Ke Au Okoa, Volume III, Number 14, 25 July 1867 — Na Mea Hou o Lahainaluna. [ARTICLE]

Na Mea Hou o Lahainaluna.

E Ke Au Okoa :—Aloha, oe : E oluolu kou mau keiki, e hai aku i keia mau wahi owili lu-au o Auaiawao, i na mea i lawe i KE AU OKOA mai Hawaii a hala loa aku i Niihau Manoopopaipai. KA HOOMAKA ANA O KE KULA. Ua hooma-k ka na keiki o Hawaii e hoi mai i na la mamua ae o ka manawa, pela no hoi ko Maui, ka mau mai hoi o Molokai me Lanai, a kaulele wale mai o Oahu me Kauai. A i ka la 3 o Iulai nei, ua hui mai na keiki kahiko me na keiki hou ma ka luakini o Laokeola, alaila ike ia aku la na lio me na makua o na keiki e akoakoa ana malalo, e lelele ana ko lakou mau oili no ka paa ole o ka lakou mau keiki. I ka hoike ana a na kumu, oia o Rev. S. E. Bishop me Rev. C. B. Andrews, me ke kolu o na kumu Rev. M. Kuaea, o ka huina o na keiki hou ia wa, he kanahakumamaono, aole no hoi o lakou mea i hoihoi ia, e hoa o ia ana no na pule paha a mau mahina paha, alaila hoohiki ia. Hoi aku hoi na makua me ka olioli o ke lakou mau naau, me na makua, no ka noho ana o ka lakou mau mea hoeha naau he keiki i kahi a lakou i makemake ai o Lahainaluna. A, mahope hoea hou mai elua keiki hou no Hilo mai, hui ia he 48, hookahi i hoi no ke aloha i na makua, koe iho he 47, hui ia me na keiki kahiko, hookahi haneri me ekolu. NA MEA AI. He nui ka ai ia makou me na mea ai e ae, oia ka maia, ipuaiwaha, a pela aku, ke ulu nei no hoi na mala ko no ke kula kekahi, a nana keiki kekahi, me he mea la e hele mai ana a nui ka lako o keia kula i na mea ai na na haumana. Ua kokoke no hoi e pau na loi o kahawai i ka hana ia, me ka ulu o na kalo, a ke aneane ae nei o hana mauka o kahi o Mr. [A a]. NA HALE [M ]. Ua hele na rumi o na hale a piha, oia hoi elima keiki ma ka rumi hookahi, a eono kekahi. Nolaila i puka mai ai keia wahi lalani huaolelo malalo iho, "Le-i Kohala ei i ka nuku na kanaka." A ke i ae nei hoi makou, "Piha pono na rumi moe o na keiki kula o Lahainaluna i na haumana hou." Aole pela mamua, ekolu a eha na keiki o ka rumi. TIMOTHY H. KANEIAKALAOPIO.