Ke Au Okoa, Volume VI, Number 7, 2 June 1870 — Page 4
| This text was transcribed by: | Mele Parker |
| This work is dedicated to: | My mommy |
Ka Nupepa Kuokoa
KE KILOHANA POOKELA NO KA LAHUI HAWAII.
KE AU OKOA.
JNO. M. KAPENA.
LUNA HOOPONOPONO
HONOLULU, JUNE 2, 1570.
Palapala Hoike no na Makahiki Elua a ka Presidena o ka Papa Hoonaauao, i ka Ahaolelo o ka Makahiki 1870.
Ma Kauai.-Ke Kula olelo Enelani a Miss Johnson ma Waioli, he 40 ka hel'na o na haumana, a ke loaaaku nei mai ka Papa Hoonaauau aku, he $500 i ka makahiki.
Ke kula a Mi W. H. Cole ma Waimea, he 30 ka helu‘na o na haumana, ua kokuaiu e na aku ao, a he haawina $120 maika Papa Hoonaauau aku.
NA KULA LA, KAHI I AOIA‘I KA OLELO ENELANI, I KOKUA OLE LA E KE AUPUNI.
Ma Hawaii. –Kona Hema, ke kula a Rev. J. D. Parisa, he 55 haumana.
Ma Waikoloa, Waimea, ke kula a Mrs. L. G. Laiana, he 12 haumana.
Ma Maui.–Ma Lahaina, ke kula a Mrs. Moku, he 46 haumana.
Ma Wailuku, ke kula a G. W. Hart, he 64 haumana.
Ma Molokai.–Ma Kaluaaha, ke kula a Mi R. Newton, he 30 haumana.
Ma Oahu.–Ma Honolulu, ke kula Vilikini. he 57 haumana ; he kaikamahina wale no.
Ke kula ma ka Luakini Bihopa, (St. Andrew,) he 47 haumana ? he poe kaikamahine wale no.
Ke kula a Mss. Minamu, he 8 haumana, he poe kaikamahine wale no.
Ke kula a Miss. Emily Corney, he 8 haumana.
Ke kula a Davida Malo, he 192 haumana.
Kulanui o Kaalaa, he 15 haumana, he poe kaikamahine wale no.
Ke kula a Miss Julia Vernon, he 19 haumana.
Kaneohe.–Ke kula a J. P. Kamai, he 12 haumana.
Ma Kauai.–Ma Waimea. ke kula a Mrs. M. J. Rowela, he 46 haumana.
Ma Wailua.–Ke kula a Davida Luka, he 29 haumana.
Ma Lihne.–Ke kula a Nakuina, he 59 haumana.
Ma Anahola.–Ke kula a Rev. E. Helekunihi, he 52 haumana, o J. Haaheo ke kumuao.
Ma ka papa i waihoia ae la, ua komo maloko olaila na kula Enelani i kokua ole ia e ke Aupuni, hoike ia mai i ka Papa, e like me ka Pauku 29 o ke "Kanawai e hoopau ana i ka Mokuna 10 o ke Kanawai Kivila, a e hooponopono ai i ka Buro o ka Oihana Hoonaauao," i aponoia a ka la 10 o Ianuari, M. H. 1865. Malia paha, eia ae no kekahi mau kula e ae e aoia nei ma na apana kuaaina, i hoike ole ia mai i ka Papa, e like me ka hai ia ka Papa ko lakou mau wahi e aoia nei.
Ke Kula Kiakia o Oahu ma Punahou.–Aia keia Kula ma Punahou, e kokoke aua i Honolulu, ua kukuluia e ka Papa Misionari Amerika, i ka M. H. 1842, a ua hoopaa ia malalo o kekahi PalapalaHoohui malalo o kona inoa i keia wa. Na ke Aupuni Hawaii e hookohu i elua o kona kokuaia, ma ka hoomau ana i ke kokua makahiki no na haumana ekolu ma ke kula. O Mi. W. D. Alekanedero ka Peresidena, a ua hoolimalima ia i mau kumu o Prof E. P. Church, Miss Sloan a me Mrs. Whitney. Ka helu‘na o ua haumana e hele nei malaila i keia wa, he 46, a mailoko ae olaila, he 39 keiki kane, a he 7 kaikamahine.
Ke Kula Hanalima me ka Hoopololei ma Kapalama, Oahu.–O keia kula i kukuluia ai e ke Kanawai o ka Ahaolelo, i ka malama o Maraki, 1865, o ka elima keia o na makahiki o ka hoomauia ana, a e manao pono ia no paha i keia wa, oia kekahi o na kula i makemake nui ia o ka aina. Aohe kanalua o ka Papa, ua hoohana maoli ia no ka hoomaikai ana ae i ke kulana, a me ka hooi an‘aku i ka maha o ka lehulehu no lakou na ano a me na kulana ma keia anaina, in a paha aole i hoomaapopoia keia mea, e lumai ia anei paha lakou i ke ola kupono ole a ino hoi, a ua manao hou ia e hoakea ae i ka poai o kaua hana kupono a maikai, ma ka hoala hou ana no i ke keena o na kaikamahine o ke kula, i kono ia ai ka Papa i ka Iulai, 1868, e kapae aku no ka piha kupono ole o na puu dala i kookaawaleia ai no ka hoomau ana i ke kula.
Aia ke kula malalo o ka malama ana a Miss Mary Parker, a o ke helu‘na i keia wa, he 49 keiki kane, a mailoko ae oia, he 49 poe hoopaiia, a he 3 i hookuunia e noho malaila ma ke noi ana mai o na makua a me na kahu hanai, a na lakou e uku i ke kula i kekahi uku i hoomaopopoia no ko lakou noho ana malaila. Mai ka weheia ana o ke kula a hiki mai i keia we he 94 keiki kane, a he @ kaikamahine i hookomoia aku; he 14 i hoouna ia e ka Papa, he 11 o lakou ke noho nei no me na haku hana, 1 i hoioiia mai i ke kula, I muhuka, 1 i hounaia i ka halepaahoa no ka aihue.
I like me ke kauoha ana a ka Akaolelo i hala, ua loaa mai ke ka Papa ma ke kuai ana aku i ka pa hale i ku nei o ke kula ma Keoneula, Kapalma, no $3,200, he $400 ka emi iho malalo o ke lumukuai a ka Papa i noi aky ai, a i haawiia mai e ka Ahaolelo o ka 1868 no ia kuai ana, Ke kumu nui o ka emi ana o ke kumukuai, no ka hooponopono like ia ana mawaena o ka Papa a me ka luna booponopono o ka waiwai o ka Mea Kiekie, V.K. Kaahumanu, ma na mea e pili ana i ke kaupale ana i na paio wai maluna oia wahi no ka pomaikai o ke kula, a he mea poino hoi ia i kekahi poe e ae, e hilinai ana ma ia kumu wai hookahi no ko lakou hoolakoia. Ua hookoeia mai no i ke kula ka lako kupono, a aohe pono i koe a ka Papa i ike ai ma ia mea.
No Na Buke Kula Hawaii.– E like me ke kauoha ana a ka Ahaolelo i hala, ua hoopuka iho nei ka Papa i kekahi Huinahelu hou i piha pono. O ka buke kahiko ma ia inoa i hoopukaia i ka 1852, ua manao mua ia e pai hou, aka, ua ikeia aole i pihapono ma kela ano keia ano, a ua konoia ka Papa e hoopuka i buke hou oia ano; a ua hooholo like ia e hoopuka i ka Huinahelu Kiekie a Thompson, he buke ia i kupono ae ma kela ano keia buke, mai mua mai a hiki i keia manawa, ua komo pu na mea a pau i manaoia ai ua kupono ma ke ano Huinahelu i aoia ai ma na Kula Auponi, a maloko olaila, he nui na mea e ao mai ana ma ke ano Huinahelu. aole i paiia mamua ma ka olelo Hawaii. Ua waihoia aku ka hana o ka unuhi ana a me ka hooponopono ana ia Mi. C.J. Leiana, a ma ke ano o ka hana i hana i hanaia, ua hookomoia mai kekahi mau hua hou a me na inoa i haawiia, aole i kono iki ma na buke i pai mua ia ma ka olelo hawaii, a ma ke ano pohihihi o ka heluhelu hooponopono ana, ma ka manao o ka Papa, e haawii ka mahalo ia Mi.Laiana, no kona mikiala a me ka hoomanawanui. No ke ano o ka buke i hanaia, e kuhikuhi oluolu aku no ka Papa ia oukou i na kope oia. e waiho ia'ku ana imua o oukou no ka nana ana. Ua paiia he 7,000 kope oia, a i makaukau koke ana no ka haawi hoolaha ia. O ka lilo holookoa, he $5,120.
Ua api pu ia no hou, he $5,000 kope hou o ka Helukamalii, a o na lilo, he $130.00.
Ka Pa Kula Ma Makahiki.
O ke kula Hanai no na kaikamahine i malamaia no kekahi mau makahiki e Miss Maria Oddeu, ma kela pa kula i kaaia ae la, ua hoopauia e na Kahu Malama, o ko lakou palapala hoohui, na holoiia e like me ka kanawai, a ua hooloia e ka Papa e kuai kudala aku i ua pa nei i ka mea koho kiekie; a ma ia kadala ana, ua loaa mai $2,000, a ua hoopaa ia'ku ua puu dala la i ka Papa maka moraki maluna o ua wahi la.
Haawina no ke ao ana i na Keiki Hawaii
ma ka Ohana Lapaau.
Ma ke kau ahaolelo i hala aku nei, ua hookaawaleia ia Kau i haawina o $4,000.00 no ka Hookaauao Lapaau ana i na keiki Hawaii, aole nae i hooliloia ma ka hana i manaoia'i, no ka loaa ole o na kanaka opiopio i loaa ka naauao ma ka olelo Enelani a me ka Latina, i kupono ai ka loaa ana mai o na pomaikai ma ka wehewehe ana mai i na oihana akamai a me na ao ana o kekahi kula lapaau no Amerika Huipoia a me Beritania Nui paha. Ua noi mai no kekahi poe kanaka opipio ia lakou iho i mau haumana ma ia oihana, aka, ma ka ninaninau ia ana, ua maopopo lea, aole lakou i naauao kupono ma na ano o na huaolelo Enelani mawaho ae o na buke helu helu mau e aoia nei ma na kula.
He mea nui no keia e nanaia ai, oiai ua makemake nui ia kekahi mau kahuna lapaau kupono mawaho aku nei o Honolulu ; nolailla, ua manaolana ia e hiki ana paha i kekahi poe keiki Hawaii mai na Hula Hanai mai e aoia nei ma ka olelo Enelani, ke lawe i ka lokomaikai o ka Ahaolelo, ina ua ikeia he kupono ka hoomau ana ia haawina ma ka Bila Haawina hou, a oia no hoi ka Papa mea e waiho aku nai no ko oukou noonoo ana. O ka haawina i hookaawaleia e ka Ahaolelo o ka 1868, no ka hoonaauao ana i na keiki Hawaii ma ka oihana lapaau, ua laweia no ke kokua ana i na kula Hawaii me ka Enelani, a na hahai pu ia malalo oia mau lilo. E ola ka Moi i ke Akua!
W. P. Kamakau,
Peresidena i ka Papa Hoonaauao.
Na loaa a me na lilo o na kula aupuni.
1868 Koena ma na lima i na Puuku, Ian. 1868 ……………………………………………………………………………………$17,778.38
Na loaa o na dala kula i ka 1868…………………………………………………………………………………………… 30,506.71
Huina…………………………………………………………………………………………………………………$48,285.09
Na dala i hooliloia i ka 1868 32,197.46
1869 Koena ma na lima o na Puuku, Ian. 1, 1869………………………………………………………………………………. 16,087.63
Na loaa o na kala kula i ka 1869…………………………………………………………………………………………… 34,586.34
Huina………………………………………………………………………………………………………………………… $50,673,97
Na kala i hooliloia i ka 1869……………………………………………………………………………………………… 35,900.78
Koena ma na lima o na Puuku, Ian. I, 1870………………………………………………………………………………. $16,773.16
Haawina no na Kula Hawaii a me na kula Enelani
Ma ka haawina no na kula hawaii a me enelani…………………………………………………………………………………… $38,000.00
Ma ka huina i laweia mai ke kokua ana i na kula aupuni………………………………………………………………………… 1,946.96
Ma ka huina i laweiu mai ka hoonaauao ana i na keiki Hawaii i ka Oihana Lapaau…………………………………………… 4,000.00
No ko L. Anaru mau pono palapala i koe 250.00
No ke kokua i ke kulanui o Lahainaluna…………………………………………………………………………………………… 6,797.50
No ka hoomaemae hou a me na mea hana akamai o ke Kulanui o Lahainaluna $1,033.37
No ke Kula Hanai o Hilo…………………………………………………………………………………………………………. 2,500.00
Kula Hanai Kaikamahine o Makawao……………………………………………………………………………………………… 5,674.46
No na haumana i hoounaia ma na Kula Hanai…………………………………………………….. ……………………. …….. 2,131.60
Kula Ohana Lahaina……………. ……………………………….. …………………….. ……………………………….. ………. 2,225.00
" " Koloa………………………………………. ………………………………. ………………………………. ……. 788.75
" " Makiki……………………………………………………………….. ………………………. …………………… 240.00
" " Kawaiahao………………………………………… ……………………………… ………………………….. …. 1,013.50
" " Kaikamahine Makawao……………………………. …………………………………………… ………………… 2,277.50
" " St. Andrews…………….. ……………………………………. …………………………… ……………………… 167.50
" " Kaikamahine Mililani(hoomaemae hau &c)……….. …………………………… …………………………. … 250.35
" " Enelani Hilo…………………………….. ………………………. …………………………………. ……………. 3,300.00
" " Lahaina(hoomaemae hou ia $300)………………… ………………………. ………………………. ………… 1,300.00
" " Molokai Miss Paris…………………………………………………………… …………………………………… 375.00
" " Hanalei…………………………………………… …………………………………………………………….. ….. 1000.00
" " W. H. Cole, ma Waimea Kauai………………………….. ………………………………………………………… 150.00
Na lilo o ke kaahele ana o ke Kahukula Nui……………………. ………………………………………………. ………………….. 800.00
Kula Alanui Papu, Hololulu……………………………….. …………………………………………..……………………………11,622.43
$43,946 96 $43,936.96
Haawina No Ke Kokua Ana i na Kula Aupuni
Ma ka Haawina no na Kula Aupuni………………………………………………. …………………………………………… $17,000.00
Apana O Puna, Haw.. $1,150.00
" Kau. " 450.00
" Kona H. " 1,670.00
" Kona A." 1,450.00
" Kohala H.," 655.00
" Kohala A." 800.00
" Hana, Maui 500.00
" Molokai………………………………………………. 1,200.00
" Lanai………………………………………………….. ………………………………………… ……………………… 73.00
" Ewa & Waianae, 470.00
" Koolauloa, 324.00
" Koloa, Kauai ………………………………………………………………………………………………………………… 80.00
" Niihau…………………………………………………………………………………………………………………………… 35.00
Lawe ia no ke Kula Hoopololei………………………………………. …………………………………………………………. 2,916.12
Lawe is i ke kukulu and i na hale kula aupuni……………………………………… …………………………………………… 1,659.51
Lawe ia no na Kula Hawaii & Enelani 1,946.96
Koena o ka haawina i ohiia, a i kupono no ka lawelawe ana i na Kula Aupuni………………………………………………… 1,919.82
$17,000.00 $17,000.00
No ke Pai Ana i na Buke Kula
Ma ka haawina………………….. ……………………………….. ……………………………………………………………… $5,250.00
Pai ana 5000 kope Helukamalii………………………………. ………………………………… ………………………………… $130.00
C.J. Laina no ka unuhi ana i Huinahelu……………………………………… …………………… ……………………………… 500.00
R. Newcomb & Co., humu an i huinahelu……………………………………. ……………………………………………… 1,330.00
40 ope pepa $9 o ke ope………………………………………………………. …………………………………………………… 360.00
161" " $8 " " 1,188.00
3 31-48" $6 " " 21.87
Uku moku a pela aku no ka pepa……………………………….. …………………………. …………………………………… 40.00
Koena o ka haawina no no ka hoonohonoho ana i ke pau a me ke pai ana……………… ………………………………………. 1,580.13
$5,250.00 $5,250.00
Kula Hana Lima me ka Hoopololei
Ma ka haawina no ke Kula Hoopololei………………………………. ………………………………………………. …………… $5,000.00
Ma ka huina i laweia mai ke kuai ana i ka aina………………………………………….. …………………………………………….400.00
Ma ka huina i laweia mai ke kokua ana i na Kula Aupuni…………………………………………………………….. …………….2,916.21
Ia uku Kumu Nui, 2 mahakihi a hiki Mar. 31, 1870…………………………………………………… ………………………$2,4000.00
Ia uku Kumu Kokua 2 makahiki a jiki Mar 31, 1870…………………………….. ………………………………………………… 826.00
Ia uku hoolimalima o ka aina a hiki i Dek. 2, 1868………………………………………………. ………………………………… 306.00
Ia uku hoolimalima o ka aina ma Alanui Liliha, 2 makahiki a hiki i ka la 31 Mar. 1870………………………………………… 249.20
Ka ai , ka lolo, lako hale hoomaimai hou ana a me kela lilo keia lilo no na makahiki 2, a hiki i ka la 31 o Mar., 1870………. 4,535.01
$8,316.21 $8,316.21
No Ke kukulu ana i mau hale kula hou no na Kula Aupuni
Ma ka haawina………….. ……………………………………… ……………………………………………………………… $6,200.00
Ma ka huina i laweia mai ke kokua ana i na Kula Aupuni………………….. …………………………………. …………….. 1,659.51
Na halekula ma Hawaii $4,446.57
" " " Maui…………… 1,936.45
" " " Molokai………….. 651.70
" " " Lanai……………….. 364.80
" " " Oahu…………………… 380.94
" " " Kauai……………………. 79.05
$7,859.51 $7,859.51
Na Dala o ka Oihana i loaa mai a i hooliloia
Koena dala e waiho ana Mar. 31, 1868…………………………………………………………………………………………… $6,162.30
Na buke kula i kuaiia………………………………. …………………………………………. ………………………………………4,237.60
Mai ke kula Alii, uku kula, &c……………………………………….. ……………………………………………………… 1,155.01
No ka uku hoopanee me hoolimalima………………………… …………………………………………. ………………….. 6,807.52
Unuhiolelo a Anaru………………………….. ……………………………………………. ………………………………………. 15.00
No na bila dala aupuni i hooliloa aku……………… ………………………………………………… …………………………… 1,550.00
No na apana o Ewa & Waianae, i hoihoi mai Oihana………………… …………………………………………………………… 371.50
Ma ke kuai ana i buke kula……………………………… ……………………………………………………. …………………… $3,149.78
No ke Kula Alii………………. …………………………………………… ………………………………………. …………. ….. 6,095.78
No na uku boolimalima 16.00
Hoomoe ia ma na dala Kula……………………………………………………. ………………………………………………………76.62
Pu hale 'O Makiki……………………….. ………………………… ……………………….. ……………………………………… 50.00
Kela lilo keia lilo, lawa ole o ka haawina…………………………………………… ……………………………………………… 24.89
Koena Dala, Maraki 31, 1870………………………… ……………………………………………………………………………10,885.86
$20,298.93 $20,298.93
Dala Kula.
Ka huina o na dala kula ma ka Waihona Aupuni Mar.31, 1870 $21,000.00
Na dala i hoaie ia……………………………………… …………………………………………………………………………… 3,709.00
Huina pau o na dala kula i hoomoeia no ka uku hoopanee, he 12 keneta no ka makahiki…………………………………… 24,709.00
Mai ke kuai ia ana o ka pa hale ma Makiki, (ma ka uku panee he 10 keneta o ka makahiki)…………………………………….2,000.00
Huina o na kala hula ma ka uku panee…………………………. ………………………………………………………………$26,709.00
Ka huina o na Bila Dala Aupuni i hooliloia aku a loaa mai, a ke waiho nei ma ke Keena Oihaua, a aole i hoomoeia aku ma ka uku panee……………………. 3,650.00
Na kala loaa mai ke kuai ia ana o na aina kula…………………. 1,020.38
Ka huina pau o ke dala kula, Mar. 31, 1870………………………… $31,379.38
Na Kula Hanai Kahi i aoia ai ka olelo Enelani
K. W. H.
Hawaii- Hilo, Rev.D.B. Lyman 58…… 58
Waimea Mrs L.G.Lyons … 8 8
Maui-Lahainaluna Rev. S.E.Bishop 90… 90
Lahainalalo Rev. G. Mason 15 … 15
lahaina Eldress Phoebe S.M. … 52 53
Makawao *Mr & Mrs. Green …. 67 67
Makawao Rev. J.P. Green 20 … 20
Oahu- Punahou, W.D. Alexander 39 7 46
Honolulu, Wm. Gulick, 72 … 22
" Kula Vilikini … 36 36
" " Bihopa …. 24 24
" Miss Bingham …. 37 37
Ahuimanu Rev. L.V. Hoteren 28 …. 28
Kauai- koloa Mrs. J.W. Smith …. …13
" Rev. D. Sole 8 6 13
Na Kula la, Kahi i aoia ai a ka olelo Enelani
K. W. H.
Hawaii.
Hilo…………H.R.Hitchcock……………………………. 123 25 51
"……………Miss H. Coan……………………………. 9 33 42
"…………..Rev. C. Ponzot…………………………. 34 22 56
S. Kona…….Rev. J.D. Paris………………………….. 22 33 55
Waimea……Mrs. L.G. Lyons…………………………… 10 2 12
Maui.
Lahaina…….H.Higgis……………………………………. 33 … 33
"……………Mrs. M.Moku…………………………… … 46 46
Wailuku…G.W.Hart…………………………………… 42 22 46
ulupalakua..J.Kavangh…………………………………. 27 15 42
Makawao + M. M. Cower…………………………. 24 6 30
Molokai
Kaluaaha R. Newton……………………………………… 20 10 30
Oahu
Honolulu, Kula Alii Kahehuna, 151 ..151
" Kula Alanui Papa…… 74 38 112
" " Kaikam, Mililani .. 56 56
" " Vilikini….. … 57 57
" " Bihopa……………….. … 47 47
" Miss Julia Vernon…… 10 9 10
" Miss Bingham…….. …. 8 8
" David Malo….. 52 12 64
" Enoch Kalauao……. 123 69 192
" A.T. Atkinson.. 15 …15
Kaneohe, J.P. Kamai………. 8 4 12
Kauai
Hanalei, Miss Johnson………………… 15 25 52
Anahola, S.H. Haaheo………………. 27 25 52
Wailua, Davida Luka………………….. 18 11 29
Lihue, Nakuina…………………………. 39 20 59
Waimea, W. H. Coles…………………….. 20 10 30
" Mrs. M. J. Rowell………………… 28 18 46
Huina……………………………………………… 832 624 1458
*Pau i ke ahi i ka malama o Iune, 1869
+ Hoopauia i ka malama o Dec. 1869
Kanikau Aloha no Kamakahukilani Kekumuhinu
Kanikau la he aloha nau no la e Kamaka, Ke uwe helu aku nei ka pua o Alakai, Waiola Kela utila ka makuahine hanau, He aloha kuu keiki o ke kula o Kalaupapa, He keiki papa no oe no ia aina kupa, piliia e kaua ke kula o Kanomano Ke huli wale nei au huli ke alo i ka hikina, Alo mai Puuohoku i ke ehu a ka makani, A he mahani ko kino ike ole ai makou, Oni ae o Kikipua lele ae o alelewaa, Na hala au i ke kai ke uwe nei Keiu, Noho aloha i Waiehu, kela wai haaheo, Iluna o ka laaau, ku ana ko kilepa, Ninau mai Mokumana, o wai keia leo? O ka pua o Alakai Waiola Kelautila, E uwe huli mai ana i kana hanaukahi. Olelo ae ke Kahuna, o ka malino a Moi. Aole paha e loaa, aia i Kahikiku, aia i Kahikimoe, i kahi ike ole ia, Kanikau ia he aloha, nou no e Kekumahinu, O Kamakahukilani hoi.
Kelaukula Kawaiola W.
Kanaikau la he aloha nou no la e Kamaka, He aloha kuu pokii, kuu kokoolua hoi, O kahi makamaka ole, Hookahi no makamaka o ka pono a ka haole, Nana i kuleana iho, pono kaua ilaila, Hapanuia ke aloha, lulu lima mai oe, A waiho i ke ao nei, e pili me ka makua, Aloha no hoi oe, kuu hoa kuikui lima, Hoa imi naauao, komo aku i Manaolana, I ka malu o Nioi, ke u wale nei au, Aohe kuu pua hala, aia i Punaakanoe, I ka aina onaona, i puia i ke ala, I walea oe ilaila, i ka nu-a lehua a ka manu, Kanikau la he aloha, nou no e Kekumuhinu, O Kamkahukilani hoi.
Rebeta W.
Ke uwe helu aku nei, o Hookano he makua, He aloha kou kamalei, hoa hele o ke kahakai,O ke kai o Wailoi, o ka wai o Waileia, Ei au nei paha oe, iloko o Hanakaulani, E walea ana paha oe, i ka noho hooluliluli, I ka puka alohilohi, me Kaiue he mahua, Me Kamohola mama, mama aku nei oe, Hele hoonana ole, a hule ae a hoi mai, I ka pili me ka makua, Kanikau la he aloha nou no e Kekumuhinu, O Kamakahukilani hoi
Kookano.
Ke uew helu mai nei, o Hamau no he makua, He aloha kuu keiki, a'o i ike ole ai, Ke ninau nei au, auhea iho nei hoi? Ka kakou kamalei milimili a ka makua, Nana i hiipoi mai nana i hanai waha, He aloha kuu keiki o na i-a malihini, O ko aina kupa ke kule ku makai, O ka hinana makua, auwe kuu keiki, Kuu hoa nana wai o ka wai hu wale mai, I ke kumu o on a pali, ei aku nei paha oe, I ka ula ulu loa a luana e walea ana, Me ko mau kupuna mahoe o Kamauoha, I ka malu o ka Neleau, ua nei hoi makou, Ia oe e Kelupoka, e ka pua i Alakai, Ke hai aku nei au i ka inoa o ko Papa o Kulana i Maui, kulana hee o ka nalu, He loaa mai loko mai o Kawelewele, Nana nei pua mamo i haule aku nei, Kanikau la he aloha, nou no e Kelumuhinu, o Kamakahukilani hoi
Hamau W.
Ke uwe helu mai nei Mikiholo he makua, He aloha kuu kamakahi o ka aina hanau, O kuu wa lehulehu nui hoi o ka moku, He aloha a'u keiki o na pali onaona, I lulu i ka pua bala o na pali hulaana, Kaha ma ke ehu kai o ko aina kupa, Mai ou mau kupuna mai, e aloha ae ana au, I ka ua kualau koi awe ma ka moana, Ua ana oe ia'u i ka nui o ke aloha, Ia olua elua i haalele mai nei, Ka noho na o ke ao nei me ko kaikuaana, o Leleahikulani hoi, Kanikau la he aloha, nou no e Kukumuhinu, o Kamakahukilani hoi.
Makaimi.
Uwe helu mai nei o Keomolewa he kunane, Kuu kaikuahine mai na pali Koolau, Lau mai nei ke aloha ia oe la ua hala, Nono hookahi hoi au me ka makua, Kala aku nei oe i ke ala hele hookahi, Hookahi no mea nui a loko e nana nei, Ke aloha me ke kaumaha ia oe e ka pokii, E aloha ana au i ke kula o Koloa, Oia kula mehameha i naue ia e oe, Lau kanaka i na lio, o Kekiinui mamua, O Aloae ae kai luna, huli aku au nana, Aloha wale na puu e au nei i ke kai, O Huleo me Okala, no e Kekumuhinu, O Kamakahukilani hoi
Keomolewa.
Ka uwe helu mai nei Kaiama no he kunane, Kuu kaikuahini hoi, mai ka piina ikiiki, O Puuokapae hule ae au makkua, E uwe mai ana hoi o ka wai o Aimanu, Ia oe e kekuuhinu o kamakahukilani hoi, Ei ka oe ua hala aia i Waileia, I puia ia ke onaona on a mai nei ke aloha, Ia oe e ke kuhina anuanu mai ke ala, O ke ahunehune a wili pu ia mai, Me ka hala o kepeno, a he lei no ka malihini, O ke kahiko noi o kou one hanau, Hiki aku ai kaua ma ko kaua Home, Ma Makaluahau hoi, Kanikau la he aloha, nou no e Kekumuhinu O Kamakahukilani hou.
Kalama.
Ke uwe helu mai nei Mareka no he kunane, Kuu kaikuahine hoi a i ke kai leo nui, Kai hoi o ka hooilo e uwalo la i na pali, O ka nalu no makua kilioopu makai, o ka Keeleawaa hoopihapiha i ka uka, Ua piha pono makou, i nei mea he aloha, I aloha wale ia hoi ha o Kaunuohua, Ke hokela no ia on a pali koolau, Pela no ke aloha ia oe i naue aku, Ei auku nei paha oe i ka la o Kumukahi, Ka hikina ma Haehae, haehae mai ke aloha, Ia oe ua nalowale, Kanikau la he aloha, nou no e Kekumuhinu, O Kamakahukilani hoi.
Mareko Kaukemi.
Ka uwe helu mai nei, o Kaha, no ke kupuna, Ka makua o ka imi ola he aloha kuu moopuna, O ke ala paa limalima mai ko wa uuku, A lewa mai kaua i ka aina malihini, Kau wale aku no oe kaawale mai no au, Ike ole aku nei au ia oe e ka moopuna, A loaa oe i ka mai hoi mai oe i a nei, Ma kuu oihana nui, ka imi aku ke i ola, Waiho ka papa kahuna, kukulu mai e ka aha, E imi ae kakou i ke ola o kuu moopuna, Huna ia mai nei e ka mai o ko kino, Ma kau ike wake aku aia ka mai i waho, i ka opua kue, ke ui mai nei hoi, O kou mau mama, e huli hope maua, Aia a ae mai, e ka makua manaloa, Pomaikai kakoa, Kanikau la he aloha, nou no e Kekumuhinu, O Kamakahukilani hoi.
Kaha.
Ninole, Waialua, Molokai, Mar. 25, 1870
E na makamaka a me na hoa'leha, ma Waialua, Oahu.
Aloha oukou a pau:- O ka oukou kauwa hoolohe, ka mea nona ka inoa malalo, ke hai aku nei- o ka noho o ka Apana o Waialua, iloko o ka Hale Kau Kanawai o keia Aupuni, ua mau no ka noho ana o ko oukoiu Luna Makaainana maluna on a, mamua ae a mahope iho o ka uluku mamao heopii ana mai o kekahi wahi makaainana nona ka inoa o Natanaela, makona lawe ana mai i kekahi mau kumu hoopii i hiki ole ia ia ke hooiaio, a ma ka noonoo ana o na Komite Hanohano o ke Hale Ahaolelo, i hookaawaleia ma ia hana, ua mau no ko lakou hoomanawanui ana, me ke ake e hoea ae ka oiaio, mai loko ae o ka wahahee, aole nae i loaa iki, a hiki i ka wa a kamea hoopii i pauaho mai ai, mahope iho o ka hoihoi hou ana e puolo, a e hahao hou no i kona pakeke, aholo aku i Waialua, ma hope iho o ka hala ana aku o na Keonimana, a oukou i hoouna wai ai i mau hoike ma ko oukou Luna, me ka pohu a me ka lai wale no, mamua ae, a mahope iho o ka maile ana o ka ikaika o kahi makani pa lauwili, a holo hou aku no ma ke kula o kanoenoe, a Pulee, a Malamanui, a hiki aku i ka iho'na o Kemoo- o Waialua aku ia, kuu aina malihini a'u i i aloha'i. Ke i ae nei a'u kumaki, e u hoi nui no ilaila e walea ai.
O wau no ka oukou kauwa hoolohe,
Samuel M. Naukana
Honolulu, Mei 16, 1810
Na Luna O Keia Pepa
Eia io na inoa o ka poe ma kela wahi keia wahi i hookohuia i poe Luna o Ke Au Okoa. Ma lakou nei e hooponopono ai na makamaka lawe nupepa no ka uku o ka pepa, a me ko na Olelo hoolaha.
HAWAII- J.H. Coney, Hilo
D.H. Hitchcock, Hilo
W.T. Martin, Kau
J.G. Hoapili, Kona, Hems.
Rev. G.W. Pilipo. Kona Akau
G.K. Lindsay, Kohala.
J. Naiapaakai, "
G.W.D. Helemanu, Hamakua
MAUI- Kalaeloa, Lahaina
P.H. Treadway "
E. Saffrey, Honuaula
C.K. Kakani, Kaupo
John Rae, Hana
W.P. Kahale, Wailuku
S. Alexander, Waihee
J.P. Greem, Makawao
MOLOKAI- Mr. Meyers, E.H. Rogers
OAHU- Mose Manu, Ewa
Kalino, Waianae
KAUAI- D.K.Fyfe, Lihue
S. Kamahalo, "
H.J. Wana, "
G.W. Lilikalani, Koloa
G.B. Rowell, Waimea
S.B. Dole, Loio! Loio!
Ua makaukau oia i ka hana ana i na Palapala Kuai, me kahoolilo aku a hoolilo mai, o kela ano keia ano. A me na hihia no hoi imua o na Aha Hookolokolo.
Kaea Hana-Kihi Komohana o Alanui Kalepa me Papu, i ke Keena maluna 27-1y6
Hale Kuai Mea Ai! Kuai Emi! Kuai Holo!
Ma Ka Hale O Uilama
Hale Kuai Ala holo o uilama (Ryan.)
Ma ke kihi o ke Aianui Nuuanu me Pauoa 47-1y
W.M. RAIANA
He Halekuai alholo, no na mea ai i anoi ia, ma ke kihi o ke Alanui Nuuanu a me Pauoa 24-1y-V.
OLELO HOOLAHA
NO Molokai
E Holo Mau Ana Ke Kuna
"PAUAHI," mawaena o Honolulu nei, a me Kaunakakai me Pu koo. No ka uku ukana a me ke kino, e ninau i ke Kapena ma ka moku, a i ole ia, ia.
H.Penikalala,
81-tf Agena
MAKEMAKE IA!
Ua makemake ia e ka mea nona ka inoa malalo, i mau Kamaka Kepa, HE 100 a 150 PAHA, i mau Paa Hana Hawaii, no na AINA HANA LEPO MANU, E haawiia ana ka uku he $10 no ka malama hookahi, a he $40 uku mua; a he hookahi makahiki ka loihi o ke Kepa ana. O ka poe makemake e Kepa, e hele mai ma ke Keena o ka Luna Kiai Awa o Honolulu, a ia
48-8mc C.A.WILLIAMS
OLELO HOOLAHA
Ke papa aku nei au i na mea a pau, mai hono a hookipa, a me ka hoaie, i ka'u wahine o KELUPAINA, mai keia la aku.
D. HOAKE
Makawao, Maui Aperil 26, 1870
OLELO HOOLAHA
A
KA LUNA HOOPONOPONO WAIWAI
E
KUAI I KA WAIWAI PAA
Ma ka pono o ka palapala hauoha, i hanaia e Ka Mea Hanohano A. S. Hatawela, Lonakanawei o ka Aha Kiekie, ma ka la 13 o Mei, 1870, ma ka Waiwai o Ka Mea Kiekie Victoria Kamamalu Kaahumani, i make aku nei, ua hauohaia mau au e Ka Mea Kiekie John O. Dominis, ka Lana Hooponopono o ka waiwai i haiia, e kuai kudala aku i ka mea e koho kiekie mai ana, no ke kumukuai dala kuike,
Ma Ka Poaono , La 2 o Iulai,
ma ka hola 12 awakea, i ka waiwai paa malalo nei i kela pa aina a me na lako a pau e waiho anan ma ke kulankaohale o Honolulu nei; a i ikeia ma ka inoa Edineboro Hale; a i hoakakaia ma ka Palapala Sila Nui; Helu 694, Huleana, Helu 164, i haawi ia ma ka la 2 o Sepatemaba, 1852, penei:
Pa ma ka Hikina Hemo o ka papa ma ke alanui makai. E moomaka ana ma ke kihi Akau mauka o keia, ma ke ala makai, e pili ana me ka pe Aupuni, a e holo ana Hema 51. Hik 331 3-12kap., ma ko Keauonohi pa, hiki i kahakai, alaila, ma Kahookai 303 kap., a hiki i ka pa Aupuni ilaila, 86 80 Hik. 116 8-12 kap., a Akau 40 Hi. 91 8-12 kap., ma ka pa Aupumi a hiki i kahi i hoomaka ai.
Ma ke kumukuai aole e emi malalo o Umikumalima Tausani, ($15,000)
A me ka Aina a me ka Pa Hale ma Honolulu nei i haiia , a i ikeia ma ka inoa Haliimaile, a i hoakakaia ma ka Palapala Sila Nui Helu 699, penei;
E moomaka ana ma ke kihi Akau mauka o keia, ma ke alanui Likeke, e pili ana me ka pa o Keoni Ana a e loho ana Hema 420 80 Hik.,139 8-12 kap., ma ko Keoni Ana, alaila, Hema 45 15 Kom. 266 kap., ma ka Pa o ke Lii a hiki i ke Alanui Halepule, alaila, Likeke, a hiki i kahi i hoomakai. Maloko oia Apana 98-100 Eka.
No ke kumukuai sole emi malalo o $4,000
A ME KE AHUPUA'A O WAIHEE,
e waiho la ma ka Mokupuni o Maui, i haawiia ma ka Palapala Sila Nui, Helu 4,475, Kuleana, Helu 7,713, ma ka la 3 o Apeila, M. H 1861.
Ma ke kumukuai aole emi malalo o $10,500.
A ME KE AHUPUAA O HANAMAULU,
ma ka Apana o Puna, Mokupuni o Kauai, o ko Hawaii, Pae Aina, i hoakakaia na palena ma ka Palapala Sila Nui, Helu 4,481, Kuleana, Helu 7,713, Ap. 2-Pauku 7, he 9,177 Eka ka nui, oi aku a emi mai paha.
Ma ke kumukuai sole e emi malalo o $7,000.
Me ka Aina a me ka Pahale, e waiho ia ma Kauluwela, Honolulu, Mokupuni o Oahu, e pili ana me ke Alanui Kula o hoomoeia aku ; he aina ololi ano huina kolu, he 867 kapuai kuea ka nui.
Na lilo o ka hana ana i na palapala, na ka mea kuai. C.S.BATO,
6-6t Luna Kudala