Ka Hoku o Hawaii, Volume XLI, Number 15, 24 December 1947 — Ka Olelo Hoopaa [ARTICLE]

Ka Olelo Hoopaa

I ka wa iho nei o ke Kaua Honua II ua komo aku kekahi Hawaii opio iloko o ka Oihana Kaua a hala aku no JEuropa no ke kaua ana aku me na Kelemania. I kona puali ma Kelem'ania, ua"hoounaia aku oia me kona mau hoa no kekahi kauhale. I ko lakou hele ana ua kaawale aku lakou mai ko lakou puali aku a i ko lakou huli hoi ana mai no ko lakou kahua ua loaa aku ia lakou ka ike ame ka hoomaopopo ua puni lakou i na koa Kelemania, a no ia kumu ua hiki ole ia lakou ke huli hoi aku no ko iakou kahua. Ia lakou nae hoi ma ua kauhale la, ua halawai iho la lakou me eleolu mau kaikamahine Kelemania. Ua hoohele olelo pu lakou me keia mau kaikamahine a ua koi aku i ua mau kaikamahine la e hurra ia lakou i ole ai e loaa mai i na koa Kelemania. Ua elelo pu aku lakou i ua mau kaikamahine la, i na lakou e pakele a lanakila ma ke kāua alaila e mare no auanei lakoū i ua mau kaikamahine la. No keia mau olelo a keia mau opio ua kokua mpi kela mau kaikamahine ia lakou nei, a ua hoihoi ia aku lakou no kahale ekolu o luna o kekahi hale, a malaila lakou i pee ai no kekahi mau la. Ua hoea mai na koa Kēlemania i xia halē la a hoomaka e huli i na pāha aia he mau enemi malaila. O ka hale wale no o lalo ka lakou i huli aōle nae i huli i ka hale 0 luna. Mahope iho ua haalele iho na koa Kelemania i ua kauhale la. . . ... Mahope iho o ka hala ana aku o na koa Kelemania ua hoea maila ua mau kaikamahine la a kii ia lakou nei. Ua haalele iho la lakou i ua kauhaīe la, me ko lakou haawi ana aku nae hoi i ka lakou olelo hoopaa no ko lakou mare ana i ua mau kaikamahine la mahope o ke kaua. Ua huli hoi aku lākou a hoea i ko.lakou kahua. Mahope iho ua nee aku ko lakou puali no kekahi kahua e aku. Ua manao pu iho la no nae hoi lakou, ua pau ko lakou ike hou ana i kela mau opio wahine. He mea e nae hoi ko !akou hookahaha ia ana i ko lakou hoea ana aku ma kekahi kauhale okoa aku, ua ike aku la lakou i ua mau kaikamahine la malaiia. Ua hoomaka aku la ko lakou ike mau ana i kela mau kaikamahine a hala ka makahiki, I ka pau ana keia o ke kaua a i ka huli hoi ana mai o kela Hawaii opio ī Hawan nei, ua hoike aku oia i kana ipo opio, e hoi mai ana no oia i Hawaii nei a e kauoha aku ana i ua wahine opīo*fa no ka holo mai i Hawaii nei a e lilo i wahine nana. Me ka hana nui no nae hoi ua opio la i imi ai i ke alahele no ua wahine opio la e hoea mai ai i Hawaii nei. Ua kali hoomanawanui nohoi kela wahine opio no kā aku iaia ka ae ia ame ke alahele e hoea mai ai i Hawaii nei. O ka hope ua loaa aku ka haina no kela kali hoomanawanui ana ma o ka loaa ana aku o kapane ua hiki iaia ke holo mai i Hawaii nei. Ua loāa pu aku nohoi iaia ka uku kaahele no ka hoea mai ma ke alahele o Amelika a heea loa mai i Hawaii nei. Iloko o na la he ewalu mai lea la a ua wahine opio la i haalele āku ai ia Kelemania, ua hoea maila oia i Hawaii nei, a hui iho la me ke kane ana i hoopalau ai no lea mare ia aku ma keia mua koke iho. Ua hooko piha o Solomon Naholowaa, ke kanaka opio. 1 kana olelo hoopaa i ka waKine opio i haulehia mai hoi i ke aloha i ke keiiki Hawaii. He mea keia e a*o mai ana ia kakou a i na poe no apau e hooko i kau mea i hoopaa aku ai. He nui wale nohoi na poe o ia ano, he wikiwiki ka waha i ka olelo hoopaa eia nae hoi aole i hooko i ka lakou mea i hoopaa ai. He le.hulehu na poe i hoopuka mai i na olelo. "mai kanalua oe no ia, mea, e hooko mai ana no wau e like me ka*u e hoopaa aku nei." I ka hala ana na'e hoi o kekahi manawa pokole, ua poina loa iho la, a i ka wa keia e hoomaopopo ia aku ai, ' e wiki ana na olelo pale, e like paha me keia, "aole au i maopopo i na paha ua hoopaa aku wau, e like me knu e hoike mai nei. O kekahi e olelo niai ana, "ua poina ia au, e kakali liilii oe a keia pule d'e, Pela iho la ka hoopaneenee ana a hik! i ka poina loa ana. O keia kanaka opio, e like me kana i hoopaa aku' ai, pela no oia i hooko ai. Ē hoohalike kakou me keia knnaka opio.