Ka Hoku o Hawaii, Volume XLI, Number 2, 18 September 1946 — Ka Waiona Ame Kana Hana [ARTICLE]

Ka Waiona Ame Kana Hana

Ua hoike a'e kekahi kanaka huli mea pohihihi i na, mea e pili i na hana a ka waiona. Ma kana hoike a*e, eia ke pii mahuahua loa nei ka nui o na wahine e inu nei i neia mea o ka waiona. 1 Mai ka waiona i loohia pu ai he heluna nui o na wahine i ka nawaliwali a hoihoi ia māloko o na halema'i, no ka hoomalu ana ia lakou, a no ka mea ua liooku-pouli ia koJakou mau noōnoo maikai, . j Ua hiki ma kahi o ke kanaono ame 70 pa keneka o, na poe i hoihoi ia ma na halemai i hoopoino ia ko lakou mau noonoo maikaia hiki i ka hopena o ko lakou mau ola mamuli oka hookina loa i neia meā oke waiona. Oiai, aia na wahine ma ka aoao palupalu, ua hookuu lakou i ka waiona e lanakiīa māluna o lakou. I ka lanakila ana o ka waiona maluna o kekahi wahine, aole he mea e hiki ke hoopakele ae iaia mai ke ku a heliena ana. Ua hoohalike ai kela kanaka, ua like loa ka waiona me ka ma'i akepau e laha nei iwaena o ka lahui. He mea ai mai no ka aila kohola i ke kino a like me ka ma'i akepau e hoopoino nei i ke ola o na kanalea. He mea keia e a o mai ana i na wahine e hooki i ka inu nui ana i keia mea. _ He mea hookupouli mai i ka noonoo i ke kanaka, e ai hookina ole ana i'ke ai ana. Ike kupouli ana oka noonoo o ke kanaka, e hoopau ana oia i kona ano keonimana a lede paha, a hana ana i hana ole ai i ka wa maikai o kona waihona noonoo. I ka mahia ana ai o kona ona mai kela mea hoomalu: le kino, a i ka wa e hoike ia aku ai kana mea i hana ai, e loohia ana oia i ka ma'i he hilahila. I ka ona ana o kekahi kanaka a hiki ole ke hoi no kona home, a moe paha iwaho i ke ānu, o ka ho|fc>ena e hekau mai ana maluna ona e loaa ana i ka ma'i, a komo ke anu a e poino ana kona ola mahope aku. e olelo iho ana kekahi mea, "e make ana no na poe apau." He mea oiaio no ia, aka, Aki malama ana o kekahi mea i kona ola kino, e loihi ola ana. Aole o na wahine wale no iloko o keia mahele, ua pau pu me oa kane. Eia nd'e he ikaika ae ka waihona noonoo*o kāne iko na wahine. Ua hiki i na kane ke ku i ka waiona i oi aku maluna o na wahine. Nolāila, ke kukulu nei i keia wahi hoomalamalama ana ia kakou e na Hawaii. E uwalo aku nohoi ia oukou, e ao kanaka mai, mai kuulala i neia hana o ka inu ana i ka wāihona. He hopena awaliia ke loaa mai ana. He nui no na poe i hooia a'e he mea hoopoino mai ka waiona i ke ola kino. E olelo ana kekahi, "ua pau loa ko'u inu anā i ka waiona." No la manawa wale no na'e ka hoopau ana a e ike hou ia aku ana no na'e hoi e hoomau ana no i ka inu.

E hookupaa i ka noonoo. I kou hoole ana, e kupaa maluna o kau i hoopuka ai, a o ka hopena e lanakila ana no oe maluna o ua mea ino la. Ma kekahi ano no nae hoi, ua lilo ka waiona i laau hooikaika mai i ke kino. Ke kaa na'e hoi oe malālo o ke kauka hooponopono ana, No ka mea e kaupalena ia*,ana ke ano o kau ai ana. Nolaila e na Hawaii aloha» e noonoo loa i keia mea. E hoao e kapae i ka ai ana f kfeia mea, no ka mea e nahu mai ana no ia me ka moo nihoawa la. 1 E lilo kakou e na makua i mea e a'o aku i na keiki a ( kakou, i ka hewa o ia mea he waiona. Mai hookuu a oolea ka noonoo a i ole komo ku hohonu iloko o ka nenelu o ka poino a ka waiona, oia ka r manawa e a'o aku ai. He a*o makehewa, no ka mea, ua hala ka wa pono e a'o ai ia lakou. Me ka manaolana e lilo ana keia i mea nana e hoomalamalama akr la oukou.