Ke Au Okoa, Volume II, Number 15, 30 July 1866 — Pane i na Komite o ka Ahahui Euanelio Puritana. [ARTICLE]

Pane i na Komite o ka Ahahui Euanelio Puritana.

Aia ma ke Kuokoa o ka la 23 o lune Helu 15 ka hoohalahala ana a na Komite o ua Ahahui ala, no na mea e pili ana i na kula Aupuki, a me ko lakou minamina maoli i ka oihana i ka lawe ana ae o ke Aopuni e alakai ia ia iho, ma ka pono, a me ka pololei. Pane aku ika Pauku 1. A heaha ka oukou hooponopono aua ilaila e Minaminaoihana ma ? A heaha iho la hoi kahewa, a oukou e hoohalahala nei ? Pane aku ika Pauku 2. Malia paha ua ike o Abr. Fornander Esq. i ke kekee a me ka paewaewa loa oka oukou hana. Ua hoopuka kela i kona manao i ka wa ia oukou no ka mana o na kula ake ike nei makou i kona hooponopono ana me ka hoopilimeaai ole ma na aoao hoomana m<, he mea la ke kue nei oukou ia ia no kona koho ia ana e ke Aupuni, a aole hoi kekahi o oukou i hoonoho ia ae ma ia hana. Mai lili oukou e na kumu Kalawina, i ko makou manao ua kupono ka ke Aupuni hana ana. Pane ika Pauku 3. Ua hoopii anei kekahi poe makua mea keiki i keia Kau Ahaolelo e hooponopono hou i ke kanawai e pili ana ma ia wahi no ke pale ia o ka manao o na makua no ke koho ana aku i na kumukula aolo, aole loa no. Pane aku ika Panku 4. Ua ike ke Aupuni he hoopau manawa wale iho no ma na Ui Akua a oukou eao nui ai na kumu. Aole no i papaia ka hoomana ana aku i ke Akua, a me ke ao ana aku ma na mea pili i ke Akua ma ka luakini a me na hale halawai. Makeiiewa k'o oukou nuku ana. Pano aku ika Pauku 5. Ua pololei no ke waiho ia ka Baiba!a, no ka mea, aole ia he Bukc na ke Aupuni. Eia kekahi, he Buke paakiki no kona ano a he ano hohonu hoi i hiki ole ina keiki opiopio ke hoomaopopo iho. Ma ka Baibala no ke melo a Solomono. Heaha ko oukou manao no ia mele ? A heaha hoi ka maoao o ka poe opiopio ? Pane ika Pauku 6. Ua kupono no ia papa ann, i ka-pa-ko-Ii iloko o ka wa kula, no ka mea, he hoopau manawa wale iho no ia, a aole he waiwai oko Aupuni e lona mai, ua ae ia no ke ao pa-ko-li ana mahope o ka wa kula. Pune aku ika Pauku 7. No ka ike o ka Papa Hoonaauao, he puie ohi kau wale aku no ka oukou, elike ponei: " E aloha aku ia mea aku, ia mea aku, a pela wale aku." Ke ole nae au e kuhihewa.

Pane aku ika Pauku 8. Na oukou wale iho no ka hookaawale ina kula Pope, a me na kula Puritana i ka wa ia oukou ka mana, noonui no oukou i ko oukou mau kula, a, hoouku hoi ioa Kula Pope.. A iloko o keia Au lte kaupaona like ia nei me ka manao ole ia he kula Pope, a he kula Kalawina, he kula Aupuni wale no. Nolaila, makehewa ke olelo ae, ua hoonoho pinepine ia na kumu Pope maluna o na kula i ao ia e na kumu Hoolepope mamua. Ua hoonoho ke Kahukula Nui, elike me ka pono, a me ka pololei. Makehewa ia hoohalahala ana. Pane aku ika Pauku 9. Makehewa oukou ke olelo ua mahuahua na kumu Pope maluna o na kula o na keiki a ka poe Hoolepope, no ka mea, he p'oe kumu Aupuni wale no i keia wa, aole he poe kumu Popep aole no hoi he poe kumu Ealawina. E hoopau oukou ia īnanao Euhihewa. Pane aku i ka Pauku 10. Ma ia wabi ko oukou hoohalahala kohu ole, a me ka ike holookoa ana mai o na lehulehu a pau loa mai o ao, i ke ano o ka oukou hana makee, a ine ko oukou naau punalua maoli i ke Aupuni i keia wa. C.. di na Lunakula ano ino ? A owai na hoi ? .koke mai- oukou i keia mau ninau. Ua makemake anei oukou e hoopuka inoa ia aku kekahi kumukula a kekahi o oukou i koho iho ai a i hoolilo aku ai boi i kumu, oiai oia e noho Xahuku)a ana ia wa, a na Abr. Fornander i hoohemo iho nei. No kona ano maikai anei ke kumu a ke Kahukula nui i hoopau ai i kona noho kumukula ana ? Ona Kahukula ame na kumukula wale no anei i ka wa ia oukou',ka mana i ano maikai |,ka noho ana. Aole anei i hoohemo aku o Limaikaika a i ole ia o kekahi lala e ae o ka Papa Hoonaauao i kekahi Kahukula, ika wa mamua no kona ano pono ole paha ? Ma keia mau ninau e akaka ai ko oukou ekemu pololei ana mai. Pane aku ika Pauku 11. Ua akaaka no auanei ia oukou ko ka Papa Hoonaauao manao e hoonele ia na keiki oia wahi i ka hale kula ole. Ohea ia wahi ? I Paae aku ika Pauku 12. O na kula o hea ke nalowale aku i ka Lunakula ole i keia wa. A he, ona kula ike kae ea ! Aole ia oukou ia wahi. Pane aku ika Pauku 13. Makehewa oukou ke kamailio no ka uku ana i na kumu aia wnle no ia ika manao o ka Papa Hoonaauao, aole hoi i ka ahahui Euanelio. Ke hooki iho eei au i k'au olelo pane i na Komite oua Ahahui la. Ake kuupau aku nei ko'u aloha i ka Luoahooponopono o Ke Au Okoa. P. K. Kumūkula. Nawaieha, Maui, lulai 18, 1866.