Ka Hoku o Hawaii, Volume XXII, Number 36, 19 February 1929 — Untitled [ARTICLE]

Honolulu, Feb. 12 - Ua hoike ia ae nei ke holomua loa o ke Oihana Kanu hala-kahiki ma Maui me Kauai i ka makahiki 1928 i hala koke iho ia, ai oi aku hoi ka nui o na paha hala kahiki i hoouna ia aku i na aina e mamua o kea makahiki 1927. Ua hoouna aku ia ka Hui Hana hala kahiki me ka Baiwiu Packers he 412,406 paha i ka 378,684 o ka makahiki 1927. Ma ka Hui hana hala-kahiki hoi o Kapaa, Kauai. ua hooana aku la hoi he 341,173 i keia makahiki 1928, ai ka 320,061 o ka makahiki 1927.

Ma ka auina la Sabati i kau aku la ko makou Lunahooponopono ma ka Haleakala no ka hana o ka Ahaolelo ma Honolulu i keia mau mahina. E hoopiha mai ana no oia mai Honolulu mai i na mea hou no ka "Hoku O Hawaii." a i na hana paha o ka Ahaolelo o keia Teritori. Na Mrs. Julia H. Desha no e hooponopono na hana pili i ka Hoku mahope nei, ke pane hoi na leka pili oihana i ka manawa e kaawale nei ka Lunahooponopono. E hoouna mai no nae i na hookaa dala ana o ka Hoku ma ka inoa o "Ka Hoku o Hawaii" Pahuleka 794.