Ka Elele, Volume 9, Number 17, 1 November 1854 — E HOONUI AE I KA ELELE HAWAII. [ARTICLE]

E HOONUI AE I KA ELELE HAWAII.

E ka Elele Hawaii. Aloha oe, kamea, mama i ke kukini, ka paahana pauaho ole i ka hai aku i na mea hou o na aina e i ka poe nawaliwali, a me ka poe ikaika o na kuaaina. Ke hai aku nei au ia no ko’u ike ana ma kou aoāo Buke 9, pepa 15, aoao 59, no na olelo paipai a kou Kahu nana oe i malama, no kou wahi ola e hoomahuahua ae, a e hoonui i kou kino, aole e like me keia wa ou ka uuku i hapalua wale no kou wahi ola no ka makāhiki. Eia ka’u e paneakuiaoe, e pai mau ia ka Elele Hawaii i kela pule keia pule i 46 pepa no ka makahiki, i hookahi Dala ($1.00) no ka makahiki hookahi, a i ole ia i ka 52 pepa no ka makahiki oia kamea e holo ai ka hana, e nui ai na mea hou o na Aupuni a me na olelo o ko na Jiina e. No ka mea, he ahonui maoli no oe no kou uuku o kou kino, a emi pu no hoi kou wahi ola no ka makahiki, he paahana ikaika oe i ka Hoolaha i ka manao o kela mea keia mea 0 na kuaaina, o kahi Alii & ko na aina e, nolaila, e hoopii ae i kou wahi uku $2.00 a i $* I -50 paha no ka makahiki no ke 52 pepa, oia ko’u wahi manao kokua aku ia oe, e ka Uuila hiki wawe i ka holo ma kela wahi keia wahi oke Aupuni Hawaii nei. E hai aku 1 ko,u aloha ». ka poe e hookipa mai ia oe, e hanai oluolu ana ia oe i ka ai knpono. S. Kanakaole. Kawaiahao , Honolulu , Oct. 14, 1854.