Ke Au Okoa, Volume VI, Number 6, 26 May 1870 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

KE AU OKOA

BUKE VI---HELU 6. }  HONOLULU, TAREDE, MEI 26, 1870.  {$2.00 NO KA MAK.

“KE AU OKOA.”

E HOOPUKA MAU IA’NA I

KELA POAHA KEIA POAHA

MA KA

HORA EWALU O KAKAHIAKA.

ELUA DALA NO KA MAKAHIKI hookahi, he kanalimakumamalua nupepa ia.  E uku e ia ke DALA HOOKAHI no ka hapalua makahiki mua, iloko o na mahina mua eono; a pela hoi ka lua o ke dala, e uku e ia iloko o ka hapa hope o ka makahiki.

“KE AU OKOA.”

KA UKU O NA

OLELO HOOLAHA.

            NA OLELO HOOLAHA – No na lalani he 10, oia hoi 1 iniha, no ka hoopuka hookahi ana, $1 00; alua hoopuka ana, $1 50; ekolu, $1 75; hookahi mahina, $2 00.

Aia no ke keena o “KE AU OKOA”  ma ka Hale Paipalapala Aupuni, maluna ae o ka Hale Pai.

NO KA AHAOLELO

LA UMIKUMAMALUA.  POALIMA, MEI 13, 1870.

            Halawai ka Ahaolelo ma Honolulu, hora 11 kakahiaka, e like me ia i hoopaneeia.  Mea Kiekie Peresidena P. Nahaolelua, ma ka noho. 

            Pule ia e ke Kahunapule. 

            Heluheluia ka moolelo o ka hale, a ma ke noi ua aponoia. 

            Hoike mai ka Hope Peresidena I kana olelo hooholo e pili ana no na rula ana a ka Hon. W. P. Kamakau, e pili ana i ka rula 71. 

            Waiho mai o Mr. Kamakau, he palapala hoopii na Ha@loa, no kona koena dala iloko ka waihona, no kona uku lawe leta ana no ka mokupuni o Oahu @ ka palapala hoopii ma ka papa.

            Ku hou mai o Mr. Kamakau, aole like ko’u manao me ko ke ‘lii e noi mai nei, ke manao nei au, aole kakou e pono e hoohalike me ka manao o na Luna o ke Kau i hala, ka poe nana i hoole loa i keia palapala hoopii; no ka mea, ke olelo mai nei ua mea hoopii nei, ua lawelawe oia i keia oihana lawe leta, a e pono e noonoo pono ia.  A nolaila, ke nonoi aku nei au, e waiho keia palapala hoopii i ke Komite o na dala koiia.

            Ku mai o Mr. Judd, i ke Kau i hala, ua nanaia keia palapala hoopii eha la e na Komite, a ua hoike mai lakou, e hoopanee loa ia ka noonoo ana i keia palapala hoopii.  Nolaila, ke nonoi aku nei au, e waiho loa ia keia palapala hoopii ma ka papa.

            Ku mai ka Mea Kiekie Lunalilo.  Aole au kokua i ka manao o ka Luna o Koolaupoko, ua like ko’u manao me ko ka Luna o Honolulu, no ka mea, he kanaka Hawaii oia, ina paha keia he haole e hoopii nei, o ke koi iho la no ia a ko.  Nolaila, ke nonoi aku nei au, e noonoo pono ia keia hoopii.

            Ku mai o Mr. Aholo.  He kokua au i ka haawi ana i keia hoopii i kekahi komite, aole nae i ke komite o na dala koiia, no ka mea, aole o kakou komite oia ano, e pono e waiho ia i ke komite wae.

            Ku mai o Mr. Kaukaha.  He kokua au i ka hoopanee loa ana i keia hoopii, no ka mea, owau o kekahi o na hoa o ke komite wae i ke Kau i hala, a ua imi makou i kahi e hookoia ai ka hoopii, a ua ike makou ua hana aelike ka Luna leta me ka mea hoopii no na dala eha o ka pule.

            Ku mai o Mr. Kahaolelio.  E pono kakou e noonoo pono i na palapala hoopii, mamua o ke kapae loa ana, aole like ko’u manao me ko ka Luna o Hanalei, no ka mea, o ke koeena dala he $148 e koiia mai nei, na hookaawaleia ia e ke Kanawai, no ka oihana lawe leta, a e pono e waihoia keia hoopii I kekahi komite wae.

            Ku mai o Mr. Laiana, na oiaio no na mea i hoikeia mai nei e ka Luna o Hanalei, e pili ana i ka hana a ke komite no keia hoopii, ua imi no ke komite i na mea a pau e pili ana i ke Kau i hala, a aia no ia ia kakou ka waiho ana i ke komite wae.

            Ku mai o Mr. Kalama.  Ke kokua nei au i ka haawi ana i keia hoopii i kekahi komite wae, aole hoi e pono me ko ke’lii Kalakaua manao, ko ka Luna o Hanalei a me ko Koolaupoko, e waiho loa ma ka papa.  Aole e pono e ae aku i ka manao oia poe, no ka mea, oia poe no e kue mai nei, o lakou no kai ke Kau Ahaolelo i hala.  Aole pono kakou e hole wale i keia mea, a aole no hoi e hilinai i ka hoike a ke komite o ke Kau i hala.

            Ku mai ke Kuhina Kalaiaina.  O keia mea e oleloia nei, ua pau mua no i ka hanaia e kekahi komite i ke Kau i hala, a ua hoike mai lakou i ka hale, e hoomoe loa ia ka hoopii ma ka papa, o keia mea hoopii, ua hana oia he olelo ae like i eha dala no ka pule, a o ke koena dala oia oihana, na hoihoi ia i ka oihana waiwai o ke Aupuni.

            Ku mai o Hon: Kalakaua.  Owau ka mea nana i noi iho nei, e hoopau loa i ka noonoo ana i keia palapala hoopii, no ka mea, aole i hoikeia mai ke kuleana o ka mea hoopii i keia dala. 

            Ninauia a hooholoia, e waihoia ka palapala hoopii i ke komite wae.

            Hon. L. Aholo, Hon. S.M. Kamakau, Hon. D Kaukaha, Hon. Kalakaua, Hon. D. Kahaolelio.

            Waiho mai o Mr. Wahine, he palapala hoopii no Honolulu, mai na Makai mai, e pili ana i ka uku i $40 ko na Makai maoli o ka mahina, a o na Luna i $50, waihoia i ke komite.

            Waiho mai o Mr. Thompson, he palapala hoopii no Honolulu, e hoopau ana i ka Laikini Kuai Opioma, i na Pake o Hawaii nei, o n Kahuna Lapaan ka poe kupono, no ka lawe ana i laau, he 100 ka nui o na inoa, he poe haole wale no no Honolulu nei.  Waihoia a noonoo pu ia me ka Bila kanawai e pili ana i ka opioma.

            Waiho mai o Mr. Hanaike, he palapala hoopii no Lahaina, e haawiia i na Lunakanawai Kaapuni a pau, e hooki mare, a me ka haawi i Palapala Loio.  Waihoia i ke Komite o na Aha Hookolokolo.

            Waiho mai o Mr. Naili, he palapala hoopii no Koolauloa, e auhauia na lio elua makahiki, i hapalua dala, a o na bipi a me na hipa, i umi keneta.  Waihoia a noonooia ka pila kanawai no na auhau.

            Waiho mai o Mr. Martin, he palapala hoopii no Kau, e noi ana, aole e aeia kekahi e noho Lunakanawai Apana a Kaapuni, Luna Helu a me Luna Auhau, ke ike ole i na olelo elua.  Waihoia i ke Komite Aha Hookolokolo.

            Waiho mai ke Komite o ka Aha Hookolokolokolo i ka lakou olelo hooholo, e pili ana no ka palapala hoopii kue i ke kohoia ana o Mr. Naili i Lunamakaainana, na hoike mai lakou, ua haule ka hoopii, a ua pono no ka noho ana o Mr. Naili.  Noiia a aponoia ka hoike a ke Komite.

            Hoike mai ke Komite Paipalapala, ua paa i ke pai i aka bila kanawai e pili ana i ke kanawai e hoomaopopo ai i ka hoopii no ka aina e hoihoi ia mai.

            Hoike mai ke Komite Wae i ka olelo hoike e pili ana no na palapala kumu hoopii lehulehu mai Puna, Hamakua, Kona Hema, waihoia ko Puna i ke Komite aina aupuni a me na hana hou.  Ko Hamakua i ke Komite Waiwai & Komite Aina Aupuni & malama ola, ko Kona, i ke Komite Ola & Hoonaauao.

            Ku mai ka Hope Paresidena.  Ua kue keia hoike a ke komite i ka rula, aole na lakou e koho na komite e noonoo i keia mau kumu lehulehu, nolaila, ke hooholo nei ka noho, e hoihoi hou i ke komite mua

            Ku mai o Mi Laiana, owau kekahi lala o ke komite, a ua haawiia e makou na hana i na komite ku mau o keia hale, e like me na mea kupono ia lakou, a ke manao nei au aole i kue ka olelo hoike a ke komite i ka rula.

            Ku mai o Mi Kaukaha.  Ua apono au i ka olelo hoike a ke komite e like me ka manao o ka luna o Kohala.

            Ku mai o Mi Aholo a hoopau mai i ka olelo hooholo a ka noho e hoihoi hou i keia olelo hoike i ke komite mua. @ e hookaawaleia i $1,000 a i ka mea kupono i ka manao o ke Kuhina Kaiaiaina i mouo no ke awa o Hanalei, Kauai.

            Ku mai o Mi Kamahoa.  E pono e hoihoi hou ia ka olelo hooholo i ka mea nana i lawe mai, a e hooponopono hou oia. No ka mea, he “hookaawale” kana, aole oia ka pono, eia ka pono, e “hookomo.”

            Waihoia ka olelo hooholo a noonoo pu me ka bila haawina.

            Nonoi mai ka Loio Kuhina e waiho mai oia e heluhelu akahiia ka bila kanawai ana i hoolaha mua mai, e pili ana i ka auhau ana no kekahi hapa o na lilo i ka hana ana i alanui ma ka aina i hoopomaikai ia.

            Hoolaha mai ke Kuhina Waiwai e lawe mai ana oia he bila kanawai e hoololi i ka pauku 552 o ke Kanawai Kivila.

            Waiho mai o Mi Wahine, he olelo hooholo e kauoha i aka Makai o ka hale, e hoolako i palena liilii a me ona waiubaka paa.  Ninauia a hooleia.

            Nonoi mai o Mi Halemauu, e heluhelu akahi ia kana bila kanawai i hoolaha mua mai ai e pili ana i ka hoomaopopo ana i ka ona o na bipi, lio, a pela aku i kuni ole ia, e hale hihiu ana ma na kuahiwi o Hawaii nei.

            Waiho mai o Mi Kahaulelio he olelo hooholo e hookaawaleia ma ka pakui ana no ke Kakauolelo a ke Kiaaina o Maui i $12.00.  Waihoia e noonoo me ka bila haawina.

            Waiho mai o Mi Pilipo, he olelo hooholo e koho ka Paresidena i Komite Wae, e nanan pono i na mea a pau e pili ana i ka papa hoike a ke Kuhina Waiwai, no no makahiki elua i hala.

            Noi mai o Mi Aholo, e hoihoi hou i aka olelo hooholo i ka mea nana i lawe mai, no ka mea, ma ka rula na ke Komite Waiwai ia hana.

            Ninauia a hoole i aka hoihoi ana. 

            Noi mai o Mi Judd, e hoopanee loa i aka noonoo ana i keia olelo hooholo.

            Ku mai ke Kuhina o na Aina e.  He makemake au i ka Luna o Kona Akua e hoakaka mai i ke kumu o ke koho ana i Komite Wae, oiai, he Komite Waiwai no ko ka hale, a oia ke komite kupono i keia olelo hooholo, a e hoike mai no hoi i kona kumu i kue ai i ke Komite Kumau, ina oia e hoike pono mai e koho no au i kana, a ina aole, aole au e koho ana.

            Ku mai o Mi Pilipo.  E like me ka makemake o ke Kuhina o na Aina e, ke hai aku nei au o ke Komite Waiwai he nui no na hana e waiho nei ma ko lakou mau lima, a aole no hoi kakou i hoomau e like me ko kakou Komite Hoomau, no ka mea, ua koho ia he komite no na hoopii huikau, oiai, o kekahi oia mau kumu ua kupono no i na Komite Hoomau a aole au i manao na hoowahawaha i ke Komite Waiwai, a aole no hoi au i manao e imihala aku i ke Kuhina, ke ike nei au ma ka bila haawina o na makahiki elua i hala, ua hookaawaleia e $4,000, no kea o ana i na keiki Hawaii i ke kula Kauka Lapaau, a ma keia ke ike nei au ua hooliloia ia mau dala ma kea no e ae, aole no ka mea i hooholoia, no ka mea, ua hoakakaia ma ke kanawai kahi e hoolilo ia i Komite Wae, no ka mea, ke ike nei kakou i keia au i ana.

            Ku mai ke Kuhina o na Aina e.  Ua maopopo ia’u aole i ahewa ka Luna o Kona i ke Kuhina Waiwai, no ka mea, eia no oia ma ka lima o keia hale. O ke kumu o ko’u ninau ana, heaha la ke kumu o ka makemake ana e koho i Komite Wae, oiai, he Komite maikai no hoi ko kakou e ku nei, ua like no ko’u manao me ko ka Luna o Kona, a ua olioli nui au i kona makaala ana ma ia mea, o ka hana a ke Kuhina Waiwai o ka hoike aku i na hoa a pau o keia hale i na mea a pau e pili ana ia oihana, a pela no hoi na oihana e ae.  Ua makaukau no na Kuhina e halawai pu me ka Luna o Kona i ka hora 9 kakahiaka o ka la apopo, a me na hora e ao no ka nana ana a me ka hoike ana i na mea a pau, e hoikeia mai no na buke a me na palapala a pau.

            Ku hou mai o Mi Pilipo.  Aole au i lawe mai i keia olelo hooholo i mea nau e milimli ai i ke dala o ka waihona, aole pela, i lawe mai au e kohoia i Komite Wae i nana pono, aole no hoi au i ike i ke kumu o ka makau ana o ke Kuhina o na Aina e, i ke koho ia ana i Komite Wae.

            Pane mai ke Kuhina o na Aina e, aole o’u makau i keia mea, ua makaukau au e halawai me ua hoa a pau o keia hale a pela no hoi me kuu mau hoa e ae, makemake loa au ia mea. 

            Ku mai o Mi Kaauwai.  O ka olelo hooholo aole oia e koi ana e lawe ae i ka hana a ke komite Waiwai, aka, he Komite Wae wale no e hui me ke Kuhina Waiwai, a aole no hoi i papaia ke Komite Waiwai e hana, no ka mea, o ka wai, ka ai a me ke ola keia o ka lahui, nolaila, ina pela kea no o ka olelo hooholo e kokua ana au.

            Ku mai o Mi Kalama.  Ua kokua au i ka manao o ka Luna o Lahaina, i hoopuka iho nei, no ka mea, aole i hoike mak ke Komite Waiwai i ka lakou hoike e pili ana i keia, a ke manao nei au e hoopili ka olelo hooholo i ke Komite Hoomau, ina e hoike ole mai keia Komite a kokoke e pau ka hana, alaila, e koho i Komite Wae.

            Noi mai o Mi Judd, e hapai na hana o ka la.  Ninauia a hooholoia.

            Mi Kaauwai ma ka noho. 

            Komite ka hale i ka mea e pili ana i ke kanawai oki mare, i aponoia, Mei 24, 1866, no ka Pauku 2.

            Ku mai o Mi Laina.  E ka Lunahoomalu, ke waiho aku nei au he hoololi no ka Pauku 2, o ka  bila.  E hooholo hou i aka Pauku 1334 o ke Kanawai Kivila me ka hoololi.  E haawi i “elua makahiki” no ka mea hewa i oki ia, a noi mai e ae ia oia e mare.  Aole he hoopai wale no ka mea i manaoia ma ka bila kanawai, aka, o ka hanohano o ka oihana mare.  Ina e noho mareia ana kekahi kane me kekahi wahine i keia la, a he mau la kokoke aku no i ike ia e noho mareia ana no me kekahi wahine e ae, he mea ia e hoemi ai i kea no laa o ka mare.  Aole no kakou e hiki loa aku i ke kanawai kiekie a Kristo i hai mai ai, oia hoi aole loa e mare ka mea i oki ia, aole no hoi e emi loa @ i ke kanawai kahiko o @  pono no i elua makahii mawaena o @ ana a me ka mare, nolaila, ua lawe mai au i keia hoololi, me ka hoololi hou e kapae i ka noi ana i ka Lunakanawai Kiekie e ae ia e mare hou.

            Ku mai o Mi Kaukaha.  I nehinei aia au ma ke kne ana i keia bila, i nehinei, ua ike, au i ka buke hoike e pili ana i ka poe wahine i loaa na palapala laikini e noho nei ma Honolulu, i ko’u ike ana, ua oi aku ka holo nui ana o na wahine mare i keia hewa ino @ ka hookamakama mamua o na wahine mare ole ia.  E waiho aku ana au i ka hoike o kanui o na wahine i komo i keia hewa ino ma ka M.H. 1860 mai a hiki i ka M.H. 1868, o ka nui oia poe he 978, wahine kane mare, 560; mare ole ia. 371; poe okiia, he 22; poe kane mare 25.  I ka wa e noi mai ai kekahi e hooki i ka mare ana, a ina e hookiia e hoi ana no kekahi a mare me kana mea i noho mau ai, a oia mare ana, ua pau ae la ke kau ana o ka hewa moekolohe.  I keia wa e noho nei mai ka M. H. 1866 a hiki i keia wa, ua oi aku ka nui o na wahine e noho mare nei, e holo ana i ka hookamakama mamua o ka poe i okiia.  Ua ike au i ka laweia ana o kekahi oki imua o ka mea hanohano H. A. Widemana, a ua ike ia, ua loaa na keiki a ka mea pale me ke mea e, a ua olelo mai aole e hoi hou me ka mea mua.  Nolaila, ke hole nei au i ka apono ana i keia bila.

            Ku mai o Mi Kalama.  E olelo ana au no ka mare, no ka mea, ua kamailio nui ie ka mare a pela aku, ke ninau uku nei au, auhea la ke kanawai o ka mare? O ke kanawai o ke oki eia oia ke kau nei i kanawai, o ka mare, nana kumu misionari.i ao mai i ka mare, ua ao ia kakou i ka mare i ka wa mahope iho o ka hiki ana mai o na kumu, a ke ike nei au, aole he kumu hana o e oki e kau nei i keia wa maluna o ka mare, a aole no hoi he hoopai.  I ka wa mamua, ua kau ia he kanawai mare aka ua hoopania. Mea maikai ka mare no na mea a pau.  Ina e noho kue ana na mea mare, e pono no, e oki, oia no ka laau e hoopau ai i ko laua noho kue ana, ko’u manao, e imi kakou i kanawai kupono e hoomalu ai i ka noho pono ana o na mea mare. A ke kokua nei no au, ua pono no ke kanawai i hooholoia i ka M. H. 1866

            Ku mai o Mi Kamikana.  I kuu lohe ana iho nei i na olelo a ka luna o Kohana,

            [O kana haiolelo aole i loaa mai ia makou nei.      L. H. ]

            Nonoi mai o Mi Judd, e hoopau i ke komite o ka hale, a noho hou i ka la apopo, i ka hora 12, no ka mea i lawe mai i ka bila ka olelo hope.

            Hoololi mai o Mi Kaukaha, e waiho akea ia no ka bila imua o ka hale.

            Noi mai o Mi Aholo e hoopau wale no i ke komite o ka hale, a e kapae i ka hapa hope o ke noi.

            Ku mai o Mi Kalama a kokua mai I ka manao o ka luna o Lahaina, e kapae i ka hapa hope o ka olelo noi, kue au i ka haawi ana n aka mea nana ka bila ka olelo hope.

            Ku mai o Mi Hikikoki.  Ma na aha kau kanawai a pau, o ka olelo hope, ua aka mea no nana i lawe mai ka bila, aole no au e pauaho ana, i ke kali ana na’u ka olelo hope a poohina au, a ha ule au i ka lua, alaila pau.

            Ku mai o Mi Kaukaha.  Aole o’u kokua i ka manao o ka luna o Hilo, me he mea la e hooweliweli ana oia i na hoa, malia paha o lawe mai oia he mau kumu e hoohuli ai i na mea a pau mahope ona.  Eia ka hewa, ua kau pale ia makou e pane aku.

            Ninauia a hooholoia e hoopau ke komite a noho hoa i ka la apopo.  Hoike mai ke Komite. A me ke noiia ana, ua aponoia ka hoike a ke komite.  Noi mai a Mi Judd, e hoihoi i aka olelo hope no keia bila i ka mea nana i lawe mai i ka hora 12, apopo. 

            Hoike mai ka Hope Paresidena, ua pono no ka olelo hooholo a ka luna o Koolaupoko.  Noi mai ka Loio Kuhina e heluhelu akolu i aka bila kanawai e pili ana i na mea ino wale, hooholoia.

            Ninauia a hooholo loa i aka bila. 

            Noiia e heluhelu akoloia ka bila kanawai e hoololi ai I ka Pauku 17, Mokuna 16, o ke Kanawai Karaima.  Hooholoia.

            Ku mai ke Kuhina o na Aina e.  Aole au i lohe i ka heluhelu aloa ia ana o keia bila, a he wahi hoololi iki ka’u, penei:  “a me na holoholona e ae.”

            Ku mai o Mi Kaauwai.  E like me ka hololi a ke Kuhina o na Aina e, o ka mea pono loa paha, o ka hookomo no i na inoa o na holoholona, no ka mea, ma na apana kuaaina aole e hooko pono ia ‘na kea no o ke kanawai, he ae loa au, ina o na hoa e noho nei, oia na luna nana e hooko i keia bila, he ae loa au.

            Nonoi mai ke Kuhina o na Aina e, no ko’u manao e hoololoiahili ole, nolaila, e hoihoi mai au i ka’u hoololi. 

            Ninauia a hooholo loa i aka bila. 

            Hoopaneeia apopo hora 11. kak.

LA UMIKUMAKOLU,  POAONO,  MEI 14, 1870.

            Halawai ka Ahaolelo ma Honolulu, hora 11, kakahiaka, e like me ia i hoopaneeia.  Mea Kiekie, Peresidena P. Nahaolelua ma ka noho.

             Puleia e ke Kahunapule. 

            Heluheluia ka Moolelo o ka hale, a ma ke noiia ana, ua aponoia. 

            Waiho mai o Mi Martin, he palapala hoopii no na pake o Honolulu e noi ana e hoo@ i ke kuai ana a me ka hookomo ana m i o ka opioma i keia aupuni, koe ma kea no laau lapaau, a pela aku, waihoia a noonoo me ka bila no ka opiuma.

            Waiho mai o Mi Naili, he palapala hoopii no Koolauloa, Oahu, e noi ana e waihoia na dala e pili ana i ka auhau kula, a pela aku @ Kiaaina i ka mea kupono, waihoia i ke komite Hoonaauao.

            Waiho mai o Mi Hanaike, he palapala hoopii no Lahaina, i $4,000 no na makahiki @ a i $500 no kona mau lilo, no ka Luna Kanawai Kaapuni o ka Apana.  Hookolokoloia, o ke kakau olelo i $8000, ka uku @ ihola a noonoo pu me ka bila e pili ana i @.

            Waiho mai o Mi Kaukaha, he olelo hooholo a hookaawaleia i puu dala kupono no ke kakau ana i ka Moolelo o keia Aupuni, @ hora i komite e imi aku i na moolelo @ ma ke Au Okoa a me ke Kuokoa

            Nonoi mai o Hon Kalakaua e hoomoe ia ma ka papa a noonoo me ka bila haawina. 

            Noi mai ka Loio Kuhina e paiia ka bila e pili ana i ke alanui a pela aku.

            Waiho mai o Mi Martin he olelo hooholo, e hui aku ke Komite Waiwai me ke Kuhina Waiwai e nana pono i ka bila haawina o na makahiki elua i hala, a e hooike mai i kahi i lilo ai i keia hale.

            Ku mai o Mi Laiana.  I nehinei ua lawe ia mai he olelo hooholo i ane like loa me kela. Ma ka Papa Hoike a ke Kuhina Waiwai e waiho nei, ua nui na hoololi, ua haawiia ka puu dala no kekahi mea, aole no kekahi mea e ae i olelo oleia  Ua haawiia @ $35,000 i ke kau i hala no ka hana ana i @ u, a hi holo pili aina, a auhea la ia moku @ holo pili aina e holo nei?  Ke ike nei au @ au i ike i kahi i hoolilo ia ai.  Eia hoi keia, ua hooholoia he puu dala no ka hana @ i hale leta, aole i hale pai Aupuni, aka, ua kukulu ia nei he hale pai kekahi, na wai i hooholo i haawina no ka hale pai, e pono e hoakaka loaia mai, aole e pono e uhiuh@ mamane, aole au e hoahewa aku ana @ e ke komite, aka, he makemake ko’@ e hoomaopopo ia mai, a e hooko hoi i ka ma@ a pela no hoi me kuu mau hoa Luna.  m@eainana, ua make pono no ka puu dala no ka moku ahi Pele e holoholo nei ma keia @, a ua ike no kakou a pau.

            Nonoi mai o Mi Judd, e waiho ma ka papa a noonoo pu me ka olelo hooholo a ka Luna o Kona Akau, hooholoia.

            Waiho mai o Mi Wahine, he olelo hoohoo, e kauohaia ka Makai o ka hale, e hoo@ mai i na hoa i koe o ka hale i ua Kanawi Kivila.

            Ku mai ke Kuhina Kalaiaina.  I keia wa @ Kanawai Kivila i koe, ke humuhumu @ nae.

            @ a @ a hooholoia ka olelo hooholo. @ Mi K@ a lawe mai @ bila kanawai e hoololi i ka Pauku 522 a me 530 Kanawai Kivila.

            Hoolaha mai o Hon. Bihopa, e lawe ma ana oia he bila kanawai e noololi i ka Mokuna 85, Kanawai Karaima. 

            Hoolaha mai o Mi Martin, he bila kanawai e pili ana i na Lio kea a me na bipi          Hoolaha mai o Mi Kuapuu he bila kanawai e pili ana i na Konohiki a me na aina aupuni.

            Waiho mai o Mi Kaiue he olelo hooholo i $100, no na lako o ka hale hookolokolo o Molokai, hooholoia.

            Ku mai o Mi Kumahoa, He olelo hooholo ka’u i waiho aku ai i $4,000. No ke alanui ma Puna, aka, ua oleloia ma ka nupepa Kuoko, “waihoia,”’ aole au i ike, waihoia la mahea, ua waiho ia keia olelo hooholo a noonoo pu me ka bila haawina, a eia ka lua $2,000 no ka hana ana i alanui mai Puna a I Hilo, e pono e hooponopono houia keia moolelo.

            Pane mai ka Hope Peresidena, aole he rula paa no ka nupepa, aia no ka hilinai o keia hale i ka moolelo a ke kakau olelo, ina ua hew aka poe kakau moolelo nupepa, me lakou no e hooponopono ai.

            Ninau mai ka Hope Peresidena.  He hiki anei i ka hale ke lawe a noonoo i kekahi hana i haawiia i ke komite hoomau a me komite wae, oiai aole i hoike mai i ka lakou olelo hoike i ka hale, malalo o na rula?

            Ku mai o Mi Kaukaha, Ke manao nei au aole e hiki i ka hale ke lawe, ke hoike ole mai ke komite e like me ka rula 52, e pili ana i ke komite no ka Waiwai.  Ke manao nei au aole i ku i ka hanohano o ka hale, ke koloia i komite wae, a lawe i ka hana mai ke komite wae, me ko lakou hoike ole mai, a ke manao nei au, ua kue lo aka lawe ana i keia olelo hooholo a ka luna o Kona Akau me Kau mai ke komite mau, oiai ua pili keia mau olelo hooholo i ka hana a ke Komite Waiwai.

            Ku mai o Mi Naokana, ke ku nei au ma ka rula 68, a ua hiki no ke haawiia i ke komite wae.

            Ku mai o Mi Aholo, Ke manao nei au, ua kue keia i na rula o ka hale, i ka haawi ana i ke komite wae o ka olelo hooholo a ka luna o Kona Akau, mai pono iki paha, i na ua noiia mai e kapae i na rula, ua manao paha kekahi poe o ka maikai loa, o ka haawi i ke komite wae.

            Ku mai o Mi Kaauwai, i ko’u manao he hiki no ke haawiia i ke komite wae, ma na rula o ka hale, mai ka mua a ka hope, aole au i ike iki i kahi e hiki ole ai, koe nae ka ho ia mai o ka mea nana keia olelo hooholo, aole e hana ke komite mau i keia olelo hooholo, ina pela, ke olelo nei au ua hiki no, no ka mea, he mea nui keia ka imi pono ana i kahi i hoolilo ia ai o ke dala, aole no i papaia ke komite mau e hana i keia olelo hooholo.

            Ku mai o Mi Komoikehuehue.  Aole like o ko’u manao me ko ka luna o Wailuku i olelo iho nei, no ka mea, ua pili no ka olelo hooholo i ka hana a ke komite mau, a ke manao nei au, ua pono ole ke lawe mai i ka hana a ke komite wae.

            Ku mai o Mi Pilipo.  Aole au e kamailio nui no keia, e kamailio uuku au i na mea a ka luna o Lahaina i olelo iho nei, e aho e kapaeia na rula, heaha la ia mea, a pela no hoi ka luna o Ewa a me Waianae, no ka mea, aole ka olelo hooholo i ka hana a ke Komite Waiwai, a ko manao nei au, aole hana iki ke Komite Waiwai i ka lakou hana.  O ka olelo hooholo, aole i haawi muaia i kekahi komite, ina ua haawi muaia, a laweia mai me ka olelo hoike ole, alaila, ua hewa.

            Ku mai o Mi Kaiue.Ua haiia mai nei ka ninau imua o ka hale, no ka hiki i ka hale ke lawe i ka hana a ke komite mau me ka hoike ole mai, no ka mea, aole i pili ka olelo hooholo i ka lawe ana i ka hana a ke komite mau, a ke manao nei au, aole i kue ka olelo hooholo i ka rula o ka hale

            Ku mai o Mi Laiana.  O ka mea pono loa paha, o ke koi aku i ke Komite Waiwai e hoike koke mai i ka lakou hoike. a ina i kupono ole, alaila, e haawi i ke komite wae, ke manao nei au ua kue i ka rula, ke ole e noi aku i ke komite mau e hoike mai i ka olelo hoike.

            Ninauia a hooleia, ka hiki e lawe i ka hana a ke komite mau me ka hoike ole mai a i ke komite wae.  Ua kue ka olelo hooholo a ka luna o Kona Akau i ka rula o ka hale.  Nonoi mai ke Kuhina o’na aina e, e pono e hoikeia ka la iloko o ka olelo hooholo a ka luna o Kau.

            Noi mai o Mi Laiana, e hookomoia i keia Poaono ae, a mamua ae o ka noonoo ana i ka Bila Haawina. 

            Hoololi mai o Mi Kaauwai, mamua ae o ka Poaha o keia pule ae.

            Ninauia a hooholoia ka olelo hooholo me ka hoololi a ka luna o Kohala.

            Hoopaneeia ka halawai a ka Poakahi hora 11, kakahiaka,.

LA UMIKUMAMAHA, POAKAHI, MEI, 16, 1870.

            Halawai ka Ahaolelo ma Honolulu, hora 11, kakahiaka, e like me ia i hoopaneia.

            Mea Kiekie Peresidena, P. Nahaolelua ma ka noho.

            Puleia e ke Kahunapule.

            Heluheluia ka Moolelo o ka halawai i hala, a ma ke noiia ana ua aponoia.

            Waiho mai o Mi Kamakau he palapala hoopii no Honolulu e nonoi ana e hoopaa loaia ka berita mare, a e hoopaaia ka mea hewa ma ka hale paahao a kalaia ka hewa a pela aku, no ka mea, o ka mare he mea nani loa ia i loaa i ka lahu Hawaiii, a aole pono e hoohalike me ke kao kane ka pii aku, pii mai.  Noiia a waiho ma ka papa a noonoo pu me ka bila e pili ana i ke oki mare.

            Waiho mai o Mi Wahine, he palapala hoopii no Hilo, Akau e noi ana i $5,000 no ke alanui o Hilo Akau, waihoia i ke komite o na hana hou me Aupuni.

            Waiho mai o Mi Halemanu he palapala hoopii no Hamakua e noi ana i $800. No ke alanui mai Kaala a Wainianu, waihoia i ke komite o na Aina Aupuni a Hana hou.

            Waiho mai o Mi Komoikehuehu, he palapala hoopii no Ewa, e koi ana e uku i aka Luna Makai, olaila i $15, no ka mahina a i $10, no na makai a pela aku no na makahiki elua i hala e noi pu ana no hoi e weheia ke kaikuono o Ewa @ a e hookaawaleia i $40,000 no ka eli ana i ka nuku awa o Puuloa a e hookaawaleia no ka hana I hale hookolokolo me ka hale hoopaa lawe hala, a e hooemiia kekahi mau koina a pela aku, waihoia I ke komite o na palapala hoopii huikau.

            Waiho mai ka Hope Peresidena, he palapala hoopii main a haole o Honolulu, e hoopau loa i ke kanawai e pili ana i ka awa, koie ma kea no lapaau, komite waihoia i ke no ke ola.

            Waiho mai o Mi Kapihe, he palapala hoopii no Makawao, e noi ana e hookuuia na Auha Kula maluna o na makua e hoouna ana i ke kula haole, waihoia i ke Komite Hoonaauao.

            Waiho mai o Mi Martin, he palapala hoopii no Kau i $40,000, e hoouna i moku i Btaritari no ka hihia ki pu o Mahoe, waiho ia i ke komite o na aina e.

            Waiho mai o Mi Hanaike he palapala hoopii no Lahaina, e kauia i kanawai e pili ana i na mea ino wale ma Kahawai, waihoia i ke komite o na Aina Aupuni.

            Waiho mai o Mi Pilipo, he palapala hoopii no Kona, e hoopii ka auhau waiwai i hookah keneta o ke dala a pela aku, waihoia i ke komite waiwai.

            Hoike mai ke Komite o na Ahahookolokolo e pili ana I ka Palapala Hoopii o Kona Hema e kue ana i ke koho ia ana o ko laila Luna hoike mai ua haule ka hoopii, a e noho no o S.K. Kaai ma kona noho i Luna no Kona Hema, noiia aponoia ka hoike a ke komite.

            Hoike mai ke Komite Paipalapala, ua pau i ke pai i aka bila e pili ana i ka hoakea ana i na kai lawaia, a aponoia ka hoike a ke komite.

            Hoike mai o Mi Kepoikai komite ku i wa, e pili ana i ka hoohana ana i ka paahao ma na hana mawaho a me ka hoopii no W.C. Parke, no ka ae ana e hana na paahao ma waho, a noi mai ia komite e waiho loa ka palapala hoopii ma ka papa.

            Ku mai o Mi Laiana.  Mamua o ka apono ana i ka hoike a ke komite e pono e noonoo ponoia, no ka mea, he mea nui keia e pili ana i ka poe hana o Honolulu nei, e pono e hoihoi hou ia ke komite e noonoo hou a hoike mai.

            Ku mai o Mi Kepoikai.  Ua kali ke komite I na wa he nui ke hiki mai o ka poe nana keia hoopii, a aole hookah o keia poe I hiki mai, a no ko lakou hiki ole mai, nolaila, keia komite I hoike mai ai I ka lakou hoike.

            Ku mai o Mi Kamakau.  Ua i kokua au ka manao o ka luna o Kohala, i na paha e hele ana keia komite i Ulakoheo a me na wahi e ae o Honolulu nei e kahea ai, ina ua piha keia hale ia lakou.

            Ku mai o Mi Kaukaha, a kokua mai e hoaponoia ka hoike a ke komite a pela aku. 

            Ninauia a hooholoia e hoihoi houia i ke komite.

            Noi mai o Mi Kaukaha, e haawi houia i Manawa hou no ke komite wae e pili ana i ka bila no ka hoemi ana i na i loaa ma ka hookamakama, aponoia.

            Waiho mai o Mi Kepoikai, he olelo hooholo e kauoha ana i ka Loio Kuhina, e hoike mai i ka maua o na makai o Wailuku e ko mo wale i na hale e huli me na palapala huli a hopu ole, a me ka auhauia o na Koina i mahele olelo no ka Luna K. Apana oia Apana.

            Ku mai ka Loio Kuhina.  O keia olelo hooholo, aole au i makaukau e hai koke aku, no ko’u ike mua ole, aka, e makaukau ana no au, a ke noi aku nei au e waihoia i ke komite o na Ahahookolokolo.

            Ku mai ke Kuhina Kalaiaina.  O ka mea nana i lawe mai keia olelo hooholo, ua ike no oia i ke kanawai, aole kuleana o kekahi makai e komo wale iloko o na hale ke ole e loaa ka mana ia lakou mai kekahi luna ae maluna ona.

            Ku mai o Mi Kaauwai.  Aole au i hui pu me kuu hoa i ka hana ana i ka olelo hooholo, aka, o na mea a pau i oleloia ma ka olelo hooholo, ke hoia aku nei au, ua oiaio loa, o na hale e komo waleia, oia no na hale o ka poe i manaoia, aole i ike i ke kanawai a me ka poe hune. Aole e hiki i keia poe ke hana imua o ka Lunakanawai he poe hemahema loa.

            Ku mai ke Kuhina Kalaiaina, aole au i kue i ka olelo hooholo ina ua hoopoino waleia ka poe o Wailuku e like me ka olelo hooolo, e pono no ia lakou ke hoopii mai i ka Loio Kuhina.

            Ninauia a waihoia i ke komite o na Ahahookolokolo.

            Waiho mai o Mi Kepoikai, he olelo hooholo e kauohaia ke komite o na Buke Helu, e hookaawaleia i puu dala no na lilo o keia hale no ka Buke o na olelo hooholo o ka Aha Kiekie a me na Buke Kuleana mai Hawaii a Kauai a e haawiia i na hoa o ka hale, koe ka poe e kue ana i keia olelo hooholo.

            Hoike mai ka Peresidena ua kue i ka rula. 

            Waiho mai o Mi Aholo he olelo hooholo, e kanoha ana i ke komite Hoonaauao, e imi i ka Moolelo o ka hale o ka M.H. 1868, i kakau inoa oleia hooholoia.

            Hoolaha mai o Mi Kaukaha he bila kanawai e hoololi ai i ka Pauku 2, i aponoia i ka la 10 o Ianuari M.H 1865.

            Waiho mai o Mi Wahine, he olelo hooholo, e hoopauia i ekolu Kuhina, a koe ke Kuhina o na aina e nana e lawe i na hana a pau, kapae loaia ka olelo hooholo.

            Noi mai o Mi Martin, e heluhelu akahiia ka bila kanawai e hoololi ana i ka Pauku 527 a me 530 o ke Kanawai Kivila.

            Ku hou mai ka Loio Kuhina.  Ma Ke kanawai, aole io he kuleana o na makai e komo wale iloko o na hale, koe na mea i hoakaka ia no ma ke kanawai.

            Hoolaha mai ke Kuhina Waiwai e lawe mai ana oia he Palapala hookaa i 42,000 no G.P. Judd.

            Hoolaha mai o Mi Kaauwai, e lawe mai ana oia he hoololi e pili ana i ka bila kanawai a ka luna o Kau.

            Hapaiia na hana i hoopaneeia.

            Mi D. Kaukaha ma ka noho.

            Noi mai o Mi Judd, e hoopau ke kamailio ana o ka hale i ka Pauku 2, o ke kanawai e pili ana i ke oki mare i ka hapalua o ka hora 1.

            Noi mai ke Kuhina Kalaiaina, aole au kokua no ka Manawa, eia ka pono i ka @

            Ninauia a hooholoia ke noi a ka @ Koolaupoko.

            Ku mai ka Peresidena.  I ka la i heluhelu mua ia bila, ua kokua nui au, a ua kuka pu au me ka Hope Peresidena, a ua noi aku au ia ia e hookuu mai ia’u, a ke hole nei au i ka Pauku 2, o ka bila, a malia paha, aole i lohe na luna i ke kaniuhu ana o na makaainana i ke kanawai e kau nei.  A e pono e noonoo ponoia, i na e hooholoia a aponoia keia kanawai, alaila, ua kau maluna o na mea a pau.  Ua kau anei ka pono o keia kanawai maluna o ka lehulehu holookoa a maluna paha o kekahi hapa wale no, i na ke mau palapala kai a oukou main a haku mai o oukou, aia no ia me oukou.  I na ua kau wale no keia kanawai i kekahi poe hapa wale no, me oukou no ia i ka noonoo ana.  I ke kauia ana o ke kanawai oki aole no e loaa an aka noho pono hewa ole o ka mea okiia a pau kona Manawa, a ke hoopaa nei no au e mau no ke kanawai pela e kau nei.

            Ku mai o Mi Kaiu.  I na la mamua iho nei, ua nui na mea i kamailioia, a ua ku ma na aoao elua, ua oleloia e ka aoao kue i ka bila, he mea keia e hookikinaia aku ana i ka mea okiia i ka moekolohe, i na pela io, alaila, e koho kue ana au i ka bila, aka, i kou manao aole pela kea no o ka bila, ke kamailio nei kakou no ka moekolohe i ka wa mare, o ka moekolohe i ka wa mare, ua oi aku ke koikoi oia i ka moekolohe i mare oleia.

            Ku mai o Hon Bihopa, a noi mai ke hoololi hou aku nei au ma kahi o kuu hoololi mua elua makahiki i hookahi “makahiki.”

            Ku mai o Mi Kuapuu.  O ka ha keia o na la o ka hoopaapaa ia ana o keia bila.  Ua huli nui au, ua imi, nui a ua noelo.  Ua lohe iho nei au i ka olelo a ka luna hanohano o Molokai, e olelo ana ina oia e lohe ana i hookahi tausani mau wehewehe e kue ana i ka bila, aole no ia e ae ana, ke i aku nei hoi au i na he miliona, aole au e kokua ana i ka Pauku 2, o keia bila, aole no hoi mai kona mua a ka hope.

            Ku mai o Mi Hikikoki.  E ka luna hoomalu, ma keia mea, ua olelo mai nei kuu hoa mai Waimea mai, aole e hoopii main a apana mai e pili ana i keia mea, ke olelo aku nei au, ua hoounaia mai kakou ia nei ma kea no he Kahuna lapaau.  Ua olelo nui ia mai, aole e pau an aka moekolohe ma ka Pauku 2 o keia bila, ke hooia aku nei au, aole io no @ pau ana.  Iloko o keia mau la koke iho nei, aia ma ke keena o ka Lunakawai Kiekie, ua komo mai iloko oia keena, elima a eha oki i ka la hookahi, i ka lohe ia ana o keia bila, ua nui na poe i makemake e oki koke ia, o holo e auanei keia bila, ke manao nei au i na kakou e hana, e hana kakou i na kanawai e hoeha ai i ke kua o ka mea hewa, aole au i makemake i ke kanaka a me kawahine hana hewa.  Ua lohe au he mau hoololi he nui loa e pili ana i keia bila, aole no au hole aka o ke kau aku kapono i hoopai maluna o ka mea hewa.

            Ua olelo muaia, i na ka e mau ana no ke kanawai mua, e nui mai an aka na keiki, ae, e nui mai ana paha, aole paha, ke hai aku nei au, aole i malu keia Aupuni i ka nui o na keiki, aka, i ka pono wale no.

            Ke hoopii aku nei au imua o keia hale, malalo o ke kanawai o ka M.H. 1866, aole i hoikeia ke kulana o ka mea pono me ka mea hewa, ua like no a like, a o ka lua, ua hoowahawaha keia lahui kanaka i ka mare, ma ko’u Apana, ua hopuia imua o ka Luna