Ke Au Okoa, Volume VI, Number 12, 7 July 1870 — La 4 o Iulai, 1870. [ARTICLE]

La 4 o Iulai, 1870.

Ma ka Poakahi iho nei, ka la 4 o Iulai, a o ka hiki ana aku no hoi ia i ke 94 o na makahiki o ke kuokoa ana o Amerika Huipuia O keia la 4 o Iulai, he la no ia i moamoa mau i na puuwai Amerika oiaio a pau, a ma kela a me kia wahi a pau a lakou e noho ai e malama no lakou i ua la la me ka hoomanao hauoli ana e like me ka ikaika o na manao aloha aina makuahine ana. Ma ka hora 6 o ke kakahiaka nui, ua hoala ia mai ka hiamoe malie ana o ka poe o ke kaona nei, e ke kani ana o na pu kuniahi, he umikumamakolu. I ke awakea ponoi, ua haawi hou ia mai la he iwakaluakumamakahi pu, a i ke ahiahi ana iho, ua ki hou ia he umikumamakolu mau pu hou. Ua haawi ia keia mau pu ma ke poo o ke alanui Emma maluna aku o ka halekula alii ma Kahehuna. O keia Pokulaia, aohe he nui wale o na hana lealea i hanaia, aole no he mau mea i hoomakaukau ia no na hana lealea. Ua malama maluhia maikai ia keia la hauoli nui o Amerika. I ke ahiahi ana iho, ua huipu aku na kanaka Hawaii me na haole ma ka holo lio ana ma na pipa alanui o "ua kukalahale nei." Ma ka hora 12 ponoi o ke awakea, ua naue ae na Luna o ke aupuni Hawaii, e haawi aku i ko lakou mau hoomaikai ana i Ka Mea Kiekie ke Kuhina Noho Amerika ma ke alo alii Hawaii. Ua naue pu ae no hoi me kekahi mau luna aupuni e ae o na aina e. Ma ka hora 1 1/2, ua naue ae no hoi kekahi poe e ike i ke Kanikela Amerika; a ma ka hora 3 o ka uina la, ua malama ia he ahaaina mauka o kawananakoa, a o ke ano nui o ua ahaaina la na kamalii; a ua naue pu ae no nae hoi kekahi poe makua ma ia hauoli opiopi ana. MAI LILO I AHI NUI.- I ke awakea o ka Poakahi iho nei, ua kani ae la ka bele nui kinaiahi, a i ka hoomaopopo ana, ua ike ia ke ahi maluna o kaupaku o ka hale halawai ma Polelewa. Aka, ua ike koke ia e ka poe e hele ae ana ma ke alanui, a ua kinai koke ia a pio. Ke kumu o ka pau ana i ke ahi he mea hoopahupahu na kamalii. HOOPIIIA.- Ua lono ia mai Kapalakiko mai, ua hoopii ia ka mokumahu Isaho e ke Komisina o ka Hoopae Lima no ke kue ana i ke Kanawai o na ohua holo moku. No ka mea, ma kona hui hope loa ana aku, ua lawe oia he 225 ohua ka nui, i oi aku paha mamua o na ohua kupono i ae ia ma ke kanawai. O ka nui o na dala i hoopii ia'i he $15,5000. HOOLAA IA.- Ma ka Poakahi iho nei, ua hoolaaia ka hale Hoole Waiona o ka poe o ka Helu 1 oia Hui maikai; a oia no hoi ka hale i ike ia mamua aku nei ma ka inoa Maine Hotele. He mea maikai no i ka ike ana ke holopono nei ka ha a a ia mu hui mawaena o na kanaka Hawaii a me na haole, a ke huipu ae nei makou i ka manaolana ana e holo pono loa ka lakou mau hana maikai. HANA KUPONO OLE.- I ke kakahiaka Poaha o ka pule i hala iho nei, ua ike ia iho la, ua nahaha liilii ke kea hoomanao e kau ana maluna o ka lua kupapau o ka Lutanela von Beust o ka manuwa Auseturia Donau. Ma ka nana ia ana o na meheu aole i ike iki ia, a ua manao ia e kekahi poe he ano hana kupaianaha ka nahaha ana o ua kea nei, no ka mea, aole i ike ia na meheu oia hana kupono ole. o ka lua kupapau a me ka pa ilina he wahi ano eehia ia, a he ano kupono ole ka hiki ana aku ilaila, o na ano hana hoomaewaewa ino o keia ao; a ke manao lana ae nei makou, e loaa ka mea kolohe, a e hoopai ia no kana hana kupono ole. KAI MIMIKI.- Ma Hokukano Kona Akau Hawaii, e nane ana o Kukele kane, a me Kanuha kane, i ka kulou i ka lawaia ma kai olaila, me ko laua mau wahi waa. Ku ana ua nalu nui, o ka nalu mai Kona no paha? ho-eu ae la i na waa o laua, kaanini ana i ka puu pahoehoe i uka, a i ka hoi hou ana mai a ke kai mai uka mai, lewa hou ia laua nei i kai, ma kahi a laua nei i lana mua ai, ia wa o laua malaila, oia ka wa i emi ai o ke kai i lalo, a me he mea la, aia laua malalo o kekahi palikahakai kiekie loa, aoli i liuliu loa ka wa o keia mau hana a pau, a hoi hou mai la ke kai me kona ano mau, mahope oia wa, pane aku la kekahi o laua, e hoe kaua i waho aku, ae mai la kekahi a holo aku la laua, a lana na waa maluna o kahilawaia Opelu, he wahi hohonu ia, ia laua iloko o ke kai, e pii e ana he pohaku keokeo a me ka eleele mai waena ae o ka hohonu a laua iluna o ka ili kai o ko laua ohi koke iho la no ia a piha na Eka, ua like me ka "Ana." Ke ano o ua pohaku la, i ka laua nana mai i na makalae o uka, me he me la he kaikoo, pane maila kekahi o laua, e u hoi kaua i uka, a o ka waa o Kanuha, hoopokakaa ia me he loaa ana i kawiliau, o ko "Kakele," waa hoi holo pololei no a pae i uka, ua ike ia keia mimiki ahu wale ka papa ma kekahi la o Iune i maule aku la. K.