Ke Au Okoa, Volume II, Number 15, 30 July 1866 — Untitled [ARTICLE]

'' £ aloha ! e aloha anei ! e lea mea i hala, Nau uo i pauaho mai nei i ka kakou pili, Aka, e mau no ke kaumaha ana o ko makou puuwai, A hiki i ka wa e pau ai ka helu'na o ko makou mau la." Aole hoi i pau ae ka maloo ana o na mauu 0 ka Ilina Alii o Mauoaala, i ka hehi ia e na kapuai o ka huakai hoolewa o ka kakou Kamalei Alii i hala aku la, a eia hou mai no keia puolo a kou poli e ka lua kupapau auuanu a koekoe e hoopumehana ai. He mea maikai no paha i kahi poe ka ukali ana aku i ka huakai hoolewa i ka lua, aka, aohe paha he maikai o ke kupinai ana e like me keia. Ua apo ia mai la, a ua lawe ia aku la i ke kakahiaka o ka Poakolu iho nei, la 25, e ka make o Mrs Gra.ce Kamaikui Yocsg Rooke, wahine a Hon. T. C- B. Rooke M. D. (Kauka Ruka) oia ka Jua o na kaikamahine o John Young, o ka makuahine o ko kakou Moiwahine aloha Emma, ka mua aku. Ua pili oia i ka papa alii o ko kakou mau moku nei, oia o Kaonaeha kona makuahine, he kaikamahine pa Eeliimaikai, bc pi|if kana a he Alihikaua no Kamehameha I. Maloko o kekahi Baibala Ohana a Keoni Ana, i make aku nei, ua ike ia, ua hanau oia ma Kawaihae i Hawaii, ma ka la 18 o Sepatemaba, M. H. 1803; a o ka helu'nu o kona mau la i noho ai ma keia ao a naue aku la, he kanalima kumamahiku makahiki, he umi mahina, a me umikumamaha la. la makou i naue aku ai e kiei iho i kona helehelena i opiopi ia e na holoku panopano o ka make, ike aku la makou i na ohua noho o kona hale, kona kaikaina, na pilikana, a -me ka lehulehu no hoi i naue ae, e haehae ana i ka lewa me na u, a me na uwe kumakena, no ia la i naue hookahi aku la. Ua pilihua a kaumaha ka manao o kona mau pilikana, aka, aia wale no anei maluna o lakou ka lihaliha o kona make ana ? Aole, aia i ka aina e, kekahi mea i oi loa aku paha ke koikoi o ka manaonao, maluna o kona puuwai, oiai, na ka mea i lawe ia aku i hii ia ia i kona mau la iluna ke alo, i lei ia ia ke maloeloe iho o kona mau kapuai i ka hoao ana a kona mau wawae palupalu e ka-i akn, i hanai ia ia i ka wa opiopio ke uwe mai ia na pololi, i heaahu ia ia i ke anu a me ke koekoe, a i hele pu ia ai hoi iluna i kela kualono la, a i la]o i kela awaawa la. Ua u hele ia, a u no hoi ia i na moana a lakou e au ai, a me na wahi a laua e noho ai, me ia la i hala aku la. Heaha la auanei ka hana a ko kakou Moiwahine Emma e bana aku ai ke ike iho ia ma ka palapala, o kona mea nana i hii, i lei, i hanai, a i hoaahu ua hele aku ia i ka huakai mau ? He oiaio no o ka pilikaumaha kuhohonu loa ke haawe ana maluna ona, oiai, aole oia kahi ia nei e noho hoike ai i ka uwe pu ana iho a ka maka i kona mau lihilihi; aka, oia la nae i hala aku la, " Ua like me ka mea i uhi mai i kona kihei A hookuu ia ia iho i na moeuhane oluolu !"