Ka Hoku o Hawaii, Volume XL, Number 42, 27 February 1946 — Ke Kulana Pilikia [ARTICLE]

Ke Kulana Pilikia

Mai ka hoomaka an& iho nei o keia Kaua Honua 11, i pahola a e ai maluna o ka aina kekahi pilikia ano koikoi loa maluna o na poe e noho nei ma Honolulu, a pela me jia mokupuni mawaho ae. O keia pilikia e ike ia nei, oia no ka pili nele i ka hale. O keia pilikia ke hekau nei maluna o na tausani o na poe» he pilikia aole i ka uuku mai, aka, he pilikia nui aohe mea hoi e hoouluhua mia ana i ka noonoo. 0 kekahi o lakou o na home a lakou i noho ai he mau makahiki loihi a kakou hoi i manao mua ole ai e hiki mai ana i ka manawa o lakou e hoonele ia ai i ua mau home la. Ua hoea mai ika wa a ke aupuni ma o ka Papa Ola la i kauoha ai e wawahi ia ua mau hale la, no ka mea aole i kupono i wahi e noho ai ke kanaka, mamuli oia wawahi ia ana o kela mau hale, ua nele iho la kekahi poe i kahi e malumalu ai ko lakou mau kino, 1 keia la, ke uwe nei na poe i ka loaa ole o na home. Oiai, ua kukulu ia no na hale ma kekahi wahi o Honolulu, aole na'e i lawa no ka hookipa ana aku i na poe i nele i na home. He nui no na poe i hoea mai i Hawaii nei mai Amelika mai a noho hana ma Puuloa, a he heluna nui o lakou i loaa na home a o kekahi poe aole he loaa o na home ku kaokoa. Aole keia he pilikia a uuku mai. Ua laha pu m«i keia pilikia ma Hilo nei. Eia he nui a lehulehu o na poe e noho hana nei e ake ana e loaa o na home ku kaawale no I ikou, aole nae he loaa o ka hale t Nolaila, kau hou iho la no ka pilikia maluna o ka lehulehu. O ka poe e ifi mai ai ke koikoi loa i keia ninau home, oia no na poē nui o ka ohana. I ka nele ana ika home, e hue ia ana na wahi pono a kapae ia paha ma ka'e alanui. O kekahi o na hale e hoolimalima ia ana e na poe ona hale, a aole i kana mai ke kiekie o Icahi hoolimalima e hiki ole ai ia kaua ka mea uuku o kahi loaa, ke auamo i keia mau haawe kaumaha. O ka makou e upu nei e hoopau koke ia keia pilikia nele i na home a e hoi hou hoi e like me maniua aku o ke kaua.