hawaii, La, la, la, la, la, la, la, la, la, la, la. E Kalohelahi - ua moe oe. 2 Aia paha oe i Lanihuli, I ke kui pua Kamaakahala, Kahiko lai nou e ka Lani, Onaona ka houpo o ka wahine, La, la, la, la, la, la, la, la, la, la, la. E Kalohelani - ua moe oe, 3 Noho ana ka uhane i Haili, Hoolono i ka leo o na manu, Me ke Kahuli leo lea, Oia uka ano mehameha, La, la, la, la, la, la, la, la, la, la, la. E Kalohelani - ua moe oe. 4 Mehameha ino oe e ka Lani, I hele hookahi aku nei, Haalele mai nei oe, I ka wehi o ke Kaona, La, la, la, la, la, la, la, la, la, la, la. E Kalohelani - ua moe oe. 5 Ua waiho pu mai nei, Ka ukana a ke aloha, Ka makou ia e hiipoi nei, Haalipo me ke kumakena, La, la, la, la, la, la, la, la, la, la, la. E Kalohelani - ua moe oe. 6 Kaumaha luuluu ka manao, I kou nalo ana aku nei, Ua pau ko ike ana, I keia ao inea, La, la, la, la, la, la, la, la, la, la, la. E Kalohelani - ua moe oe. 1 He iliilihia keia, Nou no e Hilihiliula, Nou paha ka uhane, I lele pauma 'ku nei, Ma ka he o na moku. Chorus. - He aloha u mo ka minamina, Nou no e Kaninaulani, He aloha u me ka minamina, No ka Princess o Hawaii. 2 O kuu maka e au nei, No kuu Lani i hala'ku, Ka pua lei hiwahiwa, Ke Kamalei laha ole, O ka lahui Hawaii. Chorus. - He aloha u me ka minamina, &. 3 Kuu manawa ua eha, Ua hiolo helelei, Ka lau o kuu aloha, Hakina lua i ka mihi,

No ka lilo ana o kuu Lani. Chorus. - He aloha u me ka minamina, &. 4 Kalani nui Mehemalu, Ka lei Alii o Hawaii, Ke uwe makena nei, Ka nui makaainana, O na Pae Aina ou. Chorus. - He aloha u me ka minamina, &. 5 E Kalani e moe nei, E maliu mai ia makou, Ka uhane ia Kunane, Ke ola i kou Aupuni, I ke Kau o na Kau. Chorus. - He aloha u me ka minamina, &.