Ka Elele, Volume 9, Number 17, 1 November 1854 — AILA KUKUI. [ARTICLE]

AILA KUKUI.

E ka Elele Hawaii, aloha oe, ka ahi lohe hikiwawema keia pne aina. No kuu ikeana iho nei i kekahi mea hou ma Waialua nei, a ke hana ia nei e na mea a pau loa a he hana e pau ai ka hemahema ke niau ka hana ana malaila. Eia ua mea la a’u i ike iho nei ma Waialua nei. O ka aila, ua nui loa ia mea ma Waialua nei; ua lako kela meā keia mea 1 ka aila, a nui. O ka nui o ka aila mai ka 2 Galani a hiki i ke ekolu galani o kahi poe. A o kekahi poe ua hiki i ka 20 a keu na ga-

Jani, a ua j)omaikai maoli no makou ua lako hemahema ole. A nolaila ke hai aku nei a’u ia oukou e na makamaka e noho ana ma na wahi kuaaina e hana oukou i aila no oukou a nui i ole e kali kahi kumu no ka aila ma Honolulu a me Lahaina no ka mea e kali ana ia. a hiki mai ka wn e kuai ai na moku Okohola, nolaila nuie aku ka hemahema. Eia ka aila e lako ni kahi kuaaina o ka hua o na kukui mauka e kii eohia kike, akaulai aku na io ma ka la i hookahi la kaulai: ae kui *me ka pohaku e like me ke kui ana o ke kukui mahuna, a paipai kukuia. Pela no e hana ai a wali e j»opo i popo nui kupono e like me ka popo ana o ka pia, e puolo i na lai elua, pela a pau ke kukui e hoa i ka imu aenaena loa e halii a nolunolu loa i ka imu, a e uhi i ka laumaia i olani ia maluna iho o ka uhi o ka imu, alaila e poi a paa ka mahu e puka ana ma hai o ka iiiiu, a e kau iho na laulau popo maluna o ka laumaia i olani ia.a pau e uhi i ke kauwewe e like me ke kalua ana o ka imu ai, a moa e hookau kapapa maluna kahi aoao, a malulo kahi aoao, i holo ka wai o ke kukui e uhao iloko o keeke kukaenalo, a e kau i ka pohaku nui kaumaha maluna o ua eke nei, kahe aku la ka wai, a komo ma ke poi e eli ke poi a kuonoono malalo i kahe aku ka wai ma ua poi nei. Oia la i ike na walu kuaaina i keia mea maikai. Aole i pau i ka hai pono ia aku no ka nui loa a ma hope pau. O wau no me ka mahalo ia oe Na S. Kaomole..