Ka Hoku o Hawaii, Volume XXXIX, Number 26, 18 October 1944 — No Ke Kulana Koa [ARTICLE]

No Ke Kulana Koa

Ma ke kakahiaka o ka Poaha aku nei i hoomaka ia ai ke a'o ana i na keiki i kokoke aku na makahiki i ka wa e komo aku ai iloko o ka Oihana Koa, ma ke Kula Kiekie o Hilo nei a e laha aku ana ma kekahi mau Kula Kiekie e aku a puni ka mokupuni o Hawaii nei» a e ana ma keia pule nei. O keia ano o ka hoomaamaa ana i na keiki muloko o ke Ktila Kiekie o Hilo nei aole ia i ano kaokoa ae me na mea e a o ia neijna na kula o l lonolulu a malalo hoi o ke kuiana ROTC e a'o ia nei i na keiki ma ia mau kula. 0 keia hana e lawēlawe ia aku ana aole jio ia he mea waiwai ole ke lawe ae kakou a noonoo me ke akahele, aka, he hoomakaukau ana ia i na keiki a kakou no keia mua aku, a he hoomaalahi ana nohoi ia _i ka _pihanar koa i ka hoomakaukau ana i na keiki a kakou i mau koa 1 ke a'o ia ana o na keiki ma na kula kiekie a i ko lakou hemo ana mai na kula mai, ua maamaa a ua ike hoi i na loina o ka paikau a lawelawe ana i na mea kaua, a e lilo ana hoi lakou i mau koa makaukau i ko lakou wa e komo aku ai iloko o ka oihanakoa, e nui a i ole e houlolohi ai.i ke a' o ana ia lakou no ka lilo ana i mau koa ma keia mua aku. .. 1 keia manawa o na opio apau e ohi ia nei e lilo i mau koa, e hala ana he mau mahina ma na kahua hoomaamaa mamua o ko lakou nee ana aku no na kahua kaua no ka paio ana aku no ko kakou aupuni. Q keia hoi, ua makaukau e no i ke ano o ka paikau ana ame ka hoohana ana i na mea kaua like ole, a e maalahi ana hoi ka hoohana ana a Amelika i kona mau koa. Aole keia no keia manawa wale no aka, no keia mua aku, mahope iho o ka pau ana o keia kaua. Malia paha e ala mai ana ka manao like ole no keia hana e hwelawe ia nei ma ke Kula Kiekie o Hilo nei, aka, i na kakou e hoihoi pono iho i ko kakou manao a noonoo maluna o keia mea, e ike ana kakou, aole kek he hana hewa, aka, he mea maikai loa, a kakou e apono iho ai ma keia mua aku.

Ma na kula o Honolulu, he mau makahiki lehulehu ka lawelawe ia ana o keia hana, a iwaena o na keiki i komo aku iloko o keia hana, ua lilo lakou he mau aliikoa iloko o na pualikoa i ka wa i hoomaka iho nei o keia kaua. Oia hoi o na opio i lilo i mau aliikoa i ko lakou manawa ma ke kula. E nana i na keiki o ke Kula O Kamehameha o na Keikikane, i keia Ia he mau Kapena Koa lakou iloko o ka oihana koa i keia manawa. Nolaila, aole i PoHo ke a'o ia ana o ka kakou mau keiki i na loina o ka oihanakoa i ko lakou manawa maloko o na kula. 0 kekahi i ka lilo a i ole i ke komo ana aku o na keiki iloko o na hana hoomaamaa ia lakou iho iloko o ka oihanakoa, he mau mea ia e hoololi aku ai i ko lakou ano. E lil© ana lakou i mau keiki hoopono a hoolohe a lilo pu hoi i mau keiki makua, a e hoopau ana hoi i na manao ano kamalii a kolohe paha. 'Ua makemake pu ia nohoi i mau kanaka kuponoi iloko o ka oihana kaua, a o ko kakou makemake ame ko| kakou iini, e loaa na koa kupono a makaukau no ka paio ana aku ika enemi i ka wa o ke kaua, aole hoi o na poe i ano nemahema. A ku iho Ia no kela olelo kaulana a kahiko, "I ka lani, no ka ua waele e ke pulu". 0 ka wa kuP°no loa keia e hoomakaukau ai. O neia no ka manawa hoomakaukau e, aole hoi o ka waiho a i ka wa o ke kaua alaila hoomaka kc a o ana, no ka mea i ka wa a ka enemi e lele kimopo mai ai, aole i makaukau, ame ka haiw nui ame ka ulolohi ka hoomakaukau ana no ka lele kaua aku. 1 na hoi i hiki i na keiki a kakou ke hoomaamaa a i °Ie hoohala i ko lakou manawa ma na hana hooikaika kino, pehea hoi e hiki ole ai ke hoohala ia kekahi nianawa ma ke a'o a hoomakaukau ana ia lakou i mau koa no ko kakou aupuni. Manao makou he mea maikai loa keia e hoohana ia aku ana. Mai lilo hoi keia i mea na kakou e kue ai. E kakoo kakou i na hana e hoonee mua ai i ko kakou aupuni. O keia ka man&wa kupono loa no ia hana.