Ke Au Okoa, Volume VI, Number 13, 14 July 1870 — Page 2

laau a me na omole laau a pau o na hale kauka a pau o ka mokuaina o Masekuseta, aole no e pau ana ka nui o na kanaka i ka make. Pehea la ina e noho ana ke kauka ma Hilo a e lapaau ana he mau mai paha, a hele aku oia e kaapuni a puni ka mokupuni o Hawaii ma ka hele ana ma kela a me keia hale a hoi hou mai i Hilo, ke ninau aku nei au i na luna hanohano mai o Hawaii pehea la ka loihi o ka manawa e hele ai a hiki hou mai i Hilo? (Mi Martin, he elua paha mahina a hiki hou.) A! e ka Peresidena, ua hai ia mai nei au, elua ka mahina. Pehea la keia, aole anei kakou e ike iho he mea hiki ole keia, e mau ana no anei ka nawe ana o ka mai e waiho ana ma Hilo, a e kakali malie anei ka make aole e lalau mai i ua kanaka a wahine mai la paha, a hiki hou ke kauka iloko o kona haalele ana elua paha mahina a oi ae i Hilo?
            E ka Paresidena, ke nonoi aku nei au malalo iho a maloko o na palena o keia hale, a mai na aoao a pau o ka honua, a me ka poe a pau e lohe mai ana i kuu leo, aole, aole, loa iloko o'u ka manao ake nui e hoopio i keia lahui, a e hoole loa i ka haawina, aka, nokuu haulehia ana i ka nele ana i ka ike kupono i kahi e hoolilo ai keia puu dala, a maanei ke oki nei au.
            Ku  mai o Mi Hanaike a olelo mai, owau kekahi i manao e hue i keia haawina e like me ka mea u oleloia mai nei e ke kuhia o na aina e, aka, mumuli o ka hoike maopopo ana mai a ke luna o Kona Hema i ke  ola o kekahi poe i hoolako ia aku e ia i na laau, a me ka hoike maopopo ia ana mai no ka pono lahui ma ka hoike a ke komite no ka hoola, a no ia mea ke kokua nei au i ka haawina.
            Ku mai o Mi Komoikeehuehu a kue i ka hooholo ana i ka haawina he $18,000, e like  me ia i waihoia mai ma ka a ke komite Hoola.
            I ko'u hoomaopopo ana i na mea i kamailio nui ia iho nei e kekahi mau hoa, ua nele io au i ka ike ana i ka maketewa o ka hoolilo an i keia puu dala.  I ko'u manao ana e pono ia kakaou e hoonoho i na kahuna i hookohua iho nei ka Papa Ola Hawaii mamuli o ke lawelawe i ka oihana laapau a he poe kupono ke lawelawe i ka oihana lapaau a he poe akamai loa lakou, nolaila, i loaa ai ia lakou ua Palapala Hookohu, nolaila, ke nonoi nei au e hoonohoia na Kahuna i hookohuia e ka Papa Ola Hawaii ma kahi o ma kahi o na Kauka Lapaau Kaapuni e olelo ia mai nei, na kauka i ike mua ole ia.
            Mr. Aholo.  Ke ku nei au e kokua i ka haawina, a ke manaolana nei no hoi au, aole paha hookahi o na hoa o ka hale i nele i ke aloha i kekahi kanaka Hawaii hookahi i kona make ana.
            Aole like o ko'u manna me ka manao o ka poe e kue ana i ka bila, a ua olelo nuiia mai no ka lilo wale i mea ole o keia haawina. Ke manao nei au aole he oiaio oia mau mea, a ke nonoi aku nei au e kokua kakou i ka haawina.
            Mr Laiana. Ke ku nei au e olelo iki no keia mea, a e kahea ana au i na hoa a pau o ka hale, e nana iho lakou i ke kauoha kiekie i hoikeia mai, oia hoi ka Haiolelo Alii a ka Moi i ka weheia ana o keia Ahaolelo, a oia kekahi kauoha nui a koikoi hoi, e kauoha ana ia kakou a pau e noonoo loea i ke ola o ka lahui, me ka imi ana i na kumu e hoemi ai i ka laulaha nui ana o ka mai lepera, a pela aku o na ano mai.
            O ka waihoia ana mai o ia mea imua o kakou, he mea kupono ia kakou e hooko. Aole wale no hoi malaila kekahi kauoha ia ana mai, aka, ua noiia mai kakou e like me ka Hoike a ke Kuhina Waiwai e noonoo nui a e hookaawale i haawina kupono no ka Oihana Papa Ola.
            Ma ia kauoha no hoi a nonoi ana, ua noi mai no i ano like loa me ka hoike a ke komite, e hoonohoia i hookahi kauka ma kela a me keia Mokupuni.  Ua kahaha nui au i ka lohe ana i na manao e kue ana i keia mea, oiai o keia kekahi o na hana nui ana maoli.
            He mea ole na olelo e pili ana no ke kaahele ana o na kauka mai o a o, a ua maopopo no hoi ka nele ana o ka oiaio o ia mau manao ana.  A ke manalana nei au e kokua ana no kakou i keia haawina.
            Hoopanee ka hale apopo hora 10 kak.
La Hana 56, Poalima, Iuali 8, 1870
Halawai ka Ahaolelo ma Honolulu, hora 11 kakahiaka, e like me ia i hoopaneeia.
            Mea kiekie Persidena P. Nahaolelua ma ka noho.
            Puleia e Mr. Halemanu
            Heleheluia ka moolelo o ka hale, a ma ke noiia naa ua aponoia
            Hoike mai ke komite hoola, no na palapala hopopii mai na apana mai, hoike mai e wai hoia ma ka papa a noonoo me ka bila haawina no ka Papa Ola.
            Hoike mai ke komite wae e pili ana no ka noonoo ana i na hoololi a me na hooponopono ana i ka bila kanawai e hoololi ai i ka Pauku 1,417 a hiki i ka Pauku 1420, o ke Kanawai Kivala, hoike mai e laweia ka olelo hoike a noonoo me ka bila ninauis a aponoia.
            Hoike mai ka hapanui o ke komite wae i kohoia no ka noonoo ana i na hoololi e pili ana no ka bila kanawai e hooponopono ai no ka wai o Lahaiua, Maui hoike mai e noonooia ka bila me kekahi hoololi.
            Noi mai ka Loio Kuhina, e waihoia ka bila ma ka papa, a noonoo pu ia me ka bila, hooholoia.
            Waiho mai o Mi Kikikoki he olelo hoohoolo e haawiia ka bila haawina e kakau poepoe ia, a e kamailio kela hoa keia hoa i umi minute oiai e noonoo ia ana ka bila haawina, ninauia a hooholoia.

            Hapaiia na hana o ka la.

            Noonooia imua o ka hale ka bila haawina e pili ana i ka oihana o ka Papa Ola mamula o ke noi ia ana e noho hou a noonooia i keia la ka haawina he $18,000, no na kauka lapaau kaahele ma na mokupuni.
            Mi Bihopa.  Ua manao nui i ka haawi ana i ke dala no na kauka kaahele, a ma ia mea au i manao ai e hoololi e like me ka mea kupono i $12,000 oiai, he hoao ana keia aole i ike ia kona hua'ana, he pono paha aole paha.
            Ma kela kau ahaolelo i hala ua hooholoia i $5,000, no ke kauka kaahele, aole nae au i ike i ka hooko pono ia ana, aka, ua hooko ia paha aole nae au i ike, no keia haawina e oleloia nei, aole au i manao enele ana ka loaa ana o kekahi mau kauka, aka, o ko'u makemake nui aole e ne wale aku i na kauka i kapaia he poe kauka in a aole lakou i akamai a kupono i ka oihana kauka.  E manao mai paha auanei kekahi o na hoa he kue ko'u i keia haawina.  E kokua nui ana au i keia haawina ano mamua o ka haawina no na halemai ma na mkupuni a pauu, no ka mea me ka lilo nui loa e hiki ai ke hanaia kekahi halemai, me na lako e pono ai a me na laau a me ka ai a pela aku.
            He mea nui keia a kakou e noonoo akahai ai, a in a no e kukulu ia ana kekahi halemai ma kekahi mokupuni e laa paha o Hawaii, aole no e ae ana ke kanaka i loaa i ka mai ma Kau, (koe ka mei pake) e hele a noho iloko o ka halamai ma Hilo, no ka mea, he mea nui i ke kanaka Hawaii kona hookaawale ia ana mai kona home @ a me kona ohana, a in a e hooholo ia ana kela haawina no na kau ka e like me ka‘u olelo hoololi ana i $12,000, oia iho la no ka lawa kupono, e loaa ana no mai na kauka kaahele mai na laau a me na lapaau ana ma kela wahi keia wahi keia wahi o na mokupuni i ka poe i loaa i ka mai, a aole no e paupauaho ana ka poe mai, oiai, e nohi ana ka poe mai, oiai, e noho ana no iwaena o ka ohana.
            Eia kekahi mea nui ia kakou a pau loa ; Aole no e pono ia kakou ke hilinai a paulele weke no na ke Aupuni wale no e hoolako a e malama i ka poe i loohia i ka mai, e pono no ia kakou a pau  loa a me ka nui o na makaainana, e alu like a e imi i mea e hoemi ai i ka lauhala aku nei au i na hoa a pau o keia hale, mamua o ka hookuu ia ana i keia Shaolelo.
            Mr. Boyd  Ua nui na mea i kamailio ia no keia haawina, a ua manao au ua lawa na homa pau i ka ike ana ; I ko'u hoomaopoopo ama aole au i ike i ka pomaikai e loaa ana i ka lahui ma keia mea, me he mea la e lu wale aku ana no i ke dala ; he kokua nui ko'u in a e hoonohoia ana i hookahi kauka ma kela Apana keia Apana, in a e hanaia ana pela, alaila e kokua nui ana au ; e like me na mea i olelo muala, aole e lawa pono ana ka manawa kupono e kaapuni ai i ka mokupuni.
            He mea kupono no ia kakou ke kakali iki no kekahi wa a e aho e hoounaia na keiki Hawaii o kakou ma na aina e, a i oleia me na Kauka akamai no e noho nei i Hawaii nei a i ko'u e  manao ana aole no e nele ana ka loaa o ka ike kupono ma ka oihana lapaau a he mea no hoi i maopopo nui ia kakou. Aole no e manao nui na kauka haole i ke ola o ka lahui, aka no ke dala wale no, nolaila, ke manao nei au e kapae loa i keia haawina.
            Mr. Kaukaha. O ka lua keia o ka'u ku ana e kamailio no keia mea, a aole i like ko'u manao me keakahi luna o Honolulu i olelo iho nei, he mea makehewa ka hooholu ana i keia haawina. I ko'u manao ana he makana kupono keia a keia hale e haawi aku ai no ke ola ana o ka lahui; a he oi loa aku ke kupono maoli o keia haawina mamua o ka haawina i hooholo ia ai no ka poe puhi ohe he umikumamalua wale no, no ka lealea o ke kulanakauhale wale no o Honolulu nei.
            He mea kupono ia kakou na hoa a pau o keia hale ka noonoo ana a e hooholo kakou i keia haawina; he mea kupono ke hoao kakou iloko o na makahiki elua wale no, a ina ua ike ia aole he pono, alaila na keia kau Ahaolelo ae e hoopau loa i keia haawina. I ka wa i noonoo ia ai ka haawina no ka laina mokuahi a me na lilo e ae no na uapo o ke awa o Honolulu nei ua nui ka poe kue iloko o ke kau Ahaolelo i hala, aka i ka hooholoia ana, a i ka ike ana ma ka hoike o na loaa o na makahiki elua ua ikeia ka pomaikai nui, a mai loko mai olaila ka hapa nui o na loaa Auhau, o keia mau loaa i oleloia mamuli wale no ia o ka hoao ana. A ina ua ike ia ka pomaikai oia hoao ana, e pono kakou e hoao, a e hooholo i keia haawina.
            Mi Naukana. O ka lua keia o na la i kamailio ia ai keia bila, e olelo ia nei, nona ka umikumamawalu tausani dala; a ma ka hoololi a ke Alii bishop ua waihoa mai oia i umikumamalua tausani dala no ia haawina, a me ke noi a ka Luna Hanohano o Koolaupoko ma ka la inehinei, e hoopanee loa i keia haawina e olelo ia nei, a ma ia aoao au e kokua aku nei, e hoole loa i keia haawina, ma na mea i kamailio ia e ka Luna o Koolaupoko ma ka la inehinei, a me ka ka Luna o Honolulu i keia kakahiaka, ua pili paa loa ia i ko'u manaoio, a ke manaoio nei au, he mau Hawaii oiaio laua ma ke ano Hawaii ponoi, a o ka Luna Hanohano hoi mai Hanalei mai, ke manao nei au, he haole oia, no ka mea, ua hoohewahewa oia i ke ano pili paa o ka lahui Hawaii nei, aka hoi, i keia manawa, ke hai oiaio aku nei au, he mahalo nui ko'u i ke akamai io no o na Kauka haole, a he oi nui aku ko lakou akamai, mamua o na Kahuna Hawaii me ka lapaau ana, aka, aole nae ma ia ano kakou e noonoo nei i keia manawa, ke noonoo nei kakou i keia manawa, no ke kupono e haawi i umikumamawalu tausani dala, no na Kauka kaahele ma na apana o keia Aupuni a oia ka'u e kue loa aku nei. Ua kamailio nui ia no ka hana a Kauka Li ma na Apana e ae, a e hoike aku ana au no ka hana a ua Kauka Li nei ma ka Apana o Waialua mamua aku nei, ia ia ma Kahuku, hai ia mai la ka lono i ka Luna Makai o Waialua, e houluulu mua oia i na mai pake a pau, no ka mea e hiki mai ana oia i kakahiaka nui o ia la ae, a ua hiki io mai no oia ma ia la ae, oia a me kona mahele olelo, a o ka mea e kamailio nei i keia manawa malaila pu no ia wa, a o ka nui paha o na mai pake i akoakoa ae, he umikumamalua paha ka nui, aia iwaena o ia poe mai, he kanaka opiopio maikai, a oia wale no kana i hoomaopopo, a kono aku ia ia, e hele ma kahi mamao iki aku, a hoi mai la, a kau ma kona lio, a holo mai la i Honolulu nei, aole au i poina i ka hoomanao ana ma ka M.H. 1853, he wa ia o ka mai Hepela, e ku ana kekahi moku ma ke awa, a ua hele mai ke Kauka o ke awa, e nana i ka poe maikai o ka o, a i kona pii ana iluna o ka moku, palepale wale ae no oia i ka poe e ku ana, a hooholo iho la oia na maikai na o a pau, a owau no kekahi malaila e hoi ana i Lahainaluna, a ua maopopo ia'u, aole kela Kauka i hoomaopopo i ka poe i maikai na o, aia no hoi ma Lahaina he Kauka akamai o Kauka Kao kona inoa, i ko makou wa ma ka hale Hepela ma Mala, hele wale mai no oia a mawaho o ka pa he mau kaulahao paha ka loihi, alaila kahea mai kameli puka mawaho a kokolo ae la i waho, alaila, ua lawa kona ike Kauka, aole no au i hoopoina i ke Kuhina Kalaiaina ma kela aoao, oia wale no ke Kauka i malama pono loa ia poe mai, a owau pu kekahi i lapaau pono ia e ia, a he aie nui ko'u ia ia, a hiki i keia wa. A eia hoi, aia na Kauka a pau e manao ia nei mai na aina e mai, a e hele mai ana, me ka ike ole i ka olelo Hawaii, a eia ka ninau, he poe aloha  io anei lakou i keia lahui kanaka, aole, aole loa no, ina i na Misanele, e hoolako aku ai i na laau lapaau, alaila e kokua nui kakou, no ka mea, o lakou no ka poe aloha io i keia lahui kanaka, a ina hoi e hilinai ae kakou i na Kauka o keia kulanakauhale, ke hai aku nei au, he hapa wale no lakou, a ma ia mea, ua maopopo e lilo ana ia waho keia pomaikai, nolaila, ke nonoi nei au, e kiola kakou i keia haawina, a e hoihoi aku ka Hoa Hanohano mai Hanalei mai, i kona manao paakiki mai nei.
            Mr. Hanaike. O ka lua keia o ko'u kamailio ana no keia haawina, ma ko'u manao ma keia mea, e pono e hookoia keia haawina, no na kumu, ua hiki mai kekahi mai luku ma ko makou wahi, ma ka Apana o Lahaina, ua nui loa ka make ma ko makou wahi, no ka nele i ke Kauka ole. Ke hoomaopopo la no au i ka make ana o kuu makuahine, no keia mai luku, a i ko'u manao, ua make oia no ke Kauka ole; ina paha he Kauka, alaila,  elike pu anei ka laau me ka mai. Ua hele aku no au imua o kekahi haole, oia haole o W.J. Needham, o ua haole la, o ka puu hoomaha o Lahaina iloko oia mau la; ua ninau mai kela ia'u i ka mai, ua hai aku au i ka mai, he wela ma ke poo, a o ke ano oia mai o keia mai hou; nolaila, ke manao nei au i ka wahine a ka Mea Hanohano ke Kiaaina o Maui, ina paha aole i hiki kela wahine Kauka, ka Viligini Bihopa, ina ua make ia. Aka, ke ola nei oia mamuli o ka hana maikai a kela wahine, ke hoomanao nei au i ka olelo a ka Luna Hanohano o Kona Hema, ua oleloia, ua loaa kekahi wahine i ka mai kuhewa. O ka nui o ka poe a pau e olelo ana, he mai kuhewa ia, no ka nui o kona aloha, ua haawi oia i ka laau kupono ia mai, oia laau nae ana i haawi ai na ke Kauka no ia, mai ke Kuhina Kalaiaina aku. Ke olelo aku nei au i ka Luna Hanohano o Honolulu, (E.H. Boyd,) i kona olelo ana, o keia puu dala e oleloia nei, ke hoolei wale ia nei; he hoolei wale ane ia puu dala i ke ola o kanaka, e manao ana au, o ka puu dala i ke ola o kanaka, e manao ana au, o ka puu dala i hoohei wale ia, oia ka puu dala no ka poe puhi ohe, ke manao nei au oia ka puu dala i poho, mamua o keia puu dala no ke ola o kanaka, i ko'u manao e kokua ana ana au i keia haawina, he $18,000.
            Mr. Kahaulelio. O ka lua keia o ka'u kamailio ana ma keia haawina, no ka mea, ma ko'u manao ana, o keia ($18,000) tausani dala e manao ia nei, he puu dala kupono loa keia, no ka manao ana ae i ka pomaikai o keia lahui, no ka mea hoi, ma ko kakou hoomanao ana ae i ka hana ana a kekahi mau kahuna lapaau, ua ike kakou i ke kupono ole o kekahi mau laau i manao ia, aka, o ka laau he kowali, oia kahi laau i like me ka lupepa, paakai, huaale, aila, a o kahi mau laau a'u i ike ai i ke kupono ole, oia hoi keia.
            Ina he lolo ka mai, alaila, he lolo niu ka laau, ina he nahu ka mai, alaila, he nanahu ka laau, "a pehea, ua kupono anei keia mau mai i keia mau laau i manao ia, ke manao nei au aole?" Aka, ua mahalo no au i ka Luna o Honolulu a me Waialua i ka waiho ana o ka laau i na kumu Misionari a kakou, ina he mea hiki i ka Papa Ola ke koho ia lakou, aka, i na aole e hiki, malaila ka pilikia, nolaila, ke manao nei au ua kupono kakou ke hoolilo i keia puu dala no ia mea.
            I ko'u manao ma keia Haawina e manao ia nei, oia hoi ka 18 tausani dala, no ka hoolilo ana i kauka hele kaapuni ma na mokupuni a pau mai Hawaii a Kauai, i ka nana aku, he puu dala kupono keia e hoolilo aku ai no ke ola o keia lahui, mamua o ka puu dala a keia ahaolelo i hooholo iho nei nei no na koa he 75 tausani. I ka makahiki 1869 a me keia makahiki e hele nei, ua laha nui aku kekahi mai lele ma ka mokupuni o Maui, a ua nui loa na kanaka i make i keia mai, a ua nui loa na leo uwe i lohe ia, a i kuu manao, i na e loaa ana na kauka kaapuni e like me keia e manao ia nei, ke manaoio nei a'u ua hooemi ia keia luku ana. Aka, ua kamailio mai nei nae ka Luna Hanohano o Koolaupoko, o ka manao nui no o na kanaka Hawaii i na Kahuna Hawaii, oia kekahi mea e pono ole ai. O ke kumu o ka manao o na kanaka Hawaii pela, o ka pii loa o ka laau, a me ka nui o ka uku o na kauka haole oia ka mea nana i keakea mai i ke kii ana aku i na laau o keia ano. Ma ka apana o Lahaina, ua hoemi ia ka make nui ana malaila, eia ke kumu, ua loaa aku mai ka Papa Ola he laau o kela ano keia ano ma ka lima o ka makai Nui o Maui, a ua hai ia ka hoolaha i na kanaka a pau o Lahaina e kii wale mai i na laau, a ua ike ia na mea a pau e hele nui ana e kii i ka laau, a ma ia mea, ua hiki ia kakou ke manao ae, o ka hoolilo ana o ka puu dala nui ma keia no ke ola o ka lahui, ua oi loa aku ka pomaikai, a ke ike nei kakou i keia kau ahaolelo, ua nui na Palapala Hoopii i hiki mai i keia hale e hoonoho ia i mau Kauka ma kela apana keia a pana, aka, no ka hiki ole, nolaila, ua manao ia ma keia ano ke kupono, nolaila, ke nonoi aku nei a'u i na hoa hanohano o keia hale e kokua i ke ola o ka lahui, ma ko'u manao maoli, o ka puu dala kupono hookahi keia a kakou e hoolilo ai, mamua o na puu dala e ae a kakou i hoolilo iho nei.
            Mr. Kalama. No keia poe kauka kaapani i na mokupuni, a me ka haawina 18 tausani e uku ai i ua poe kauka nei, a ua waihoia mai e kekahi o ka aoao alii, he hoololi ana i 12 tausani.
            Eia ko'u manao. Ua mahalo a'u i ke komite i ko lakou noonoo ana no keia mea, e lapaau ai i na kanaka mai ma keia pae aina no ka mai e make nei, no ka mea, he oiaio no ia. Aka, aole a'u i mahalo i ka hoonoho ana i na kauka ma keia ano kaapuni, aole no hoi e kokua i keia uku i haawiia, no ka maopopo ole o ke ano o ka hana ma ka lakou lapaau kaahele ana. Nolaila, ke ku nei no au e like me ko'u kokua ana i ka luna o Koolaupoko e hoole ana i kinohi o keia olelo hoike i waihoia mai ai.
            Ina e nana pono kakou i ka hooko io ana o keia poe kauka i ka lakou hana i ka wa a lakou e lapaau kaapuni ai ma kela a me keia mokupuni, e ike no auanei kakou, aole lawa pono ana na kanaka i ka lapaau ia e keia poe kauka. A ina paha e lapaau ana i kekahi ohana, kakaikahi e holo pono ana, aka, o ka nui o lakou e lapaau ole ia ana no; a o ka uku ana i keia poe kauka, he mea makehewa wale no, a me ke kiola wale aku i keia dala, me ka loaa ole mai i ka pomaikai e like me ka kakou e makemake nei.
            E nana pono kakou i ka olelo Hoike a ke komite. Ke hoonoho nei lakou no ka mokupuni nui o Hawaii, elua kauka kaapuni no ia mokupuni, a o ka uku no ka mea hookahi, he elua tausani no ka makahiki hookahi, a eha tausani no elua makahiki ma ka Bila Haawina, a no laua elua, ewalu tausani iloko o ka Bila. No Maui a me na mokupuni e pili ana me ia, ua hoonohoia hookahi kauka a he $1,5000 dala no ka makahiki a o ka uku no elua makahiki iloko o ka hoike he ekolu tausani. Pela no ko Oahu nei a me Kauai. Pehea la, Ehiki io ana anei i keia poe kauka ke hana a ke hapai i keia hana a holo pono me ka lawa pono o na kanaka i ka lapaau ia e lakou? Ke hoole aku nei au, "aole".
            Ke kokua nei a'u me ka ae aku, ua pololei ka olelo a ka poe i olelo iho nei mamua o'u mai nehinei a keia la. Oia ka luna o Koolaupoko e kue ana i keia mea, a me ka luna o Kau, e kanalua nui ana no ka hiki pono i keia poe ke hele aku i kela hale keia hale o na kanaka ma kuaaina, a pela no ka luna o Ewa me Waianae, a me kekahi luna o Honolulu i kamailio iho nei. He oiaio ka lakou mau olelo a pau, a ke manao nei au, i na e hooholoia keia, e ike no auanei kakou i ka oiaio o keia mau olelo i kamailio ia no keia mea.
            Aka, e ninau aku ana au imua o kakou me ke komite e noho nei. Nohea mai ka ulu ana o keia manao e hoonoho ai i mau kauka lapaau kaapuni, a me keia haawi ana i ka uku nui e like me keia? Ke ike wale aku nei au, i na aole au i kuhihewa, ua hoea mai keia mamuli o kekahi kanawai i kauia i ka M.H. 1868 e papa ana i na kanaka maoli aole e lapaau maloko o keia Pae Aina me ka palapala ae ole. O keia kanawai, he mea ia e kokua hoopono ai i ko ke aupuni lawe ana i ka uku civila a na kauka lapaau i uku ia ia, a he mea ia e kokua nui ana i na kauka lapaau i ae ia e ke aupuni no ka uku ana mai ia ia. Oia iho la no.
            Ina hoi i keia wa, ke ike pono iho nei kakou, he mea pono ke hoolaha like ia ka lapaau pono no na kanaka a pau. No ke aha ke kau kanawai maoli ana e papa ana i na kanaka, aole e lapaau. Ua olelo mai kekahi poe, no ka hoomanamana no ka wahee, a ano hoopunipuni o kahuna Hawaii. He kanawai no ia mea e noho ana, a e hiki no ke pale ia ka lapaau lapuwale, a koe no ka lapaau oiaio. Ua maopopo i kakou, o ka lapaau haole, oia ka lapaau maikai paha i mahaloia no ka aina. Pela no au. Ua mamahalo au i ka lapaau kupono, aole i ka lapaau ano wahahee. He oiaio paha, ua hana kekahi poe kanaka Hawaii ma ia ano lapaau ano ino, aka aole ia he kumu o ka hoole ana i na kanaka i ko lakou lapaau ana ma ka lapaau maikai no. Okoa no ka lapaau wahahee, no ka mea, he wahahee ia mai ke kumu mai; aka, o ka oiaio o ka lapaau, oia ka kakou e noonoo nei.
            Mr. Martin. O ka lua keia o ka'u olelo ana no keia mea, a ke mau nei no ko'u kanalua iki a hiki i keia wa, a aole nae au e hoole loa ana i ka hooholo ana i keia haawina ke maopopo pono he pomaikai io maoli ke loaa mai ana. E like no me na mea i olelo nui ia iho nei e ka poe e kue ana i keia haawina, aole no e holo lea ana ka hana a na Kauka haole oiai aole e noho paa ana ke Kauka ma kahi o ka mai i kela wa keia wa a hiki i ke ola ana o ka mai, no ka mea, o na laau haole he nui loa na rula a pau e pono ai, a ua hoonele ia na ai kupono a ai hoi i maa i ka lahui Hawaii.
            He kokua nui ko'u i keia haawina, ina e hoolilo ia ana no ke kuai ana i na laau a hoolako aku ma na Apana a pau o keia pae moku, a e waihoia ma ka lima o ka poe kupono i hilinai ia ko lakou ano ike a aloha hoi i ka lahui, e like me na Kumu Misionari ma na Apana a pau a me kekahi mau haole kamaaina e ae, ina malaila ka haawi ana i keia haawina, alail e kokuo ana au.
            Kuhina Kalaina F.W. Hutchison. E ka Peresidena, ua loaa pono ia'u kahi wa kupono e hoike aku i kekahi mea au i manao ai, oiai owau no ke poo o ka Oihana Papa Ola, a ua hooikaika nui au me na hoa o ka papa, e hooholo pono i na mea e holo mua ai ka pomaikai e loaa ana i ka Papa Ola. I na la mua o ka noho ana o keia Ahaolelo ua ike no au i ka nui o na palapala hoopii a me na noi, e noi ana i mau kauka lapaau a i mau halemai, a ua ike kakou a pau loa, aka, aia no ia i ka manao ana o ka hale.
            Ua nui no hoi na olelo ma kela a me keia aoao no keia haawina, a ua nui no hoi kuihoomaopopo ana i na mea a pau i puka mala mai ka waha o kela mea keia mea a e lilo ana ia he mea nui ke hoomaopopo ia. E olelo uuku ana no au no ka pono e pili ana i na Kauka kaahele. Iloko o na mahina he umikumamalua a oi ae i hala, a e hooia mai ana no paha na hoa mai Maui mai, i ka holokiki nui ana o ka make i na kanaka oia mokupuni, A e ike no hoi oukou mamuli o ke kauoha a ka Papa Ola a me ka hoolako ana aku i na laau i kekahi Kauka Lapaau opiopio o Dr Storer, ua kaapuni oia i ka mokupuni o Maui me ka lapaau ana i na mai ano hou i hohola nui ma Maui, a ua loaa mai i ka Papa Ola ka hoomaikai mai na makaainana o Maui no ka pomaikai nui i loaa i ka lehulehu ma ka hoola ana a ua Kauka nei.  

            Eia ma kuu lima e paa nei, e ka Peresidena, kekahi  hoike mai a Dr. Storer mai, ka poe mai i lawelawe ponoi ia ea ia, o ko lakou nui i hoolaia he 1,017, ka nui o na mai, i hoolaia, a ua koe aku mai keia hoike an aka nui, o na mai i ola mamuli o ka haawi ana aku i oa laau a me na kuhikuhi ana.  No keia haawina he $18.000, no na kauka kaahele aole au i ike i ka oi ana o ka pono mamua o ka hoolilo ana no na laau lapaau a hoolako aku i kela mea keia mea kupono ma kela me keia a pana, me ke kuhikuhi aku a ke papa ola.  I ko’u hoomaopopo ana o ke ano paha o ke kauka e noho ana a lawelawe ponoi i kela mai keia mai, i na pela he mea paakiki loaia, a me he mea la he mau mahina he nui e hala alaila hiki hou i kahi o ka mai mua.

            Ua waihoia mai he ninau nui.  Ina e nui ana na kauka, e nui ana anei ka poe e ola?  Ke hai aku nei au, pela io no, no ka mea, i na hoea ae kekahi mai ahulau ma kekahi wahi o ka aina, a i na aole he kauka oia wahi e nui loa ana ka mai, a i na he kauka kupono e emi koke ana ko ka laulaha ana o ka mai ahulau mamua o ka lele ana aku o ka mai i kekahi mea e aku a palahola aku iluna o ka poe e koke ana i ka mea i loaa mua i ka mai, a i na e ola ana, he umi a oi ae poe mai i kekahi kauka iloko o ka a pana a i oleia i ka mokupuni hoolookoa, ua oi ae ka poomaikai kai mamua o ka pau ana o na dala he $1,8000.

            Noiia a hooholoia e kakauia na ae me na hoole, o ka poe ma ka ae, o lakou ka poe ae, i ke kapae ana i ka hoike o ka poe ma ka hoole o lakou ka poe kue i ke kapae loa ana.

            Poe ma ka ae:

            P. Kanoa, C. Kanaina, W.P. Kamakau, H. Kahanu, P.Y. Kaeo, W.T. Martin, N. Kepoikai, E.H. Boyd, S.P. Kalama C.H. Judd, S.M Naukana-11.

            Poe ma ka hoole:

            J.O. Dominis, C.R. Bishop, F.W. Hutchison, J.M. Smith, S.H. Phillips, H.R. Hitchison, J.M. Smith, S.H. Phillips, H.R. Hitcheuck, D.B. Wahine, C.J. Lyons, G.W. D. Halemano, S.K. Kaai, M. Kapihe, L. Aholo W. Hanaike, D. Kahaulelio, J. Kaluapihaole, D.W. Kaiue, H. Thompson, J. Komoikehukehu, J L Naili, W H Rice, D Kaukaha, S K Kuapuu.

            Noiia a hooholoia e kekauia na ae me na ae me na hoole, o ka poe ma ka ae o lakou ka poe kokua i ka haawina $18,000, o ka poe ma ka hoole o lakou ka poe kue i ka haawina.

            Poe ma ka ae:

            P Nahaolelua, F W Hutchison, S H Phillips, H R Hitchcock, D B Wahine, C j Lyons, G W D Halemanu, S K Kaai, M Kapihe L Aholo, W Hanaike, D Kuhaulelio, J Kaloupihaole, D W Kaiue, H Thompson, W H Rice, D Kaukaha, S K Kuapuu.-18

            Poe ma ka hoole:

            P. Kanoa, J O Dominis, C R Bishop, C Kanaina, H Kahanu, P Y Kaeo, CC Harris, J M Smith, W F Martin, N Kepoikai, E H Boyd, S P Kalama, J Komoikehuehu, C H Judd, J L Naili, S M Naukana, J W Kumahoa.-17

            Kuhina Kalaiaioa ( F W Hutchison). Ua kohe iho nei au ma ka hapa nui, nolaila, ke nonoi aku nei au e kahea hou ia na ae me na hoole i pau pono ke pohihihi o na hoa.

            Noi mai o Mi Judd i ka wa e kahea hou ia ai na inoa o na hoa, e kauoha ia na hoa i koho ole mamua, e koho lakou i keia wa.  Ninauia a hooholoia.

            Kahea ia na inoa o ka poe i koho mua a pane mai lakou i ka lakou mea i koho mua ai a me ka poe i koho ole mamua.  I ke kahea ia ana he 19 ae, a he 19 hoole, i ke kahea mua ia ana ekoulu o na hoa i kanalua a ma ia kahea ia ana, he 17 ae a he 18 hoole.  I ke kahea hope ia ana e like me ke nei a Mi Judd, ua koho mai o Mr Kamakau, Pilipo a me Kamakau ma ka hoole, a ia wa hoolilo o Mi kumahoa i kana koho ana ma ka ae, oiai ua koho mua oia ma ka hoole.  Ma keia mea ua waiho mai ka Peresidena e hoopii ana i ke koho ana o ka luna o Puna.

             I ke kahea hou ia ana, ua 18 poe ma ka ae a he 20 poe ma ka hoole, nolaila ua hooleia ka haawina he $18,000.

            Noiia a hooholoia e kakauia na ae me na hoole no ka hoololi a Mr. Bihopa he $12,000, o ka poe ma ka ae o lakou ka poe kakua i ka haawina, o ka poe ma ka hoole o lakou ka poe hoole i ka haawina.

            I ke kahea ia ana he 25 poe ma ka ae, a he 16 poe ma ka hoole, nolaila, ua hooholoia ka hoololi he $12,000.

Na lilo o ka Papa Ola, $40,000.

Noiia a kapaeia ka haawina.

Halemai Pupule $14,000, hooholoia.

Na lilo o ka Papa Ola 12,000.

Hoohoihoi Oihana Mahiai a me Hoopae Lima Hana $15,000 hooholoia.

Na Halemua a me na Moho 2,000.

Mokumahu holo pili aina 20,000.

Waiho mai o Mr. Rice he hoololi, e hookomoia ma ia haawina i $12,000, hou e hui aku i

hiki ke hanaia i Mokumahu mawaena o Kauai me Oahu nei, oia hoi i $32,000.

            Waiho mai o Mr. Bihopa, he hoololi ma kahi o ke $32,000, e hookomo malaila i $25,000, a e haawiia ka mokuahi Kilauea ma ka lima o kekahi poe e makemake ana e hooholo i ke Kilauea, a he nui oia poe e ae ana, oiai i na e hooholia ana ke Kilauea, alaila, e pau nui ana na akana me na ohua, a e emi an aka holo mua o na loaa i na moku pea holoholo pili aina e like me ka nui o na loaa i keia wa iho nei i ka mokuahi holoholo pili aina ole, a no keia mea e noonoo pono kakou, a e hooholo paha me ka manao laua ana ua lawa no i ka $20,000, aka, ua hoololi aku nei au i $25,000.

Kuhina Kalaiaina, (F. W. Hutchison).  Ke ku nei au e kamailio no keia mea, oiai o ka mokumahu holo pili aina he mea no na ke aupuni i manao nui a pela no hoi me ka lehulehu.  Ua noho au mai ka hoomaka ana o keia ahaolelo a hiki i keia la, aole au i ike I ka lawe mai o ke Kuhina Waiwai i kekahi mau bila kanawai e hooponopono hou ai i ke kanawai a e hoololi ae no kalmokuahi holo pili aina, a ina aole e lawe mai ana ke Kuhina Waiwai i bila kanawai e hoololi ai, alaila, e lawe mai ana au, a ke makemake nei au e haawi aku ka hooponopono ana o keia mokuahi holo pili aina ma ka Oihana Waiwai, a e hookuu mai ia‘u ma ka waiho ana malalo o ka‘u oihana.

Waiho mai o Laiana he hoololi e kapaeia na huaolelo. “Mokumahu holo pili aina” a e hookomo malaila “Kilauea,” a e hoomau e like me ka haawina i $20,000, a e hookaawaleia ka haawina $12,000, no ka mokuahi holo pili aina mawaena o onei me Kauai.

Noi mai o Mr. Harris,-Kuhina o na Aina e, aole pono e hoohaikiia no Kilauea wale no, aka, e hookomoia mokumahu holo pili aina, no ka mea, aole I maopopo na mea e ala kuhewa mai ana.

Ku mai o Mr. Laiana.  Ma kea no he hoa no keia hale i keia Kau a me ke Kau i hala, ua manao nui au e like me kuu manao ana mamua, no ka haawina mokuahi holo pili aina; aka, aole nae i holo iki ka mokuahi, a i mea e maopopo pono ai e hookomo pololeiia, mokumahu holo pili aina, “Kilauea,” e like me ka haawina no Pele.

Kuhina Waiwai, J.M. Smith.  I ke Kau Ahaolelo i hala, ua hooholoia he puu dala no ka hooholo makuahi holo pili aina, ua kakali ke Aupuni me ka manao ana n aka poe e mawaho e hooholo i mokuahi, aka, mai ia ia Manawa mai he loihi, aole i loaa iki kekahi poe e hooholo ana ; a no ia mea, ua lalau ke Aupuni a ua hana hou ke Aupuni i ka mokuahi “Kilauea,” a i keia manawa ua kokoke e paa oia, a e like ana no me kona la mua i haule ai iloko o ke kai, a ma ia mea aole no i poho ke dala, mamua o ka hoouna ana aku I mokuahi i kahi e, no na dala he $60,000, mamua o ke “Kilauea,” no na dala he $40,000, me kea no hou, a i ike maka ia e kakou e hanaia nei me ka paa pono me ko kakou mau maka.

Ua hiki ae i ke Keena Waiwai, ka poe e makemake ana e hooholo i mokuahi holo pili aina, no na dala he $60,000, me ka hooholo ana i $45,000 iloko o na makahiki elima, a pau ia mau makahiki, alaila lilo lo aka moku ia poe, me ka lilo pu o ke Aupuni he $105,000.  No keia mea, ua hoole aku ke Aupuni ia noi, a o oukou no paha kekahi e hoole ana.

No keia mea he hooholo mokuahi pili aina, he mea hou no ia, me he mea la, akahi no a hoomakaia, a o ka pomaikai aole i ike mua ia; no ka hoololi i waihoia mai nei e Mr. Bihopa a me Mr. Rice, a aole au i ike i kumu nui e hooleia ai ia mau hoololi, oiai he kuleana no ko Kauai poe e loaa ona mokuahi holo pili aina no lakou. No ka hopohopo no ke kupono ole o ke Kilauea, ua manaoia e hiki no ke hooholo ma kona paa i keia Manawa iloko na makahiki he umi a oi aem ke kau ole oia a ili ma na kua-au o na awa ku moku, a ua manaoia no hoi e hoopaaia o Kilauea malalo o kekahi Hui Hoopaa; a ina e ili iloko o ku wa i hoopaaia a nahaha, alaila, e loaa no ka mokuahi hou.

Ninauia a hooleia ka hoololi a Mi Laiana, e hookomo i ka Kilauea “ma kahi o Mokumahu holo pili aina.”

Ninauia a hooholo ia ka hoololi a Me Bihopa he $25,000 no ka Mokumahu holo pili aina.

Waiho mai o Mi Laiana he hoololi e hookomoia i mokumahu pili aina i kela hebedoma keia hebedoma mawaena o Oahu a me Kauai.

                                                                        (Aole i pau.)

 

KE AU OKOA.

JNO. M. KAPENA

LUNA HOOPONOPONO

HONOLULU, IULAI 14, 1870

Ke hoolahaia aku nei, o ka pa i kakuluia ai a Geo M. Coffin, mauka ae o ke alanui aupuni, ina Hamakua, Mokupuni o Hawaii, ua hookaawaleia i keia la i Pa Aupuni ma kahi o ka Pa Aupuni i keia wa ma Kukaiao, Hamakua ma ia Mokupuni no.

FERD. W. HUTCHISON,

Keena Kalaiaia, Iulai 11, 1870.

Ke hoolaha ia aku nei nei, ua hookohu ia o S.C. Wilter i keia la i Luna Pa Aupuni no ka Pa Aupuni ma Mana, Apana o Hamakua, Mokupuni o Hawaii, i kulike ai me ka Pauku 242 o ke Kanawai Kivila.

R.A. LAIMANA,

Hope Kiaaina o Hawaii

Hilo, Hawaii, Iune 27, 1870.

 

I KA POAKAHI iho nei, ua noi ia mai imua o ka Hale Ahaolelo e noonoo hou ia ka Pauku I o ka Bila Haawina no na lilo o ko kakou aupuni no na makahiki elua e hiki mai ana; aka, mahope iho o na kukai olelo ana ma na aoao kokua me ke kue, ua noi mai ke Kuhina o na aina e, e hoike aku ke Kakauolelo o ka Hale i ka huina o ka Bila e like me ka hookaawina pakahi.  Ua heluhelu mai ke kakauoelelo me na leo maopopo, o ka huina o ka Bila Haawina holookoa, ua hiki aku ia i ka puu dala piha poepoe, he $1,109,996,25.  O keia puu dala nui kai hoike ia mai ka huina ia a keia Ahaolelo nei e noho nei i manao ai e haawi no ka pomaikai o ko kakou noho aupuni ana aku no na makahiki elua e hiki mai ana.  Mai ka Poakahi mai nae a hiki i nehinei, ua pakui hou ia aku kekahi mau puu dala hou, a no ia mea paha, ua ano pehu o-nu a mahuahua hou ae na lilo I kaana ia no na haawina a pau.

O ka puu dala i haawi ia, aole wale no ia i manao ia e hoolilo wale ia aku ana no ka pomaikai o ka apana hookah, elua a kakaikahi wale paha; aka, ua manao ia e palahola like aku na hunahuna oia mea ma na apana a pau loa o keia aupuni; a he mea kupono no hoi i na Lunamakaainana a pau ka hooikaika ana i ko lakou mau leo noi no ka pomaikai haawina o kona apana iho, no ka mea, ua komo like no no apana pakahi a pau loa i ke koku ana no ka waihona dal ma o ko lakou mau auhau la.

Aka, he mea maikai no nae hoi i na Luna i hoouna ia mai a he kupono no hoi ia lakou ke noi ma na mea kupono i halawai mai me na hune a me na nele maoli oia apana.  Aole hoi o ke noi kuahewahewa wale ana no hoi kekahi i lele wale e aku mawaho aku o ke kaha kupono maoli, aka, e hoomaopopo pono i na mea e noi aua me ka mea maoli i makemake ia.  He mea oiaio no paha aia ma kekahi mau apana ua makemake nui ia kekahi mau hana hou e hanaiia, a aia wale no nae me na puu dala nui e hiki kupono ai; aka, o ka mea kupono nae paha o ke noi lii lii ana i kela a me keia makahiki, a pela e kalai liilii ia ai a hiki aku i kona paa pono ana.  Ina no hoi ua mahuahua ka puu dala o ka waihona, aole no hoi e aipakiko maikai ka hoolilo nui loa ana ma ka apana hookah a kakaikahi paha, ke ole he manao ia he nui ka waiwai a me ka loaa mai oia apana ke hoolilo nui ia aku ke dala.

I ka hoohalike ana o ka Bila Haawina o na lilo i manaoia, me ko no makahiki i manao ia elua i hala, ua oi aku no ko keia mau makahiki elua e hiki mai ana.  Aka, ina no nae hoi e nana ia ma ka Hoike a ke Kuhina Waiwai, e ike ia no, ua oi aku mamua o ka haneri tausani na dala i koe mai mahope iho o na mea i hoolilo ia aku.  Ua hilinai nui no paha ke koena oia mau dala ma ke Akamai hooponoponoia ana, a malama paha kekahi o ka hooko ole ia ana o kekahi mau haawina.  Aka he mea hiki ole no paha ia kakou ke lele ka hauli no ka hooponopono kupono ole ia o ko kakou waihona aupuni, no ka mea, o ka hana a ka poe poo aupuni o ka hooko ana i na mea a ko kakou Ahaolelo la i kauoha ai.  O ka poe poo aupuni he mau kauwa hooko lakou n aka lehulehu makaainana.

Ua hoopuka pinepine no makou, i kumu e puipui ai ko kakou mau loaa aupuni, he mea kupono no ia kakou ka hilinai nui ana ma ko kakou mau waiwai ponoi i oi ae ka hilinai ana aku mamau ae o na waiwai komo mai.  No ka mea, ina kakou e hilinai ana ma na waiwai komo mai, aole i maopopo lea loa ia kakou ka mau ana mai a me ka holopono loa ana mai oia mau loaa a me ia mau pomaikai nui ; a he maopopo ole no hoi na wa o ke kipa ana mai oia mau mea.  He ano pohihihi, a ua like me ka oluo, aole i maopopo ia ia o ke ale hea la anei ka mea nana e ka‘upa aku ai i kula maloo.  Aka, ke huli ae kakou e nana i ko kakou mau loaa kuloko, e hoopapau nui kakou ma ia mau mea ; ahoe wa a kakou e manao ai ua nele ; e pomaikai mau no kakou i oi aku ka maopopo loa a me ka mahuahua mamua ae o na waiwai paialewa waleia mai no, a puehu wal aku no me ka waiho ole iho i ka pomakai hapa nui mahope nei.

I ka Poalua iho nei, ua hooholo iho ka Hale i kekahi puu dala haawina nui hou no ke kokua ana I ka Laina Mokumahu Nu Holani, a ua ano kupono no ia haawi ana.  No ka mea, I na la mamua ae nei, ua hilinai nui kakou no ka lilo ana o ko kakou mau mea ulu.