Ka Hae Hawaii, Volume 6, Number 5, 1 May 1861 — Keiki Lelepali. [ARTICLE]

Keiki Lelepali.

E ka Hae Hawaii e—Aloha oe : O ko’u kaikoeke, o Poepoe kona inoa, no Waimea, i Kauai, ua lele oia i ka pali, iuka o Kaakauakaloha, a penei kona lele ana. Ua ike oia he nui loa ka Iwaiwa, oia hoi ka mea e hana nui ia nei i ka papale, e ulu ana ma ua pali la, pii no ia me ka manao ole e haule, a iwuena oua pali la, i kona lalau ana i kekahi kio pali me ka manao he paa, a ua haki ua kio la, a o kona haule no ia a make, AIoha ino ia, na hoa oia kahawai. I lohe mai nei au ia Kuheana; Kapena o “ Moiwahine.’, S. K. ' Honolulu, Ap. 30, 1861. He waiwai maoli ke akamai i ke haoa.