Ka Hae Hawaii, Volume 3, Number 15, 14 July 1858 — Koolauloa, Oahu, Iulai 8, 1858. [ARTICLE]

Koolauloa, Oahu, Iulai 8, 1858.

Ka Puali Inuwai ma Kawaiahao. I keia pule i hala ae nei, ua hoike na kula a pau o keia Apana 1 o Oahu nei, mai Maunalua a Moanalua, I ka nana’ku, ua oi ka maikai o keia hoike mamuao na hoike mamua. Ike maoli kekahi mau kula. A pau ka hoike ana, Puali Inuwai ma ka hale pule o Kawaiahao. Piha ka hale ; 400 paha na haumana kula ilaila. Ua mele i na mele maikai; lealea ka pepeiao ika lohe ana i ka mele ana a na haumana a V. Kamamalu, me J li ma, a me Helena S. Judd. Hai manaoi kekahi poe haumana, kamakamailio kekahi poe ; hoopaapaa kekahi poe. Hai mai kekahi ma ka olelo o Bonebe, a o kekahi, ma ka olelo Nuuhiwa, a mele kekahi ma ka olelo Borabora, a o kekahi ma ka olelo Bcritania. Nui ka hauoli ona kanaka. Mahaloia na "Kauka Pake ” ma ka lapaau ana i ka mai ; a me ke “ kanaka lawaia.” Akamai ka hana ana ! Pau ka hana ma ka hale pule, hele huakai nui na kula mauka, i ka pa o ka hale kula alii ma Kahehuna, a ahaaina malaila. Ua hana ia ka lanai a maikai ka maniania ma kahi i ahaaina ai. Nui ka ai, nui ka ia, a nui no hoi ka olioli ia la. Ua paa na kino o na kamalil i ka lole maikai, mai luna a lalo. I ka nana’ka ua holo mua ka naauao iha keia Apana i keia wa. Ikaika na kumu i ke ao, a makaala hoi na haumana. Pomaikai maoli keia.