Ke Au Okoa, Volume II, Number 16, 6 August 1866 — He inoa no ke Kamalahaole. [ARTICLE]

He inoa no ke Kamalahaole.

A Haleolaau waiho ka nani, E kilohi ana i ka nani o Apua, E mahalo ana i ke Kaona, Kiki ka hou ka wela i Kilauea, Huki ke kaulawaha a ka poe holo lio, Ka - oo'ku ka pii'na i Maemae, E uhaiaholo ana i ke kula o Ahulili, Hakaha ka ihu o ka lio i Kahaukomo, Hoomaha aku i ka nuku o Nuuanu, E nana ana i ka uluhala o Kekele, Mahalo au o ka nani o Mokapu, O ka ua Apuakea i ka moana, He ana hoi kahi i ka ua a ke Kioao, Hiu no ke kapena hoi i ka home, Haaheo no i ke kai o Mamala-e, O mai o ke Kamalahaole i kou inoa. Aala Lihue i ka hanu a ke ala, I ka ne a ka manu o Honene, I ka hoowali ia e ka makani Waikoloa, Nua ke oho o ka manu Kolohia, Hohola aku lai kai o Ewa - e, E oe i kou inoa o ke Kamalahaole he inoa. Maey. Leleo, Augate, 1, 1866.