Ka Hoku o Hawaii, Volume XXXIX, Number 10, 28 June 1944 — Na Kulana Kalaiaina [ARTICLE]

Na Kulana Kalaiaina

"Ke Pua-no ka uwahi alaila he ahi ko lalo!" Aole e pua wale ka uwahi i na aole he ahi. Ua hoopuka ae la makou 1 keia mamuīi ō ko jmakou ike ana i na hoolaha holo moho a kekahi poe i hoopuka ae ai, a pela nohoi me ka loaa ana o na hoomaopopo ana no ka noonoo ana o kekahi poe e aku e alualu ina kulana kalaiaina i ka wa wae moho e hoea mai ana. Iwaena o keia poe e lohelohe ia nei e alualu ana i na kulana kalaiaina, he mau Hawaii kekahi, a aole nae hoi makou i makemake e hoopuka wale ia mau inoa a hiki i ko lakou manawa kukala maoli ae 'a'i. 0 na poe e lohelohe ia nei no ke alualu ana aku i na kulana kalaiaina he poe e alualu ana i ke kulana senatoa. Ma oka makou hoomaopopo ana aia kekahi e holo ana i kupono loa no ia kulana. 1 na oia e alualu ana i ke kulana senatoa, aole makou e kakoo ana iaia i keia manawa, no ka mea, aole paha oiai i hooholo maoli i kona manao, a puka hewa auanei ia makou. I na ola e holo io ana, alaila hē mau kumu kupono loa kana e waiho aku ai imua o ka lehule'hu a i ole na mana koho paha. E hoomanawanui kakou a hiki mai ia manawa, oiai he mau'mahina helu wale no koe a hiki aku i ka manawa a na moho e hoea aku ai imua o oukou. Ma ka makou hoomaopopo aku me he ihea la he kanaka kupono ioa keia no ka hele ana 1 ka ahaolelo a hooikaika no ka pono o kalehulehu. Nolaila o ka makou e paipai aku nei, e kaupaona like i namohoe hoea aku ana imua o oukou. E ike nāe hoi ia kaua Hawaii. Malia paha he manawa no ko kakou e paa ai i na kulana oihana 6 keia ano, a mauliawa ae. Aole nae hoi kakou e haawipio, āka, e hooikaika e lawe a hoopaa i ka olelo kaulana a ko kakou Alii Kamehameha, "Imua, imua, e na pokii a inu i ka wai awaawa." O keia hoi imua, imua e na Hāwaii, a kau i ka hano, a e lei hoi i ka lei o ka hanohano." "Nana imua, mai huli i hope, e kakoo aku i na mea o mua a e huki me ka lokahi ame ka ikaika apau, i mau ai ke o arta o ka inoa maemae o ko kakou lahui aloha.'*