Ka Hoku o Hawaii, Volume XXXIX, Number 17, 16 August 1944 — Hoomanao La Hanau [ARTICLE]

Hoomanao La Hanau

Ua malama ao o Mr. Paul Kaolemakule, ame Mrs. Mar!a KaeTe-

makule, he paina hoomanao la hanau no laua, no k-a piha ana ia Mra. Maria Kaelemakule he 70 makahiki, ma ka la 13 lulai .1944, a ia Paul Kaelemakule hoi, ~n?a ka la 25 o lulai 1944, he 74 makahiki.

Nolaila, ua hoohui ae laua i ko laua hoomanao la hanau, no ka paina ana ma ka Poaono, lulai 29, 1944.

Ua hoea mai na ohana mai Hilo mai, ame na ohana ma Kohala nei, na makamal«a, na hoaloha, no ke komo pu ank iioko o na hana hoomanao. Ua ai a lawa i na mea i hoomakaukau ia.

Iwaena o na j>oe i kono ia a i komo pu mai rfaTteia hoomanao la hanau oia no na inoa malalo iho nei:

Hon. Samuel M. Spencer, hoomalu o ka Papa o na Lunakiai; Lunakiai Sakai/ Hon. Frances Sylva, o Honolulu, Hon. Charles H. Siva o Kohala, Hon. Kenneth D. Bond, Kohala, Lunakanawāi Bernard Kinney, Mr. John N. Perez ame Mrs. Perez. Mr. James Spencer, Luna-alanui o na Kohaia, a he nui wale aku o na makamaka o Kohala Akau.

Ke haawi aku nei maua i ka mahalo nui k>a i na poe apau i kokua mai no ka hooholomua ana i keia pain-a. Mai na ohana, na makamaka ame na hoaloha, a pela me ka lakou mau makana like ole, mai.na puolo ame na: lau oliwa o ke aloha oiaio mai loko lilo loa mai o ko lakou mau puuwai pakahi, '

Na ke Akua no e hoopomaikai ia oukou apau, me na pomaikai Ana i ike ai ua kupono no oukou. Ka maua leo pule nonoi haahaa keia ma ka inoa o lesu Kristo. Amene.

Hōomaikai nui no i keia mau m-akua no ka loaa ana ia laua keia mau makahiki loihi o ko laua ola ana. Ke kalokalo ae nei nohoi makou i ka Makua Lani no ka haawi ana mai i mau la hanau nui a lehulehu hou aku.

Ua kamaaina lunahooponopono o ka/Hokuv nei ia laua, i kona manawa c noho hope makainui ana no Kohala he 23 makahiki i hala ae nei, a o ka manawwa ia o Mr. Paul Kaelemakule e noho hana ana me ka Hui Kelepona o Kohala.

He makamaka maikaia oluolu ma ka launa a kukaiolelo pu ana. Hoomanao ae la ia mau la a makou e noho pu ana ma ka aina kaulana i k-a Makani Apaa- ; paa, ame na Puu Haelelua o Pili ime Kalahikiola.

Nolaila, e Mr. ame Mrs. Paul Kaelemakule e oluolu c lawe aku i na hoomaikai ana a Ka Hoku O Hawaii, no ko olua la hanau i hala iho la.

O keia no kekahi o na makamaka heluheiu o Ka Hoku O Hawaii, O ke aloha Ia hanau no ia olua e na makua maikai.