Ka Hoku o Hawaii, Volume XLI, Number 22, 12 May 1948 — Ka'i Huakai Nui [ARTICLE]

Ka'i Huakai Nui

E malama a ana he hookahi la ano nui no na makai Opio mai na kula mai he 36 o keia mokupuni, ma keia Poaono iho, i huna he ka'i kuakai, hele makaikai ana ma na hale hana, ua mahele hooikaika kino a pela nohoi me ka hoakoakoa a luana ana. Aia malalo o Walter Victor, o ka Oihana Makai ka hookele ana i keia mau hana hoomanao. E hoomana ana ke ka'i huakai ana ma ka hora 9:00 o ia kakahiaka, a e hoomaka mai ana mai ka Halkula Hui mai o Hilo nei i alakaiia e elua makai maluna o na kaa mokakala, a me kekahi opio makai wahine e kau ana maluna o ka lio me ka paa ana i ka hae. Ma hope aku ona ka bana o ke Kula Kuwaena, ka mahele aku o na makai me na pu hooauhee haunaele, na kiai paa hae a me na hoa o ka mahele pu kaua lewa. E kai ana hoi ha mope aku na makai Opio o [ ] mau makai mai na kula no lakou na inoa malalo iho nei: Kawaihae, Waimea, Halaula, Makapala, Kohala, Naalehu, Konawaena, Pahala, Kalanianaole, Pepeekeo, Honomu, Hakalau, J. M. Ross, Laupahoehoe, Ookala, Paauilo, Paauhau, Honokaa, Kukuihaele; Kapiolani, Kurtistown, Keaukaha, Hilo Union, Waiakea-waena, Kapoho, St. Joseph, St. Mary's, Waia-kea-uka, Mountain View, Olaa, Pahoa, Hilo Intermediate, Hilo HIgh, Daly's, a me Riverside. E komo mai ana na Bana o ke Kula Kiekie o Hilo nei a me Kalani anaole no ke kokua ana i ka Bana o ke Kule Kuwaena o Hilo nei. O ke ano o ka ka'i ana e iho ana ma ke alanui Waianuenue, a iho ma ke alanui Kamehameha a hoea i ka Paka Mooheau kahi e huki ia ai ka hae iluna. E malama pu ia ana nohoi he paina mama mahope koke iho o ka huki ia ana o ka hae. E hele ana no hoi na makai Opio mai na kua mai no ke kuai ana i na mea a lakou i makemake ai ma na halekuai, oiai na makai Opio o ke kula nakauhae nei e noho ana e nana i ka hookuku kinipopo hahau mawaena o na makai a me ke Kula Kiekie o Hilo nei. E haawiia ana he aina awakea ma ka lumiaina o ke Kula Kuwa ena o Hilo nei no keia mau makai opio apau, me ka uku ole. Mahope o keia e malama ia ai he aha hoolaulea maloko o ka holo o ke kula kiekie, a e hoomaka ana mai ka hora 1:30 p.m. a pau i ka hora 3:00 P.M. Aole no e nele ana ka piha ia mai e na poe makikai keia huakai hookahakaha. Malia o kekahi o keia mau opio ke lilo aku ana i mau makai ma keia mua aku.

Ua kakoo ia aku la ka iooa o Edward N. Sylva, hope loio kuhina mua iho nei f no ke kulana lunakaaawai aha kaapuni ?na ke ano he pani no ka makalua o Lunakanawai Kaapuni Albert M. Cristy, e ka hui o na loio o Hawaii nei. Ua loaa ia Sylva he 128 mau balota. O kekahi poe i alualu aku no kela kulana oia no o Clit'ton H. Tracy, Wilford D. Godbold, Harry EdmoG'Json aiae Jon Wiig. Ua waiho ia aku ka inoa o Lunakanawai Cristy no ke kulana lunakanawai aha kiekie o Hawaii nei e J'eresideiia Trun)an. Ke kakali ia aku nei o ke apono mai o ke senate i kela hookohu.