Ka Elele, Volume 1, Number 7, 1 July 1845 — PULE MAHINA HOU. HELU 2. [ARTICLE]

PULE MAHINA HOU. HELU 2.

Eia kekahi mea e hauoli ai ka poe haipule, ika pule mahina hou. Ua like ko lakou manao nui; eia no ia, “E hiki mai kou aupuni.” Mai ka puka ana mai o ka la, a napoo ka la, e pii ana keia pule i ka Haku, “E hiki mai kou aupuni.” E hapai ana ko Amerika poe haipule i keia manao; peia kp Europa poe haipule; a me ko Asia poe; a me ko Aferika poe; a me na haipule e noho ana ma na aina puni i ke kai; lokahi ko lakou manao i ka Haku, “E hiki mai kou aupuni.”

Eia hoi ka oīelo a ka Haku i kana poe haumana. “0 na mea a pau a oukou e nonoi ai ma ka pule me ka

;manaoio, e loaa no ia ia oukou.” Mat. 21: 22 “Ina e nonoi oukou i | kekahi mea ma ko’u inoa, owau no i a hana.” loane 14; 14. Oielo aku la o loane penei, “Ina e nonoi aku kakou i kekahi mea e like me kona makemake, e hoolohe mai no ia ia kakou.” I loane 5: 14. Ua maopopo lea ia kakou kona makemake e hiki mai kona aupuni. A e hiki mai ana no ia. Ke mahuahua nei no ka poe e hoohiki ana i ;ka Haku, a e haawi lilo ana i ko laIkou kino, a me ka uhane, a me ka Waiwai, a me na mea a pau ia ia. Ua ike oukou i ke ano o na misionai i. He poe kanaka lakou i hoounaia, e hai pku i ka ke Akua olelo i ka poe naaupo, a e hoohuli ia lakou ma ka pnno. Ekolu haneri kanalima kumamalima (355) o makou, mai Amerika mai, e nohn ana ma na aina e he 26. Aia kekahi o makou ma Asia e nohn nei; a o kekahi poe ma Aferika; a o kekahi poe ma Eumpa; a eia kekahi o makou ma Hawaii nei. Eia kekahi waiwai a makou i loaa mai ai, ua kukuluia na ekalesia 62, a ua ohiia mai, a bapetisoia na haumana. he kanakolu kumamalua tausani, a me na haneie keu ewalu. He kanakolu tausani haumana e hele ana i na kula i keia wa.

Ke pai nei makou i ka olelo a ke Akua ma na nlelo e, he 35. Eia ka nui o na aoao o na pepa i pai ia e ko Amei’ika poe misionari, Imai ka hoomaka ana a hiki i keia iwa, (488, 00n, 000,) ehi, hanei'i, a Ime kanawalu kumamawalu miliona aoao.

I ka pule mahina hou, ua pono ia kakou ke pule no keia poe misionari (355,) a no keia poe hoahanau, (32,800,) a no na tausani o na hau-

mana e hele ana i na kula ma na aina naaupo. E pule hoi kakou no na misionari a pau a ka Haku, a no na tausani, a me na miliona kanaka i koe; ka poe e hoomana ana i na akua kii; a me ka poe e pepehi ana kekahi 5 kekahi, a me ka poe e pepehi ana i ka lakou poe keiki. Aole nae pule wale no, ihiki mai ko Iesu Aupuni. Ua maa kekahi poe e kokua me ke kala, a me ka waiwai, i kela mahina keia mahina. Pono ole ka noho ana o na misionari ma na aina naaupo, ke kokua ole ia mai. Ua haawi lakou ia lakou iho, ko lakou ola ana, ka lakou hana ana, a me ko lakou mahao ana, i mea e pono ai ka poe naaupo. No-: laila, ua pono i na hoahanau e ae ke kokua mai me na mea e pono ai ko iakou noho ana; oia hoi, ka ai, ka lole, ka hale, ka laau lapaau, a me ka waiwai e pai i ka haihala, a me na palapala e ae e naauao ai kanaka. Na L. Kamika.