Ka Hoku o Hawaii, Volume XXXIX, Number 34, 13 December 1944 — Paina Luau [ARTICLE]

Paina Luau

Ma ke ahiahi o kela Poaono aku nei Dekemaba 2, i "haawi ae ai o Mr. ame Mrs. Philip Kuamoo o ke Alanm Todd, he paina piha makahiki no ka laua moopuna Ranette Wong. Ua malamaia ka paina ma ka Holo o Kawananakoa.

He nui na poe i kono ia no ka hoēa ae ma keia paina, a ua hoea ae nohoi lakou ma ka manāwa i hoike ia ai no ka paina ana.

He nui na. mea i hoomakaukau ia, a ua ntii nohoi na poe i haawi aku i ko lakou manawa no ke kokua ana no ka hoiopono o kela paina i malama ia al.

I ka hiki ana i ka manawa I kukala ia ai, ua akoakoa ae na poe apau ma na pakaukau i hele a luluu i.na meaai a ka Hawaii, a na ka Rev. Moses Moku i hoomaikai mai i na meaai ame na poe i akoakoa aku.

I ka hooki. ana o kana pule, ua nonoho iho la na poe āpau a haupa i na meaai, & ua ai a ua piha i na mea i hoomakaukau ia ai. Ua' eha loa o Hanale ia Keoni Pulu.

I ka wa a Tca lohulehu a paina 1 ana, ua hoonanea ia mai lakou' e ke Kal*apu Hookani Plla o Mrs. Rose Kuamoo, a i ka pau ana o ka t>ai na ua haule iho la na poe i maamaalea i ka hulahtila e kuini i na pakana, a ua hookuu na hana hiilahula i ka wa kupono no na poe apau e huli hoi aku al no ko lakou mau home mamua o ka manawa kapu o ka po.