Ke Au Okoa, Volume V, Number 48, 17 March 1870 — Untitled [ARTICLE]

Ma ka Poaono, la elima o nei malama, ua akoakoa ae na Loio o ka Aha ma Wailuku, Maui, no ka hoike ana i ko lakou aloha a me ka minamina ia J. W. H. Kauwahi, i make, kekahi hoa o lakou, he hoa i kaulana no ka makaukau a me ka naauao i ka lakou oihana. Ua kahea ia o Hon, A. J. Lawrence ma ka noho a o W.C. Jones ua kohoia i Kakauolelo. Ma ka heluhelu ana mai o J. H. Nahaku i kekahi mau olelo hooholo ua hooholoia penei: Hooholoia ; Ke uwe aku nei keia Aha Loio me na kulu waimaka a ke aloha, me ka luuluu a me ke kaumaha nui no ka wahine kane make, a me na keiki makua ole no ko kkoa hoonele ia ana i ka makua, no ka mea ua kaa aku la ia ma kela aoao o ka honua. 2. Hooholoia ; Ke uwe aku nei keia Aha Loio me ke kauoha pu aku i na hoa o ka Papa Loio o Hawaii nei e hui pu mai me kakou ma ke kanikau pu ana no ko kakou hoa a Kaikuaana hoi o na Loio Hawaii maoli, oiai, ua kaa aku la ia ma ke ala hiki ole ke hapai i ka oihana a kakou e lawelawe nei. A. J. Lawrence. Luna Hoomalu. W. C. Jones. Kakauolelo.

I ka la Sabati iho nei, ua kaualupe aku la ka anela o ka Make, a ua lawe aku la i kona anapuni i ka wahine a ko kakou Kuhina o na Aina e, Ka Mea Kiekie, C. C. Hailaki [Harris]. Ma kona make ana, ua hookau ia iho ka lima kakauha a ke kumakena a me ka walohia maluna o kana alii kane a me ka ohana oluolu maikai ana i hoopuipui ai ; a ua hoauamo pu ia iho no hoi ke kaumaha maluna o ka poai o kona mau hoa'loha i pomaikai ka launa oluolu ana me ia. I ka auina la o ka Poakahi nei, ua lawe ia mai kona kino mai ka hale noho mai, i ukali ia e kona ohana, i ka Luakini Bihopa ma Pelekane. Ua haawi ia ka hoomana haipule hope e ka Huku Bihopa a me ka Aka-Dia-kona Maaon. Ua waihoia ko kino mamua mui o kahi haiolelo, a ua hoonani ia iho muluna o ka pahu me na puu a me na lei uliuli. Ua ane pohai pu ke o ka Luakini i nu hoailona kumakenu ; a oiai, i ka hui ana o ke anaina me ka Papa Himeni i ka hoolea ana, ua ane hookokohi no me na mano kumakena lihaliha. Ua heluhlu ia mai e Aka-Diakona Mason, ka Episetole. O ka Himenami "Aole no au e ola mau, aole e noi e noho Kahi o na makani ino e alai pouli ai i ke ala." Ua Himeni ia me ka maikai, e ka Papa Himeni o Kaukeano. Malaila pu ae no ka Moiwahine Emma a me ka Hon. Lede B. Pauahi Bihope, kahi i huipu aku ai i ka hoomolulolulo ana aku i ke anaina kumakena. I ka pau ana o ke anaina pule malaila, ua ukali ia aku la e kekahi huakai hoolewa loihi ke kino kupapau i ka pahu ku o keia ao, mauka o ka pa ililina ma Maemae. Mahope aku o na kaa o ka poe na lakou ka heana, ua ukali aku ke kaa o ka Moi me kona Puuku maluna olaila ; a mahope iho ke kaa o ka Moiwahine Kalama ; a mahope aku ka poe hele wawae, na Kanikela a me na'lii moku o ka manuwa Donau. Mahope aku o lakou na kaa ; a ua loihi no hoi ka huakai, a hiki wale i ka ilina. Ma ka lua, ua pule hou ia, "a ua hoi aku la ka lepo i ka lepo."