Ka Elele Poakolu, Volume I, Number 24, 16 February 1881 — KOHU OLE. [ARTICLE]

KOHU OLE.

Ua noke mal nei ka nupepa haole me ko lakou pilikoko o kela aoao i puka ae i ka Poaono nei i ka hoino mai ia makou, nr> ke pai i'na manao "hoouluulu kuee," wahi

a lakou, a e olelo ana he "lapuwale" a e aho ko makou "haalple ana i ke kahua." Ke hooia aku nei makou, aole loa na lakou e pani i ko makou waha (e like me ka loihi o ko makou ola ana) mai ke kamailio ana ma kā aoao a makou i manao ai he pono ; a aole loa hoi e pani ia ko makou mau kolamu no ka hoolaha ana i na manao o ke kanaka Hawaii hoohaahaa. Aole makou vno ka poe hanohano a waiwai ; aka, no ka lehulehu holookoa, °Ke makemake kekahi mea e kamailio maloko o ko makou mau kolamu. ua hamama mau i na manawa a pau — ke kue ole i ka maemae a me ka noho'na maluhia — ina he ma"nāb~ho ke kanaka waiwai a ilihune paha ; ina he luna aupuni a mea e ae paha ; ina he mau manao e kue ana i ka makou mau hoakaka ana a mea ae; e loaa mau ana ko makou ipuka ua hamama no ka hookomo ana mai. Aole makou i kii aku ia hai e kokua mai ma ka makou mau kalaimanao ana, aka, ua ku hookahi, a ua ]>aio hookahi me ka hopo ole. 0 na olelo hoonu'inui a np nupepa manao ino pilikino, he lapuwale ia, he kohu ole, a ua haule^ko lakou kulana ma ia haawina malalo o ke kulana o ka paio oiaio ; ua hala hoi mawa'o kē kahua hanohano, a he mea hoohilahila i ka.inoa makamae o ka oihana kilakila o ka Papa Pai — he kaha eleele maluna o ka hua rnetala. He hilahila ole !