Ka Elele, Volume 1, Number 12, 9 September 1845 — NO KANAKA MOLOWA. [ARTICLE]

NO KANAKA MOLOWA.

0 ke kanaka molowa, hele wale aku no ia i kauhale e makilo ai. Nana na maka o ka mea molowa, a ike i ka waiwai o ka mea molowa ole, kuko iho la kona naau. Lalau aku la kona mau lima me ka makau ole. A o kona mau maka, alawa ae la ia i o a i o, me he ilio ai pinao la. I kona ai ana i na hua.a kona lima kolohe, puua kona piiu no ka wikiwiki o ka ai ana. 0 ka ai aha o ke kanaka aihue, he ono ole ia, aia no kana ai ma kona kileo. 0 ke kanaka molowa, palaualelo; he ilio no ia e imi ana i na hunahu-

na ai i hooleiia’ku mai luna iho o kaf papa aina a ka mea lako, ka mea i hoomanawanui i ka wela o ka la a mekaua. Pono ole ka mea molowa, palaualeio, noho wale iho no, ke noho ma ka honua nei; no ka mea; ua hoolilo oia i kona mau lima i alii. He kaumaha, he pono ole kamanao 0 ka mea molowa i kona noho ana ma kēia ao, aole ona noonoo i na mea e pono ai oia. I ka noho ana o ke kanaka molowa ma keia ao, anu 1 ke kapa, make i ka ai, a me ka ia. ūa haumia na lima o ka mea aihue i kona ai ana i ka mea aole na kona lima i kanu. Ua akamai ka mea aihue i ka hana kolohe; me ka manao, aole mea ike i kana hana ana. Auhea oe eke kānaka molowa; kii wale aku no i ka hai? “o ka mea i hanaia ma kahi malu; ehoike ia’uanei ma kahi malamalama.” No ka mea, ua olelo mai ka Palapala Hemolele. “Aole malu no ka poe hewa,” ua paapu ka honua i ka hana hewa. E ka (E. H.) e; Eia ka’u wahi ninau aku ia oe. “Pehea la e waiwai ai keia pae aina ke lilo na’lii a me na kanaka i poe molowal” Oia ka’u wahi ninau aku ia oe. 0 kej kanaka molowa; e loaa no ia ia.ka pilikia a me ka uwe, i ka wa maopopo. Noho luana wale iho no ka mea molowa, me he holoholona la; aole i ike i kona mau aoao. Aole aela ka mea molowa ole i ka hana, Ja hooiaio no ia i keia pauku olelo; “i ka hana mau ana, mai hoopalaeha. Ua pau ka’u wahi kanaenae ia oe, }ka Elele Hawaii. Aloha oe eka nea hoolaha manao, molowa i ka loloholo mai Hawaii a Kauai. Na G. H. E. Keauiaole. lVaiulua, Augate 4, 1845.