Ka Elele, Volume 3, Number 22, 16 February 1848 — Untitled [ARTICLE]

Mokupuni o Maui, Feberuari 10, 1848. Na ke Kiaaina mailoko ae o ke Kuhinakalaiaina i koho mai ia’u i Luna Awa no ka Mokupuni o Maui, ma kahi i haawiia ia’u, mai Hamakualoa a hiki i Honuaula, o ka poe a pau loa i kanu i ka Awa ma keia mau wahi, e hele mai lakou a pau loa e hai mai ika lakou Awa ia’u. 0 ka Awa e ku ana iwaena, oia ka oukou e hai mai a paa i ko’u palapala. Aole oukou e huna i kekahi huna o ka Awa, ina oukou e huna, a loaa’ku kela Awa i ka luna, puhiia kela Awa i ke ahi. Oia ka’u kauoha ia oukou. Owau no me ka Mahalo. Na Kahanu.